كسكس سريع للموظفات ولي معندهاش الوقت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كسكس سريع للموظفات ولي معندهاش الوقت

    بسم الله الرحمان الرحيم
    السلام عليكم ورحمة الله وبركاته
    أخواتي الغاليات اليوم جبتلكم واحد الفكرة كنضنها عملية ومفيدة بزاف
    وللأمانة أنا سبق وقريتها فمنتدى اخر وعجباتني بزاف
    وبغيت حتى نتوما تستافدو منها
    المهم الله يجازي صاحبتها كل خير
    الموضفات معندهم الوقت باش يديرو سكسو
    وراكم عارفين بلي هو كيشد الوقت فالتفوار
    لدلك باش نختاصرو الوقت
    فوسط الأسبوع مين نطيبو الغدا فالكوكوط
    ناخدو الكسكس ونفوروه فوق منها
    ومين ينضج مزيان نقلبوه فالقصعة ونفزكوه بالما ونديرو الملحة
    وينشف شوية ونهزوه فالمجمد
    ونهار الجمعة مين نديرو سكسو يكفي ان نطيبو المرق
    ونفورو الكسكس غي مرة وحدة
    وهاحنا تهنينا
    ممكن يستافدو منها حتى الأخوات لي يمشيو للمسجد
    وهي اقتصادية حتى على الغاز لي كيضيع بزاف غي على التفوار
    اوا كي جاتكم .
    اوا غي شي دعيوة من القلب ولكن بمثلها .
    sigpic

  • #2
    شكرا اختي الغالية بارك الله فيك وجزاك الله الفردوس الاعلى
    sigpic[IMG]https://fbcdn-s

    تعليق


    • #3
      شكرا لك أختي واش نفوروه غير مرة واحدة ولا كالعادة 3 مرات ما ندهنوه ما والو نتمنى توضحي أكثر وشكرا لك

      تعليق


      • #4
        المشاركة الأصلية بواسطة شهندة مشاهدة المشاركة
        شكرا لك أختي واش نفوروه غير مرة واحدة ولا كالعادة 3 مرات ما ندهنوه ما والو نتمنى توضحي أكثر وشكرا لك
        شوفي أختي
        غادي تشدي الكسكس وتدهنيه بالزيت عالعادة وثم ترشيه بالما الكافي وتخليه ينشف من بعد ديريه يفور
        وخليه يفور مزيان باش يوصل للنضج الطبيعي ديالو ومايجيكش خضر
        ثم حطيه فالقصعة ورشيه بالما وديري الملحة وخليه ينشف
        وفعوض باش ترديه يفور ,غادي تهزيه فميكة وديريه فالفريكو
        حتى لنهار ديري سكسو وجبديه وكملي الكسكس ديالك عادي
        أنا كندير غي جوج فورات للكسكس الجاهز لي سميتو داري ولا اي اسم أخر
        المهم فالأول نشبعو ما ونخليه يفور مزيان
        نتمنى نكون شرحتلك أختي مزيان
        sigpic

        تعليق


        • #5
          بارك الله فيك أختي و الله إلى كنبغي نديرو و لكن لضيق الوقت نقول بلاش
          شكرا لك أختي على المعلومة
          اللهم إجعل والدي ممن تقول له النار اعبر فان نورك أطفأ ناري














          تعليق


          • #6
            ما شاء الله هادشي غزال تبارك الله عليك الله اعطيك الصحة









            تعليق


            • #7
              tbark allah 3lik akhti , allah ya3tek lli f balak , f l7a9i9a 7ta ana kanfwrou b zayd o nkhllih f congelateur mais l9adya dyal yteb f kokot jdida ,

              تعليق


              • #8
                الله اعطيك اختي ما نويتي ف خاطرك فكرة رائعة

                تعليق


                • #9
                  tbarek allah 3lik okhti fedetini daba radi nb9a ndire couscous koul jem3a

                  تعليق


                  • #10
                    سعداتكوم تاديرو الكسكسو مرة فسيمانا. سولوني أنا لي فبلادنا تانديروه كل نهار ولكن الغالب فالعشا, أنا موظفة و راجلي تايبغي الطعام يوميا مايخطاهش, تانضطر شي خطرات ندير بكمية وافية و نقسم فميكات وندير فكونجلي ملي نبغي نديرو تانخرجو قبل يدوب الثلج و نفورو وصافي. شكرا على الطريقة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X