كنربح شهرين في العام بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كنربح شهرين في العام بالصور


    السلام اخواتي

    كنتمنى تكونو بخير



    هاد الموضوع كتبتو باش نقول لكم تجربتي الي تنربح بيها شهرين في العام
    هو موضوع بسيط فيه برنامج ديالي الاسبوعي
    انا استافدت من بزاف الاخوات هنا ومن افكارهم في الترتيب والتنظيم وقلت علاش لا منوريكمش تانا طريقتي




    اولا نبداو بالقضية ديال شهرين
    تثدر تجيكم غريبة


    ولكن هي بصح


    كنفيق يوميا مع 6h ديال الصباح وعندي جارتي تتفيق يوميا مع 10h
    وكنلقاها ديما مرونة ومعصبة وما عاجبها حال
    البارح كنت باركا كنفكر قلت اجي نضرب الحساب بيني وبينها في فارق الساعات ديال النعاس


    لقيت انني تنربح في كل نهار 4h
    يغتي في شهر الي تيتكون من 30 يوم ايكون عندي 120h الى قيمتها على 24h الي هوما عدد ساعات اليوم اتعطيني 5الايام في الشهر
    اي انه في العام انكون ربحت 60 يوم بالمقارنة معاها


    كاين الي اتساءل معاش تنعس


    قبل نجاول خاصك تعرفي ان الجسم ديالنا محتاج ل 6تل 7 الساعات ديال النعاس ومفيها باس من قيلولة ديال النهار


    ادا الى نعيتي مع 11 او 12 ديال اليل راكتفيقي شبعانا نعاس
    لانك عطيتي للجسم ديالك الحاجا ديالو



    دابا ندوزو للشق التاني من الموضوع



    الاسبوع طبعا فيه 7 الايام


    ما اندوزهمش كاملين في الشقا والطياب لانني ماعايشاش غير باش ناكل ولكن خاصني نعطي لكل دي حق حقه


    وغالبا تندير في راسي انني عندي 2H للشقا في النهار الى درت قل ايكون احسن الى كملت الساعتين وباقي مكملتش كناجل الباقي للغد وغاليا كنكون ساليت قبل







    نبداو بالشقا كيف كندير



    عندي نهار التنين الي تتكون فيه الخدمة


    من تنفيق
    كنبدا اول حاجا بانني نحيدي كلشي من قدامي لانني انسيق الدار


    وتندوز للكوزينة كنحيد كلشي الفراش والماعن والزربية تساس





    كندير الحوايج الملونين في الماكينة ديال الصابون



    كنلبس اليGات والطابلية وزيف على راسي وشي حوايج الي معندي بيهم غاراض ومريحين في الحركة






    كنغسل اولا الماعن ونخليهم يتسقطرو







    تندوز نمسح العود كامل لان غالبية الاتات ديال العود









    وكجي دور الحكان ديال الارض
    وتنمسح الجاج
    لان الايام الاخرى تنولي ندير غير جفاف خفيف ومسيح سريع





    كنحل الشرجم ونخلي الدار تتهوا وتنشف الدنيا







    وكندوز لبيت نعاس نجمعو ونرتبو









    ونجفو تاهو تم الحمام


    كنحك البانيو طبعا ولافافو والطواليط اعزكم الله
    عاد تنمسح الجاج
    من بعد تنجفو
    وملي تنشف الدنيا تنرجع كل حاجا لبلاصتها





    وكنمشي للبيت الاخر نرتبو



    ونرجع تاني للكوزينة الي اتكون نشفات وانتاعشات هههههه



    كنرجع الماعن لبلاصتهم








    ونفرش كلشي كيف كان








    وكنحيد الحوايج من الماكين وندير بلاصتهم البيضين
    في الاصل دايرا يومين في السيمانا للاصبين هوما الاتنين والخميس للحاجات الي ضاروريين او محتاجاهم اما غالبا ككون غير التنين





    كنطل على الساعا تنلقاها يله 8H
    1. كنفطر ونبدل حوايجي ونلبس سبرديلتي[IMG]http://www.****************/vb/images/smilies/smile03.gif[/IMG] ونخرج ندير شوية ديال لاماغش لان في المغرب كنت دايرا لاصال دابا هنا غالي ومختلطة ولكن الطبيعة زوينة كنستغل الفرصة لمدة ساعة يوميا

    9H تتلقاني رجعت للدار او الى كنت خاصني نتقدا شي حاجا تنديرها حجا وزيارا
    خارجا خارجا تنجيب معايا شنو خاص




    وكندخل لدار



    كندوش وندخل للمنتدى ومواقع اخرين باش ندير ميز اجوغ لدماغي لان مشي انقرا غير في مجال واحد وانما خاصني ناخد معلومات اخرى من مجالات تانيا




    مع 11H كنوجد شي حاجا للغدا غالبا 12H تنكون ساليت كلشي




    كنبقا تاني في الانترنت تا يجي راجلي



    ونتغداو ونتكا نرتاح شوية القيلولة طبعا


    وكنوض نوجد شي شهيوة للعشية وكل نهار ورزقو واشنو اندير فيه




    هادشي قلت لكم على النهار ديال التنين الشقا ديالو الي كتر




    هاهو نهاري خطوة خطوة



    الاربعاء كنشقا خفيف ولكن ككون عندي الصليح ديال الحوايج الي نشقو نهار التنين



    الخميس
    تاني الشقا خفيف وفي العشية لراجلي



    هاد الحمام ديريه غير للي عزيز عليك





    والجمعة كنحاول نشقا فيه في الصباح مزيان لان السبت كنشقا فيه قليل


    والاحد عطلة ديال راجلي كنكون موجدا الماكلا قبل او غير شي حاجا الي خفيفة ومتتطلبش وقت والماعن متندوزش من جيهتهم ولا جفاف كنخلي كلشي للتنين






    مرة مرة من تيكون عندي شي وقت تنتفكر شي قنت نعاود ترتبو


    واهم حاجا هي التنظيم لان تا حاجا ماصعيبة




    وهاكدا كنكون دوزت نهاري ظريف ولطيف وكنحس بالوقت ديالو وانه طويل مشي دغيا كدوز



    وكبقا عندي لوقت لانني ندير بزاف الحاجات




    وتنربح كيف قلت في العنوان شهريين في العام من صحتي
    هناك من يبحت عن السعادة وهناك من يصنعها

  • #2
    تبارك الله عليك حادكة الله إخلي ليك صحيحتك


    تعليق


    • #3
      الله يعطيك الصحة،ومتنسايش التسبيح وقراءة القرآن،أدام الله لك الصحة والعافية
      sigpic
      اللهم إنك أعطيتنا الإسلام من غير أن نسألك.. فلا تحرمنا الجنة ونحن نسألك

      تعليق


      • #4
        sam7iliya wa7ad l7ja limajbatihach hiya sala 7it jbadti l9ayloula okolchi ila sala osam7iliya otabrakalah 3lik raki 7adga

        تعليق


        • #5
          السلام عليكم ورحمة الله وبركاته

          أختي الله يعاونك ولكن ماذكرتيش لنا كيفاش دايرةمع الأطفال؟؟؟؟


          واشكاين شي برنامجوتقسيم الوقت والأطفال بسلامتهم محتاجين وقت كبير فالبيت وكذا حتى توصيلهم للمدارس خاصة لي بحالي نوصله الصبح ونرجعه ونوصله تاني بعد الظهر كيمشي اليوم كله مع الطريق

















          ياما كان فيها ممالك .. إلاوجهه كله هالك

          من ترابها ولترابها .. من وكان في الدنيا مالك
          مين وكان في الدنيا ملكه .. إلا جاله يوم وهلكه
          مهما نوره طال ظهوره .. جاي ليل ع الدنيا حالك

          جاي ليل ع الدنيا ضلمة .. ياما ناس في الدنيا ظالمة
          في المظالم كل ظالم .. جايله ليل أسود وحالك
          ياما كان فيها وياما .. من هنا ليوم القيامة
          الممالك والمهالك .. مالي يا دنيا ومالك











          شكرا غاليتي أمنار


          حملة الدعاء لاخواننا السوريون يوم الجمعة هلمي اختي


          ،أستحلفكن بالله..الدعاء ثم الدعاء ثم الدعاء لاخواننا في سوريا.







          تعليق


          • #6
            تبارك الله عليك عجبني التنظيم ديال وقتك الله يعطيك الصحة ,اذا سمحتيلي الاخت ام وائل ناخذ نظامك ونطبقو فداري لاني غاد غدي نولي مولات دار ههههههه حيت غاد نلتحق بزوج الديالي ان شاء الله وعيت منخمم كيفاش غاد نقسم وقتي لانني في المغرب كنخدم ومكندير والو فالشقى ديال الدار غير ماما الله يخاليها ليا منظما وقتها كدير كلشي انا حتى نهار السبت كندير شقى كامل لكن هي اللي كتطيب لينا و نهار ديال الاحد كنخرجو نتغداو بارا و كنسيها شقى اللي كتشقى معاناههههههههه,الله يسمحنا من الوالدين,اوا حتى ماما منين قرات الموضوع ديالك عجبا تنظيمك للوقت ما شاء الله عليك


            تعليق


            • #7
              تبارك الله عليك منظمة
              احسن حاجة في الحياة هي النظام



              تعليق


              • #8
                المشاركة الأصلية بواسطة romaysati مشاهدة المشاركة
                تبارك الله عليك حادكة الله إخلي ليك صحيحتك
                الله يبارك في عمرك



                المشاركة الأصلية بواسطة أم محمد أيوب مشاهدة المشاركة
                الله يعطيك الصحة،ومتنسايش التسبيح وقراءة القرآن،أدام الله لك الصحة والعافية
                المشاركة الأصلية بواسطة meriem haidar مشاهدة المشاركة
                sam7iliya wa7ad l7ja limajbatihach hiya sala 7it jbadti l9ayloula okolchi ila sala osam7iliya otabrakalah 3lik raki 7adga
                طبعا اختي في الاصل من تنفيق تا ندير سورة البقرة غالبا باش تبقا في الدار كاملا مرة في يومين
                والصلاة طبعا فهي بين العبد وربه مدكرتهاش لان وقت الفجر ككون قبل السادسة يعني ككون داز
                هناك من يبحت عن السعادة وهناك من يصنعها

                تعليق


                • #9
                  المشاركة الأصلية بواسطة يارا2000 مشاهدة المشاركة
                  السلام عليكم ورحمة الله وبركاته

                  أختي الله يعاونك ولكن ماذكرتيش لنا كيفاش دايرةمع الأطفال؟؟؟؟


                  واشكاين شي برنامجوتقسيم الوقت والأطفال بسلامتهم محتاجين وقت كبير فالبيت وكذا حتى توصيلهم للمدارس خاصة لي بحالي نوصله الصبح ونرجعه ونوصله تاني بعد الظهر كيمشي اليوم كله مع الطريق
                  انا اختي باقي ماجابش الله وليدا
                  ولكن اعتابري داك الوقت الي تتديهم فيه هو لاماغش ديالك تتمشاي فيه را مزيانا للصحة بزااااف
                  اما بالنسبة للاطقال اختي وانطلاقا من ثرايتي لبعض المواضيع الخاصة بالاطفال ومن داكشي الي تنشوف في هاد البلاد
                  من الاحسن تخليهم يعتامدو على راسهم وهوما يعاونوك
                  وكلشي بالتعود والتنظيم الى بغيتي ممكن نساعدك ببعض المواضيع الي فادوني واخا باقي مبديتش التطبيق او الى عندك شي حالة معينة حكيها ليا




                  المشاركة الأصلية بواسطة ليلى بنت محمد مشاهدة المشاركة
                  تبارك الله عليك عجبني التنظيم ديال وقتك الله يعطيك الصحة ,اذا سمحتيلي الاخت ام وائل ناخذ نظامك ونطبقو فداري لاني غاد غدي نولي مولات دار ههههههه حيت غاد نلتحق بزوج الديالي ان شاء الله وعيت منخمم كيفاش غاد نقسم وقتي لانني في المغرب كنخدم ومكندير والو فالشقى ديال الدار غير ماما الله يخاليها ليا منظما وقتها كدير كلشي انا حتى نهار السبت كندير شقى كامل لكن هي اللي كتطيب لينا و نهار ديال الاحد كنخرجو نتغداو بارا و كنسيها شقى اللي كتشقى معاناههههههههه,الله يسمحنا من الوالدين,اوا حتى ماما منين قرات الموضوع ديالك عجبا تنظيمك للوقت ما شاء الله عليك
                  ماشاء الله الله يكمل عليك بخير اختي ويبارك ليك فيه ويبارك ليه فيك
                  والله يخلي ليك الوالدة اختي ويحفظها
                  تا حاجا ما صعيبة اختي
                  غير نوي الخير وان شاء الله كلشي ايكون على خير وبخير





                  المشاركة الأصلية بواسطة anoussa-oujda مشاهدة المشاركة
                  تبارك الله عليك منظمة
                  احسن حاجة في الحياة هي النظام

                  الله يبارك فيك
                  هناك من يبحت عن السعادة وهناك من يصنعها

                  تعليق


                  • #10
                    بارك الله فيك

                    ربي يبارك ليك في وقتك وجهدك

                    شكرا لك مقاسمتنا ومشاطرتنا وقتك وكيفية تنظيمه

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X