تجربتي مع التنظيف بالبخار بالمراحل المصورة و الشرح كالعادة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربتي مع التنظيف بالبخار بالمراحل المصورة و الشرح كالعادة






    السلام عليكم ورحمة الله وبركاته




    حبيباتي لكن وحشة
    ان شاء الله تكونو كلكم بالف خير
    عذروني على قلة المشاركة
    كان ولدي مريض و تشغلت معه

    اليوم بإذن الله غنتقاسم معكم تجربتي مع التنظيف بالبخار
    و نخليكم تحكمو عليها






    اولا و قبل كل شيء هاذي هي الالة للي كتنظف بالبخار

    عندها عدة رؤوس



    كتسهل التنظيف مثلا الزجاج و المرايا و الحيطان و الاسطح و الخشب ....



    تساعد في الوصول و تنظيف الاماكن الضيقة و الصعبة الوصول



    تساعد في حك الاماكن الضيقة
    ...

    و عندها عدة استعمالات اخرى من غير التنظيف
    ان شاء الله نعرفكم عليها فمواضيع اخرى

    كنعمروها بالماء
    و نبرونشيوها فالپريز و نخليوها تسخن
    لما كتجهز غتسمعو البخار كيتكون (كيف كنسمعوه فالمقراج او فالكافتيير)


    و بسم الله نبدء


    بديت باول بقعة مووووووسخة و عمرها متحكات



    و هي الحيط للي ورا الفران ديال الضوء
    عمري محركتو من بلاصلاصتو من نهار حطيتو و هو مسكين ثابت
    كنمسحو لكن معمري مسحت وراه
    و نهار بغيت نحداڭ هههه تخلعت
    لكن تذكرت التي الصغيرة و قلت علاش منجربها اولا


    نخليكم مع الصور ابلغ فالوصف




    طلقت البخار على الحيط للي كلو ادام و زيوت و رواسب بخار الفرن




    و دشيت راس الالة منين كيخرج البخار ربطت معه منديل نظيف



    و بديت كنمسح



    و انا كنضغط على زر الالة مرة مرة باش كتخرج دفعات منا لبخار السآآآخن
    عنداكم تمسوه بايدكم راه كيحرق



    و مسحت الحيط بمنديل ناشف




    و هاهي النتيجة



    دوزت البخات على الفران و مسحتو حتى هو بمنديل ناشف و رديتو لبلاصتو




    دوزت البخار على الكويزينير












    و لاهوتاسبيرونت






    العيون و الحديدات ديال الكويزينير دخلتهم يتغسلو مع الماعن




    و مسحت الكل بمنديل ناشف


    و هاهي النتيجة




    نفس الشيء عملتو مع باقي حيوط الكوزينة





    و بيبان البلاكارات و الپوتاجي ....





    و هاهي النتيجة النهائية لتنظف الكوزينة بالبخار






    نفس الشيء عملتو مع باقي حيوط الدار



    حتى الاماكن للي رونها ريان بالرسم (الله يهديه و يصلحو)




    و هاهي النتيجة



    و الزجاج و الاسطح ( تلفازة / طبالي / رخام/ ...)




    و المرايا و الدوش و الطواليطات اعزكم الله








    كلشي دوزت عليه البخار


    و مسحت بمنديل ناشف و نظيف













    و كيف كتشوفو النتيجة ظاهرة فالصور
    مكتتطلبش بزاف ديال الوقت و الجهد
    ماشي بحال الى بقينا كنخلطو فالماء و المنظفات و حك حك حك حك ...


    ملاحظة : هاد الالة الصغيرة عندها عدة استعمالات و اهمها على الملابس و ان شاء الله نصور ليكم تجارب اخرى بيها و نشاركم بيها


    ان شاء الله تكون تجربتي مفيدة ليكم و تعطيكم فكرة جديدة عن التنظيف بالبخار

    لا تنسوني من صالح الدعوات لي و لاهلي الحبيبات هذا طلبي منكم فارجوا ان لا تبخل علي




    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


    الله يرزقنا و إياكم خيرات الدارين و لا يحرمنا من طيبات الجنة و نعيمها


    دمتن في رعاية الكريم



    اختكن أمنــار




    أم ريـَّــان




    وعليكم السلام ورحمة الله وبركاته



    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    تبارك الله عليك يا الحادكة ديالنا ربي يجعل كل ماتقدميه لينا في موازين حساتك

    تعليق


    • #3
      الله يخليك منين خذيتها أ بشحال حيت النتيجة مبهرة تبارك الله عليك




      تعليق


      • #4
        مشكورة



        [flash=http://dc05.arabsh.com/i/02589/xxh6jz8x95k0.swf]WIDTH=531 HEIGHT=232[/flash]

        تعليق


        • #5
          تبارك الله عليك اختي ام ريان ماشاء الله لا قوة الا بالله
          الا كان ممكن مني شريتي هاد الحادكة وبشحال

          لااله الا انت سبحانك اني كنت من الظالمين

          تعليق


          • #6
            ماشاء الله عليك الله يخليلك سي ريان و أبو ريان


            تعليق


            • #7
              اختي امانار تبارك الله عليك او حتى انا كنضم صوتي للاخت الصبورة او نسولك منين خديتيها انا عمري ماشفتها جاوبينا الله يخلي ليك ريان

              تعليق


              • #8
                تبارك الله عليك منين خديتيها




                merci miss oujdia

                تعليق


                • #9
                  ماشاء الله عمل متعوب عليه ومجهود تشكرين عليه
                  يستحق الثبيت


                  معسكر لاستقبال رمضان بأبهى حلة وعلو همة
                  http://www.anaqamaghribia.com/vb/sho...42#post9973142

                  معسكر لاستقبال رمضان بأبهى حلة وعلو همة ( للدروس فقط )
                  http://www.anaqamaghribia.com/vb/sho...d.php?t=395421

                  تعليق


                  • #10
                    الله يعطيك الصحة
                    ما شاء الله دارك كتحمق لا قوة الا بالله

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X