إعـــــــلان

تقليص
لا يوجد إعلان حتى الآن.

كيفية تدبير مصروف الشهر

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفية تدبير مصروف الشهر

    بسم الله الرحمن الرحيم
    السلام عليكم ورحمة الله وبركاته

    فهاد الموضوع غادي نعطيكم واحد المبلغ خاص بواحد العائلة وكل وحدة فينا تقول لينا كيفاش تتصرف فيه ونحاولو نتعاونو عليه
    المبلغ هو 7000 درهم مغربية خاصة غير بالمصروف اليومي يعني الرافيطايمون، التقدية، اللحم، الحوت، الخضرة، الحليب، الخبز والذي منو .....

    يعني هاد المبلغ مافيه حتى شي مصاريف أخرى ما فيه لا مداريس لا مراجعة لا إيصانص ،لا طرانسبور لا كرا لاما لاضو
    لا والو

    مبلغ خاص غير بالكوزينة يعني الماكلة يعني القص هههههه

    وعدد أفراد هاد العائلة ثمانية أفراد

    يالله كل وحدة تعطينا البروكرام اللي غادي تدير باش تصرف هاد المبلغ على طول الشهر
    وخاصها تصرف مزيان وتشيط
    وملي نساليو مع هاد المبلغ نحطو مبلغ آخر
    حتى نحصلو على سلسلة متوازنة نتعاونو بها على حسن تدبير مداخلنا
    انا في الإنتظار

    sigpic




  • #2
    هههههههههه اول وحدة دخلت للموضوع اختى المبلغ كافي بما فيه الكفاية
    للمطبخ والاكللازم مولات الدار تكون متولة وتعرف تسيير

    تعليق


    • #3
      السلام عليك
      الموضوع زوين لكن خاصنا نعرفو التمانية أشخاص واش فيهم أطفال أولا واش خبايزيين أو كياكلو الشهوات كنظن لكيتقداو ؤ كياخدو ليكفيهم للشهر كلو اقدرواجاوبو بالنسبة لينا حنا لتقادات كنجيبوها منقدرش نعرف شحال كنصرفو غير رون ؤ زيد القدام عليها بقينا ربنا كما خلقتنا.

      تعليق


      • #4
        كل عائلة و نوع المصاريف ديالها كاين لي يتغدا ب البسطيلة و كاين لي ياكل البيصارة.

        كاين لي ينوع في الشلايض و كاين لي يعمل غير وحدة و لا غير الزيتون و باركا.

        كاين لي يشكل في الفاكهة و كاين لي ياخد فاكهة الموسم لي رخيصة .

        الخ الخ الخ ............

        المهم خاص احنا لي نمشيو الميزانية ديالنا ماشي هي الي تمشينا.
        ما شاء الله

        تعليق


        • #5
          اختي هادي راها واحد صاحبتي
          بقا فمها تياكلها كل نهار على راجلها ماتتعرف تقادى ،ماتتعرفش تصرف، عطيني نتقدا انا غادي نعرف احسن منك،
          وهو يديرها ليها على قد فمها قالها شحال خصك للكوزينة قالت ليه 7000درهم ،هاد المبلغ غادي يعطيه ليها ابتداء من 1 فشهر 4 كان ربي مهنيها، اللي حلت عليها فمها تتجيها

          وملي حطها أمام الأمر الواقع حصلات
          دارت معاه هو يتكلف بالفاكتورات ومدارس الدراري وهي تتكلف بالكوزينة
          وطلبت مني نعاونها
          وانا بدوري طلبت منكم تعاونوها

          بالنسبة للعائلة هما ثمانية ديال الناس هي وراجلها ووليداتهم 4 الصغير فيهم عندو 8 سنين والخدامة واختو جالسة معهوم ديما

          sigpic



          تعليق


          • #6
            أختي راه صعيب باش نعطيك ميزانية بالضبط و خصوصا اني ما نعرف طريقة عيش العائلة.

            المهم هاد الموضوع راه مناقش في 2 مواضيع أخرى واحد " لالة شحال كتخسري في الشهر" واحد اخر مثبت غير قلبي على هاد المواضيع يمكن تستافدي منهم .

            أنا شخصيا كنتكلف بمصروف 4 أشخاص ب مبلغ 4000 درهم في الشهر و كنوفر منها خير و بركة .
            شوفي المشاركة ديالي يمكن تعاونك ....
            و بصراحة صاحبتك راه كلاها فمها كون غير خلات الزوج يتكلف بكل شيء حيت راه مسؤولية كبيرة.
            ما شاء الله

            تعليق


            • #7
              السلام عليكم ورحمة الله وبركاته ..انا في نظري راه داك المبلغ كبير بزاف على الكوزينة بوحديتها واش غتبقا توكلهوم جمل فالفطور والغدا والعشا راه كاينين الناس عايشة غير ب 80 الف ريال وهوما قبيلة فدار وحدة وفيها كلشي مستلزمات العيش كاملة ماشي غير الكوزينة ب 7 الاف درهم واااااااااااو مالنا غير فحالة الا كانت غتبقا ترون بلا قياس اما الا غير الكرش راه متقدش على داكشي كامل انا للي فهمت هديك السيدة ماشي بغات تكلف بالكوزينة بداك المبلغ كامل باينة انها مبلانية على انها توفر من داك المبلغ لراسها وتخزنهوم ليها ..هادشي اللي بان لي ..

              تعليق


              • #8
                أختي نرجسية هوما ناس وكالا والدار ما كتخواش من الضياف بشكل يومي زيادة على فشوش الدراري ،والله إلا بعض المرات تيديرو 4 غدوات وبعيني ملي يدخلو ولادها والغدا الموجود ما عجبهمش كلها وشنو تيرون،عييت معاها هني راسك من تامرا وحمدي الله وشكريه والو راسها قاسح
                جزاك الله على المشاركة
                sigpic



                تعليق


                • #9
                  أختي صبورة الزوج كان متكلف ليها بكلشي اللي حلت عليها فمها تتجي حتى لعندها وبالكمية اللي بغات ولكن الله يهديها وخلاص
                  وعييت معاها وقلت ليه راه المبلغ اللي طلبتي كثير بزاف ،واقترحت عليها تدخل فيه حتى حوايج الدراري وتوفر منو واحد القسط تقضي به حوايج أخرى
                  وشكرا على المشاركة القيمة ديالك غادي نقلب على المواضيع اللي قلتي
                  sigpic



                  تعليق


                  • #10
                    هد المبلغ كتيررررررررررر بزاف على مصاريف الكوزينة وخا يكون تيجو عندها الضياف ولكن انا في نضري كتيرررررررررر انا بعد غير 2000 درهم تتكفيني الحمد الله وتيشيط ليا منها

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X