شحال من مرة جاوك الضياف على غفلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شحال من مرة جاوك الضياف على غفلة

    السلام عليكم
    كل وحدة الى جات على خاطرها تقول لينا واش شي مرة جاوها الضياف ودارها مرونة وكيفاش حسات مرة اخرى عاود دارت بيها انا فايتة وقعت ليا
    واحد المرة كنت خارجة مغدية برة ولكن منين رجعت وانا فلباب لقيت الضياف جاي عندى باش يطلو على بنتى كانت طاحت فالدروج والصراحة تزيرت بزاف حيت ملفين كيعلمونى وعاد كانو فواحد العرس كانو فبالى غيجو ولكن قلت اليوم لا حيت غيصبحو مدكدين ولكن حساباتى ماخرجاتنيش
    والصراحة من تم ولات الخلعة شادنى وقلت مع راس عمر داوود مايعاو نجمع داري ونخرج عاد







  • #2
    او اجي تشفي لخدامة او ديما الضياف جين على غفلة او بلا ميعلموك او مكيجيو غير النهار لي الدار مرونة او الا كنت مريضة ولكن الله كيدير تويل الخير دائما الصلون ديال الضياف اكون مجموع ومسدود
    http://www.shbab1.com/2minutes.htm

    تعليق


    • #3
      تبارك الله عليك شكرا على الرد ديالك الاخوات وقيلة كاع ماعجبهم الموضوع غير كيطلو






      تعليق


      • #4
        تبارك الله عليك اختي
        فكرتيني غير فواحد الواقعة صراتلي غير مؤخرا
        ولي عودة باش نحكيها ليكم انشاء الله
        sigpic
        اللهم اني اسالك ان تشفي اختنا om-rayane شفاءا لا يغادر سقما
        اسال الله العظيم رب العرش العظيم ان يشفي om-rayane
        بالله عليكن يا اخواتي ان تدعين للاخت ام ريان بالشفاء لانها في حاجة له


        http://www10.0zz0.com/2013/02/07/22/596948654.gif

        تعليق


        • #5
          انا اقعات لي فرمضان كنت كنخمال للعيد ادخل ولدخالي امرتو اجوج اليداتو صغار ادار مرونة حلتها حالة جب الله مكين لاغذاء لاكسكروت .اجدت اوليدات شوية ميكلو اكلست امي مع المراة فالصالون اولد خالي خرج اقدي شي غرد....ونا خرجت الحداكة ديالي جمعت الدار بالزبة ادزت الكوزينة باش نوجد الفطور لضياف ....بالصراحة ضيافة على غفلة صعاب خصنا نفهمو ريوسنا
          تحياتي

          تعليق


          • #6
            اوا دبا انا ساليت باش نقوليكم اشنو صرالي
            مور العيد الفطر باربعة ايام توفات لوستي الكبيرة الله ارحمها ويوسع عليها ويغفر ليها ويتجاوز عنها ويتبتا(دعيو معايا ليها الله اجازيكم كل خير) وكانو الناس اجيو عندي يعزيو اوزا واحد نهار السبت قالت ليا ماما راه عماتي جايين عندي يعزوني لغد ليه اي نهار الاحد وقلت نمشي نشري الدجاج واللحم باش نطيب ليهم لي قسم الله وكان عندي مشكل هو لافابو نتاع الكوزينة مخنوق حاشاكم وداك النهار تخنق بمرة وملقيتش كيف نعمل نغسل الدجاج وجاوني شي ضياف على غفلة واحد ولد عمتي هو ومرتو جاو لقاو الدنا مجموعة كلشي هو هداك حطيت ليهم القهوة واتاي والحلوة والمسمن والملوي والكيك والمطلوع المهم كلشي كان عندي واجد وهادشي رون ليا عرااااااااااااااااااااااام نتاع المواعن فاش جيت نغسلهم ملقيت فين حيتاش لافابو حشاكم كان مخنووووووووووق وولدي مخلاني ندير والو جاب الله جات ماما وخوتي يطلو عليا فداك الليل وليت شديت ماما باش تبات معايا وتعاوني وبقا راجلي يحاول يسرح لنا داكشي وليت درت غير البانيو وغسلت المواعن وماما خرجات الدجاج لاكور وغسلاتو
            وبقات ليا الكوزينة مرونة والريحة نتاع الما القاطع حشاكم عطات فالدار اوا اتصلات عكوزتي مع 10.30 نتاع الليل قالت لينا راه خالتو جايا فالطريق عندنا ورها تعشات هي وولادها وعرايساتها ووليداتهم يعني بلا مندير والو مجات فين تقطع الاتصال حتى وقفو علينا جايب الله البيوت والصالون مجموعين سلمت عليهم ورحبت بيهم ومشيت ديركت للكوزينة وسديت عليا فديك الروينة باش نعمل ليهم العاصير
            وتانتفاجأ بخالت راجلي حلات الباب وداخلة عليا وهي تقولي بلامتديري والو راه حنى معشين وبغينا نمشيو قلت ليها راه قالتها لي خالتي بغيت نقاد ليكم غير العاصير وهي تقولي واخا وبقات تشوف فالكوزينة وقلت ليها غير سمحيلينا على هاد الروينة وعاودت ليها لي صرا ليا المهم حطيت ليهم العاصير والحلوة ومشاو فحالهم ولغد ليه لقيت الخبار نتاعي عند عكوزتي قالت ليهم انها جات عندي ولقات لافابو خاسرليا والدنيا كلها مرونة
            وخا غير الكوزينة لي كانت مرونة
            هههههههههههههههههههههههههههههههه
            اوا هادشي لي وقع ليا وونتوما عطيوني رايكم فهاد شي لي صرا ليا وقولو لينا اشنو صرا ليكم حتى نتوما
            sigpic
            اللهم اني اسالك ان تشفي اختنا om-rayane شفاءا لا يغادر سقما
            اسال الله العظيم رب العرش العظيم ان يشفي om-rayane
            بالله عليكن يا اخواتي ان تدعين للاخت ام ريان بالشفاء لانها في حاجة له


            http://www10.0zz0.com/2013/02/07/22/596948654.gif

            تعليق


            • #7
              والله غير هذا المشكل ساري لكامل الناس خاصة لعندهم الضيق نهار لتكوني منقية الدار واحد مايجيك والنهار لتكون الحوالة نتاع الدرية كامل مشتين ولاتكوني مريضة ولا خارجة اجيو ليك الضيافة وانا انموت في حواليا من الحشمة .
              بصح الله غالب وربي يكون معنا

              تعليق


              • #8
                فالصراحة عمرها وقعت ليا
                لكن و سمحولي على الكلمة كاتجيني ماشي من الادب يجيوا الضياف بلا مايعلموا. ويلي حشومة راه الزيارة عندها الاداب ديالها
                لازم يتاصلوا من قبل . واش كاينين او لا و علموا. باش مكيوقعش الاحراج. يجيوا يلقاو الصالة مهزوزة و لا الضروف الاقتصادية ماشي حتى لهيه خصوصا فاخر الشهر. الله يحسن العون راه حنا كاملين كيمروا علينا شي اوقات كتولي الثلاجة خاااوية. و يجيوك الضياف وقيت الغدا...شنو تحطي ليهم...تبقاي تشوفي فيهم..خصوصا ايلا كانوا ضياف اللي بعاد شوية..و مامداسراشي معاهم.و لا كتكوني عاملة بروكرام تخرجي مع راجلك و لا نتين براصك معروضة.
                ايوا كيف المعموا ديك الساع
                مافيها باس الواحد يتاصل واش كينين غدا و لا بعدو راه بغينا نجيوا. ديك السلاع كتوجدي مزيان و تنقي الدار و تخمليها ايلا كانت مرونة ويجيوا و يمشيوا رااااضيين و نتين تبقاي على خاطرك.
                واحد االحاجة كانت وقعات لعمتي مع بنتها شحال هادي كتقتل بالضحك. كانت البنيتة عندها عيد ميلاد. و هما ماعملينشي لا حفلة لا والو. ايوا هي البنت عرضت بنات العائلة الصغار و اكيد ماماواتهم هايجيوا معاهم. و عمتي مافؤاسها والو والصالة مهزوزة ز طالية الحنة و خارجة الحمام مع يماها و البنيتة داربة الطم هههه ايوا هما نازلين فالدروج كيتلاقاو بالناس طالعين مع ولادهم و هازين الكادوات هههه ايييييوا عمتي مسكنة ولات تبيض بيضة هنا و بيضة لهيه ههههههههه
                العصا اللي كلان بنت عمتي ديك النهار مازال مفكراها لحد الان واخا تزوجت ههههه













                مايا 04 سابقا

                تعليق


                • #9
                  ضحكتيني اختي مايا اضحك الله سنك في الحقيقة ومن الصواب لواحد يعلم ويعطيك خبار انه جاي عندك باش تخملي دارك ونيت توجدي شهيواتك على تساع باش ماشي نتصدمو ونبقاو واحلين فروينة دار و فشنو غادي توجدي خصوصا للي يديها بوحدها

                  تعليق


                  • #10
                    حاجة اخرى كطرا ليا بزاف منين نبغي نصوب الغدا ء بكري باش ابقا ليا الوقت جميع ديال الدار وكان كون عاملة غير قياسنا كيجيو الضياف على غفلة وتزيدي تخلفي غداء اخر

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X