عتقوني الخدامة جابتلي البرغوث

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني الخدامة جابتلي البرغوث

    السلام عليكم
    انا ديما كاندخل لهذا المنتدى الرائع و لكن اليوم اول مشاركة لي حيت راني مصدومة و معرفتش اش ندير, القصة بدات ملي جبت واحد المراة تشد ليا بنتي لي مزال مكملتش 2 سنوات, بنتي ضهرو فيها شي حبوب بحال التولال
    انا كنت كنعتقد من الماكلة و لكن بداو كيكترو و ديك المرأة بنفسها قالت لي بان شي حشرة لي كتعضها و قالت ليا راه كيكونو فالقطوط
    انا معندي لا قط و لا كلب و لكن الخدامة يمكن مربيا المعيز او الشياه حيت كتاخد بواقي الطعام.
    انا حايرة
    اش ندير مع الحشرات و اش ندير مع الخدامة مع العلم انني محتاجها بزاف
    جاوبوني الله يرحم الوالدين

  • #2
    يمكن حتى وحدة معرفات باش تفيدني حيت هاذ الحشرات مبقاوش بزاف ياك
    و لكن انا لسوء الحظ تبليت بيهم

    إوا بعدا غير دعيو معايا الله يبعدهم علي و حتى عليكم

    تعليق


    • #3
      السلام عليكم و رحمة الله و بركاته،

      حبيبة ما تقوليش هاكا راه هاد الحشرات موجودة في أي مكان و أي واحد معرض ليها، لهلا يسلطها على شي حد، الله يفكك منها راها صعيبة و تا تسبب في أمراض، لي نقدر نصحك به :

      - إلى قرصات شي حد، مسحها فلبلاصا بمطهر قوي
      - دهنو لحمكم بزيت الخزامى (huile essentiel lavande)، حيت الخزامى هي عدوة الحشرات
      - دوزي l'aspirateur على سدادر و طوابل و زرابي و ريدوات وجميع لقنات، ديرها يوميا
      - إلى عندك ماكينة ديال صابون دوزي فيها كل الملابس بدرجة حرارة عالية، و إلى كانت شي حاجة لي ما تحملش الماء، و عندك seche linge دريهم فيها على درجة حرارة عالية، راه البرغوت ما تا يتحملش الحرارة
      - ديري مبيد الحشرات خاص به كل 10 أيام، حيت إلى مات لكبير، تا يبقى البيض، خرج من الدار و سدو النوافذ، و ديري وقاية للتنفس و ديري المبيد و سيرو باتو فشي دار أخرى

      و كانظن غادة تقدري تحاربيه بهاد الطرق، و ما تنسايش مرة مرة بخري الدار بالشيح و زعتر و الخزامى، أنا راه لي قال ليا الحشرات تا نقول ليه عليك بالخزامى هههههههه
      الله معاك أ ختي

      تعليق


      • #4
        السلام عليكم و رحمة الله

        الله يجازيك بخير اختي ام امنية و الله يخلي ليك لي غالي عليك
        النصائح ديالك مزيانة بزاف
        اليوم غدي نجربها

        شكرا اختي

        تعليق


        • #5
          salamo 3alikom
          okhti hta ana rir fi had chhar ban 3andi lbarghoute ol ba9 oman9oulch lek kif wella lahmi kollo mna9atee bi lehboub hta ktachefte bi anaho lbarghout .lmouhim hoa kaykoun bi akhass fi bite n3ass bach ye9rosna meli na3so hhhh
          kharajte dar kamla o nadaftha meziane o tbakhte ssanouje o safito o3malto fi bakhakh aw rachach o rachite bih dar kamla kamla makhalitch chi blasa marachitch fiha hta plakarate dial hoayje ohta lehoaye rachithom wakha wallao kkahlin walakin machi mochkil radin yetsabno men be3d o chatabte bi lasbiratour beziane o msahte bi maa sanouj plakarate osabante mantate o chamaste lehayje ohawite dar et en fin rachite lekhmira hboub ola khmira rabra dial khobz tehte namousia o tehte lkwafouzo et les coins dial dar kamla o khdite touma o dertha hta hia tehta namousia et les coins o hmdellah men dak nhar machto hadchi li derte bhal rahmate llahmab9ach fi dar bikhtra
          hada bi fadli llah nsite haja okhrameli derte had chi kamel bakharte dar bi kamoun meziane osadite 3liha okhrajte
          omeli rja3te hawite dar chwia o 3atart les placar fi kamousate lekhzama et kamousate saboun mo3ater et waste lehwayje
          et en fin hamdellah mab9itch chefte kal9to tani 3andi fi dar
          netmana nkoun fedtek rah 3an tajriba chakhsia
          llah y3awnek harbih 9bel maykter bezaf
          sobhanaka llahoma wabihamdik achhado alla ilaha ila ante astaghfiroka wa atoubo ilayk
          ][]


          تعليق


          • #6
            السلام عليكم

            شكرا اختي على النصائح ديالك و على سلامتك لي تهنبتي من ديك الافة
            حتى انا راني دايرة عليه حملة مضادة ، شريت الكافور الخاص بالحشرات ( غبرة بيضاء) و درتها ف الركاني ديال الدار و كنبخر الدار يوميا اما بالخزامة او الكامون
            و كندوز لاسبيراتور من بعد,
            المشكل انا ساكنة في مدينة فيها الرطوبة بزاف بزاف، يعني مكيناش الشمش مزيان
            الحمد للله بنتي مبقاش عضها و لكن مازال كاين حيت انا عضني البارح و حتى راجلي عضو و دار ليه allérgie تنفخات ليه العضة و زراقت
            دعيو معايا الله يخليكم
            و الحمد للله على كل حال

            تعليق


            • #7
              لا حولة و لا قوة الا بالله اختي بقات في الصغيرة والله مسكينة ما تستحملش ردي بالك الحبيبة وحاربيه




              " اللهم بلغنا وسلمناإلى رمضان وسلم لنا رمضان وتسلمه منا متقبلا "

              تعليق


              • #8
                الله يعاونك الحبيبة اتبعي نصائح الأخوات و الله يرزقك الصبر للقضاء عليه

                تعليق


                • #9
                  الله يحفضلك بنيتة
                  sigpic

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X