إعـــــــلان

تقليص
لا يوجد إعلان حتى الآن.

يله الحادكات اجيو نخملو دار ماما...

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يله الحادكات اجيو نخملو دار ماما...

    سلام عليكوم الانيقات كيدايرين مع تمارا وتوجاد ديال لعيد..انا عارفاكوم حادgات وساليتو شقا ولكن انا راني خملت والاكين مالقيتش لوقت نحت فيه لموضوع نتوما عارفين انا داري فايطاليا وداري جديدا لي فلمغرب مزال جديدا مافيها حتا حصيرا هههه انا غنعيد ان شاء لله هاد لعام معا ماما يوا وضاروري من لباروك دتخمال خوصوصا هيا بوحدها . ..يآللاه الحادكات ديرو لقفازات وديرو تزارات ووجدو لخدما باش بغيتو نبداو..بلكوزينا يآلله بسم لله...
    غنبدا بلمجورا لي كنديرو فيهوم طباسل ولكيسان لي كنستعملو كولا نهار تباسل دشلادا وزيتون وغيرو وكيسان مونادا ولما واتاي كولشي كانديرو هنا قريب علا ليد..انا خويت لمجر وغسلت داكشي لي فيه [ومسحتو وفرشت فيه واحد بلاستيكا يوا منين نشفو لميعنات رديتهوم هادو لكيسان وهادو طبيسلات ..ودابا ندوزو لاهام حاجا..تلاجا ههه ..من بعد مافرغنا لفريgو كانتفيو تلاجا ونخليو تلج يدوب ويلا بغيتيه يدوب دغيا رشي عليه لملحا..وجدي بانيو فيه مونديف وشويا دلخل ومسحي تلاجا كولها..وماتنسايش لفوق حيت فيه لغبرا ..ونصبنو دوك تويشيات لي كايكونو فوقها +لخاميا وسريبتات...يوا منين نساليو نرجعو كولشي لبلاستو باش توجد لتقديا دلعييييد ههه..وهادو طويجنات غسلتهوم ومسحتهوم وهاهوما واجدين..صورة جاماعية ههه...وندوزو لبلاكارات..بلا موناقاشا نخويو لبلاكار كولو ونغسلو كولشي وحتا هوا غسلتو باوني وجافيل وشيتا شفتو ماما دكيا دارتلو زليج ههه ..من بعد مامسحتو ونشفتو رجعتليه لميعنات..نفس شي درت حتا لبلاكار دلامانيوم ودلبلاستيك معا روينا نسيت ماصورتهومش..يوا منين ساليت دزت لحكيكات دليقاما ونصيحتي ليك ايلا عندك حكيكات زوينين وخفتيهوم يتكرفصو ديري بحال هادو دزاج ساهلين فلغسيل وكايهزو بزاف بلا ماتبقاي كول مرا تشري ليقاما ..انا هادو غسلتهوم غير من برا حيت عاد غسلتهوم...ومن طابيعت لحال كانضفو لبوطا لي كنطيبو فيها وهالكوزينا كاتشعل ههه وحتا خوبزي هاهوا طاب هههه..
    يوا لبنات غدا نكملو بنتو ليا عييييتو ههه انا بعدا عييت غير بتنزيل تصاور ولكتابا بلكلافيي دلمنتدى ههه غدا ان شاء لله نكمل
    [CENTER]


  • #2
    عفاكوم البنات ماتكتب والو تنسالي
    [CENTER]

    تعليق


    • #3
      تبارك الله عليك عواشرك مبروكة

      تعليق


      • #4
        تبارك الله عليك


        تعليق

        المتواجدون الآن 1. الأعضاء 0 والزوار 1.

        أكبر تواجد بالمنتدى كان 2,525, 26-09-2016 الساعة 21:58.

        يعمل...
        X