إعـــــــلان

تقليص
لا يوجد إعلان حتى الآن.

السكن الاقتصادي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • السكن الاقتصادي

    السلام عليكم
    اخواتي الانيقات كيفما هو العنوان الموضوع متعلق بالسكن الاقتصادي
    بغيت ان شاء الله يكون هاد الموضوع مرجع لكل وحدة كتفكر تشري دويرة و كل وحدة سبق لها شرات في السكن الاقتصادي او احد من عائلتها تحكي لينا كيفاش دارت باش شرات وفين و الشركة اللي شرات منها و كيف كان التعامل واش كاين مماطلة من الشركة اولا و باش تنصحو المقبلات على هدا النوع من السكن شنو الاخطاء اللي وقعتو فيها توصيو غيركم يردو ليها البال و ان شاء الله تاخدو اجر و ربي يجازيكم على مساعدة اخواتكم

  • #2
    السلام عليكم و فينكم يا الانيقات كنضن راه موضوع مهم و كيهمنا بزاااااف اوا تفاعلو معايا و المشاهدات اللي معندها باش تفيدنا ترفع الموضوع الله يرفع قدرها

    تعليق


    • #3
      سمعت باللي كاين شقق السكن الاجتماعي كيديرو 14 مليون شكون اللي عندها فكرة على هاد المشروع و كيفاش تدفع ليهم

      تعليق


      • #4
        السلام عليكم اختي ام هديل حنا شرينا من عند الشعبي للاسكان اكادير في مشروع موكادور هادي شي 4 سنين ولا اكثر اوا يا للا واحنا نتسناو في الاول كالو لينا التسليم بعد 2 من بعد دفع التسبيق صدقات اكثر من الدوبل وياليت ياليت هنا المشكل حيث صدق المشروع من بعد كل هاد الانتضار فيه مشاكل وتوقف هههه كاع كملوا غير هادو لي غاليين ستوندينك ماعرفت كيفاش تكتب هههه اوا يا للا ناض واحد لوسي قال لراجلي عرفتي ماتدير غاندير ليك التحويل لمشروع ادرار ديال الشعبي نيت حتى هو اوا عطا الله لوسي دار هاد الشي هادي تقريبا عام اوا دابا مساكن الناس اللي ما عرفو في الاول بقاو واحلين في موكادور دابا يجريو غير باش ارجعوا ليهموم التسبيق 6 مليون حيث مشروع ادرار كمل ما بقا فيه البلاصا اوا مساكن اتسنوا اعطيوهوم التسبيق من بعد 10000 عام اوا اش غا ديري هادا هو الاحتكار

        تعليق


        • #5
          هادوا توعنا تاع 25 اما توع 14 مليون واحد لوسي خدا وحدا ما بيهومش غير خصك تشدي وتنساي حيت هو اشرا هادي شي تقريبا 9 سنين ويا الله سكن ولا ربما كل مدينة وهي

          تعليق


          • #6
            السلام عليكم
            اختي انا شفت الشقق ديال السكن الاقتصادي الصراحة
            البناء ماشي متين و الفصالة عيانة و مع المدة كيبدا يدخل الما معا الحيط
            نصيحة اختي شوفي جمعي فليسات و شري ارض و بنيها على خاطركا ولا شوفي الشقق اللي كدير الشركات الكبرى الله يسهل عليك و علينا

            تعليق


            • #7
              المشاركة الأصلية بواسطة toobaa مشاهدة المشاركة
              السلام عليكم اختي ام هديل حنا شرينا من عند الشعبي للاسكان اكادير في مشروع موكادور هادي شي 4 سنين ولا اكثر اوا يا للا واحنا نتسناو في الاول كالو لينا التسليم بعد 2 من بعد دفع التسبيق صدقات اكثر من الدوبل وياليت ياليت هنا المشكل حيث صدق المشروع من بعد كل هاد الانتضار فيه مشاكل وتوقف هههه كاع كملوا غير هادو لي غاليين ستوندينك ماعرفت كيفاش تكتب هههه اوا يا للا ناض واحد لوسي قال لراجلي عرفتي ماتدير غاندير ليك التحويل لمشروع ادرار ديال الشعبي نيت حتى هو اوا عطا الله لوسي دار هاد الشي هادي تقريبا عام اوا دابا مساكن الناس اللي ما عرفو في الاول بقاو واحلين في موكادور دابا يجريو غير باش ارجعوا ليهموم التسبيق 6 مليون حيث مشروع ادرار كمل ما بقا فيه البلاصا اوا مساكن اتسنوا اعطيوهوم التسبيق من بعد 10000 عام اوا اش غا ديري هادا هو الاحتكار

              شكرا اختي على افادتك و الله يجعل لك في كل خطوة تخطيها فيحياتك كل الخير و التسيسير
              الى كان ممكن تشرحي لينا كيفاش الشقة اللي استلمتي من حيث التشطيبات يعني واش مفينيا مزيان واش كاين شي خلل فيها وشحال فيها من متر وشحال من غرفة و كيفاش الجيران مزيانين وزيد و زيد المهم اختي قولي لنا اللي قدرتي عليه

              تعليق


              • #8
                المشاركة الأصلية بواسطة nadafati مشاهدة المشاركة
                السلام عليكم
                اختي انا شفت الشقق ديال السكن الاقتصادي الصراحة
                البناء ماشي متين و الفصالة عيانة و مع المدة كيبدا يدخل الما معا الحيط
                نصيحة اختي شوفي جمعي فليسات و شري ارض و بنيها على خاطركا ولا شوفي الشقق اللي كدير الشركات الكبرى الله يسهل عليك و علينا
                نضافتي شكرا على الاقتراح ديالك و بغيت نعرف في اي مدينة شفتي السكن الاقتصادي اللي مغشوش وميصلاحش و ديال اي شركة و الى جات على خاطرك اول مرة نسمع شركات كبرى الى ممكن اقترحي علينا اسامي شركات كبرى و باش كتميز
                اختي راه مكرهناش نشريو ارض و نبنيوها على يدينا بالحق راه الفلوس فاش كتبقى في يدينا مكتجمعش

                تعليق


                • #9
                  هههه اختي راه مازال ما شدينا والوا هاد الساعة قالوا لينا التسليم مارس 2013 ويا ربي اجعلنا نتيقوا راه كاع الناس مكرفسين مع هاد الشركات ويضحك ليك الكذاب الى قال ليك العكس حيت هادي شحال وانا كانتسارا في المنتديات والمواقع اللي عامرة بالشكاوي والمشاكل معاهم من العمران للضحى للشعبي للاسكان كلهم بحال بحال وكاين كاع بزاف تاع الناس الضحايا اللي داروا تكتل باش اقاضيوهوم ايوا اش غانديروا لهاد الساعة حنا صابرين راه ما كاين ما حسن من تبني الدار ولكن الوقت غالية خصوصا الى بغيتي المدينة اوا حنا بغينا فين ندوزا العطلة خصوصا الدراري كيبغيوا اتساراو خصوصا البحر والاماكن فين كاينة الانشطة ههه فيني بزاف د الهدرة الحاصول كيما قالت الا خت ماكاين ما حسن تبني الى كنتي ساكنة في شي بلاصة ماشي غالية اما اكادير الى بغيتي بلاصة زوينة اوا شحال خصك الله ايرزقنا ويرزقكم من فضله

                  تعليق


                  • #10
                    السلام عليكم انا اختي خديت في الضحى ولكن باقي معطاوناش الساروت ولكن عندي واحد اختي ساكنة في الشقق ديالهم كتعاود فيها الكوارث
                    خص القوادس كلهم يبتدلوا ومشكل السانديك مكاينش المعقول فيه خصك كل شهر تعطي واحد القدر وعاد ان الحيطان كلها كتسمع بحال اللي راهم معاك وكتسمعي حتى مشاكل الجيران كل شي مفضوح وصافي وهدا هو السكن الاقتصادي الله يرزقنا ما احسن والله يصاوب الجميع

                    تعليق


                    • #11
                      شوفو تقدرو تستافدو من هاد الموقع http://boudrikaholding.ma/

                      تعليق


                      • #12
                        المشاركة الأصلية بواسطة حنين 2009 مشاهدة المشاركة
                        السلام عليكم انا اختي خديت في الضحى ولكن باقي معطاوناش الساروت ولكن عندي واحد اختي ساكنة في الشقق ديالهم كتعاود فيها الكوارث
                        خص القوادس كلهم يبتدلوا ومشكل السانديك مكاينش المعقول فيه خصك كل شهر تعطي واحد القدر وعاد ان الحيطان كلها كتسمع بحال اللي راهم معاك وكتسمعي حتى مشاكل الجيران كل شي مفضوح وصافي وهدا هو السكن الاقتصادي الله يرزقنا ما احسن والله يصاوب الجميع
                        اختي راه بصح السكن الاقتصادي ديال سلك و صافي الواحد يدير بشوية بشوية حتى يجمع فلوس تاني و يبيعها و يشري دارو بوحدو يشري ارض ويبنيها راه انا في رايي الواحد يخبي الفلوس في شقق السكن الاقتصادي وفاش دور الحركة عندو يبيعها و الله يرزقنا الرزق الحلال

                        تعليق


                        • #13
                          سمحو لي جبت دابا الاخبار دالصح في المحمدية سيدي مومن شقق ب 25 مليون تسبيق 7 مليون شركة شعبان للاسكان

                          تعليق


                          • #14
                            http://www.youtube.com/watch?v=6xY4D...layer_embedded

                            تعليق


                            • #15
                              هاد اليوتوب شوفو كيف دايرين شقق السكن الاقتصادي
                              http://www.youtube.com/watch?feature...vojj-JnA#t=49s

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X