كيفاش كتصوبوا الزيتووون؟؟؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفاش كتصوبوا الزيتووون؟؟؟

    السلاام عليكم و رحمة الله أخواتي الأنيقات

    حبيت نسولكم فهاد القسم ايلا شي وحدة كتعرف الطريقة اللي كيتخلل بيها الزيتون
    كيف عارفين دابا الوقت ديالو

    ولكن بغيت نعرف كيفاش كيديرولو هادوك اللي كيبيعوه فالحوانت كيجي بيض ولا صفر ناااصع و مكيكحالش وخا مكيديرولوش الما
    و كيبقا مدة طويلة بلا ما مكيكحالش
    بحال هكا


    بغات ماما تصوبوا ولكن معرفتش الطريقة كيفاش
    حيت حنا كيجينا بحال هكا

    و غير يخرج من الما كيزيد يكحال
    قلت ليها صبري نسول الانيقات في المنتدى اكيد شي وحدة تكون كتعرف
    حيت تبارك الله عليكم

    دايما كنقرا المواضيع شحال من حاجة استفدت منها و تجارب مفيدة بزااااف

    كنشكر كل وحدة اهتمت بالموضوع ^^

    [flash1=http://www.qolob.net/signature/flash/qolob_022.swf]WIDTH=350 HEIGHT=400[/flash1]

  • #2
    ?????


    تعليق


    • #3
      انا الحبيبة كنعرف الطريقة العادية يعني كيجيني عادي فحال الصورة التانية ماشي بيض بحال الاولى ههههههههه نتسناو معاك شي حد انورنا يارب.
      الام رقم 53
      شاركوني قراءة مدونتي


      sigpic

      تعليق


      • #4
        السلام عليكم و رحمة الله و بركاته

        خاصك تاخدي الزيتون كبير و أخضر تماما ما فيهش حس الأحمر، و لا أي ضربة، أو خماج، و غادة تغلي الماء فيه الملح و حبة حلاوة و ورقة سيدنا موسى و قشور البرتقال و القزبر حبوب ، و تخليه يبرد، و تصفي الماء و ترميه على الزيتون و سدي عليه أسبوع و قلبيه إلى حلا مزيان إلى باقي عاودي خليه أيام إضافية حتى يولي كيف بغيتي
        ولا ديري غير الملح و الحامض مصير و تخلليه كيف العادة
        غير خاص يكون الزيتون أخضر كيف قلت ليك

        تعليق


        • #5
          الزيتون ديال الزنقة ككنقولو لو, راه زايدين فيه الصودا,
          اما طريقتي فهي: خدي الزيتون و دريه في الما من بعد تشقيه بموس ديال الحلاقة جديد باش تكون الشقة ضيقة, بدلي عليه الماء يوميا حتى يحلى ( انا كنخليه شوي حار ) خودي كمية من الارانج و كمية من الليمون الحامض قطعيه دواور باش يسهال عليك تزولي منو لعظام ديالو حيت غادا طحنيه و مكيخصش يطحنو دوك لعظام معاهم لانهم كيمرو العصير لي حصلتي عليه + الملح بزايد مخلط مع كمية قليلة من الماء كبي هذا الخليط على الزيتون و خلطي مزيان ثم دريه في bidon ديال الزيت مغسول مزيان من بقايا الزيت. وسدي باحكام و خليه حتى تحتاجيه عاد قطعي الراس ديال البدون و دريه في علب زجاجية او بلاستكية و كبي عليه الزيت لكي لا يمر له الهواء
          sigpic

          {إن مرت الايام ولم تروني فهذة مشاركاتي فتذكروني
          وان غبت ولم تجدوني أكون وقتها بحاجة للدعاء }

          **فادعولي**

          تعليق


          • #6
            Photo0137.jpgPhoto0138.jpgPhoto0139.jpg
            كنتمنى الصور يضهرو لكم
            الصورة الأولى الزيتون من بعد ما خرجت من البيدون و درتو في العلبة و كيظهر علو الزيت فوق الزيتون
            والصورة 2 وجه الزيتون في العلبة
            و 3 زوتنات واجدين للاستهلاك
            وهاذ شي كلو ديال زيتون موجد من سنة مضت و باقي صالح مكحال مهرى,
            وقبلو على شرحي و على زيتوني
            sigpic

            {إن مرت الايام ولم تروني فهذة مشاركاتي فتذكروني
            وان غبت ولم تجدوني أكون وقتها بحاجة للدعاء }

            **فادعولي**

            تعليق


            • #7
              زيتون بلدي مرقد على يدي بالطريقة التقليدية بالمراحل المصورة



              بسم الله الرحمن الرحيم

              السلام عليكم ورحمة الله وبركاته


              اخواتي و بناتي الغاليات ان شاء الله يعجبكم الموضوع
              مكنتش نويت نحطو لاني كنظن ان الكل كيعرف هاد الطريقة السهلة لترقاد الزيتون
              لكن امنار اصرات عليا فإن شاء الله تكون اضافة مفيدة







              ترقاد الزيتون فالدار بالطريقة البلدية عندو 2 اشكال
              الشكل الاول للي كيتفلح بالموس
              كل زيتون كتفلح على 4 بالموس و تترقد

              و الشكل الثاني الاسهل و للي كياخذ وقت اقل
              و لي كنسميه شد بجغ و لوح هههه
              و كنعملوها عادة لما كنبغيو نوجدو كمية كبيرة (مخزون السنة ) من الزيتون المرقد

              فوقت جني الزيتون ( ابتداء ا من شهر سبتمبر كل سنة)
              كنشريو الزيتون الاخضر بكمية كبيرة و كنرقدوه على يدنا فالدار






              و المقادير للي غتحاتجو هي :


              زيتون اخضر
              ماء
              ملح
              (حامض اختياري)


              الادوات :



              حجر (تيمومة)
              او يد المهراز
              خشبة او قطاعة للعمل فوقها
              بيدووات بلاستيك او او بواقيل فخار كتسد


              الطريقة:

              ممكن نختاصروها في 3 كلمات : شد ،بجغ ،لوح هههههه

              بعد منغسلو الزيتون مزيان و نقيوه من اي شوائب




              كنشدو الزيتونة ندڭوها بالتيمومة او بيد المهراز















              للي معندهاش تيمومة تستعمل يد المهراز





              حتي تفتح كيف مبين فالصورة










              و كنديروها فبيدو او سطل او قلة حتى كنعمروها بالزيتون








              و كنضيفو عليه الماء (الماء بوحدو بلا اضافة)






              كنسجلو تاريخ اول ترقاد لاننا غنبدلو الماء 3مرات مدة 30 يوم
              الزيتون كيكون جاهز للاكل و كتخف منو المرورة و الحرورة بعد 30 يوم من الترقاد

              بعد 10 ايام كيخصنا نبدلو الماء




              و بعد 10 ايام اخرى يعني 20 يوم كنبدلو الماء مرة اخرى



              و بعد 10 ايام اخرى يعني 30 يوم بالتمام و الكمال

              كنبدلو الماء مرة اخرى و هاد المرة كنملحوه القياس للي بغينا
              (ملعقة كبيرة لكل بيدو 5 ليتر)




              و ممكن تعملو معه الحامض بعد 30 يوم و تصيروه او تحمضوه للطويجنات



              و كيولي الزيتون جاهز للاستهلاك





              تعملوه فطويجناتكم او مع زويتة بلدية و تفطرو بيه

              او تشرملوه باي خضر او عطرية كتفضلو






              المهم انه كيكون عندكم الزيتون البلدي البيتي على مدار السنة فالدار
              كل موسم كتعملو نفس العملية بالكمية للي تكفيكم لمخزون السنة







              تعليق


              • #8
                شوفي هاد الوصفة ديال الأخت أم أمنارالله يجازيها بخير
                http://www.anaqamaghribia.com/vb/sho...لمراحل-المصورة

                نتمنى نكون فدتك


                قال تعالى : ** مَن يَعْمَلْ سُوء اً يُجْزَ بِهِ ** النساء123

                تعليق


                • #9
                  أخواتي الأخت قصدت الزيتون لي تا يتباع في الحانوت و عند العطارة خضر ولا صفر يعني فحال البنة و اللون ديال هداك لي تا يديرو في الأعراس مع الدجاج كيف وضحت ليكم الصورة في الأول

                  تعليق


                  • #10
                    المشاركة الأصلية بواسطة أم-أمينة مشاهدة المشاركة
                    أخواتي الأخت قصدت الزيتون لي تا يتباع في الحانوت و عند العطارة خضر ولا صفر يعني فحال البنة و اللون ديال هداك لي تا يديرو في الأعراس مع الدجاج كيف وضحت ليكم الصورة في الأول
                    انا ردت عليها ان الزيتون لي تتكلم عليه راه مصوب بالصودا, وما عطيناها الوصفات الا للمساعدة و تاكل زيتون طبيعي خال من المضاعفات الكيماوية
                    sigpic

                    {إن مرت الايام ولم تروني فهذة مشاركاتي فتذكروني
                    وان غبت ولم تجدوني أكون وقتها بحاجة للدعاء }

                    **فادعولي**

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X