لعندها مكنة العجين تساعدني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لعندها مكنة العجين تساعدني

    السلام عليكم
    بغيت نشري مكنة العجين وحايرة ماركات كتيرة وتمان مختالف شي غالي بزاف شي متوسط رخيص ماكاين؟
    لعندها فكرة على ماركة مزيانة بتمن مناسب تفدني واش :فعلا كتنقص الشغل وكتهني ولا والو؟ماما كتقولي ماعندها فايدة مكتهز تا زوج خبزات وويخصك تغسلي الغراف و طراب ديالها وتمسحيه مزيان:............................؟يعني تزاد الشغل اخلاص الله اخللي ملاتي الكصعة تندلك 5 الخبزات كد الروايض ونتهنا من العجين سمانة هههه هدا كلام ماما اما انا كنقلب او نسول لمجرب عاد نقرر حيت قالتلي نفس الهدرة على مكنة الماعن وخا هكاك خديتها ملي شافتها كتعاون عجبتها وخدتها لها تهيا كادو اوا فيدوني الله اجازكوم بخير

  • #2
    اووووااااااااه مكاين تارد مشيت اعجنت ونا تندلك فالعجينة وتنفكر فالمكنة والردود ليغنتلقا ساعا والو. اوا نتسناو نمشي نيت نكرص داك الخبز ونطيبو ونرجع نطل عليكم

    تعليق


    • #3
      السلام عليكم،فاينكم الاخوات مزال محنيتو فيي بشجواب راه قرب رمضان وخاصن المكنة وزعما معولة عليكم تعاونوني فالاختيار.بصارحة انا صعيب نشري كخص ندور ونعاود مننخيلي فين نقلب عد نقرر ؟ دبا عند تر بيا منقد نخرج بزاف اوا عونوني الله ايسر اموركم.

      تعليق


      • #4
        اختي حتى انا بحالك تنسول يا ريت تدخل شي اخت تفيدنا

        تعليق


        • #5
          باينلي اختي كان عليا نحط هاد الموضوع فقسم المعجنات تماك غيكونو المهتمات بالموضوع اما هنا ماداها فيا حد غير ندلك عجينتي بيدي تيحن الله

          تعليق


          • #6
            وعليكم السلام ورحمة الله وبركاته
            ماكينة العجييييين
            اه ه ه نِـــــــعــــــمـــة

            صراحة تتهني بزاااااف

            و تجربتي معاها الحمد لله فادتني وهناتني
            خصوصا اني عندي مشكل الاربطة يعني العصبة مرخوفة
            إلى عجنت نهار خصني نربط يدي سيمانة بلا حراك

            المهم انا شريتها هادي عامينتقريبا
            غادي نعطيكم إيجابياتها و سلبياتها
            حيت هذا هو الهدف من الموضوع
            و بحكم انها عندي و اني كنت تنتاجر فيها ايضا

            للروبو إيجابيات كيف ليه سلبيات
            او بالاحرى السلبيات تاتكون فسوء الإستخدام
            او الجهل بطريقة عمل الالة
            و عدم التقيد بيها

            طبعا الثمن مرتفع شوية
            إن كانت ماركة عادية او ماركة عالمية معروفة
            فالثمن تيتراوح بين 500 - 1000 - 3000 إلى 10000 درهم

            و الثمن تتحددو قوة الماكينة و الحجم
            و استهلاكها للكهرباء
            و الاكسسوارات للي فيها و قوة تحملها
            و الماركة إذا كانت مشهورة او لا

            الماركات كثيييييرة و اكثرها شهرة هيا :
            كينوود kenwood
            و كيتشن إدKitchenAid
            و كرابس KRUPS
            و كاين اغلاها و
            ا حسنها و اشملها هو المطبخ الصغير تيرموميكس
            THERMOMIX


            لليكيدير كلشي تقريبا
            كيوزن
            و يطحن القمح و كل التوابل وكل محبيتي طحني
            و يعمل دانون و الڭلاص و السوربي و الجبن
            و الصوبة و يطيب الخضر و اللحوم و يبخرها الى بغيتي
            و يعجن
            و بعد هادشي كلشي كيغسل راسو براسو متحتاجي تغسليه هههه



            فالعجانات كاين للي غير الة عجن
            robot petrin
            و فيها اللي روبو متكامل
            Robot menager











            للي غير الة عجين Machine à pétrir/ Robot petrin




            و لي كتعجن و طيب Machine à pain





            ...

            سلبيات الروبو المنزلي المتعدد الإستعمالات
            هيا انك ممكن تعيي ليه الموطور
            او تقطعي الكروة بسوء الإستخدام
            فتضيع ليك إحدى الاليات او كلها

            و بشكل عام
            عند العجن يجب مراعات الكميات
            إلى الإناء كيهز 5 ليتر او 2 كيلو صلب
            فمنديروش فيه 2 كيلو دقيق
            و نزيدو المكونات الاخرى
            لاننا غنفوتو الحد المسموح بيه
            و الموطور مسكين غيهز كثر من جهدو
            و يسخن بسرعة و ممكن يتحرق

            و ايضا ملي نخدموها مننساوهاش
            يعني واخا هيا كتعجن لراسها نبقاو نطلو عليها مرة مرة
            و نوقفوها ترتاح عاد نخليوها تكمل


            طبعا التنظيف مهيييييم

            إلى كان عندنا روبو يعني متعدد الإستعمالات
            ممنوع نخدمو شحال من حاجة فنفس الوقت
            يعني إما يعجن او يطحن
            و نخليوه يرتاح و يبرد الموطور
            عاد نغيرو الإستعمال



            و نصيحتي للاخوات بعد تجربتي
            انهم ياخذو الروبو اللي غير تايعجن
            ماشي متعدد الإستعمالات

            لانك مغدييييش تستعملي دوك الإكسسوارات إلا نااااادرا
            و من الاحسن تحافضي على قوة الموطور و يبقا خاص غير للعجن


            اما بالنسبة للي يبغيو يعملو بيه الحلويات
            فوجب التنبيه انه لا يقبل الكميات القليلة
            يعني إلى درتي فيه 3 بيضات راك تاتفلاي معاه
            حيت سعتو السائلة 5 ليتراااااات
            20 بيضة عاد تبان ليه خخخخخخخ

            و المكان فاش غتحطيه حرصي انه ميكونش قريب للفران او الكويزينير او الماء
            باش مياثروش عليه


            و ايضا كثرة اليدين تتاثر فالحفاظ على الالات عامة

            و كيف تايقول المثل إلى كان حبيبك عسل متلحسوش كلو
            حيت الله يهدينا غير تنلقاو فالحاجة راحتنا تانتكاو عليها حتى تنخرجو عليها


            ان شاء الله نكون فدتك انتي و باقي الاخوات للي يبغيو يشريو العجانة
            و الله ييسر للجميع



            ان غبت عنكم
            و ساغيب في يوم من الايام
            فاتمنى من العلي القدير
            ان يكون لي نصيب خير بما خطته يدي
            يصلني بدعائكم لي
            اينما كنت فوق الارض او تحتها


            أمنارAmanarre
            أم ريان و كاميليا
















            فهرس اطباقي المصورة (متجدد ان شاء الله)




            ترقبن جديد وصفاتي المصورة بإذن الله



            تعليق


            • #7
              السلام عليكم ورحمة الله وبركاته تنضن أن للأخت بارك لله فيه عطاتك جواب دقيق صراحة حتى أنا شريتها أهنتني من كترت دليك أكندير بها جميع معجنات زعما رحما

              تعليق


              • #8
                السلام عليكم
                شكرا اختي امنار لكن الا جات على خاطرك بغيت نعرف اشمن ماركة عندك والتمن ديالها ناخد بحالها انشاء الله ويلى كانت شاخت عندها ومرتاحة ليها تفيدني كدلك.

                تعليق


                • #9
                  salam ana kanashek akhti ma thrich had naw3 hit ana chritou wndemt nashek chri haja mziana
                  sigpic

                  تعليق


                  • #10
                    شكرا اختي على النصيحة فعلا هدك المكنة وخا طتعجن وطيب مكدير غير بريوش و طوست وكتهز غير نص كلو؟

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X