طلب مساعدة فتنظيف زليج الحمام

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب مساعدة فتنظيف زليج الحمام

    بسم الله الرحمان الرحيم و عيدكم مبارك سعيد
    عندي مشكل مع الكحولة اللي كتكون وسط الملاقية ديال الزليج ديال الحمام ، واش كاينة شي طريقة باش نحيد هاد لكحولة؟
    عاونوني الله ايجازيكم بالخير

  • #2
    سلام حبيبة ولله ماعرفت ماجربتيش ماء قاطع ليكانديرو ل toiletteعزك لله ولكن عندك لتخرج على الفايونص وشف الاخوات باش يفيدوك

    تعليق


    • #3
      salam 3rafti ana kan hoko bi kaghit lhrach li kay sta3mloh sabagha 3raftih khatir m3a javel jarbi orodi 3liya walakin rodi lbal li javel rah kay dor lyidin

      تعليق


      • #4
        السلام عليكم ورحمة الله وبركاته
        عيد مبارك سعيد وكل عام وانتم بخير
        انا سبق لي ان استعملت واحد الدواء شريتوا من عند مول جافيل قلت ليه عطيني دواء ديال الزليج
        الثمن على حسب عقلي يمكن 10 او 13 درهم راه مجهد انا استعملتوا للمنزل ككل تقولي عاد خرج من عندك مول الزليج
        تعمليه على الزليج ناشف وتحكي بالشيتة ومن بعد تسيقي عادي وشوفي النتيجة رائعة
        وفي المرة الثانية كتكون الاوساخ قليلة عمليه غير في الماء عوض جافيل والتيد وحكي بيه الارض لازالة الاوساخ وشوفي النتيجة



        sigpic

        تعليق


        • #5
          جربي السيما البيضاء خلطيها بالماء وخليها تقيلة شوية وديريها بالليل ملي تجي تنعسي باش تنشف مزيان

          تعليق


          • #6
            السلام عليكم ورحمة الله تعالى وبركاته،
            أنا أختي العزيزة ياالله خملت داري وكان عندي الزليج بحال اللي كلتي كحل من الوسط في الحمام وحتي الزليج ديال الأرض، ونصحاتني اختي بواحد البرودوي عند الدروكري، غزااااااااااال جربيه وماغاديش تندمي حست الزليج كله ولا كيشعل وجديد. كولي لمول الدروكري أعطيني البرودوي باش كنغسلو الزليج وهو غادي يعرفو، راه اللون ديالو أحمر وكيدير 13 درهم. ومغاديش تندمي عليه . دوزي بيه الزليج بشي شطابة بلا متحكي وتسناي شوية وشلليه بالماء وغادي تشوفي الفرق.

            تعليق


            • #7
              شكرا بزاف على هاد النصائح
              راني غادية انجرب داك لوپرودوي ديال دروكري

              تعليق


              • #8
                السلام عليكم ورحمة الله وبركاته
                اختي كان عندي نفس مشكل حتى استعملت الما الزليج يمكن لك تلقيه عند بائع مواد التنظيف

                تعليق


                • #9
                  السلام عليكم و رحمة الله تعالى و بركاته
                  يلا درتي الماء القاطع غادي ينقي لك الدنيا مزيان و لكن أنا غادي نقول لك الطريقة لأن الماء القاطع واعر على الجلد و التنفس خودي شي سطيلة صغيرة و ديري فيها سانيكروا هو الأول راه هو للي كيحيد الجهد ديال الماء القاطع و زيدي عليه و شوية ديال الماء القاطع وبشرط تكوني دايرا شي ميكة على يدك باش ميقيسش لك الجلدة و خودي شي زويف صغير و ديريه في هاديك السطيلة و مسحي مزيان البلايس الكوحل راه كيرد الزليج نقي بحال يلا يلاه مصايب و لكن ديري أطونسيو من الماء القاطع

                  تعليق


                  • #10
                    st3mli wahd produit kaitbaa 3ndi shab mawad nadafa (lilias) hadi hiya smiyto
                    st3mlih oradi tchofi natija haila taman dyalo 10dh

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X