إعـــــــلان

تقليص
لا يوجد إعلان حتى الآن.

واش ندير بيت لبناتي ولا لا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش ندير بيت لبناتي ولا لا

    اخواتي عندي الدار صغيرة شوية 80 متر فيها 2بيوت صالون وسيجور حمام كوزينة لكور احمد الله عليها وخصوصا فهاد لغلا الي ولا المشكل البيت الي مفروض يكون دبناتي انا بغيت نديرو بيت لكلاس وفنفس الوقت ينعسو فيه حيت السيجور صغير والبت كيعجبني فالجلسة حيت مجموع ايوا شنو رايكم جابوني الله يخليكم حيت نتوما بحال العائلة كنتشاور معاكم

  • #2
    سلام عليكم
    انا تنضن احبيبة ويلا قبلتي رأي ديري لبناتك بيتهوم وديري صالة مونجي فلكوزينة ودري تلفازة صغيرة فبيت نعاس ديالك باش يلا بغيتي تكلسي تفرجي او تقسري نتي وراجلك على تلفزة متزعجهومش ويبقالك السيجور و صالون دائما مجموعين
    رالبنيتات ولا لوليدات ضروري يكون عندهوم بيتهوم وهدا تيزيد يحفزهوم ويشجعهوم على القراية
    الله يوفقك فتربيتهوم ويجعلهوم قرة عينيك وتشوفيهوم كيف بغيتي
    تقبلي مروري

    "اللهم اني اعيذ مافي رحمي بكلماتك التامة من كل شيطان وهامة,ومن كل عين لامه

    اللهم اني اسألك أن تحفظه و تجعله معافى كامل الخلقة دون زيادة أو نقصان

    اللهم حسن خلقه وخلقه وسهل حمله ومخرجه واجعله قرة عين لي واجعله من عبادك الصالحين"


    آمين يارب العالمين

    تعليق


    • #3
      السلام عليكم
      انا اختي رايي من راي الاخت مغربية يناس
      حتى انا كنت ساكنة فبرطمة غير 59متر وكنت مخلية لهم بيتهم غير انا مفرشاه بلدي وفنفس الوقت مريح فالنعاس باش الى كانو ضياف رجال وعيالات مثلا او شي حد بغا اصلي او او تنخدموا اوا الضيق وما يديروالله اخليهم ليك






      تعليق


      • #4
        انا كنضم صوتي للاخوات بيت البنات ضروري وخصوصا البنات مع الوقت راه كيخص يكون عندهم خصوصياتهم ماشي فحال الدراري يقدرو ينعسو فين ما كان وكيف قالت ليك الاخت ديري صالة مونجي فالكوزينة واخة كون صغيرة ماشي مشكل والا جاع خفتيها ضيق ليك الكوزينة تقدري تديري طبلة متحركة تفكسيها فواحد الجهة ديال الحيط تهزيها وقت ما بغيتي وتنزليها مع الحائط وقت ما بغيتي فحال الشكل ديال لي كيكونو فالقطارات نتمنى تكوني فهمتي القصد ديالي راه الحداد يقدر ياصيبها ليك والسيجور ديري فيه التلفاز لي كيلصق فالحائط منها الا جا عندك شي حد تخدميه ومنها ما يشدش ليك البلاصة وفبيت النعاس ديالك ديري تلفازة وخودي راحتك انتي وراجلك هادشي لي بان ليا و80 متر راها تبارك الله كافية خاص غير شوية ديال الافكار وكولشي كيولي مرتب كاين لي عندهم غير 50 متر وقاضيين الغرض وكيبان ليا وهادي حرية شخصية ليك الا مزلتي الصور ديال الاماكن لي باغة تغيري يكون احسن يقدرو الاخوات يفيدوك بشحال من فكرة وانتي ختاري لي ينفعك

        تعليق


        • #5
          السلام عليكم ورحمة الله
          اختي حتى انا رايي من راي لبنات اللي سبقو وردو عليك لبنات ضروري من بيت خاص بهم ماشي غي لبنات حتى ادراري وانا اتعجب من عقليتنا نحن العربيات تنفرشو بيت كبييييير وواسع بابهى واجمل واغلى تجهيز ونسدو عليه لحين يجي عندنا ضيف مرة او 2 في الشهر بينما اولادنا اللي هوما مالين الدار تيتكرفسو فبيت الجلوس.
          بالنسبة للضيق اختي اضن ان دارك ماشي صغيرة خصها غي شوية د النظام


          لسانك لا تذكر به عورة امـــــــــرئ** فكلك عـورات وللناس ألسن
          وعينك إن أبدت إليك مساوئــــــــــاً **فصنها وقل ياعين للناس أعين
          وعامل بمعروف وسامح من اعتدى** وعاشر ولكن بالتي هي أحسن.

          تعليق


          • #6
            السلام عليكم طبعا الحبيبة بيت البنات ضروري وخاتستغني على بيت الضياف بناتك هما الاولين وراحتهم من راحتك الله يخليهم ليك وتشوفيهم كيف بغيتي راه البنت في البيت حسنة وتهلاي في الحسنات اللي عندك الله يوفقك الحبيبة
            sigpic
            خير الأصحاب من أحبك في الله ... وذكرك بالله ... وخوّفك من غضب الله ... ورغبك في لقاء الله ... فذلك خير الزاد ليوم المعاد... فلا تهـــجــــر القرآن الكريـــم تلاوة وحفظا وتدبرا وتطبيقا، الحـمد لله الذي نزّل علينا هذا النور المبين

            تعليق


            • #7
              اخواتي الحبيبات كنشكركم بزاف على الردود والحلول الي قترحتو علي فالحقيقة اقتنعت وحتى كنت غادي نبدا نخيط الفراش دابا غادي نسوب لبناتي جوج نموسيات او ماريو صغير او بيني او بينكم بنتي الكبيرة 6سنوات ديما كتحلم بيت مزين بالفراش ديال فلة والملصقات ديال طوم وجيري غادي تكون انانية مني الا كسرتلها الحلم ديالها كنشكركم بزاف والله يخليلكم وليداتكم حتى تفرحو بيهم

              تعليق


              • #8
                أنا من رأي ميسمة
                بغيت نقول لك عندك صالون ف دارك شبعي فيه كلاس نتي نيت . الأولوية لمالين الدار . را كلنا كبرنا ف العقلية ديل خسر لفلوس فi الصالون أو عنداك تجلس فيه لا يجيو الناس شي نهار
                Lina et Omar, deux rayons de soleil qui égaient le coeur et charment l'esprit

                تعليق


                • #9
                  اختي انا عندي غير 70 متر او دايرة لبنتي بيتها ملي كان عندها 4سنين دابي عندها 9 حاسة بالاستقلالية من صغرها او تاهي دايرة بيتها كامل بتصاور ديال دوغا خسارة ماكنعرفش ننزل تصاور كن صورتو ليك او تاخدي فكرة على الديكور او الالوان

                  تعليق


                  • #10
                    okhti ana 3endilik ra2y akhour kayen fkitea frachat 3la chkel feteuilat moumkin dirihoum bnhar guelsou fihoum wblil redihoum frachat wbhakda tkouni drebti 3ousfourayn bhajar
                    wkayen i9tira7 akhour diri frach fou9 frach f9ount wl9ount lakhour chi lhiyef wla 2 netmna nkoun fedtek

                    تعليق


                    • #11
                      اختي انا فنظري الوليدات ضروري خاصهم بيتهم وبالاخص بالاخص بالاخص البنات ضرووووووووووووووري من البيت ماشي بحال الولد يقدر ينعس في اي مكان ديري صالة مونجي فالكوزينة والا كانت الكوزينة مضيقة جلسي وكولي فهداك السيجور ولكن تمتعي اختي مع راسك فالصالون الا عندك لاش خسرتي فيه الفلوس انتي وبنياتك وراجلك الاولى من الغير غير ماتاكليش فيه باش ابقى نقي الا جا شي حد اغلى غفلة
                      ديري للبنيات بيتهم

                      تعليق


                      • #12
                        اختي الحبيبه كل الاراء لي كلتها الاخوات رائعه وعندهم الحق اولدنا هما الاولين وكنقترح عليك انكي تشبعي كلاس فرش صالونك انتي ورجلك وبنيتك يلا متمتعتي ذبا فوقش تمتعي ديري كما قلتلك الاخت صال مونجي فلكوزينه تكلو فيها وروينه كلها ممكن تجمع وصالون كلس فيه كالاميرمع شبررد ديال اتاي نتي ولدتك ومولا دارك هههههههههه وكل وحد يمش لبيتو لبنات فبتهم ونتي وزوج ديالك فبيتك وديري شيتلفزا وهانتي هنيا كنتمنالك اتوفيق

                        تعليق


                        • #13
                          حتى هذا هو نظري في الامر انا عندي 59 متر عرفتوا الديور ديال الضحى نفس الفصالة ديالك غير انا صغر منك ودايرا بيت للأولادي باش يحسوا بحريتهم وكناكل فالسيجور ودايرا التلفزة فالحيط ومهنية مع راسي هما فبيتهم كيلعبوا ولا كيقراو وانا فالسيجور مرتاحة وديري تلفزة فبيت النعاس باش كترتاحي حتى الا الراجل بغا يتفرج فالكرة انتي سيري لبيت النعاس وتفرجي كيما بغيتي غير انا هاذ الايام بغيت نغير بغيت ندير ناموسية فوق ناموسية باش يزيد يوساع البيت


                          تعليق


                          • #14
                            انا اختي متافقة مع الاخوات بيت الدراري ضروري حتى انا بغا نديرو لولادي باش يكون مملكتهم الخاصة يحفضو فيه ويلعبو فيه و الى جا عندي شي حد يكونو على راحتهم هدي الفكرة ديالي
                            http://www.anaqamaghribia.com/pic/im...by7rxzm7un.gif

                            تعليق


                            • #15
                              ديريه اختي انا كنفضل الا كان جنس الاطفال واحد بحال 2 بنات و لا 2 ولاد يكون بيت واحد
                              الله يسر ليك احسن حاجة هي بيتهم بوحدهم قادوه راه بيتهم رونوه راه بيتهم




                              اللهم احفض لي بنتاي و اجعلهما من الصالحات و بارك اللهم لي فيهما و اجعلهما من الشاكرات

                              و تبت لي حملي وارزقني ولدا صالحا سليما معافى




                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X