إعـــــــلان

تقليص
لا يوجد إعلان حتى الآن.

استهلك بلا ما تهلك

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • استهلك بلا ما تهلك

    استهلك بلا ما تهلك
    جاتني هاد الفكرة واللي اساسها الاستفادة من خبرات ديال بعضنا
    المراة المغربية ماشاء الله من زمان و لحد الان كتعرف تسير دارها و تستافد من اي حاجة عندها فالمنزل واخا تتقاضاى فعاليتها فشي حاجة كتلقاليها استعمال اخر, و من هنا جاتني الفكرة ان كل وحدة عندها شي فكرة ديال كيفية استعمال اشياء متنوعة و تتنفع منها بشكل ثاني بحال le reciclage تقريبا
    نعطيكم امثلة ليا انا متلا

    الشيتة ديال السنان ماكانستعملهاش غير باش نحك سنيناتي, لكن عندها استعمال ثاني و مفيييد و كينفعني الا وهو تنقية ديال الحوت اييييه الحوت
    كتعرفي داك الكحولة اللي كتكون فلداخل ديال الحوتة خصوصا ايلا كانت كبيرة كتنقيليها المصارن ديالها لكن كيبقى داك الكحولية لااااصقة فالجناب مع السنسول مكتنفعني معاها غير الشيتة ديال السنان, والله ايلا ماكتخرج الحوتة كتشعل و كلشي كيقولي تبارك الله عليك كتغسلي الحوت من داكشي

    حاجة اخرى اللي مفيدة بزاف و هادي تعلمتها فدار راجلي, الدوارة او الكرشة ديال الحولي , مللي تبغي تنقيها كيخص الماء طايب و تمارة و شحال و نتين تكرط ويلا خرجت, حنا كنديروا واحد الفكرة ساااهلة, كتشدي الكرشة و تقطعيها 2 طريفات او 3 و تغسليها بالماء مزيان و من بعد تكوني موجدة شوية ديال الجير طلقاه بالماء و تدوزي على ديك الكرشة من الفوق يعني الجهة الحرشة و تخليه جهد 5 دقائق و مللي تجي تكرطي كيتحيد بسهوووولة و بدون اي مجهود و كتخرج نقية كتشعل لكن حاولي متقيسيش الجهة التانية لان كتلصق فيها الجير مكيبغيش يزول و راه ماتخافي من الجير والو معندوا حتى مضرة و كيزول دغيا.

    ايلا شرينا الكروفيت مكنرميشي القشرة كندخلا الفران تتحمر و تكرم بلا ماتحرق و نطحنها و نخليها بحال التوابل نضيفها لاسوب و الحوايج خرين باش تبننهم

    الخبز ديال الزنقة ايلا شاط ليك و برد شديه فزكيه بالحليب و ضيفي ليه المقادير ديال الكيك و عجنيه عادي و دخليه الفران كتجي كيكة لذيذة
    اولا حمريه فالفران و طحنيه و ضيفيليه مليحة و ابزار و ها الشابلور واجدة

    الصابون البلدي تحكي بيه الالومينيوم كيخرج يا سلام كيلمع

    ايلا طلقليك الصدا فشي لبسة شديها فركيها بالحامض وخليها ليلة كاملة و نهار الثاني شلليها و فركيها بصابون الحجرة و خليها ليلة اخرى و غادي يزوال


    الخل او الحامض فركي بيه الزاج مع الاوراق ديال الجرنال

    ايلا بغيتي معطر طبيعي للمنزل ديالك ليلا قليتي الحوت مثلا
    شدي كاسرونة طبخي فيها الخزامة مه شوية ديال عصير الحامض و الماء و خليه يطبخ مزياااان
    كتولي الدار فيها رويحة فنة


    هادشي اللي تفكرت دابا و اكيد لي عودة


    نتمنى الاخوات تتفاعلوا مع الفكرة واللي هانستافدوا منها كاملين اكيد و متبخلوش علينا بافكاركم الذكية
    تحياتي













    مايا 04 سابقا

  • #2
    بسم الله الرحمن الرحيم
    السلام عليكم ورحمة الله وبركاته
    إوا شغانقولك أختي بهرتني بهاد الأفكار ديالك باين عليك حادكة تبارك الله عليك. موضو ع زوين و مفيد, أنا في الحقيقة محدكاش بحالك حيت كنجي مهدودة من الخدمة و خاصني غير الساهل ههه بالحق إلا عرفت شي معلومة نخبركم.

    تعليق


    • #3
      المشاركة الأصلية بواسطة sanaeislam مشاهدة المشاركة
      بسم الله الرحمن الرحيم

      السلام عليكم ورحمة الله وبركاته

      إوا شغانقولك أختي بهرتني بهاد الأفكار ديالك باين عليك حادكة تبارك الله عليك. موضو ع زوين و مفيد, أنا في الحقيقة محدكاش بحالك حيت كنجي مهدودة من الخدمة و خاصني غير الساهل ههه بالحق إلا عرفت شي معلومة نخبركم.
      شكرا الحبيبة على المرور ديالك
      حتى انا موظفة و كنخدم النهار كامل ولكن ضروري من انك تكوني حادكة خصوصا ايلا كنتي مزوجة
      انا كبرت مفششة و شحال من حاجة ماكنتش نعرف نديرها لكن كلشي تعلمت ليه الحمد لله
      واخا كنجي مدكدكة من الخدمة كنقضي شوية و كل نهار و رزقه ههه
      شكرا لك و في انتظار افكارك

      وفينكم يا الحادكات














      مايا 04 سابقا

      تعليق


      • #4
        فكرة زوينة أختي
        الله يعطيك الصحة أفكارك كلها زوينة و عملية خصوصا الشيتة ديال السنان و الحوت فكرة رائعة الله يعطيك الصحة
        ينقل الموضوع للقسم المناسب

        تعليق


        • #5
          chokran okheti 3la lafkar
          sigpic

          تعليق


          • #6
            مع الشكر و الدعيوة ضروري نشارك واخا هي بشي حاجة بسيطة
            لقشور ديال مطيشة جمعيهم شوية بشوية حتى تكون عندك كمية مناسبة ديريها في طنجرة مع شوي ملح و شوي زيت طيبيهم على عافية مهيلة حتى توكح و طحنيهم في الطحانة ديال مطيشة و هانتي حصلتي على مطيشة دلحك
            الا بغيتي تمضي لمقص خودي ابرة ديال لخياطة و بقاي كتحكيها مع المقص و تشوفي النتيجة رائعة
            الا ملحتي طيابك بزاف رمي فيه بطاطا و لا طرف ديال الفرشي
            و لي عودة انشاء الله
            اللهم اني استغفرك من جميع الذنوب والخطايا ما علمت منها وما لم أعلم



            Uploaded with ImageShack.us

            تعليق


            • #7
              السلام عليكم، حتى انا غادي نشارك وخا غير بمعلومة واحدة، إلا كان عندك شي كريم ديال الوجه ولا اليدين وسالى ليه التاريخ، ما ترميهش مسحي بيه الأثاث ديال الخشب كينقيه وكيعطي ريحة زوينة.

              تعليق


              • #8
                ماشاء الله على الحادكات ديالنا
                تبارك الله عليكم و خلاص
                افكار غزالة و اقتصادية فعلا

                safir-bleu شكرا يا الزين و سمحيليا عدبتك و قولينا افكار ديالك حتى نتين باينة فيك تبارك الله حويدكة هه

                وفينك يا الحويدكات راه حنا فالانتظار













                مايا 04 سابقا

                تعليق


                • #9
                  شكرا الأخوات على الأفكار القيمة.
                  أنا عندي اقتراح بسيط وهو أنه مكعب الثلج يزيل المسكة(العلك) من الملابس، أنا جربتها على واحد الثوب وكانت البقعة قديمة وبإذن الله زالت.
                  تاخذين القطعة وتمرمرينها على الثوب ثم تفركين.
                  sigpic

                  تعليق


                  • #10
                    المشاركة الأصلية بواسطة muslima-68 مشاهدة المشاركة
                    شكرا الأخوات على الأفكار القيمة.
                    أنا عندي اقتراح بسيط وهو أنه مكعب الثلج يزيل المسكة(العلك) من الملابس، أنا جربتها على واحد الثوب وكانت البقعة قديمة وبإذن الله زالت.
                    تاخذين القطعة وتمرمرينها على الثوب ثم تفركين.
                    فعلا سبقلي سمعتها تبارك الله عليك اختي
                    ولا تحرمينا من الجديد













                    مايا 04 سابقا

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X