إعـــــــلان

تقليص
لا يوجد إعلان حتى الآن.

طامعة في آستشارتكن الله يجازيكم بخير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طامعة في آستشارتكن الله يجازيكم بخير

    Photo 263.jpgPhoto 264.jpgPhoto 266.jpgPhoto 267.jpg
    السلام عليكن أنيقاتي،سبق لي حطيت نفس الموضوع فيما يخص آختيار لون الريدو ولاناب بالنسبة للصالون ديالي،ولكن ما كتبش الله،وفضلت دبا باش نعاود نحطو مع إضافة بعض الصورباش يسهال عليكم الإختيار،بغيتكم تساعدوني الله يجازيكم بخيرفي آختيارالنوع واللون بالنسبة للريدو سواء الفوقاني والتحتاني+اللون الفراشات أو اللحيفات اللي غادي يجيني مع الطلامط وبغيت 2 ألوان يعني دوبل فاص+لون لاناب،سمحولي كترت عليكم وما تبخلوش علي حيت كنتيق في الذوق ديالكم وعندي واحد مشكل آخر،عندي لمرح مقابل مع الصالون و بغيت نفرشو،غادي يجيني تقريبا 2م في الطول والعرض 65 أو 70 سم،بغيت نعرف آشنو اللون لغادي يجي وآشمن نوع لغادي ندير واش الفوطوي ديال الجلد أو التحت والجناب و الوراء جلد وفي الوسط سداري ملمط بالفودان مع المخيدات
    ساعدوني الله يجازيكم بخيرPhoto 265.jpg

  • #2
    السلام عليكم و رحمة الله و بركاته

    أختي ديري ريدو لتحت في لون الحائط أو السومو راه بان ليا كين حتى في الطلامط و الفوق ديري في vert bouteille
    أما النوع على حساب الميزانية ديالك، و من الأفضل ديري organza التحت باش ما يغطي ليك الشمس و الفوق ديري توب لي يحجب ضوء الشمس في حالة إلى جاو عندك ضياف و بغاو يباتو
    أما البراح بان ليا غادي يجيك صغير إلى فرشتيه غادة تخنق الدار من الأحسن ديري ديكورات أو نباتات حطيهم في الأرض و لا تنسا المرآة لإضفاء المزيد من التيساع في hall أو شري شي كرسي زوين حطيه أو شي fauteuil meridien صغير

    تعليق


    • #3
      شكرا لك أختي على الرد و على الإقتراح ديالك،بالنسبة للريدو قلت نديرهم إن شاء الله الفوقاني بالمبرة خفيفة سامبل اللي ولات دبا والتحت أوركنزا مزوقة أشنو بانلك،وبالنسبة لمرح فعلا صغير ولكن قلت نستغل المساحة من جيهت لحيط الصغير ديال الصالة حتى جيهت الباب القهوي فيه 2م في الطول غيرمابانش مزيان حيت صورت من الصالون،وللإشارة كنت حطا في لمرح صالة مونجي 1.10/70 مع 4 كراسي ديال لحديد قلت بما ندير شي حاجة لمرح وندخلها للكوزينة غيرنهار اللي صورت فيه كنت سلفتها لجارتي اللي حدايا حيت جايين عندها الضياف هههههه

      تعليق


      • #4
        حبيبة من الأحسن ديري لون واحد في الريدوات يعني ما مزوقينش حيت عندك الطلامط مزوقين و الزربية كذلك، أو شريهم مزوقين بشي طريزات بنفس اللون، ما تكثريش الألوان، هذا رأيي و الله أعلم
        أنا عزيز عليا simple بزاف ههههه
        بالنسبة ل salle a manger ،أختي إلى عندك المطبخ صغير خليها في البراح و إلى كان كبير إلى بغيتي ديري fauteuil ديال الجلد بلون مختلف عن كل الصالات لي عندك ديري الأسود هو لون محايد أو البيج و لكن البيج ما يصبرش للأوساخ، يعني إلى عندك لي يوسخ تفادي الألوان الفاتحة
        أتمنى أن أكون أفدتك

        تعليق


        • #5
          شكرا لك كتيرا أختي أم أمينة على آهتمامك و على ردودك،على الأقل أنت الوحيدة اللتي إهتمت لموضوعي،أما الأخريات فيطللن ثم يهربن،في الحقيقة ظننت عكس ذلك، على العموم هذه آخر مرة أطرح موضوع فيما يخص مساعدة في الثأتيت المنزلي
          الله يجعلها ليك أختي في ميزان حسناتك
          et merci beaucoup d'avance ma soeur

          تعليق


          • #6
            لا حبيبة ديالي ما تقلقش راه ممكن الأخوات لي شافو موضوعك ما عندهمش جواب أو دراية بالأمر أو ربما لي شافوه كانو مدروكين ما عندهمش الوقت باش يجاوبو
            على العموم أنا في الخدمة إلى بغيتي أي حاجة
            بالتوفيق إن شاء الله

            تعليق


            • #7
              شكرا أختي أم أمينة،الله يعطيك ما كتمناي في خاطرك

              تعليق


              • #8
                بصحتك الصالون غزال تبارك الله
                الا بغيتي تديري الريدوات من الاحسن تديري الوان باردة وتجيك مزيانة مع الفراش بحال السومو+ الخصر باااااااااارد
                هدا رايي المتواضع وبصحتك مرة اخرى

                لااله الا انت سبحانك اني كنت من الظالمين

                تعليق


                • #9
                  المشاركة الأصلية بواسطة OM7AMZA مشاهدة المشاركة
                  بصحتك الصالون غزال تبارك الله
                  الا بغيتي تديري الريدوات من الاحسن تديري الوان باردة وتجيك مزيانة مع الفراش بحال السومو+ الخصر باااااااااارد
                  هدا رايي المتواضع وبصحتك مرة اخرى
                  شكرا لك أختي أم حمزة على الإقتراح ديالك، غير بغيت ناخد رأيك أنت و الأخت أم أمينة أنه قالو لي بعض الأخوات في العائلة ندير الكرونة+ الذهبي بالنسبة للريدو و الفراشات ندير فاص في لكرونة وفاص في الذهبي ولاناب في الدهبي فيه شي طريزات بالكرونة، وبالنسبة لمرح ندير واحد فوطوي بالجلد في الأسود وسداري للي في الوسط بالأحمرمع مخيدات بالأسود والأحمر،آش بان ليكم بكل صراحة وسمحولي لكثرت عليكم،وشكرا بزاف

                  تعليق


                  • #10
                    je t en prie chere soeur
                    هدا واجب احنا لبعضياتنا
                    اختي الكرونة كيبان لي بعيد على الالوان اللي عندك.مازال الدهبي يواتي الطلامط ولا تختاري لون من الالوان اللي فيه
                    ولا ناب فالدهبي والاخضر اللي عندك فالطلامط
                    اما المراح مابانش لي مزيان من الاحسن تديري فيه فاز كبير ولا un coin بالخشب وديري فيه الديكورات
                    حيت بان لي صغير على الفراش
                    هدا مجرد اقتراح اختي نادية والقرار كيبقى للي ارتاحت ليها خاطرك
                    تبارك الله عليك اختي
                    تقبلي مروري

                    لااله الا انت سبحانك اني كنت من الظالمين

                    تعليق


                    • #11
                      سمحيلي اختي نسولك بشحال خديتي ثوب الطلامط وبشحال خيطتيهم

                      لااله الا انت سبحانك اني كنت من الظالمين

                      تعليق


                      • #12
                        أختي سمحي ليا ما نقدرش نفيدك كل واحد و ذوقو، أنا حيت عزيز عليا الألوان الهادئة و الألوان يكون متناسقين و بان ليا الكرونة ما عندو حتى علاقة مع الصالون أما الذهبي ما تا نحملوش في الفراش
                        أما fauteuil ديال الجلد في الأسود و الأحمر نعم علاش لا، يجيك زوين، و حتى الأسود مع أي لون آخر يجي واعر
                        و حتى رأي أم حمزة زوين

                        تعليق


                        • #13
                          بارك الله فيك اختي ام امينة
                          بصح الانسان كيحتار فالالوان والموديلات المهم يكون مرتاح القرار الاخير
                          الله يسهل على نادية وتختار الالوان المزيانة وحتى الا كان النظام والتاويل كيعاون الدار تبان زوينة وهدا لا شك فيه بالنسبة لنادية راها متولة تبارك الله عليها

                          لااله الا انت سبحانك اني كنت من الظالمين

                          تعليق


                          • #14
                            أختي أم حمزة،أختي أمينة، شكرا بزاف على المساعدات وعلى الإقتراحات ديالكم،الإقتراح اللي آعطيتوني بالنسبة للريدو هونفسه اللي قالتو لي الأخت أم أمينة و الأخت أم حمزة الأخضر+السومو،وغادي ناخدو بعين الإعتبار،تبارك الله عليكم راكم ذواقات و عندكم نفس الذوق،وكنت غادي نرونها بالكرونة على بونت كن ما نبهتونيش،حيت حتى بعض الأخوات في هاد المنتدى نصحوني نديرلكرونة+الذهبي ولكن ماكنتش حاط الصورمعتمدين على الوصف اللي عطيتهم فقط ، هادشي علاش طرحت الموضوع من جديد مع الصور باش نستفد منكم أكتر وما نرونهاش،وخا يمكن راني رونتها حيت عندي الزربية في لكرونة و الطلامط في الأخضر، ومرة أخرى أشكركن كتيرا على آهتمامكن

                            تعليق


                            • #15
                              سمحيلي أختي أم حمزة تعطلت عليك حيت عنديpc في الخدمة ماشي في الدار، الطلامط شريتهم ب 140 درهم لمترمبرة بلدية والخياطة 75 درهم لمخدة،شريتهم وخيطتهم في درب عمر،وفي الصراحة يا أختي المشكل اللي كان واقع لي هي كنت باغا ناخد المبرة في الموف أو فوشيا ولكن كنلقى هذه الألوان غير في المبرة ديال تركيا ومبغيش نشريها حيت كتنتف وكتنسل وليت كنقلب غيرعلى الجودة في توب ديال المبرة ولقيتها في المبرة ديال لبلاد خصوصا مبرة سجيد صحيحة ومثينة ومكتنفش وكاينة البلدية والرومية وأنا آختاريت البلدية غير هي الألوان محدودة بزاف كاين في الأخضر بحال اللي خديت وفي التركوازوفي واحد اللون ماهو مارون وماهو لكرونة، ومول لمحال هو لنصحني ندير الزربية في لكرونة، هادشي علاش ترونت في آختيار لون الريدو

                              تعليق

                              المتواجدون الآن 0. الأعضاء 0 والزوار 0.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X