اجيو دخلو مرحبا بيكم نتعلمو التااااوليل مع بعضنا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجيو دخلو مرحبا بيكم نتعلمو التااااوليل مع بعضنا

    السلام عليكم ورحمة الله وبركاتة
    [IMG]http://www.****************/vb/images/smilies/w6w_20050630184309572058770e07.gif[/IMG]


    اليوم الفكرة ديالتي هي كيفاش نكونو كتوليين مع راسنا و مع ناسنا كنتمنا الفكرة تعجبكوم و لعندو شي حاجة و بغا يزيدها مرحبا[IMG]http://www.****************/vb/images/smilies/smile03.gif[/IMG]


    اوا الواحد مزيان ليه يتعلم التاويل عمر مكتحشم حدى الناس و لالا ماشي غير حط و الباط و هرس و خربق[IMG]http://www.****************/vb/images/smilies/angry.gif[/IMG]


    انا هانبدا بالملاحظات لعندى و الاقترحات و نتوما عاونوني


    1- اولا نبدى براسنا</B>
    الاغلبية ملي كتكون شي مرا فدارها اما كتقدي الشغل و لا غير كالسا كتكون مبهدلة (و كاين المتولات الغزالات)
    الشعر مشعكك و لابسا سروال فلون و كبوط فلون و صندلة ديال ميكة لا حول و لا قوة الا بالله
    --> علاش ما تصوبيش داك الشعير و لا غير كاع مشطيه مرة ضفريه مرة طلقيه و لعندك شي شناتف كيشمشة شديهم بمقيبطات راه كلشي رخيص دابا ماشي كيتمشط من الحمام للحمام و مقفل عليه بفولار[IMG]http://www.****************/vb/images/smilies/55088.gif[/IMG]
    --> ملي تكوني فدارك ديري شي شوية ديال المكياج واخا غير الكحول و الرسيل تشركو عينيك و تباني غزالة و ديري شوية ديال العطر و ديودورون فدوك البيطان و هانتي كتشعلي
    --> دابا الحوايج علاش متفصليش شي قفطان رخيص عملي كلسي بيه فالدار ماشي ملي كتدق الباب عاد كتنوضي كننجا كتجري تلبسي او شريه حتى واجد رخيص و الا كان كيقنطك ديري بحالي كنشري حوايج خروج كنكلس بيهم فالدار راه السلعة دكازا رخيصة شي سروال و شي pullاو شوميز متناسقين فالالوان هطيح عليك ب 100 درهم رخص من بيجاما
    --> دابا الريجيلات شري شي بليغا و لوحي ديك الصندالة دميكا خليها فالحمام للوضوء و التسياق و لا شري شي صنديلة ديال 30 او 50 درهم و كلسي كيشي ملكة


    حتى فالصلاة يا عبا د الله ماشي ملمدة فشي بنوار كربطة دنعناع و تقاشر فلون و فولار فلون.....


    اشنو نزيد ولا باركة[IMG]http://www.****************/vb/images/smilies/smile10.gif[/IMG] اجيو فين غاديين مازال ماسالينا


    2- دابا طبلتنا ديال الماكلة</B>
    - الماء كيتشرب فكاس ديال الزاج شفاف اما طبوز و قصير و لا طويل ماشي كاس ديال ميكاااااااااا او كاس ديال الالمنيوم او ديال اتاي او طاس او غراف ديال اتاي و القهوة كلشي عندو الماعن غير مخبعين و خلاص نديروه فشي صنية مع غراف كبير او قرعة زاج ماشي ديال ميكا و لا ديال المونادا
    -و دابا مع رمضان شحال من واحد كيحط الحريرة فالطبلة فالكصرونة ولا طاوة عوجة كاينا الجبانة بزلايفها عالاش منخدموهاش و كل واحد بزلافتو و معلقتو حداها ماشي الزلايف فقنت و المعالق فقنت


    راه غير الولف هادشي ماشي صعيب و كل مرة حاجة ماشي دقة و حدة</B>


    - و ديرو شي سربيتات فشي لون مغلوق الا خفنا من الطبايع ماشي الرولو ديال الكاغيط ديال الكوزينة[IMG]http://www.****************/vb/images/smilies/55088.gif[/IMG]


    - و الي عندو شي كراسى ديال ميكة يغلفهوم او على الاقل يديرليهم مخدات ديال الكلاس و خا ميكة ماشي محببة و لكان تتفاداها الواحد بالبوفات حسن و حسن...


    الموضوع مازال طويل اوا زيدوني من عندكم



    يتبع....[IMG]http://www.****************/vb/images/smilies/smile15.gif[/IMG]
    sigpic

  • #2
    حشوووووووووووووووومة عليكم اخواتي الانيقات 13 مشاهدة ولا رد واحد وخا تعملي غير نقطة

    في انتظار الاخوات اللي يشجعوني
    sigpic

    تعليق


    • #3
      والله إلا معاك الصح غير كملي، صبني مزيان راه كاين شي مرات كيتجمعو كل هاد المصيب في مرة وحدة، الدار مروبلة، والشعكوكة، والطبلة لا إلاه لا الله وخلاص أنا دابا خارجة للعمل وفي المساء هاني معاك

      تعليق


      • #4
        ربي يحفظك الحبيبة fitoo على الرد ديالك واهتمامك بالموضووووووووع


        في انتظااااار اخواتنا الانيقات
        sigpic

        تعليق


        • #5
          موضوع جد مهم قد ما كان تاويل في الأشياء وخا تكون رخيصة أو قليلة كتبرز نفسها ننتضر منك المزيد للإستفادة والتاويل باين كدلك في طريقتك في كتابة الموضوع
          sigpic‎http://www.anaqamaghribia.com/pic/im...8rs2v4lkx8.jpg.

          تعليق


          • #6
            الله يعطيك الصحة اختي؛مزياااااااااان ف شي عيالات؛هههههه
            انا قتليني و مانشوفش شي دار فيها الوسخ و قلة التاويل؛حتى انني مرضت و مرضت معايا ولادي؛ولاو منين كاندخلو لعند شي واحد لدارو ماسخة تيهضرو بلغوات اماما شوفي كوزنتهم كي موسخة و ناهيك على الحمام حاشاك كيبقاو محصورين حتى يمشيو للدار....المهم انا عندي من الاولويات النضافة و التواول؛فحال دابا عندي سيستيم منزلي:ممنوع الدخول للدار بالصباط؛اول حاجة منين ندخلو للدار نغسلو يدينا وخا منكونوش غادي ناكلو؛صندالة ديال الدار ممنوووووع نخرجو بها للجردة و لا للزنقة؛منين نبغيو نستعملو شي انية نشللوها قبل الاستعمال وخا تكون نقية؛ممنوع على الدراري ياكلو و هوما كيدورو ف الدار؛وقت الاكل كل قاحد عندو غطارو قدامو و سكينو...و لكن ممنوووع مسح اليدين ف السربيتة......
            نجيو دابا للهندام في الدار حتى انا كنلبس اخر صيحات الموضة للمتبرجات باش رجالنا ديما تالفين ههههه و الله يوفق الجميع و يلا تفكرت شي حاجة دابا نقولها

            تعليق


            • #7
              تبارك الله عليكم الحادكات صبنو و زيدو صبنو فالمعكازات ويلا مقدكمش نزيدكم ايوا فلتو دابا مرة اخرى

              تعليق


              • #8
                انا بعد اللحبيبة بحال شي عروسة ديما في الدار مر التكاشط مر القفاطن مر الشورط مر التجين..... كل مرة اشنوعل حساب الحال ........ المكياج ديما اختك new look والشعر حتى هو حيت عندي واحد السالف تبارك الله طويييل ار مانعجب بيه وحتى داري مانبغيش النبشة فيها
                اللهم احفظ لي ابنتي واقر عيني بها واصلحها

                تعليق


                • #9
                  وهانا رجعت من الخدمة أختي أم خالد وإلياس
                  بالنبة لي أنا حيت موظفة، كنخرج بلباس لابأس به ماكنديرش الحجاب ولكن محتشم
                  النظافة مانهضروش عليها، وخا عني الخدامة تتجي 4 مرات في الأسبوع وكتقوم بكثير من الأشغال، كتصيبني هنتها من البعض منهم بحل مسيح الغبرة وغسيل لحمامات وطويان الحوايج
                  التويولات ديال الأكل، رغم قلة الوقت، كنقوم بتحضير وصفات ماسهلينش، كنعجن بالعجانة يعني ماشي الخدامة لي تعجن أو تطبخ شي حاجة إلا المسمن ولبغريروالبطبوط
                  أما المائدة ما كنبخلش على راسي وأسرتي بالأواني الزينة
                  ولكن واحد الديفو فيا
                  7
                  7
                  7
                  7
                  7
                  7
                  7
                  حالتي ما كنتهلاش في راسي
                  غي كندخل من الخدمة الفلار فوق الراس وووووو
                  كنحال شي مرة بدل ونعتاني بأنوثتي ولكن ما كندومش
                  طولت عليكم، حيت الموضوع عجبني، وبغيت نساعدو بعضنا باش نتبدلو طبايعنا الخايبة

                  تعليق


                  • #10
                    السلام عليكم ورحمة الله تعالى وبركاته والله الا هد الموضوع مهم بالنسبة لي لاني كنعيش الحالة يوميا ومغلوبة على امري الى اليوم داري كتشعل فالغد كيختل التوازن رغم اني كندير جهدي لكن بلا جدوى وشغل الدار والله مكيسلي عندي بعد انا رغم وجود العجانة ومكينة الصابون وديال التنشاف بقي لي ديال الماعين نديرها [marq="3;down;3;scroll"]ولكن لازلت اريد حلا[/marq]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X