الانيقات معرض دولي بجنب مرجان درب السلطان

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الانيقات معرض دولي بجنب مرجان درب السلطان

    السلام عليكم كيف حالكن انيقاتي نتمنى تكوني بخير،
    عندي موضوع و معرفتش فين نحطوا ياريت يكون حطيتوا في القسم المناسب، ليوم كنت في واحد المعرض دولي داروه حدا مرجان درب السلطان (او الدريسية) انا مشيت غير على قبل مرت خويا سمعت بيه و قالت لي ياللاه معايا و حشمت نقولها لا ايوا مشينا منقولش ليكم فيه اشياء أكثر من رائعة للديكور (مرايا كبيرة و تحف فنية رائعة ) و الاواني و الملابس من جميع الدول (سوريا باكستان عبايات رائعة) و حتى اكسيسوارات (البلاكيور و اكسيسوارات الشعر و الملابس) و الزرابي ( الكبار و تاع غرف النوم و الكولوارات و حتى تاع الحمامات) و الألعاب (متديوش معاكم الدراري الصغار) و البخور و المصاحف و كتب التفسير و الاقراص المدمجة التعليمية (سيديات) و كلشي المهم كلشي عجبني قلت نديرها في علمكم،و كينين اللات فحال اللي كيديروا في الاذاعات تاع shooping واحد الاواني بواحد المادة قال ليا السيد سميتها و معقلتش عليها هي مادة فحال البلاستيك و لكن مكتهرسش رائع هداك الشي البنات و للعلم راه باقي ليهم 20 يوم تقريبا .......... و الاثمنة جاتني مناسبة و مازال تمشيو و تأكدوا ...........
    انا خديت البخور ليا و لامي و لخواتاتي و خديت بندات الشعر لشيماء و فليلات لملاك و خديت مصحف فيه التفسير في الهامش و بخط عادي باش نقدر نقراه حيت ياربي تسمح ليا كنغلط في الخط العثماني و خديت 4 saucier و خديت واحد القريعات تاع الجيل كيعطروا الجو و خديت طابيات واحد للحمام و وحدة لقدام الباب ....
    ياريت نكون فدتكم بهاد المعلومات و اللي دخلت تدعي معايا الله يشافي ابي و يشوف من حالوا و يخفف عليه ياربي




  • #2
    السلام عليكم ورحمة الله وبركاته
    ههههههههه اش كتقولي انا حداه وماجبت اخبار شاداني اناقة على الخروج الله يحفظك على التبليغ وشكرا
    اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

    تعليق


    • #3
      اه عندك الحق هاد المعرض انا كيحمقوني فيهم اشياء الفن ن الديكور وراني شريت من عندهم حتى انا هادوك الطابلوات من عند الشينوس راه هادي واحد شهر كانو حدا مرجان د طنجة




      صفحة الدروس الحصرية لفن الحلويات و الطرطات المناسبات
      http://www.anaqamaghribia.com/vb/sho...=443791&page=4


      تعليق


      • #4
        المشاركة الأصلية بواسطة الخالة نجاة مشاهدة المشاركة
        السلام عليكم ورحمة الله وبركاته
        ههههههههه اش كتقولي انا حداه وماجبت اخبار شاداني اناقة على الخروج الله يحفظك على التبليغ وشكرا
        هههههه ايوا شتي هههههههه و لكن عرفتي راه مرت خويا عرفاني مهاوشة على الماعن فينما سمعت شي حاجة تجي لعندي تجري



        تعليق


        • #5
          المشاركة الأصلية بواسطة اناقة طنجوية مشاهدة المشاركة
          اه عندك الحق هاد المعرض انا كيحمقوني فيهم اشياء الفن ن الديكور وراني شريت من عندهم حتى انا هادوك الطابلوات من عند الشينوس راه هادي واحد شهر كانو حدا مرجان د طنجة
          ايوا اللالة وصل لدار البيضاء و منقولش لك راه هدوك الطابولوات دارهوم على الدخلة انا وقفت مبقيتش بغيت نزيد ههههههه



          تعليق


          • #6
            بارك الله فيك و جعله في ميزان حسناتك و الله يشافي ليك الوالد و يجعلها ليه مغفرة للذنوب

            تعليق


            • #7
              شكرا لك نهار السبت غانكون في كازا نيت بدرب السلطان ان شاء الله نمشي ليه الله يشافيلك الوالد اختى
              اللهم لك الحمد و الشكر

              تعليق


              • #8
                المشاركة الأصلية بواسطة أمة القادر مشاهدة المشاركة
                بارك الله فيك و جعله في ميزان حسناتك و الله يشافي ليك الوالد و يجعلها ليه مغفرة للذنوب
                ياربي امين اختي الله يطول عمرك و يحفظك



                تعليق


                • #9
                  المشاركة الأصلية بواسطة warda2008 مشاهدة المشاركة
                  شكرا لك نهار السبت غانكون في كازا نيت بدرب السلطان ان شاء الله نمشي ليه الله يشافيلك الوالد اختى
                  ياربي امين اختي جزاك الله كل خير، راني منين عجبني قلت ضروري نقولها للأنيقات يمشيو غير يمتعوا عويناتهم



                  تعليق


                  • #10
                    المشاركة الأصلية بواسطة الخالة نجاة مشاهدة المشاركة
                    السلام عليكم ورحمة الله وبركاته
                    ههههههههه اش كتقولي انا حداه وماجبت اخبار شاداني اناقة على الخروج الله يحفظك على التبليغ وشكرا
                    انت را اناقة شاداك على كلشي متمشي فين هههههههههههه
                    sigpic
                    خير الأصحاب من أحبك في الله ... وذكرك بالله ... وخوّفك من غضب الله ... ورغبك في لقاء الله ... فذلك خير الزاد ليوم المعاد... فلا تهـــجــــر القرآن الكريـــم تلاوة وحفظا وتدبرا وتطبيقا، الحـمد لله الذي نزّل علينا هذا النور المبين

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X