إعـــــــلان

تقليص
لا يوجد إعلان حتى الآن.

طرائف الانيقات مع الشقا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طرائف الانيقات مع الشقا

    السلام عليكم
    اكيد ان الوقت لي كندوزو في الشغال ماشي ساهل و مرات الله ينجينا كنتعرضو لحوادث شي زلقة فاعلة تاركة تقسم الظهر الله يحد الباس و لا جرحة بالموس ولا....
    و مرات كيوقعو لنا شي طرائف و هذا هو موضوعنا ليوم باش نبدلو من روتين القسم دائما افكار و تنظيم

    شنو رايكم

    نبدا لكم انا الاولى
    فاش عاد تحولت لهاد الدار دخلت نسيق الحمام و بديت بالحيط لي مرا الباب شوية كنسمع فحال انين المشة مت بالخلعة و قلت مافيهاش الدار مسكونة خرجت من الحمام وقريت رجعت كنبدا نحك كنسمع عاود الصوت و بقيت خارجة داخلة حتى قررت ما نتسوقش و نكمل شغالي مشيت للحيط الاخر ما سمعت والو مهم حتى كملت و بديت نسيق الارض عاود سمعت الصوت في نفس البلاصة ملي جيت نشوف لقيت راسي ملي كنتحنى كندفع الباب و كيدير هاداك الصوت .......

    واحد المرة كانو العيون ديال البوطة خاسرين كيديرو الدخان و رجع داك المقراج حالتو حالة قلت و الله ما نتفك معاه حتى يرجع فحال مواعن جداتي بمناسبة جدتي واحد المرة خسرات لها الكوكوط داتها تصايبها قالها جديدة و خاسرة قالته را عندها ما يزيد على ثلاثين عام قالها عمر شي مرا ما جابت لي فحالها نرجعو لمقراجي ڭفطلو و بديت حك حك ولا فحال يالله خارج من الميكة ديالو ملي ساليت الشغال و ليت كل ساعة غادية الكوزينا نطل عليه و راجلي دخل الكوزينة شافو يبدا يضحك عمرها كانت ليا

    هادي طريفة ديال اختي واحد المرة خوات جافيل في المقراج و خلاتو فوق البوطة يترقد جات اختي الاخرى زادت عليه الما و طيبات به ملي جات تغسل المقراج لقاتو عامر قالتها نتي لي درتي الما قالت لها اه را طيبت به الاخرى ضربات الطم و ملي حطو الغدا كيقولهم راجل اختي اهيا هاد الغدا فيه ريحة جافيل و مراتو كتقول ليه ملي بغات تجينا ريحة جافيل و لي عارفة اش دايرة ساكتة و كضحك

  • #2
    ههههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههههه
    في الاول فاش قريت العنوان ديال الموضوع قلت مع راسي شنو الي غادي يضحك في هاد الشقا انا بعدا تتجيني البكية منو :00018025::0007029::005039::32135::00060025::00002032:و الي قتلني بالضحك هو اختك الي طيبت بجافيل
    قولي امين الله يخليك دايما مبتسمة و ضاحكة
    ايوا اعطينا شي اسرار ديال الجدة؟ باش نستافدو

    تعليق


    • #3
      هههههههههههه ضحكتيني الله يعطيك شي خير واعرة الطريفة ديال جافيل
      أما حكان المقراج فالله يعطيك الصحة عرفتي انا اعدى حاجة عندي هي الحكان دالماعن عليها كنتجنب نشري الألومنيوم غير باش منحكوش...
      بالنسبة للحوادث ديال الشقا فحدث ولا حرج ....
      لي عودة ان شاء الله وها 5 د النجيمات منعندي الله يعطيك الصحة.

      تعليق


      • #4
        الله يبارك فيكم

        تعليق


        • #5
          الله يعطيك الصحة قتلتيني بالضحك الله يخليك ديما ضاحكة إلا مافيها بسالة مني ممكن تعطينا السر باش كيرجعو الماعن كيبريو وشكرا لك

          تعليق


          • #6
            هههههههه ضحكتيني الله يعطيك ما نويتي انا واحد المرة ما عرفت اش هاديك الحالة للي كنت فيها تقاضات لينا البوطة الصغيرة ومشيت نطلع وحدة من الكراج وانا كنطلعها وهي طيح لي ويتهرس ليها هاداك التاج للي كنحطو على افم ديالها هههه وهادي دازت لي ما غوتاتش ماما قالت يمكن البنية فيها النعاس وفنفس اليوم صبرات ماما شي ساعة وصيفتاتني نرمي الماء في برا وقبل هاداك نهار جاب لي خويا صبات ديال الدار هادوك ديال البونج المهم مشيت كنهبط فالدروج وهاداك الماء موسخ كاين في الزيت والفلفل وهاداك الشي وانا نتزلق ونطيح فالدروج وصحابليكم غوتت بقيت هاكاك مع الالم حتى جات اختي بقات كتضحك عليا وماما كتغوت وبابا كيقوليها صافي ماكاين باس غير سيرو مسحو وصافي وماما كتقوليه طيحت البوطة ما قلنا باس ودابا حتى الماء الموسخ وقالت ليه صيفتنا البنت باش تخدم الشغل ساعا خدمات لينا الشغل من هاداك الشي الرفيع وهاكا انا بقيت كنتالم فالظهر ديالي حتى جا بابا وطلعني ولكن الاخت ديالي بقات كتضحك عليا ايوا هادي هي الطريفة ديالي شكرا اختي على الموضوع
            sigpic


            قآلوا تحب شخص؟؟
            قلت:اثنين..
            قآلو:يآقوة قلبكَـ تلعب عالحبلين..خآف ربكـ,,
            قلت:وصآني ربـــي فيــهمْ "بـــر الوآلــــديـــن
            "

            كن محمديّ في حبّك لهآ،،(♥)!!
            تكنْ عآئشة في حبّهآ لكَ،،

            تعليق


            • #7
              شكرا احبيبة على هذه الطرائف الخفيفة
              فكرتيني فواحد المرة كنت كنسيق المرحاض اعزكم الله ومكثرة التيد وجافيل وانا نضربها بواحد لالا مولاتي الزلقة معتبرة على جنبي وخرجت نتسنط لعظيماتي ايوة رجعت نكمل وانا نزلق على الجنب لاخر
              ومانقولش ليكم على المرحاض كيولى كيشعل واخا كليتها فعظيماتي
              هادي دازت عليها مدة طوييييلة ولكن وقتما تفكرتها كنبقى نضحك

              لااله الا انت سبحانك اني كنت من الظالمين

              تعليق


              • #8
                قتلتوني بالضحك اضحك الله سنكن
                لي عودة حتى انا بشي طريفة الى تفكرت
                ههههههههههههههه
                sigpic
                اللهم اني اسالك ان تشفي اختنا om-rayane شفاءا لا يغادر سقما
                اسال الله العظيم رب العرش العظيم ان يشفي om-rayane
                بالله عليكن يا اخواتي ان تدعين للاخت ام ريان بالشفاء لانها في حاجة له


                http://www10.0zz0.com/2013/02/07/22/596948654.gif

                تعليق


                • #9
                  والله إلا ضحكتوني من كثرة الحداكة لي فينا كنجيبوها فروسنا هههههههههههههه
                  واحد النهار جمعت الشقا ديال الدار كاملة فنهار واحد كنت نسيق بيت النعاس وبغيت نجر الناموسية باش نسيق تحت منها ماعقلت على راسي حتى زلقت وتهرس لي الخشب ديالها ودخلت تحت منها وزعما راه جبت واحد المرا باش تخمل لي وتقاسمنا الشغال المرا مسكينة سمعات للغوتة وحدة وهي تلقاني ف واحد الحالة . أنا بقيت غير نضحك وهي تشوف في وخا تقسحت هههه

                  تعليق


                  • #10
                    طرائف جميلة و الله ضحكتوني و ليت كشي حمقاء حيث أنا في الخدمة. المهم ملي تزوجة و أنا نشري مصبنة وليت تنحط فيه شحال من حاجة (الملابس, أغطية, أفرشة, مخاد, حذاء رياضي, sacs..) واحد المرة فوق الفطور في رمضان درت مخدات صغار دون إزالة مافي داخلها وحدة من المخدات كانت محلولة شوية المهم في وقت لتدور فيه المصبنة خوات المخدة و كونست المصبنة الماء على برا, مكملتش الفطور وبقيت تنجمع الماء و تنخوي المصبنة من الوساخ و راجلي بقى تيخسم قلي خسرت المكينة, بقيت حذاها تاخوات و رجعت خدامة.المهم العكز خلاني باقي مع المصبنة ساعة.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X