إعـــــــلان

تقليص
لا يوجد إعلان حتى الآن.

مساعدة بخصوص لغمولية ديال البلاكار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة بخصوص لغمولية ديال البلاكار

    السلام عليكم
    ارجو المساعدة من الاخوات عندي البلاكار او المريو فيه الدقيق والنافع الزنجلان الخ..... على العموم كل التقدية فيه لكن كلقا دائما حشرات منها بوفرطوطو كثير وهديك الحشرة الحمرة صغيرة معرفش سميتها على ما اعتقد (الكراد) دائما كنلوح الاشياء بحال لبارح لحت الزنجلان او النافع لقيت فيهم شي غبرة او شي خيوط بحال الدود بالاضافة الى الغمولية لاأعرف الحل ارجو من الاخوات المساعدة في اقرب وقت ممكن الله يجازيكم بخير عتقوني لله وشكرا.

  • #2
    السلام عليكم
    اختي انا كنديرهم في قراعي ديال الزجاج وكيبقاو عندي مدة طويلة بزاف
    وحاولي قبل ما ديريهم في القراعي شمشيهم شوي باش الى كانت فيهم شي رطوبة تنشف
    سوسي البلاكار شمشيه شوي حتى هو راه يقدر هو الي يكون فيه المشكل ديري فيه كموسات ديال الخزامة في القنات ورجعي القراعي لبلاصتهم
    اتمنى نكون افدتك
    ربي إني لما أنزلت إلي من خير فقير

    تعليق


    • #3
      السلام عليكم و رحمة الله و بركاته

      أولا أختي، خوي بلاكار كله و شطبيه مزيان و مسحيه مزيان و خدي درة فيها ماء دافئ و قطرات جافيل أو خل أبيض، و مسحيهم من الداخل و من برة و خليهم مفتوحين يوم أو إثنان مع إبقاء النوافذ مفتوحة

      تانيا داكشي لي كان في بلاكارد قلبيه مزيان لي فيه الحشرات لوحيه و لي ما فيهش شري ليهم برطمانات يكونو تا يسدو مزيان، و عمرهم بالمواد ديالك و وضعي في كل برطمان ورقة ديال سيدنا موسى و سدي مزيان مزيان، و ستفي في بلاكار ، شري صابون الغار يباع في الصيدليات و قطعيه طريفات و ديري كل طرف في صريرة ديال الثوب و فرق على البلاكارات، و ممكن تزيدي إلى بغيتي تخلصي من روائح الغمولية و الحشرات، صريرات فيهم الخزامى، قطع الفحم، القرنفل...

      ثالثا، مرة في الأسبوع فتحي النوافذ و البلاكارات و خليهم يشمو الهواء

      رابعا ما تحتافظيش بدقيق القمح مدة طويلة، و إلى كان عندك كثير قسميه و ديريه في الثلاجة أو الفريكو

      خامسا لا تحتفظي بالكمون و ما شابه على شكل حبوب، طحنيه، و سدي عليه مزيان

      أختي الغمولية تا تجي من الحائط إلى كان شي تسرب مياه، حاولي تجيبي معلم يشوف ليك السبب، و تا تجي أيضا من أماكن الرطوبة لي فيهم الطياب أو الحمام الساخن، و الحل في هاد الحال هو التهوية المنتظمة، نصف ساعة في الصباح و نصف ساعة في المساء، أو إلى كانو النوافذ قلال في البيت، و الحل فتحي الباب مرة مرة (عنداك يدخل عليك شي شفار) ديري صمام الأمان ديال السلسلة و فتحي كل النوافذ كل صباح في الوقت للي تكوني تا ديري فيه الشقا ديالك

      أتمنى أن أكون أفدتك

      تعليق


      • #4
        اختي التهوية مهمة بزاف لمحاربة الغمولية.ديري بالنصائح اللي قدمو ليك الاخوات و انا نزيدك واحد النصيحة اخرى خودي قطع الطباشير و ووزعيهوم داخل البلاكارات راه الطباشير كايمص الرطوبة.و مرة مرة بدلي القطع باخرى جديدة.

        تعليق


        • #5
          السلام عليكم
          اشكركم اخواتي على الردود والنصائح ساعمل بها ان شاء الله لكن لن افتح النوافد عندنا الثلج او البرد اشكركم جزيل الشكر الله يخلي ليكم ماعزيز عليكم.

          تعليق


          • #6
            Hta ana 3andi nafsse mochkile fi dari hante sakna fi mdina fiha la plage 3adna rotoba bezzafe darte khzama walo o dima hwayji fihome riha laghmale nafsse mochkile li kat 3ani bihe sayda o hta fi couzina dima kalohe 3atria o la thine hta man le riz galo lia katba3e wahade appareil katmosse rotoba iwa sa3doni

            تعليق


            • #7
              تبعي أختي هاد النصائح وشوفي آش غيوقع ، إن شاء الله غترتاحي من هاد المشكل:
              1 : أول شي نضفي البلاكار، وعقميه بجافيل مخفف، واشري لبرييو ديال الصباغة وشيتة من عندالدروكري ودهني غير انت البلاكار من الداخل وركزي على الزوايا والشقق باش إلى بقاو شي حشرات يتحرقو ومن جهة اخرى تلمعي لبلاكاروتهناي من الحشرات.
              2 : اشري قراعي زجاج أو حتى بلاستيك، عملي كل نوع من المواد الغدائية في برطمان ورشي عليه شوية الملح وخلطي وسدي : معجنات،أرز،حمص،عدس،جنجلان،فول يابس،ذرة.....)وحتى بالنسبة لأنواع الدقيق كلها،ديري كل نوع بوحدو+الملح، ويستحيل تفسد المواد ويستحيل تشوفي فرطوطو،أو الدود أو الحشرات: هدي طريقة الوالدة ،وجدتي الله يرحمها.
              3 : إلى كانت عندك الرطوبة في الحائط لعليه لبلاكار مافيها باس مرة مرة في الليل مني تبغي تنعسي تحلي لبلاكار وفي الصباح سديه.
              4 : ديري داخل لبلاكار في بعض الزوايا كموصات فيهم بيكربونات الصودا (شريه من الصيدلية راه رخيص،وهو فعال يمتص الروائح الكريهة والرطوبة)
              [/SIGPIC]
              هنا فهرسة مواضيعي
              http://www.anaqamaghribia.com/vb/showthread.php?t=375157&p=9092653#post9092653

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X