سدادر

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سدادر

    السلام عليكم أنيقاتي بغيت نصاوب سدادر ديال الصالون ير مع العلم أني ماشي مستقرة نهائيا في هاد الدار,حرت ما عرفت ما ندير واش هادو ديال الفرشي او البونج و اللواط, باش تنصحوني هادو ديال الفرشي واش مزيانين

  • #2
    اوا ديال الفرشي تيكونو خفاف و تبقاو شادين اكثر بالضبط ف بيت الكلاس اما دالبونج البلاصة الي تيكون عليها الدرك دغيا تيبزلو و اعواجو اما التقل حدث ولا حرج انتي سولي مزيان عند صحاب الطلامط اوشفي هو الافظل فالمضارب د بيت الكلاس هما simonse ولكن دايرين شوية التمن من 600 درهم المترو الفوق اوا نتمنى نكون عاونتك واحد شوية الله اسخر ليك ما نويتي انشاء الله




    لا الاه الا الله الجليل الجبار

    تعليق


    • #3
      شكرا الاخت تودة على الرد ديالك و كنتمنى يجاوبوني باقي الاخوات

      تعليق


      • #4
        اختي معندي حتى فكرة ربي ييسر ليك امرك
        عَنْ أَبِي هُرَيْرَةَ قَالَ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَقُولُ اللَّهُمَّ أَصْلِحْ لِي دِينِي الَّذِي هُوَ عِصْمَةُ أَمْرِي وَأَصْلِحْ لِي دُنْيَايَ الَّتِي فِيهَا مَعَاشِي وَأَصْلِحْ لِي آخِرَتِي الَّتِي فِيهَا مَعَادِي وَاجْعَلِ الْحَيَاةَ زِيَادَةً لِي فِي كُلِّ خَيْرٍ وَاجْعَلِ الْمَوْتَ رَاحَةً لِي مِنْ كُلِّ شَرٍّ رواه مسلم رقم 2720.

        تعليق


        • #5
          واش هادو ديال الفرشي او البونج و اللواط
          البونج أنت وزهرك تقدري طحي فيه مزياان وتقدري طحي فيه قبيح ودغية كيعوااج وكيهبط أنا الصراحة جربتو معجبنيش وحيدتو.
          اللواط زوين وخفيف ولكن داير شوية الثمن.
          الفرشي مزياان خذيت 2 دايرهم في بيت الكلاس خفاف حتى هما وثمنهم منااسب إلى كنت بغيتي ديريهم كاين ديال 300 درهم 2متر، وكاين ديال 250 درهم كيكون فيهم فرشي والبوونج والصرااحة الله يعمر الدار،، جارتي دايرهم في الصالون هي الي زعمتني عليهم هي عندها دابة شي 3 سنين باقين مزيااانين.
          الإنسان ملي كيبغي يشري كيحتاار بزااف بالتوفيق أختي.

          تعليق


          • #6
            السلام عليكم.حقيقة حتى انا حرت ف السدادر.عندي ميزيدور صبرو عندي.ما ثقيل بزاف.هادو ديال الفرشي ماعرفتهم كيدايرين؟واش صحيين؟ممكن تعطيونا صور ليهم؟
            ’’الا بذكر الله تطمئن القلوب’’

            تعليق


            • #7
              المشاركة الأصلية بواسطة فردوس الجنة مشاهدة المشاركة
              السلام عليكم.حقيقة حتى انا حرت ف السدادر.عندي ميزيدور صبرو عندي.ما ثقيل بزاف.هادو ديال الفرشي ماعرفتهم كيدايرين؟واش صحيين؟ممكن تعطيونا صور ليهم؟
              من برا بحال دايال ميزدور أو رشبوند فيهم موديل في الأحمر وكاين موديل في أزرق من برا كيباانو بحال البونج تماما متفرقيش بينهم،،
              الي عندي كيبانو بحال هاذوا ديال الأخت وحتى أنا حطيتهم في الأرض بلا طبالي.


              وكاين الي كتعمريهم عند مول السدادر كيكونوا بحال السدارا عاديين.


              الصور من النت،،،،

              تعليق


              • #8
                الله يجازيك بخير على المعلومات و الصور
                ’’الا بذكر الله تطمئن القلوب’’

                تعليق


                • #9
                  المشاركة الأصلية بواسطة **أم أسامة** مشاهدة المشاركة

                  البونج أنت وزهرك تقدري طحي فيه مزياان وتقدري طحي فيه قبيح ودغية كيعوااج وكيهبط أنا الصراحة جربتو معجبنيش وحيدتو.
                  اللواط زوين وخفيف ولكن داير شوية الثمن.
                  الفرشي مزياان خذيت 2 دايرهم في بيت الكلاس خفاف حتى هما وثمنهم منااسب إلى كنت بغيتي ديريهم كاين ديال 300 درهم 2متر، وكاين ديال 250 درهم كيكون فيهم فرشي والبوونج والصرااحة الله يعمر الدار،، جارتي دايرهم في الصالون هي الي زعمتني عليهم هي عندها دابة شي 3 سنين باقين مزيااانين.
                  الإنسان ملي كيبغي يشري كيحتاار بزااف بالتوفيق أختي.
                  شكرا أختي لهلا يخطيك, واش ماكيجيوش قاصحين فالجلاس و واس ما كيهبطوش مع الوقت

                  تعليق


                  • #10
                    المشاركة الأصلية بواسطة melanie12 مشاهدة المشاركة
                    شكرا أختي لهلا يخطيك, واش ماكيجيوش قاصحين فالجلاس و واس ما كيهبطوش مع الوقت
                    العفو أحبيبة أنا في الخدمة،، نعم كيجيو قاصحين شوية وممكن ترطبيهم بالبونج وبالنسبة لهبوووط لا كتهناااي في مرة وكتهنااي حتى من تجبااد الطلامط كل ساااعة،، أنا كنت خايفة منهم كنقول الفرشي يتهرس ويولو شووهة لكن صدقوا مزيااانين الحمد لله.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X