عتقوني الله يجازكم شكون لي عندوا "كويزينيير" فلام ماجيك ديال 4 رؤوس ادخل بالزربة ؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني الله يجازكم شكون لي عندوا "كويزينيير" فلام ماجيك ديال 4 رؤوس ادخل بالزربة ؟


    السلام عليكم اخواتي في الله

    الله يعطكم الستر شكون اختي لي عندها كويزينيغ فلام ماجيك 4 روؤس مصنوعة بفاس كيف قالوا لي
    راني عاد شريتها بالكريدي هي والثلاجة والشوفو حيث عاد كنأثت داري، ملي جربتها عجنت خبيزات صغار ملي طرحتهم والله مابغاو ايطيبوا تقييييييييييييييل والعافية مهيييييييييلة فيها
    ومزيدكم إما تشعلي تحت أو الفوق مايمكنش ب 2 فدقة واحدة
    شعلت الفران حتى صخن زعمة عاد درتهم ديريكت في تحت والله بدون مبالغة 2 ساعات وقت ما طليت نلق يالله كتحمر من تحت بشوييييية حشمت قدام راجلي قالي بناقص من هاد كاسكروط
    طرحت الخبز مع 7 ديال العشية ماطاب حتى 11 دليل نعسوا بناتي بلا كسكروط بلا عشا حيث تعصبت مع البوطة جديدة ، ملي كنطلع الخبز لي طاب من تحت الفوق ونشعل الفوق واااااااالو تقييييييييل وكنرجعوا لتحت ولكن كنقلب الخبزة اوماكتجيج طايبة مزيان جناب كلهم باقين بويض ولوصط لي تحمر المهم مانعرف واش مني اولامن بوطة حشمت نردها لمولاها حتى نعرف منين
    راه راجلي دارلي فضيحة كاليا بحال إلا عاد تزوجتي هههههههههه عاد كتعلمي
    المهم الله يجازكم بخير راه شهر ماطيبت فيها مازال الخبز، وانا شريتها حيث شكروهاليا بزااااااااف قاليك كتحمق في الخبز والكيكة وطورطات
    المهم أنا مولفا داك الفران العاااااادي كنطيب من تحت ونطلع الفوق ابقا ايطيب من الفوق وفي نفس الوقت كنطرح خبز آخر لتحت وهكد ا كيجي غزااااااااااال
    وبوطة عادية ديال 3 روس كطيب داغي غزااااااالة بالبريكة اوتوماتك هادشي كان عند ناسي، ملي شريت داري شريت زعمة كويزينيغ فيها بوطة وفران باش نربح البراصة ب 43ألف
    أما ناسي شراو فران ب 15ألف اوبوطا ب 10 ألف، راني غادا نطرطق عتقوني الله يعطكم الستر شا غادا ندير؟
    ولكم جزييييييييييييل الشكر سمحوليا
    راه رمضان غادي نحتاجها بزاااااااااف:s12229:

  • #2
    راني كنتسناكم الغزالات الله يجازكم بخير

    تعليق


    • #3
      حرام عليكم واش تا وحدة ماعندها هاد الكويزنييغ؟ هاناري ياك ما تنشبت
      انا كنتسناكم الاحبابات
      جمعة مباركة اخواتي في الله

      تعليق


      • #4
        والله ما عرفت الحبيبة ما عندي حتى فكرة على هاد الكويزينير واش ما يمكنلكش تزيد ف العافية يعني تجهدي الفران واش هي جهد ديالها ضعيف ما كاينش تنقاص وتزيد ف العافية
        حيت حتى انا عندي كويزينير ما كيشعلش يجوج يعني اما لتحت واما لفوق ولكن كنعمل الخبز وكنشعل من تحت فقط ولكن كنجهدها شوية باش تطيب دعيا وتوصلها السخانة ن الوسط والجناب عاد كنحمرها من فوق
        ادي نقلك عندك تكون البوطة د الغاز ما كتدوجشي الغاز كله يعني كتكون حابسن ليها شوية د الغاز باش ما كتخرجش العافية مجهدة




        صفحة الدروس الحصرية لفن الحلويات و الطرطات المناسبات
        http://www.anaqamaghribia.com/vb/sho...=443791&page=4


        تعليق


        • #5
          اختي ما عنديش فكرة ولكن خاصك ترجعي عند السيد اللي باعها ليك يشرح ليك مزيان راه حتى انا عندي فران كايشعل غير التحت بوحده والفوق بوحده يعني مايمكنش نشعلهم بزوج في دقة ولكن راه كايطلع الخبز زوين ودغيا كايطيب. راه من الأحسن ترجعي عنده يشرح ليك مافيها حتى عيب.
          بالله عليكم اخواتي من لمحت توقيعي فلتدعو لي بالشفاء العاجل من رب العالمين




          تعليق


          • #6
            شكرا احبيباتي اناقة الطنجوية وفاعلة خير
            انا عوتاني عجنت وجات ختي اوزدنا في طوندور وتجهدات حمرت ليا الخبز مزيان من تحت ولكن ملي شعلت لفوق لعافية مهيلة تسنيت حتى طلع ليا الدم اوطفيتوا اشعلتوا من تحت وقلبت الخبزة وطيبت ولكن جا قاصح مافهمت رغم انني اعملت فيها شوية سنيدة والزيت، المهم غادي نبقا عليه حتى نشوف، والله يجاز لي عندو شي فكرة يعطيها لي وجزاكم الله كل الخير

            تعليق


            • #7
              السلام عليكن اخواتي في الله واش غا انا لي شارياها؟ الله ياربي الله
              يااااااااااارب اتجيب لي تعتقني قبل رمضان ياااااااااااااارب

              تعليق


              • #8
                و عليكم السلام
                لا اختي مايبقاش فيك الحال حتى انا شرياه وكان عندى نفس المشكيل فأول نهار بغيت نطيب فيه ولكن دابا راه عندو معايا شي 3 سنين الله اعمر ليه الدار طيابو زوين سوي فالخبز أولا الحلوى وما تيشدش الوقت بزاف وخا العافية ديالو قليلة إلا شفتيها تقولي هادشي ماغيطيب ليك حتال الصباح غير صبري عليه واح الشوية حتي يتحلو ليه للعينين وشوفي توندور وزيدي فالبوطة نعطيك مثال أنا امراة خدامة تندخول لدار فالتناش تنعجن البيتزا ونخليها فالثلاجة ترخى شوية وفي نفس الوقت تنشعل على الفران يلاه يسخن بما دلاكت العجين ورميتو كتكون البيتزا واجدا قبل الجوج الوقت اللي نرجع فيه الخدمة



                تعليق


                • #9
                  حتى انا اخنى كنعانى انا شريتو هاد ا4 سنين الا حهدت البوط يتحرف والى نقصت كبجى قاصح وعاد البيبان مكيتسدوش منين كيسخن
                  sigpic

                  تعليق


                  • #10
                    حسن عوانك احبيبة كريمة مع داك الفران تفكيتي من الماطلا بديتي تضاربي مع الفران في رائي رجعي منين شريتيه والى كان يبدلو ليك بدله و تهناي
                    الله معاك







                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X