إعـــــــلان

تقليص
لا يوجد إعلان حتى الآن.

خديت ميكرو ويف..............عاونوني....

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خديت ميكرو ويف..............عاونوني....

    الحبيبات الله يخلليكم الى ما فيدوني.....دبا انا خديت ميكرو اوند و مزال مطيبتش فيه حيت في الصراحة معارفاش كل اكلة و الوقت اللي لازمها.....بحال الكيكة و بحال البسطيلة و بحال البيتزا .....هاد الشي ......اللي عندها شي معلومات تفيدني....راجلي قال لي صدعتيني شري لي شري لي مين تشرى معمرك مطيبت لينا فيه شي شهيوة......انا خديت itimat ديال الاينوكس كبير بعدا حيت مبغيتش دوك الصغار.....و تطيب الخبز.....
    غادية نتسنى الاراء ديالكم بفارغ الصبر........لهلا يخطيكم......

  • #2
    27 مشاهدة و لا رد.................

    تعليق


    • #3
      انا اختي عندي الميكرواوند وفيه انه كيطيب ولكن ماعمرني طيبت فيه غير كنسخن فيه او كندوب اللحم الا هزيتو من الكونجلاتور الا عاد شريتيه هزي الكتاب ديالو وقرايه مزيان راه فيه كلشي التعليمات



      تعليق


      • #4
        بصحتك اختي و راحتك الله يدخلو عليك بالصحة و العافية انا بغيت غير نبارك ليك اما انا معنديش باش نفيد

        تعليق


        • #5
          مبرووك عليك اختي ام حفصة


          والله اختي راني نستخدمه هادي كثار من عشر سنين

          بلحق عمري ماطيبت فيه الكيك او الخبز


          كل الي نطيبه هو الدجاج, الاكلات الخفيفة وراني نذوب فيه الي نطلعه من فريكو



          شوفي الكتاب الي معاه, راه فيه توضيحات عن كل شيء وكيفية استحدامه بطريقة صحيحة




          والماركة الي عندك ماعمري استخدمتها




          ان شاء الله يساعدوك البنات هنا




          بالتوفيق اختي...وسمحيلي لو ماقدرت نساعدك
          sigpic

          ليكن حــرفكِ كالمـطـر ..أينما وقع نفع

          تعليق


          • #6
            مشكورات الحبيبات الغاليات على الرد املينة....بلقيس....وارياغلية..........و الله يعطيكم الصحة.....الورقة اللي معاه مكتوبة بالانجليزية وخت تنفهم الانجليزية غير فهمت شي حاجة و شي حاجة والو.............خفت نطيب و ندير شي حرارة زايدة نحرق كلشي ...هههههههههه............نتمنى تفيدني شي اخت بالوصفة و الوقت اللازم اللي تتخصها............. و على كل لهلا يخطيكم.............

            تعليق


            • #7
              اختي الحبيبة مبروك عليك والله اسخر
              انا عندي ايتيما بحالك - فران ديال الضوء - كنطيب فيه كل شيء
              الكيكة- الحوت- الدجاج -البيتزا- الكيش والخبز وووووووووو
              يعني اي حاجة كتطيب فالفران وكل حاجة ووقتها حسب الطياب .راه معاه كتاب اوريك كل حاجة انما مع التجربة ديالك فيه غادي تكتاشفي مميزات الفران ديالك وبالتوفيق اختي.
              الام رقم 53
              شاركوني قراءة مدونتي


              sigpic

              تعليق


              • #8
                المشاركة الأصلية بواسطة نادية ام ياسر مشاهدة المشاركة
                اختي الحبيبة مبروك عليك والله اسخر
                انا عندي ايتيما بحالك - فران ديال الضوء - كنطيب فيه كل شيء
                الكيكة- الحوت- الدجاج -البيتزا- الكيش والخبز وووووووووو
                يعني اي حاجة كتطيب فالفران وكل حاجة ووقتها حسب الطياب .راه معاه كتاب اوريك كل حاجة انما مع التجربة ديالك فيه غادي تكتاشفي مميزات الفران ديالك وبالتوفيق اختي.

                شكرا ليك الحبيبة علر الرد انا ملقيتش معاه كتاب لقيت غير ورقة تتبين كيفاش تخدم و لكن ملقيتش كتيب ديال الطياب مثلا..............منكرهكش الحبيبة تقدري لي كل اكلة و وقتها و الحرارة .....واش نشعل الفوق و التحت بجوج و لا غير حاجة وحدة......راه غير شريستو و ركنتو دبا شي 20 يوم.............

                تعليق


                • #9
                  السلام عليكم

                  اولا اختي بصحتك الفرن

                  ولكن خصك تعرفي انه فرق كبير بين الفرن الكهربائي اللي قالت عليه الاخت ام ياسر وبين الميكرواوند.

                  الفرن الكهربائي فحالو فحال فرن الغاز طيبي فيه اي حاجة ومع الوقت غادي تعرفي كل حاجة وشحال خاصها ديال الوقت.. او انك تعملي مثلا وقت قليل ومن بعد تقلبي الاكلة الا كانت باقا ماطابتش كتزيدي الوقت.

                  والحرارة عامة في الفرن الكهربائي اعتقد ان 200 هي درجة متوسطة وملائمة لكل انواع الطبخ.

                  الخبز والكيك والسمك والدجاج وغيرهم.. الفرق كيبقى في الوقت وكل حاجة وشحال خاصها.

                  مثلا الكيكة اللي كانت غليظة خاصها على الاقل 35 دقيقة الى 45

                  والا كانت في مول كبير ورقيقة ثلث ساعة كافية

                  السمك عينك ميزانك لكن اكثر من نصف ساعة

                  ايضا الدجاج واكلات البشاميل.. مثلا عملتي طبق الدجاج بالبشاميل والخضر خصك من قبل تكوني سلقتي الخضر وطيبتي الدجاج وعملتي كلشي في المول وصبيتي فوقهم البشاميل ويدخل الفرن باش يتحمر فقط وهادي خصها مثلا نصف ساعة على ما يطيب البشاميل ويتحمر سطح الطبق.

                  اما الميكرواوند اختي فطريقة الطهي فيه مختلفة تماما على فرن الكهرباء لانه كيطيب بالاشعة

                  وعندها مضار لذا وجب تتبع ارشادات الاستعمال.

                  الميكرواوند يصلح بالاساس للتسخين مثلا عملتي طاجين وبقات فيه المرقة والخضر واللحم ممكن انك تدخليها للميكرو تسخن في دقيقة على اعلى حرارة او دقيقتين على حرارة متوسطة.

                  ايضا الى كنتي زربانة او جاوك الضياق على غفلة غاتجبدي اللحم مكونجلي وتعمليه فيه على حرارة متوسطة مدة 4 دقائق باش يدوب الثلج.

                  وخصك تنتبهي انك ماتعمليش فيه ورق الالمنيوم نهائيا نهائيا او شي طبسيل اللي فيه الزواق بالذهبي والفضي.

                  من الافضل طبسيل سامبل بلا زواق او طباسل الفخار اللي مصبوغين ولكن بلا هادكشي اللي كيلمع.

                  وايضا اختي مللي تسخني ويطفى خليه مسدود على الاقل 30 ثانية حتى يمشي مفعول الاشعاع عاد فتحيه.

                  هاد الساعة هادشي اللي مفكرة ولكن بغيت نقوليك انه الآن كاينين افران اللي جامعين فرن الكهرباء والميكرواوند واللي ممكن تعملي فيهم اي حاجة.
                  ممكن تعملي بحث في قوقل على اكلات في الميكرويف وغادي تلاقي بزاف ان شاء الله



                  نتمنى نكون افدتك.

                  تعليق


                  • #10
                    السلام عليكم اختي الميكرو اوند غير ديال التسخان كنظن كتقصدي الفران ضو اما ميكرواوند غير للتسخان
                    VESOUL 70
                    depot dossier CCM le 28-novembre-2012CCM pret le 15 -janvier- 2013

                    demande cnf certificat nationalite francaise le 04--fevrier retiré le meme jour 24- janvier-2013
                    casier judicier national demande et delivrance a rabat le meme jour 04-fevrier-2013
                    acte marriage adoulaire 11 MARS
                    Envoi dossier transription nantes 25/3/
                    livret famille khraj 30AVRIL
                    RAJLI MOSLIM FARANSI[/][/url

                    تعليق


                    • #11
                      المشاركة الأصلية بواسطة أم أيـــوب مشاهدة المشاركة
                      السلام عليكم

                      اولا اختي بصحتك الفرن

                      ولكن خصك تعرفي انه فرق كبير بين الفرن الكهربائي اللي قالت عليه الاخت ام ياسر وبين الميكرواوند.

                      الفرن الكهربائي فحالو فحال فرن الغاز طيبي فيه اي حاجة ومع الوقت غادي تعرفي كل حاجة وشحال خاصها ديال الوقت.. او انك تعملي مثلا وقت قليل ومن بعد تقلبي الاكلة الا كانت باقا ماطابتش كتزيدي الوقت.

                      والحرارة عامة في الفرن الكهربائي اعتقد ان 200 هي درجة متوسطة وملائمة لكل انواع الطبخ.

                      الخبز والكيك والسمك والدجاج وغيرهم.. الفرق كيبقى في الوقت وكل حاجة وشحال خاصها.

                      مثلا الكيكة اللي كانت غليظة خاصها على الاقل 35 دقيقة الى 45

                      والا كانت في مول كبير ورقيقة ثلث ساعة كافية

                      السمك عينك ميزانك لكن اكثر من نصف ساعة

                      ايضا الدجاج واكلات البشاميل.. مثلا عملتي طبق الدجاج بالبشاميل والخضر خصك من قبل تكوني سلقتي الخضر وطيبتي الدجاج وعملتي كلشي في المول وصبيتي فوقهم البشاميل ويدخل الفرن باش يتحمر فقط وهادي خصها مثلا نصف ساعة على ما يطيب البشاميل ويتحمر سطح الطبق.

                      اما الميكرواوند اختي فطريقة الطهي فيه مختلفة تماما على فرن الكهرباء لانه كيطيب بالاشعة

                      وعندها مضار لذا وجب تتبع ارشادات الاستعمال.

                      الميكرواوند يصلح بالاساس للتسخين مثلا عملتي طاجين وبقات فيه المرقة والخضر واللحم ممكن انك تدخليها للميكرو تسخن في دقيقة على اعلى حرارة او دقيقتين على حرارة متوسطة.

                      ايضا الى كنتي زربانة او جاوك الضياق على غفلة غاتجبدي اللحم مكونجلي وتعمليه فيه على حرارة متوسطة مدة 4 دقائق باش يدوب الثلج.

                      وخصك تنتبهي انك ماتعمليش فيه ورق الالمنيوم نهائيا نهائيا او شي طبسيل اللي فيه الزواق بالذهبي والفضي.

                      من الافضل طبسيل سامبل بلا زواق او طباسل الفخار اللي مصبوغين ولكن بلا هادكشي اللي كيلمع.

                      وايضا اختي مللي تسخني ويطفى خليه مسدود على الاقل 30 ثانية حتى يمشي مفعول الاشعاع عاد فتحيه.

                      هاد الساعة هادشي اللي مفكرة ولكن بغيت نقوليك انه الآن كاينين افران اللي جامعين فرن الكهرباء والميكرواوند واللي ممكن تعملي فيهم اي حاجة.
                      ممكن تعملي بحث في قوقل على اكلات في الميكرويف وغادي تلاقي بزاف ان شاء الله



                      نتمنى نكون افدتك.

                      لهلا يخطيك علي يا ام ايوب و يحفظ ليك الله تعالى ايوب و وليداتك الى كانو عندك...............راكي فدتيني الله ينورك.............هادا اللي عندي تطيب حتى الخبز قالتها لي واحد السيدة خداتو و حتى واحد الاخت نادية ام ياسر جاوبتني هنايا قالتها لي قالت لي عندها نفس الماركة تطيب فيه كلشي حتى الخبز............ادن هادا فرن كهربائي ياك ماشي ميكرو اوند حيت حتى في الشكل كبير جوج ديال المرات على الصغير المعروف..............المهم ختك عاد تتستافد منكم...............لهلا يخطيك قولي امين


                      تعليق


                      • #12
                        المشاركة الأصلية بواسطة عــــــاشقة الجنة مشاهدة المشاركة
                        السلام عليكم اختي الميكرو اوند غير ديال التسخان كنظن كتقصدي الفران ضو اما ميكرواوند غير للتسخان

                        مشكوووورة اختي على التوضيح.............اظن عندي فران الضو ماشي ميكرو اوند.............

                        تعليق


                        • #13
                          المشاركة الأصلية بواسطة أم حفصة مشاهدة المشاركة
                          الحبيبات الله يخلليكم الى ما فيدوني.....دبا انا خديت ميكرو اوند و مزال مطيبتش فيه حيت في الصراحة معارفاش كل اكلة و الوقت اللي لازمها.....بحال الكيكة و بحال البسطيلة و بحال البيتزا .....هاد الشي ......اللي عندها شي معلومات تفيدني....راجلي قال لي صدعتيني شري لي شري لي مين تشرى معمرك مطيبت لينا فيه شي شهيوة......انا خديت itimat ديال الاينوكس كبير بعدا حيت مبغيتش دوك الصغار.....و تطيب الخبز.....
                          غادية نتسنى الاراء ديالكم بفارغ الصبر........لهلا يخطيكم......

                          السلام عليكم
                          شوفي اختي ام حفصة اناعندي بحال الفرن ديال
                          ك itimat غير انا عندي الصغير ,بالنسبة للطياب كتشوفي نتي عينك ميزانك مثلا الخبز كياخد 40 دقيقة بالحق كندير فيه 2 خبزات وحدة فالفوف والاخرى فالتحت فاش كتحمر الفوفانية كنهبطها التحت ونطلع الاخرى الفوق تحمر..
                          بالنسبة للكيك حتى هو 40 دقيقةفالاول كتشعلي غي التحت حتى طلع وشعلي الفوق حتى تحمر وخرجيها وعنداكي تخلييها فالفرن راه وخا طفا كيبقى شاد الحراة تقريبا شي 5 دقايق ويمكن تحرق لك اي حاجة خليتها فيه..
                          المهم اي حاجة غطيبي كتراقبيها اول مرة باش تاخدي فكرة على الوقت اللي كتستغرق وكيف قلت ليك عينك ميزانك..
                          وبالنسبة لدرجة الحرارة دائما على 250 او max ..
                          بالتوفيق






                          تعليق


                          • #14
                            [QUOTE=ام ايوب وانس;1746214]السلام عليكم
                            شوفي اختي ام حفصة اناعندي بحال الفرن ديال
                            ك itimat غير انا عندي الصغير ,بالنسبة للطياب كتشوفي نتي عينك ميزانك مثلا الخبز كياخد 40 دقيقة بالحق كندير فيه 2 خبزات وحدة فالفوف والاخرى فالتحت فاش كتحمر الفوفانية كنهبطها التحت ونطلع الاخرى الفوق تحمر..
                            بالنسبة للكيك حتى هو 40 دقيقةفالاول كتشعلي غي التحت حتى طلع وشعلي الفوق حتى تحمر وخرجيها وعنداكي تخلييها فالفرن راه وخا طفا كيبقى شاد الحراة تقريبا شي 5 دقايق ويمكن تحرق لك اي حاجة خليتها فيه..
                            المهم اي حاجة غطيبي كتراقبيها اول مرة باش تاخدي فكرة على الوقت اللي كتستغرق وكيف قلت ليك عينك ميزانك..
                            وبالنسبة لدرجة الحرارة دائما على 250 او max ..
                            بالتوفيق

                            شكرا بززززاف الحبيبة زدتيني اضافات.......حيت تخلعت منو .....خفت ندير شي فضيحة ههههههههه............غدا ان شاء الله ندشنو و نرد عليكم الخبار............

                            تعليق


                            • #15
                              السلام عليكم
                              معندك لاش تخافي غي زعمي :)وبرعي الوليدات بالشهيوات
                              وحتى الى تحرق ليك:rolleyes: شيحاجة ما شي مشكل
                              :p





                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X