إعـــــــلان

تقليص
لا يوجد إعلان حتى الآن.

مساعدة بخصوص الطاجين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة بخصوص الطاجين

    عافاكم راني عندي طجين جديد و بغيت نطيب فيه و معرفت كيف نعمل ليه باش ميطرطقش و مايلصقش و يحرق الماكلة
    اللي عندها اي معلومات عن الاستعمال الاولي للطاجين لا تبخل علينا بالافادة و لكن جزيل الشكر

  • #2
    السلام عليكم ورحمة الله
    شوفي عزيزتي الطاجين قبل أول استعمال لازم يبات فالماء ومن بعد ينشف شوية وعاد نصبي فيه وأول حاجة ديري الزيت وخليه يسخن عاد زيدي البصلة فالمرحلة الثانية ،هذه العملية كتخلي الطاجين مايلسقش ولما تذبال البصلة زيدي اللي بغيتي لأنه كيكون صافي (تصلب كيف ما كنقولو)، وردي بالك عمرك ما تضيفي الماء وهو بارد لأنه هواللي كيطرطقو دائما الماء يكون سخون أو على الأقل دافئ مزيان ، والنار تحت منه تكون مابين متوسطة وضعيفة هذه الطريقة غتخليه يطيب على خاطره بلى ما تزيدي الماء وهذه من تجربتي الخاصة ، وصدقيني غيطيب فالوقت المحدد للوصفة ماتخفيش يتعطل
    هناك ملاحظة: شوفي أختي الأنواع الأخيرة ديال الطواجين دخلو الرصاص فالتركيبة ديال المادة الملمعة للطاجين(الفيرني) فإلا لاحضت أن الغطاء لما سخن طلق السواد لاتستعمليه عزيزتي الصحة أغلى ، من أفضل الطواجين الآن السوسي لأنه مافيهش الفيرني فداخل الغطاء
    وأي سؤال أنا تحت أمرك
    sigpic

    تعليق


    • #3
      دهنيه بالزيت والبصلة وديه نالفران دالحومة يخليهلك يبات حتى نهار أخور يعني لغدا وطيبي فيه ،مجربة

      تعليق


      • #4
        akhti karima ana hayat salam 3alik nbghi n9ol lik bli a7san nasi7a li hta ana khditha mn 3anw wahd siyda barak lah fiha bli khdodi chahma dyal ghnmi o dhnih mn bra o ldakhl mzyan o dirih t7t nar mhila o khalih ichrb hadik chahlma mn b3d kaywli bnin tyabo o makayb9achi i7ra9 makla

        تعليق


        • #5
          أبليت وأخلفت الله يسخرو بالنسبة للطاجين الجديد كندهنوه بالزيت من الداخل والخارج وملي نطفيو على الفرن بعد طهي الخبز ندخلوه ليه ونخليوه حتى يبرد ومن بعد نستعملوه والتوفيق من عند الله سبحانه.

          تعليق


          • #6
            السلام عليكم ورحمة الله وبركاته
            تبارك الله الاخوات ماقصرو وكل واحد وطريقتو .بالنسبة للطريقة اللي كنستعمل دائما وهي انني كندهن الطاجين مزيييييياااااااااااااااااااااااان بالزيت وممكن تصبي شوية د الزيت في الطاجين وتخليه ليلة كاملة ومن بعد حكيه بالبصلة وديه للفران د الحومة يبيتو في الرماد ليلة كاملة ومن بعد جيبي الطاجين ديالك وغسليه وطيبي فيه عااااااااااااااااااادي .ونصيحة اخرى دائما مني تبغي تحطي الطاجين ماتحطيهش مباشرة في الارض حطيه على كرطونة اولا سفيحة لان حتى الرطوبة كتخرج عليه .
            نتمنى نكون افدتك من خلال تجربتي الطاجين كيبقى عندي حتى كنكرهوا .

            تعليق


            • #7
              حتى أنا متافقة مع البنات دهنيه بالزيت أو الشحمة
              أوملي تبغي تنصب بداي بدوائر مطيشة عاد دوائر البصلة عاد اللحم لأن مطيشة كتطلق الماء وملي يبدا يلسق البصلة كاتتعسل وكتطي واحد البنة غزالة وخصوصا ودا رشيتي البصلة بالقرفة والسكر عاد تديري اللحم

              تعليق


              • #8
                اختي الى كانت بغيتي تستعمليه فوق البوطة لا بد تعملي واحد القزديرة مدورة واه تتباع عند مالين طواجن باش مايطرطقش الطاجين

                تعليق


                • #9
                  اختي دهنيه بالشحمة وديريه فوق الفاخر حتى يشرب وخليه فيه من بعد استعمليه هد الشي اللي درت للطاجين ديالي


                  تعليق


                  • #10
                    مشكوووووووووووووووووووووورات كل وحدة باسمها و الله يجعل هدا المساعدات اللي استفدت منها في ميزان الحسنات المقبول
                    لهلا يخطيكم يا احلى انيقات تبارك الله حادكات
                    المشكل انا معندي منين نجيب الشحمة و لا فران الحومة لاني كنعيش برا المغرب
                    غنتوكل على الله و نبيتو يومين في الماء و من بعد ندهنو مزيان بالزيت من برا و داخل و نخليه يبات في الزويتة و ملي نطفي الفران ندخلو يشرب حرارة الفرن ههههههههههههها شفتو هدا خيلوطة اللي غندير ههههههههههههها
                    اللي شافني على هدا السؤالات على باله غنطيب ليل و نهار ووووووواع راني قاتلني جوع مكاناكلش الوحم قتلني معرفتش شنو نعمل قلت ربما الطاجين ريحتو تكون غير و ناكل الى كتاب
                    ربي يحفظكم كاملات و لهلا يخطيكم
                    لكم الف شكر

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    الأعضاء الأكثر نشاط

                    تقليص

                    There are no top active users.
                    يعمل...
                    X