إعـــــــلان

تقليص
لا يوجد إعلان حتى الآن.

التقدية

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • التقدية

    السلام عليكم ورحمة الله تعالى وبركاته قررت نفتح هاد الموضوع حيت شفت بزاف ديال لبنات كيعانيو من مشكل لمصروف وكيف أش تقد تصرف وفنفس الوقت توفر لدواير الزمان وأنا وحدة منهم داكشي علاش قلت علاش مند يرش موضوع نستافدو منو لي هو كل وحدة فينا تقولينا شنو تقدية لي كتشري كل شهر أو كل أسبوع وشحال لمبلغ لي خيرات وشحال وفرات وتدكر حتى مكان لي تقدات منو واش مرجان أسيما لبيل في أو هري وند كرو حتى إلى شي تخفيض فشي مركز تجاري مهم أي حاجة تقدر تفيد للعلم فقط هاد الموضوع عملته للفائدة لانا كاين أخوات كيعيشو بخمس مرة درهم وغبيناهم يستافدو كيفاش يتعايشو مع هاد المبلغ فمبغيناش تكون تدخلات غير باش نفوحو على بعضنا بالعكس بغينيا نتعاونو وكل واحد على قد جهدو راه كاينين لي كيخصرو 3000 درهم غير تقدية واكترية كيترمى أو مكيستعملش حتى كيفسد ويتلاح وكتلقايها مموفرا والو بغيناهم حتى هوما يدخلو ويستافدو ويفيدو وكنعاود تأكد كل واحد كيمشي على قد جهدو لي عندو الله يزيدو ولي معندوش الله يرزقو كنتمنى هاد الموضوع يلقا تفاعل الأخوات وجزاكم الله خيرا

  • #2
    درت هاد الموضوع مع آخر الشهر كتبدا ناس تتقدا لي تقدات تقولينا اشنو تقدات وفين وشحال يعني بحال لا ليست ولي مزال متقدات بحالي تكتب شنو ناوية تشري لتعم الفائدة والله يكتر الخير

    تعليق


    • #3
      سلام أختي موضوع زوين بزاف نتمنى من الأخوات يفيدونا أنا هاد الشهر غيعطيني راجلي المصروف وماكرهتش الأخوات يعطيونا إقتراحاتهم




      تعليق


      • #4
        المشاركة الأصلية بواسطة aminaaya مشاهدة المشاركة
        سلام أختي موضوع زوين بزاف نتمنى من الأخوات يفيدونا أنا هاد الشهر غيعطيني راجلي المصروف وماكرهتش الأخوات يعطيونا إقتراحاتهم
        شكرًا ازين على مشاركتك بالفعل هو الموضوع زوين حيت بزاف بينا تالفين وخاصة لي معمرو شد لمصروف بحالي مكتعرفي متقدمي متوخري غير شي أخوات الله يجازيهم بالخير فادوني الله يعطيهم مناوين بالنسبة ليك أختي واش هادي اول مرة كتقبطي مصروف والى ممكن تقوليلينا شنو تقدية لي دايرة فبالك باش هكدا نقدرو نعاونوك متلا إلى كنتي غدي تشري شي حاجة وهي ممكن تتصايب فالدار يوريوها ليك لبنات وبلاصتها تاخدي حاجة أخرى واش فهمتي ياعني كل وحدة تكتب ونتعاونو حتى نوليو نيميرو واحد هههههههه ونشيطو مزال واش بغيتو

        تعليق


        • #5
          الله يخليلك صحيحتك أحبيبة هادي أول مرة نشد المصروف أنا عاد جديدة فالزواج هههه عندي شي أفكار قليلة،




          تعليق


          • #6
            المشاركة الأصلية بواسطة aminaaya مشاهدة المشاركة
            الله يخليلك صحيحتك أحبيبة هادي أول مرة نشد المصروف أنا عاد جديدة فالزواج هههه عندي شي أفكار قليلة،
            أوا عصري داك لمخيخ واري ديك الأفكار نعجنوها ونخبزوها ونخرجو منها لمفيد ممكن تقولي لينا شحال لمصروف وشنو لي خاصك فالدار باش نلقاو كيفاش نعاونوك راه حتى أنا بحالك اول مرة غدي نتقدة

            تعليق


            • #7
              السلام عليكم
              انا جيت نفيدكم بتجاربي
              انا كناخد من عند راجلي 36 الف ريال كنتقضا التموين كلو الدقيق الزيت السكار التيد جافيل كلشي القطاني العدس اللوبيا الفول ليباط الروز ماطيشة الحك كلشي كاع الحوايج اللي كاينين عند مول الهري اللي حدانا كنتقضا ديما عندو وحتى هوا كيدير معانا اتمنة مزيانة كنخلص ليه شهر كامل ديال الحليب لترو فالنهار كيطيح لي هدشي كولو بشي 16 الف ريال كيبقا لي غير اللحم و الدجاج والحوت والخضر و الديسير كنوضع 5 اللاف ريال فالاسبوع 4اسابيع هي 20 الف ريال ويلا شاطت شي حاجة كنخبيها ليجيو الضياف
              هاكا حتى كيكمل الشهر
              بالنسبة للبيبي كتقدني فيه 600 dh فيها الكوش سيريلاك ليلانجيت بتي سويس نيدو الفروماج تاعو ..........
              والحمد ليلاه كيخرج الشهر بسلام وغالبا كيشيط ليا التقديا و كنوفرها من الشهر الماجي كلا شهر ورزقو علا حساب الضياف
              كاين الشهر اللي نوفر فيه 200 او 150 او 100 او 00 dh
              مع العلم انني كاينة غير انا و راجلي و ولدي ثمان اشهر
              وانا من النساء اللي كتحب تنوع فالشهيوات والكوتي دائما موجود الحمد لله




              تعليق


              • #8
                فات ليا فرمضان وضعت موضوع خاص بالتقديا وخا رمضان فات ولاكن اللائحة كتبقا صالحة لجميع الشهور هناك تغيير فقط في الكمية متلا في عوض كيلو و نصف عدس عاناخدو نصف كيلو الى اااخره
                انا نحط ليكم الرابط ديال الموضوع اللي بغات تستافد منو
                http://www.anaqamaghribia.com/vb/sho...=1#post7867709




                تعليق


                • #9
                  بيما أني أنا لي قترحت غدي نكون اول وحدة نكتب شنو ناوية نتقدة إنشاء الله غير بغيت نقوليكم هاد تقدية عوناتني فيها 2 أخوات من المنتدى الله يجازيهم بالخير
                  2 بكيات نيدو 2 لتر زيت 2 كيلو سنيدة 3 باكيات سكر باكية اتاي كبيرة قرعة كونفتير رابعة زبدة حك لبريري لطياب 2 صابون لكف رابعة روز عادي ورابعة كلاصي رابعة اللوبيا حيت ماشي لبرد مكترتش منها وعاد أنا مكناكهاش رابعة عدس نصف كيلو مقار ونية فيس ونصف كيلو شكل آخر سباكيتي باكية خمار آت كيلو تيد ماكينة حك اوني 5 كيلو فرص غير للحلوى حيت مكنعجنش كيلو سميدة قرعة سانيكروا و اتشي والعطرية 5 دراهم من لحاجة بلاطو بيض بكية حليب بالنسبة للخضرة نتقداها لسيمانة 2 كيلو بطاطة 2 كيلو بصلة 2 كيلو كرعة كيلو خيزو نصف كيلو فلفلة واحد ليشوة وكيلو مطيشة للعلم مكنديروش كسكس خص 5 دراهم نعناع ربيع رابعة تومة
                  هادي هي تقدية لي ناوية إنشاء الله نشري إلى بانت ليكم شي إضافات الله يرحم الوالدين نصحوني بيها ولي بغات تستافد مرحباً وأنا فالخدمة

                  تعليق


                  • #10
                    أوكي أحبيبة قال ليا غيعطيني 2000 درهم في الشهر فيها غير التقدية الما والظو والتلفون والأنترنيت لا لي فبالي أني نشري الدقيق والفينو للخبز والكيك والمسمن والبيض أتاي سكر زيت خميرة الحلوة الفرماج زيت البلدية كاينة والكونفتير نصايبو في الدار ديال الخوخ موجود دابا راجلي ماتياكلش ليبات ماكين لاش نشريهم غاناخد اللحم والدجاج والكفتة نقسمهوم على حسب الشهر والحوت إلا تشهيتو شي نهار نتقداه الخضرة ناخد البصلة وبطاطا تيصبرو إوا الخضرة لاخرا ناخد ديال السيمانة هادشي ليجا فبالي دابا إلا نسيت شي حاجة فكريني




                    تعليق


                    • #11
                      سلام شكرا اختي على هاد الموضوع حتى انا يلاه جديدة في بيت زوجية ولقتني تالفة معرفة منين نبدة نتمنة نستافدو من بغضيتنا


                      تحميل صور










                      تعليق


                      • #12
                        المشاركة الأصلية بواسطة jawhara khadija مشاهدة المشاركة
                        السلام عليكم
                        انا جيت نفيدكم بتجاربي
                        انا كناخد من عند راجلي 36 الف ريال كنتقضا التموين كلو الدقيق الزيت السكار التيد جافيل كلشي القطاني العدس اللوبيا الفول ليباط الروز ماطيشة الحك كلشي كاع الحوايج اللي كاينين عند مول الهري اللي حدانا كنتقضا ديما عندو وحتى هوا كيدير معانا اتمنة مزيانة كنخلص ليه شهر كامل ديال الحليب لترو فالنهار كيطيح لي هدشي كولو بشي 16 الف ريال كيبقا لي غير اللحم و الدجاج والحوت والخضر و الديسير كنوضع 5 اللاف ريال فالاسبوع 4اسابيع هي 20 الف ريال ويلا شاطت شي حاجة كنخبيها ليجيو الضياف
                        هاكا حتى كيكمل الشهر
                        بالنسبة للبيبي كتقدني فيه 600 dh فيها الكوش سيريلاك ليلانجيت بتي سويس نيدو الفروماج تاعو ..........
                        والحمد ليلاه كيخرج الشهر بسلام وغالبا كيشيط ليا التقديا و كنوفرها من الشهر الماجي كلا شهر ورزقو علا حساب الضياف
                        كاين الشهر اللي نوفر فيه 200 او 150 او 100 او 00 dh
                        مع العلم انني كاينة غير انا و راجلي و ولدي ثمان اشهر
                        وانا من النساء اللي كتحب تنوع فالشهيوات والكوتي دائما موجود الحمد لله
                        تبارك الله عليك الله يزيدك ويبارك ليك غير هي عندي ملاحظة بسيطة منين جمعت لمبلغ لي كتصرفي لقيتك كتخسري حتى 68 ألف ريال بزاف أو لا لا راه ممكن تصرفي اقل إلى زيرتي شوية السمطة باش تشيطي وينفعوك لحاجة أخرى وسمحيلي على هاد الملاحضة حيت حنا خوت وغراضنا هو عدم مساعدة

                        تعليق


                        • #13
                          المشاركة الأصلية بواسطة aminaaya مشاهدة المشاركة
                          أوكي أحبيبة قال ليا غيعطيني 2000 درهم في الشهر فيها غير التقدية الما والظو والتلفون والأنترنيت لا لي فبالي أني نشري الدقيق والفينو للخبز والكيك والمسمن والبيض أتاي سكر زيت خميرة الحلوة الفرماج زيت البلدية كاينة والكونفتير نصايبو في الدار ديال الخوخ موجود دابا راجلي ماتياكلش ليبات ماكين لاش نشريهم غاناخد اللحم والدجاج والكفتة نقسمهوم على حسب الشهر والحوت إلا تشهيتو شي نهار نتقداه الخضرة ناخد البصلة وبطاطا تيصبرو إوا الخضرة لاخرا ناخد ديال السيمانة هادشي ليجا فبالي دابا إلا نسيت شي حاجة فكريني
                          هادشي لي قلتي كامل مزيان وهاد لمبلغ راه يقدك ويشيط ليك لخير عرفتي علاش حيت أنا الأخت لي كتباتلي تقدية لي حطيت دأبا قاتلي تقدك ليها 800 درهم أوا شوفي نتي وشطارتك أنا راه متنقولش نجوعو أبدا أنا كنقول نشريو حاجة ضرورية بالقياس والى شاط شي حاجة نخبيوها شهر على شهر راه تلقاي جمعتي بلا متحسي وداك ساعة غدي يبان ليك بزاف مديري بيهم ولفي راسك هكدا ماحدك يالله بادية إلى مشيتي مرجان ومكنتيش عارفة شنو باغة عرفي راسك غدي تفوتي ديك الفين درهم كنتمنى نكون فدتك راه حتى أنا غير تلميذةتلميذة

                          تعليق


                          • #14
                            المشاركة الأصلية بواسطة ياسمينة1 مشاهدة المشاركة
                            هادشي لي قلتي كامل مزيان وهاد لمبلغ راه يقدك ويشيط ليك لخير عرفتي علاش حيت أنا الأخت لي كتباتلي تقدية لي حطيت دأبا قاتلي تقدك ليها 800 درهم أوا شوفي نتي وشطارتك أنا راه متنقولش نجوعو أبدا أنا كنقول نشريو حاجة ضرورية بالقياس والى شاط شي حاجة نخبيوها شهر على شهر راه تلقاي جمعتي بلا متحسي وداك ساعة غدي يبان ليك بزاف مديري بيهم ولفي راسك هكدا ماحدك يالله بادية إلى مشيتي مرجان ومكنتيش عارفة شنو باغة عرفي راسك غدي تفوتي ديك الفين درهم كنتمنى نكون فدتك راه حتى أنا غير تلميذةتلميذة
                            يخليك ليا أ أستادتي العزيزة ههههه حتي أنا مبغيتش نصرفها كاملة قلت زعمة نصير ونوفر منها




                            تعليق


                            • #15
                              المشاركة الأصلية بواسطة jawhara khadija مشاهدة المشاركة
                              السلام عليكم
                              انا جيت نفيدكم بتجاربي
                              انا كناخد من عند راجلي 36 الف ريال كنتقضا التموين كلو الدقيق الزيت السكار التيد جافيل كلشي القطاني العدس اللوبيا الفول ليباط الروز ماطيشة الحك كلشي كاع الحوايج اللي كاينين عند مول الهري اللي حدانا كنتقضا ديما عندو وحتى هوا كيدير معانا اتمنة مزيانة كنخلص ليه شهر كامل ديال الحليب لترو فالنهار كيطيح لي هدشي كولو بشي 16 الف ريال كيبقا لي غير اللحم و الدجاج والحوت والخضر و الديسير كنوضع 5 اللاف ريال فالاسبوع 4اسابيع هي 20 الف ريال ويلا شاطت شي حاجة كنخبيها ليجيو الضياف
                              هاكا حتى كيكمل الشهر
                              بالنسبة للبيبي كتقدني فيه 600 dh فيها الكوش سيريلاك ليلانجيت بتي سويس نيدو الفروماج تاعو ..........
                              والحمد ليلاه كيخرج الشهر بسلام وغالبا كيشيط ليا التقديا و كنوفرها من الشهر الماجي كلا شهر ورزقو علا حساب الضياف
                              كاين الشهر اللي نوفر فيه 200 او 150 او 100 او 00 dh
                              مع العلم انني كاينة غير انا و راجلي و ولدي ثمان اشهر
                              وانا من النساء اللي كتحب تنوع فالشهيوات والكوتي دائما موجود الحمد لله
                              الله يبارك ازين عندي ملاحظة ونتمنى تقبليها الله يعطيك لخير راني فاش ضربت لحسبة لقيتك كتخسري 68 ألف ريال راه بزاف بعد لمرات كنلقاو رأسنا كنشريو شي حوايج كاعما كنستافدو منهم بحال ماما ضل تشري وفالاخير كترمى أختي غير حاولي تنقصي شوية وزيري سمطة ووفري راه تقدري تشيطي حتى ل 1000 درهم ونتمنى ليك توفيق

                              تعليق

                              يعمل...
                              X