إعـــــــلان

تقليص
لا يوجد إعلان حتى الآن.

الى كل الاخوات عتقوني غادي نتسطة ونحماق

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الى كل الاخوات عتقوني غادي نتسطة ونحماق

    السلام عليكم ورحة الله تعالى وبركاته
    عندي واحد مشكيل غادي عقدني وكرهني في داري انا يلاه تحولت لي برطمة ديالي وشحال وانا كنتظر هاد نهار راكم عارفين احساس بدار جديدة كيفاش كيكون ولكين خلاوها مصريين يافرحة متمت راه لقيت جليج ديال دار مكرفس بسيمة وصبايغ ولويل الكحل ديال وسوخات وثخليت محكيت مكاين غير حلفة ديال حديد وجافيل سيك ايديا كلهم تشرحو ووالو تمارة كلهم ضاعت وتقولي وسخة بغات تحيد ليا
    انا مزاوكة فيكم كاملين لي عندها شيء حل مشكيل ديالي تعتقني راه وليت كنحشم ندخل داري بهديك حالة وراكم عارفين غادي بيداو يجيو عندي عائلة باش يباركو ليا على دار وراه معنديش لوجهم اش غادي قولو معندي دراع باش نحك زليج ولكين راه ربي عالم مخليش جهد عليه وعتقوني الله يرزقكم صحة وطولت لعمر.

  • #2
    assalam:
    mbrouk 3lik akhti dar, ila kan jlij byd diri lih "flach",rah kaytba3 3nd malin lhwant rah dayr bhal javel, khlteh m3a chwia dyal lma wkbih fo9 zlij w hkki mzyan, rah kaykhrjo kaych3l w hta lhmam w twalet.
    wlah ydkhlha 3lik b sha w ssalama.,
    sigpic
    لا اله الا الله محمد رسول الله

    تعليق


    • #3
      راني مزال في انتظار مساعدة ديالكم

      الاخوات 48 مشهادة وحتى واحدة معندها شيء حل يالاه اخت rachha لي جوباتني الله يعطيها صحة ياربي
      شكرا اختي واش هاد فلاش جافيل

      تعليق


      • #4
        ختي الى عندك زليج فالارض دري له غير لاسيد ولكن اختي ملي تكبيه دري شي زيف على نيفك وفمك وخرجي وخليه شوية عاد حكي وردي علي الخبار ران النتيجة غزااااااااااااالة ولكن حداري تخلطي مع جبيل حتى تحكي وتكبي الماء عاد هدكساعة حكي بليبغتي
        .ولابد من الزيف حيت ريحتو قاسحة .اما السباغة غير دليو هو دواها .الله يفرحك بالنتيجة

        تعليق


        • #5
          السلام اختي ديري للزليج الماء القاطع ديال دروكري كيكون ف قرعة ديال الميكة خلطيه مع الماء وكبيه خلي شراجم محلولين وديري شي نقاب على نيفك وحداري يطير ليك علىعينيك ديري القفازات خرجي من الدار شي ساعتين منين ترجعي نفس الشيء نيفك مغطي وشري سانيكروا دييل الورد هداك الغوز وكبيه فسطل ديال الماء وزبداي سيقي بيه لكن لبسي فرجلك سباط الميكة وتقاشر باش ميطيرش عليك لسيد و من احسن منين تسيقيها بخريها ببخور ديال السعودية هداك لي تيتباع فبواطات عند لي كيبيع سلعة ديال الحج راه غدي تختفي ريحة ديال الماء القاطع ويبق ليك الزليج نقي وبالنسبة للصباغة اضن الوليا ولا ليصانص ديال الصبغة لي تيكون فالقرعة ديال الزاج هو لي تيحيدها سيري عند دروكري غدي يوريك اشنو تشري ومسحي بيه الصباغة شري شيفونات ولا الا عند شي قطع توب قديمة مسحس بها الصباغة راه خاصك تهتمي بيديك مورا هادشي ديري فازلين ديال الحامض راه مغاليش شي 7 دراهم و شكرا
          sigpicرَبِّ ابْنِ لِي عِنْدَكَ بَيْتًا فِي الْجَنَّةِ

          تعليق


          • #6
            باين اختي بلي هدوك الخدامة ماكانش راجلك كيوقف عليهم بزاف ..راه فيهم هداك النوع الي ادير خدمة ناقصا .
            المهم اختي حاولي تشري واحد الحاجة دايرا بحال البالة كيستعملوها الخدامة فبحال هذه الحالة سمحيلي ما نعرف اسمها ولكن راها تشبه البالة غير هي من الحديد وماضيا تغنيك عن الجيكش ويديها من الخشب وراه حتى الصباغة كيستعملوها ولكن ديالتهم صغيرة شويا .

            شوفي عند شي واحد كيبيع داكشي وهو يفيدك ويعطيها لك.
            ومبارك الدار الجديدة






            [sor2]http://www.quraan-sunna.com/vb/Green/stt.gif[/sor2]

            تعليق


            • #7
              شكرا لكل الاخوات والله يبارك فيكم كاملين وكنشكركم بزاااااااااااف على حب مساعدة ديالكم وغادي نجرب كل حلول لي عطيتوني المهم نلقا نتيجة ياربي وشكرا مرة اخرى

              تعليق


              • #8
                radik aleba semiateha gratoire raha maziana tatehaide sebara sima koulchi lahe i3aounak

                تعليق


                • #9
                  اولا مبروك عليك الدار والله يدخلها عليك بالصحة والراحة
                  انا كنصحك تستعملي فلاش راه مزيااان وانا مجرباه وهو احسن من الما القاطع حيت الما القاطع ريحتو خايبة عاد زيد الله يحفض الى قاسك ولا شي حاجة
                  وللاشارة فلاش راه ماشي جافيل راه تقريبا عندو نفس المفعول ديال الما القاطع غير هو ريحتو مزيانة وكيرغوي
                  sigpic


                  ]

                  تعليق


                  • #10
                    اختي ماعمرك تستعملي الماء القاطع راه تيحيد لزليج البريو ديالو وتيولي دغيا يشد فيه الوسخ دري كيف قالت ليك الاخت ساقية الورد gratoire لي كيستعملو الصباغة غير فزكي الارض وبداي تكرطي بلاصة ببلاصة وراه غادي تحيد البصلانة و صباغة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X