الحادقات ساعدوني في اختيار آلة العجن الانسب للشراء

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الحادقات ساعدوني في اختيار آلة العجن الانسب للشراء

    البنات بغيت نشري عجانة وحايرة ممكن تساعدوني بشي ماركة مزيانة وثمن مناسب الله يجازيكم بخير

    [fot1]ربي لا تذرني فرداً وانت خير الوارثين[/fot1]


  • #2
    حتى وحدة ماتواضعات وقالت نساعد هاد البنت ديما انا زهري هاكه فوقما طلبت المساعدة كنرجع ونلقا الصفحة خاوية اوا سمحوليا مغاديش نعاود كاع نعدب راسي ونكتب

    [fot1]ربي لا تذرني فرداً وانت خير الوارثين[/fot1]

    تعليق


    • #3
      لالالالالالالا احبيبه ديالي ماتقلقيش لينا
      سيري لمنتدي البيت و الديكور تما يقولوا داكشي بالنفصيل

      تعليق


      • #4
        اختي سيري لدرب عمر
        غ تلقايهم تماك
        ولا كاين محل في البرنوصي حدا فين كيتباعوا المصبانات
        والاواني الكهربائية المنزلية غ تجبريها تماك
        راه ثمنهم بحدود 1200 درهم وايلا اكثر ماعنديش خلفية
        انما اخر مرة سقسيت عليهم هذا هو ثمنهم الف وميتين درهم
        يحسب لي كتبيعيهم داخلة
        ههههههههههههههههههه
        راه تجبريهم فين قلت لك
        والله يوفقك اختي

        SIGPIC

        تعليق


        • #5
          اختي ماعندك للاش تقلقي راه كاين اللي ما كتكونش عندو فكرة او مايمكنش ليه يساعدك وعلى العموم راه الاثمنة على حسب الماركات والله يوفقك.
          سبحانك اللهم وبحمدك،اشهد ان لااله الا انت استغفرك واتوب اليك.

          تعليق


          • #6
            وعليكم السلام ورحمة الله وبركاته
            ماكينة العجييييين
            اه ه ه نِـــــــعــــــمـــة

            صراحة تتهني بزاااااف

            و تجربتي معاها الحمد لله فادتني وهناتني
            خصوصا اني عندي مشكل الاربطة يعني العصبة مرخوفة
            إلى عجنت نهار خصني نربط يدي سيمانة بلا حراك

            المهم انا شريتها هادي عامينتقريبا
            غادي نعطيكم إيجابياتها و سلبياتها
            حيت هذا هو الهدف من الموضوع
            و بحكم انها عندي و اني كنت تنتاجر فيها ايضا

            للروبو إيجابيات كيف ليه سلبيات
            او بالاحرى السلبيات تاتكون فسوء الإستخدام
            او الجهل بطريقة عمل الالة
            و عدم التقيد بيها

            طبعا الثمن مرتفع شوية
            إن كانت ماركة عادية او ماركة عالمية معروفة
            فالثمن تيتراوح بين 500 - 1000 - 3000 إلى 10000 درهم

            و الثمن تتحددو قوة الماكينة و الحجم
            و استهلاكها للكهرباء
            و الاكسسوارات للي فيها و قوة تحملها
            و الماركة إذا كانت مشهورة او لا

            الماركات كثيييييرة و اكثرها شهرة هيا :
            كينوود kenwood
            و كيتشن إدKitchenAid
            و كرابس KRUPS
            و كاين اغلاها و
            ا حسنها و اشملها هو المطبخ الصغير تيرموميكس
            THERMOMIX


            لليكيدير كلشي تقريبا
            كيوزن
            و يطحن القمح و كل التوابل وكل محبيتي طحني
            و يعمل دانون و الڭلاص و السوربي و الجبن
            و الصوبة و يطيب الخضر و اللحوم و يبخرها الى بغيتي
            و يعجن
            و بعد هادشي كلشي كيغسل راسو براسو متحتاجي تغسليه هههه



            فالعجانات كاين للي غير الة عجن
            robot petrin
            و فيها اللي روبو متكامل
            Robot menager











            للي غير الة عجين Machine à pétrir/ Robot petrin




            و لي كتعجن و طيب Machine à pain





            ...

            سلبيات الروبو المنزلي المتعدد الإستعمالات
            هيا انك ممكن تعيي ليه الموطور
            او تقطعي الكروة بسوء الإستخدام
            فتضيع ليك إحدى الاليات او كلها

            و بشكل عام
            عند العجن يجب مراعات الكميات
            إلى الإناء كيهز 5 ليتر او 2 كيلو صلب
            فمنديروش فيه 2 كيلو دقيق
            و نزيدو المكونات الاخرى
            لاننا غنفوتو الحد المسموح بيه
            و الموطور مسكين غيهز كثر من جهدو
            و يسخن بسرعة و ممكن يتحرق

            و ايضا ملي نخدموها مننساوهاش
            يعني واخا هيا كتعجن لراسها نبقاو نطلو عليها مرة مرة
            و نوقفوها ترتاح عاد نخليوها تكمل


            طبعا التنظيف مهيييييم

            إلى كان عندنا روبو يعني متعدد الإستعمالات
            ممنوع نخدمو شحال من حاجة فنفس الوقت
            يعني إما يعجن او يطحن
            و نخليوه يرتاح و يبرد الموطور
            عاد نغيرو الإستعمال



            و نصيحتي للاخوات بعد تجربتي
            انهم ياخذو الروبو اللي غير تايعجن
            ماشي متعدد الإستعمالات

            لانك مغدييييش تستعملي دوك الإكسسوارات إلا نااااادرا
            و من الاحسن تحافضي على قوة الموطور و يبقا خاص غير للعجن


            اما بالنسبة للي يبغيو يعملو بيه الحلويات
            فوجب التنبيه انه لا يقبل الكميات القليلة
            يعني إلى درتي فيه 3 بيضات راك تاتفلاي معاه
            حيت سعتو السائلة 5 ليتراااااات
            20 بيضة عاد تبان ليه خخخخخخخ

            و المكان فاش غتحطيه حرصي انه ميكونش قريب للفران او الكويزينير او الماء
            باش مياثروش عليه


            و ايضا كثرة اليدين تتاثر فالحفاظ على الالات عامة

            و كيف تايقول المثل إلى كان حبيبك عسل متلحسوش كلو
            حيت الله يهدينا غير تنلقاو فالحاجة راحتنا تانتكاو عليها حتى تنخرجو عليها


            ان شاء الله نكون فدتك انتي و باقي الاخوات للي يبغيو يشريو العجانة
            و الله ييسر للجميع





            ان غبت عنكم
            و ساغيب في يوم من الايام
            فاتمنى من العلي القدير
            ان يكون لي نصيب خير بما خطته يدي
            يصلني بدعائكم لي
            اينما كنت فوق الارض او تحتها


            أمنارAmanarre
            أم ريان و كاميليا
















            فهرس اطباقي المصورة (متجدد ان شاء الله)




            ترقبن جديد وصفاتي المصورة بإذن الله



            تعليق


            • #7
              الله يعيك الصحة على هذا الشرح المفصل
              بكل صراحة راهم رحمة وخلاص
              أنا شريتها غالية ولكن روعة




              لتنظيم المسابقات

              [





              بداية الحمية في 12/06/2012[/CENTER]

              تعليق


              • #8
                مشكوووووور والله يعطيك الف عافيه

                تعليق


                • #9
                  المشاركة الأصلية بواسطة أم سامي مشاهدة المشاركة
                  الله يعيك الصحة على هذا الشرح المفصل
                  بكل صراحة راهم رحمة وخلاص
                  أنا شريتها غالية ولكن روعة

                  الله يسلمك و يعافيك احبيبة
                  فعلا هو نعمة الحمد لله على نعمه الكثيرة
                  اللتي لا تحصى و لا تعد

                  اي فرنك تحطيه فيه يستاهلو الصراحة
                  لانه كيعاون بزاف

                  انا عندي ماركة عادية و لله الحمد مسخرها الله

                  لكني طامعة فتيرموميكس غير باقي مجمعت ليه
                  الطمع و ميدير خخخخخ


                  ان غبت عنكم
                  و ساغيب في يوم من الايام
                  فاتمنى من العلي القدير
                  ان يكون لي نصيب خير بما خطته يدي
                  يصلني بدعائكم لي
                  اينما كنت فوق الارض او تحتها


                  أمنارAmanarre
                  أم ريان و كاميليا
















                  فهرس اطباقي المصورة (متجدد ان شاء الله)




                  ترقبن جديد وصفاتي المصورة بإذن الله



                  تعليق


                  • #10
                    شكرا امنار على كل هاد التوضيحات.
                    حتى انا كنقلب على عجانة مزيانة و نصائحك فادتني .
                    لقيت واحدة ب1250 درهم كترفد2 كيلو ونص و ماركة المانية ما عقلتش على الاسم.
                    واش غير نزعم و نشريها ولا نزيد نسول مازال؟؟؟؟؟؟؟؟؟؟
                    ما شاء الله

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X