إعـــــــلان

تقليص
لا يوجد إعلان حتى الآن.

عاونوني فالرحيل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عاونوني فالرحيل

    عنداكم تهربو تسمعو الرحيل راه بيتكم غير تعطوني شي افكار ف جميع الرحيل مع العلم انا كين الحاجة اللي غنبدلها بحال الكويزنير او التلاجة او الماريو ديال بيت النعاس او كاين شي قش غنقصو بحال الملابس اللي مبقيتش كنلبسهم او الصبابط
    عفاكم الي كانت كترحل بزاف تعطيني شي فكرة كيفاش يكون الرحيل متول واش الاواني نغسلهم قبل اولا حتى نرحل راه معنديش قوة الماعن حيت انا مكنبغيش نجمع عليا قوة القش او انا باقي غير فديور الرهينة
    اللهم صل و سلم و بارك علي سيدنا محمد و علي آله
    و صحبه و سلم و الحمد لله رب العالمين



  • #2
    السلام عليكم ورحمة الله

    فعلا اختي الرحيل كيحتاج للتنظيم باش يكون ساهل.

    غادي نقوليك طريقتي في جميع الرحيل.

    اولا الماعن والاواني الزجاجية كلها تغسل وتمسح مزيان وتلفيها في ورق جرائد.. شري كيلو او جوج ديال الجرنال مكتوب الفرنسية.

    لفي كل قطعة بوحديتها في الجرنال وعمليها داخل كرتونة.

    مثلا الطباسل والزلايف والكيسان عمليهم في كرتونة وكتبي عليها من برا اشنو فيها باش يسهال عليك الترتيب في المكان الجديد.

    المهم ان اي حاجة ديال الزجاج تلفيها في الجرنال وتحطيها في كرتونة حتى الديكورات وكل كرتونة كتبي اشنو فيها.

    الكتب ايضا الا عندك مسحيهم مليح وستفيهم في كرتونات باش مايتعوجو.

    الملابس غادي تطويهم وتعمليهم في ساشيات كبار.. شري 4 كيلو مثلا ديال الميكا كحلا لكبيرة بزاف راه طولها يمكن نصف متر وكاين اللي كبر.

    عملي فيهم الملابس والمخاد والطلامط وكلشي المسائل ديال الثوب وطبعا كل ميكة لصقي عليها تيكيتة وكتبي اشنو فيها باش يسهال عليك الترتيب .

    حتى الصبابط عمليهم في ميكة.

    ومللي تسالي من الجميع سدي الميكات مزيات بالسكوتش الهافان الكبيرة.

    غاديين يبقاو ليك الماعن ديال الحديد الكسرونات والمقالي وغيرهم والبلاستيك..جمعي الصغير في الكبير واما عمليهم في ميكة حتى هما او في الشبكات

    ديال الغسيل اللي كنعملو فيهم حوايج الصابون.. وممكن تستغلي الفراغ في مكينة الصابون وتخبعي فيه شي حاجة اللي ماتكسرش.. وديما الحاجة اللي تخافيها تحل

    عملي ليها السكوتش سديها مزيان.

    بالنسبة للحوايج اللي ماغاديش تستعملي جمعيهم في ميكات على حسب كل حاجة لمن غادي تعطيها وصدقيهم في سبيل الله قبل ماترحلي بلا ماتديهم

    معاك حتى هما.

    اما الثلاجة والمسائل لكبيرة اللي غادي تبدلي تاكدي اولا انك فعلا غادي تشري الجديد وممكن ليك قبل نهار من الرحيل تجيبي اللي غادي يشريهم

    ويديهم باش ينقصو عليك.

    دابا خصك تنظمي طريقة هزان الرحيل..من الافضل انك تسبقي المسائل التثقيلة هي الاولى.. مثلا الصالون غادي تهزيه وتمسحيه وتستفي العود

    فوق بعضو والسدادر حتى هما وبيت النعاس فصليه وجيبيه للصالون حطيه..الفترينات ايضا والموائد.

    المهم انه المسائل الثقيلة تمشي هي الاولى لان الناس اللي غاديين يهزو الرحيل كيكون عندهم الجهد في الاول ومن بعد كيعياو.

    الحوايج اللي في الميكات حتى هما نحطهم كمرحلة ثانية بعد المسائل الثقيلة.. وفي الاخير الكراتن ديال الزجاج يبقاو لفوق باش مايتهرس والو ان شاء الله.

    انتي من بعد غادي تكوني في الدار الجديدة خصها تكون نظيفة باش مللي يوصل الرحيل كل حاجة تمشي لبلاصتها نيشان.. يعني الكراتن يمشيو للمطبخ والعود

    يتحط مقاد في الصالون وكل سداري فوق لعود ديالو.. بيت النعاس يتحط في مكانو وخا خصو يتركب ماشي مشكل المهم يتحط في المكان ديالو.

    يعني المبدأ تنقصي عليك الخدمة من البداية وتحطي كل حاجة في بلاصتها.

    كتبقى عندك الخدمة ديال الترتيب سواء المواعن والملابس اللي اكيد خصهم ااعادة الطي اما الماعن غاديا تحطي نيشان حيت نقيين غير تدوزي عليهم زيف

    باش يحيد غبرة الجرنال.

    نقطة اخيرة نقولها ليك انه العود الا عندك جديد وخفتيه يتكرط او يخسر لفي عليه الجرنال او الكرتون ومن بعدو السكوتش.

    وديري في بالك انك تمسحيه بشوية الزيت العادية وشيفون كيرجع جديد فحال الا مبرنز.

    الله يكون في عونك اختي

    تعليق


    • #3
      اختي الله يديك على خير وتستقري وكلشي يبقى غير تعاويد
      حنا ياله هادي مدة مطويلاش باش رحلنا وتتعرفي كانت عننا دار فيه تلاتة طبقات كلها مفرشة وراحلين
      لدار نفس المساحة وكلشي الحوايج كتير وفكرنا اجا مهز لينا هدشي فاش سالينا تنظيف دار الجديدة
      حكيناها مزيان هزينا المهم الوالد اقتارح علينا فكرة رائعة نفعاتنا بزاااااااااااف قال لينا غادي نهزوا
      الصالونات هما الاولين هزيناهم غير وصلنا طلقنا الزرابي وفرشنا اللحوفة ولمطناهم وستفنا المخاد
      رجعنا للدار هزينا بيوت النعاس بدينا بيت البنات جبنا الاتات لي فيه وجمعنا الحوايج فيزور وفصلنا
      الماريو غير وصلنا ركبناه وبدينا نطويو حوايجنا ونستفوهم فالماريو هالبيوتة ساليناهم بقات صالات
      صغار فين تناكلو درنا ليهم نفس الشيئ لي جبناها تنحطوها فبلاصتها بقات الكوزينا غسلناها ولي جات
      تنرتبوها فبلاصتها تصوري محسيناش بالرحيل كون جمعنا كلشي وجبناه فنهار واحد وفدقة وحدة كون
      وحلنا فكرة الوالد جابت لينا الحل المناسب صافي سالينا هبطناها بتجفيفا بحال لكنا فالدار هادي 10
      سنوات ولحسن الحظ الاتات كلشي ا قد الدار الجديدة حتى من اللحوفة منقصنا والوا فظرف 3 ايام
      كلشي كان مهزوز وفبلاصتو تبعي هاد الطريقة وغادي تهناي حنا كان العوين تقريبا شي 10 ديال الناس
      خوتي ولد عمتي وابناء الجيران القدام الرحيل صعيب لكنتي بوحدك الله يعاونك الحبيبة




      تعليق


      • #4
        المشاركة الأصلية بواسطة أم أيـــوب مشاهدة المشاركة
        السلام عليكم ورحمة الله

        فعلا اختي الرحيل كيحتاج للتنظيم باش يكون ساهل.

        غادي نقوليك طريقتي في جميع الرحيل.

        اولا الماعن والاواني الزجاجية كلها تغسل وتمسح مزيان وتلفيها في ورق جرائد.. شري كيلو او جوج ديال الجرنال مكتوب الفرنسية.

        لفي كل قطعة بوحديتها في الجرنال وعمليها داخل كرتونة.

        مثلا الطباسل والزلايف والكيسان عمليهم في كرتونة وكتبي عليها من برا اشنو فيها باش يسهال عليك الترتيب في المكان الجديد.

        المهم ان اي حاجة ديال الزجاج تلفيها في الجرنال وتحطيها في كرتونة حتى الديكورات وكل كرتونة كتبي اشنو فيها.

        الكتب ايضا الا عندك مسحيهم مليح وستفيهم في كرتونات باش مايتعوجو.

        الملابس غادي تطويهم وتعمليهم في ساشيات كبار.. شري 4 كيلو مثلا ديال الميكا كحلا لكبيرة بزاف راه طولها يمكن نصف متر وكاين اللي كبر.

        عملي فيهم الملابس والمخاد والطلامط وكلشي المسائل ديال الثوب وطبعا كل ميكة لصقي عليها تيكيتة وكتبي اشنو فيها باش يسهال عليك الترتيب .

        حتى الصبابط عمليهم في ميكة.

        ومللي تسالي من الجميع سدي الميكات مزيات بالسكوتش الهافان الكبيرة.

        غاديين يبقاو ليك الماعن ديال الحديد الكسرونات والمقالي وغيرهم والبلاستيك..جمعي الصغير في الكبير واما عمليهم في ميكة حتى هما او في الشبكات

        ديال الغسيل اللي كنعملو فيهم حوايج الصابون.. وممكن تستغلي الفراغ في مكينة الصابون وتخبعي فيه شي حاجة اللي ماتكسرش.. وديما الحاجة اللي تخافيها تحل

        عملي ليها السكوتش سديها مزيان.

        بالنسبة للحوايج اللي ماغاديش تستعملي جمعيهم في ميكات على حسب كل حاجة لمن غادي تعطيها وصدقيهم في سبيل الله قبل ماترحلي بلا ماتديهم

        معاك حتى هما.

        اما الثلاجة والمسائل لكبيرة اللي غادي تبدلي تاكدي اولا انك فعلا غادي تشري الجديد وممكن ليك قبل نهار من الرحيل تجيبي اللي غادي يشريهم

        ويديهم باش ينقصو عليك.

        دابا خصك تنظمي طريقة هزان الرحيل..من الافضل انك تسبقي المسائل التثقيلة هي الاولى.. مثلا الصالون غادي تهزيه وتمسحيه وتستفي العود

        فوق بعضو والسدادر حتى هما وبيت النعاس فصليه وجيبيه للصالون حطيه..الفترينات ايضا والموائد.

        المهم انه المسائل الثقيلة تمشي هي الاولى لان الناس اللي غاديين يهزو الرحيل كيكون عندهم الجهد في الاول ومن بعد كيعياو.

        الحوايج اللي في الميكات حتى هما نحطهم كمرحلة ثانية بعد المسائل الثقيلة.. وفي الاخير الكراتن ديال الزجاج يبقاو لفوق باش مايتهرس والو ان شاء الله.

        انتي من بعد غادي تكوني في الدار الجديدة خصها تكون نظيفة باش مللي يوصل الرحيل كل حاجة تمشي لبلاصتها نيشان.. يعني الكراتن يمشيو للمطبخ والعود

        يتحط مقاد في الصالون وكل سداري فوق لعود ديالو.. بيت النعاس يتحط في مكانو وخا خصو يتركب ماشي مشكل المهم يتحط في المكان ديالو.

        يعني المبدأ تنقصي عليك الخدمة من البداية وتحطي كل حاجة في بلاصتها.

        كتبقى عندك الخدمة ديال الترتيب سواء المواعن والملابس اللي اكيد خصهم ااعادة الطي اما الماعن غاديا تحطي نيشان حيت نقيين غير تدوزي عليهم زيف

        باش يحيد غبرة الجرنال.

        نقطة اخيرة نقولها ليك انه العود الا عندك جديد وخفتيه يتكرط او يخسر لفي عليه الجرنال او الكرتون ومن بعدو السكوتش.

        وديري في بالك انك تمسحيه بشوية الزيت العادية وشيفون كيرجع جديد فحال الا مبرنز.

        الله يكون في عونك اختي
        شكرا بزاف ام ايوب على هد النصائح اللي غج تفييدني بزاف فالرحيل الله يجعلها في ميزان حسناتك الله يخلي ليك ايوب او كل اللي عزيز عليك
        اللهم صل و سلم و بارك علي سيدنا محمد و علي آله
        و صحبه و سلم و الحمد لله رب العالمين


        تعليق


        • #5
          شكرا اختي سفيرة الاناقة تبارك الله عليكم الله يخلي ليك باباك اللي عطاكم داك الاقتراح اللي سهل عليكم الرحيل
          اللهم صل و سلم و بارك علي سيدنا محمد و علي آله
          و صحبه و سلم و الحمد لله رب العالمين


          تعليق


          • #6
            المشاركة الأصلية بواسطة أم أيـــوب مشاهدة المشاركة
            السلام عليكم ورحمة الله

            فعلا اختي الرحيل كيحتاج للتنظيم باش يكون ساهل.

            غادي نقوليك طريقتي في جميع الرحيل.

            اولا الماعن والاواني الزجاجية كلها تغسل وتمسح مزيان وتلفيها في ورق جرائد.. شري كيلو او جوج ديال الجرنال مكتوب الفرنسية.

            لفي كل قطعة بوحديتها في الجرنال وعمليها داخل كرتونة.

            مثلا الطباسل والزلايف والكيسان عمليهم في كرتونة وكتبي عليها من برا اشنو فيها باش يسهال عليك الترتيب في المكان الجديد.

            المهم ان اي حاجة ديال الزجاج تلفيها في الجرنال وتحطيها في كرتونة حتى الديكورات وكل كرتونة كتبي اشنو فيها.

            الكتب ايضا الا عندك مسحيهم مليح وستفيهم في كرتونات باش مايتعوجو.

            الملابس غادي تطويهم وتعمليهم في ساشيات كبار.. شري 4 كيلو مثلا ديال الميكا كحلا لكبيرة بزاف راه طولها يمكن نصف متر وكاين اللي كبر.

            عملي فيهم الملابس والمخاد والطلامط وكلشي المسائل ديال الثوب وطبعا كل ميكة لصقي عليها تيكيتة وكتبي اشنو فيها باش يسهال عليك الترتيب .

            حتى الصبابط عمليهم في ميكة.

            ومللي تسالي من الجميع سدي الميكات مزيات بالسكوتش الهافان الكبيرة.

            غاديين يبقاو ليك الماعن ديال الحديد الكسرونات والمقالي وغيرهم والبلاستيك..جمعي الصغير في الكبير واما عمليهم في ميكة حتى هما او في الشبكات

            ديال الغسيل اللي كنعملو فيهم حوايج الصابون.. وممكن تستغلي الفراغ في مكينة الصابون وتخبعي فيه شي حاجة اللي ماتكسرش.. وديما الحاجة اللي تخافيها تحل

            عملي ليها السكوتش سديها مزيان.

            بالنسبة للحوايج اللي ماغاديش تستعملي جمعيهم في ميكات على حسب كل حاجة لمن غادي تعطيها وصدقيهم في سبيل الله قبل ماترحلي بلا ماتديهم

            معاك حتى هما.

            اما الثلاجة والمسائل لكبيرة اللي غادي تبدلي تاكدي اولا انك فعلا غادي تشري الجديد وممكن ليك قبل نهار من الرحيل تجيبي اللي غادي يشريهم

            ويديهم باش ينقصو عليك.

            دابا خصك تنظمي طريقة هزان الرحيل..من الافضل انك تسبقي المسائل التثقيلة هي الاولى.. مثلا الصالون غادي تهزيه وتمسحيه وتستفي العود

            فوق بعضو والسدادر حتى هما وبيت النعاس فصليه وجيبيه للصالون حطيه..الفترينات ايضا والموائد.

            المهم انه المسائل الثقيلة تمشي هي الاولى لان الناس اللي غاديين يهزو الرحيل كيكون عندهم الجهد في الاول ومن بعد كيعياو.

            الحوايج اللي في الميكات حتى هما نحطهم كمرحلة ثانية بعد المسائل الثقيلة.. وفي الاخير الكراتن ديال الزجاج يبقاو لفوق باش مايتهرس والو ان شاء الله.

            انتي من بعد غادي تكوني في الدار الجديدة خصها تكون نظيفة باش مللي يوصل الرحيل كل حاجة تمشي لبلاصتها نيشان.. يعني الكراتن يمشيو للمطبخ والعود

            يتحط مقاد في الصالون وكل سداري فوق لعود ديالو.. بيت النعاس يتحط في مكانو وخا خصو يتركب ماشي مشكل المهم يتحط في المكان ديالو.

            يعني المبدأ تنقصي عليك الخدمة من البداية وتحطي كل حاجة في بلاصتها.

            كتبقى عندك الخدمة ديال الترتيب سواء المواعن والملابس اللي اكيد خصهم ااعادة الطي اما الماعن غاديا تحطي نيشان حيت نقيين غير تدوزي عليهم زيف

            باش يحيد غبرة الجرنال.

            نقطة اخيرة نقولها ليك انه العود الا عندك جديد وخفتيه يتكرط او يخسر لفي عليه الجرنال او الكرتون ومن بعدو السكوتش.

            وديري في بالك انك تمسحيه بشوية الزيت العادية وشيفون كيرجع جديد فحال الا مبرنز.

            الله يكون في عونك اختي
            ماشاء الله ولا قوة الا بالله اجابة شافية وطريقة رائعة وشرح مفصل الله يبارك فيك اختي
            تستحقين كل الحب والتقدير والاعجاب
            الله يحفظك اختي


            معسكر لاستقبال رمضان بأبهى حلة وعلو همة
            http://www.anaqamaghribia.com/vb/sho...42#post9973142

            معسكر لاستقبال رمضان بأبهى حلة وعلو همة ( للدروس فقط )
            http://www.anaqamaghribia.com/vb/sho...d.php?t=395421

            تعليق


            • #7
              المشاركة الأصلية بواسطة قرة عين زوجها مشاهدة المشاركة
              ماشاء الله ولا قوة الا بالله اجابة شافية وطريقة رائعة وشرح مفصل الله يبارك فيك اختي
              تستحقين كل الحب والتقدير والاعجاب
              الله يحفظك اختي
              اختي حتى انتي تبارك الله عليك ماي كنشوف السلسلة ديالك كتشهيني فالتخمال ولكن لله غالب عرفتي اللي خدام راه ميسالي يدير التنظيف العميق
              اللهم صل و سلم و بارك علي سيدنا محمد و علي آله
              و صحبه و سلم و الحمد لله رب العالمين


              تعليق


              • #8
                تبارك الله عليكم الاخوات كنستافدو معاكم بزاف د الحوايج
                حتى انا راه كنتسنى يفرحني ربي بشي نتيقال باش نرحل هاد العام دعيو معايا
                sigpic

                تعليق


                • #9
                  الله يسهل ليك فهد الانتقال ياربي
                  اللهم صل و سلم و بارك علي سيدنا محمد و علي آله
                  و صحبه و سلم و الحمد لله رب العالمين


                  تعليق


                  • #10
                    سلام عليكم شكرا أختي لي طرحتي هاد لموضوع حتى أنا غادة نرحل راني نستنا غير بلدية ترد عليا ب لقبول راني غير نخمم لرحيل أ لمشكل ماعندي لي يعاوني دعيو معايا لأخوات ربي يسهل عليا

                    [[url=http://tickers.doctissimo.fr/][/url

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X