اللي عندها الحل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اللي عندها الحل

    السلام عليكم الأنيقات عواشركم مبروكة وتقبل الله منا ومنكم الصيام وسائر الأعمال الصالحة
    بغيتكم تفيدوني بشي حل بخصوص الماريو عندي كيغمل والحوايج كتولي فيهم ريحت الغمال والتقهرت بهد الريحة عييت مندير الخزامة والو اللي عندها شي حل تقول لي جزاكم الله خيراً

  • #2
    السلام عليكم ورحمة الله وبركاته

    اختي حتا انا كان لي هاكداك شوفي الا كان الماريو ديال الحيط يعني مبني بحالي انا جبت الطابشير وزعتو على القنات كاملين فكل درجة ومعاه كموسات ديال الخزامة او القرنفل هما

    غير كيعطرو اما الطابشير هو للي كيمتص الرطوبة وحاوللي تباقي تخليه ديما محلول خصوصا مع الصباح وحللي شراجم وخليه اتهوا داك نص نهار كولو

    اما الا كان الاخر ماشي للي مبني نفس الشيء غير هو كيبرزط الا كان محلول ومرة مرة شمشي ؤلا هوي ليه دوك الخشبات بالنسبة للبرد مرة مرة ضربيها ليه بتبخيرة تكون زوينة ومعطرة

    هادشي مكندير والحمدلله بيني وبين غمولية ديال الماريو منين درت هادشي اهم شيء طابشير ويتهوا
    sigpic

    تعليق


    • #3
      شكراً أختي على المعلومة نتمنى يكون الطباشير هو الحل ره أنا بحالك عندي الماريو ديال الحيط وكبير بالزاف هو اللي كنحط فيه الحوايج كاملين والنهار كامل يبقى محلول
      بغيت نعرف واش الطباشير غبرة أولا قالب يتحط فالقنات

      تعليق


      • #4
        ديري الكافور يا أختي تيتباع في مرجان وعلقيه في الاريو اللهم ريحتو ولا ريحت الغمال

        تعليق


        • #5
          من الأحسن ديري الكافور

          تعليق


          • #6
            احبيبة حتى انا عندي نفس المشكل، و ماخليت ماعملت حتى الطباشير مصدقليش، والو الحالة هي الحالة. و دابا وليت ماتنغفلش عليه، وقتما بغيت ندَخَّل الحوايج المصبنين، كنجبد الطبقة كاملة، نمسح الخشب، نعطرو، و نرد الحوايج بلاصتهوم، هي فيها شوية ديال التعب و لكن دائما الماريو منظم و ريحتو غزالة

            تعليق


            • #7
              شكراً ليكم بالزاف على المعلومات ولهلا يخطيكم

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X