هدا العيد قرب .......................عوارشكم مبروكة .......اوا دخلو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هدا العيد قرب .......................عوارشكم مبروكة .......اوا دخلو

    السلام عليكم ورحمة الله وبركاته
    عواشركم مبروكة وانتم بالصحة والسلامة وقوة الايمان
    هدا العيد الاضحى على الابواب ........
    ياريت كل وحدة تحطلينا اسرار حداكتها ان صاح التعبير في هاد العيد وكيفاش كتعامل مع الروينة والضياف والتفركيس.......... وصلة الارحام يعني كفاش كتقضي ايام العيد مع تنظيم الوقت
    ياريت البنات نتافعو مع بعضنا البعض
    مع الحلول لي بعض الهقبات لي كتوقع او كنطيحو فيها


    ارجو التفاعل ..............
    ....


    عواشكم مبروكة
    sigpic

  • #2
    السلام عليكم و رحمة الله تعالى و بركاته
    اخواتي فالحقيقة انا فرحانة بقدوم العيد و فنفس الوقت راني نخمم عرفتو علاش حيت نهار العيد كايكون عندي بزاف الخدمة انا ساكنة مع عدوزتي حتى هي كتدبح الحولي ديالها المشكل لي عندي انني كانقوم بجمع الروينة ديالها و ديالي عاد خاصكي توجدي المسائل الاخرى كتحضير بولفاف و التقلية و هاد شي كايعييني يعني ما كانسالي حتى العشية الله يكون فعواني

    تعليق


    • #3
      فكرة زوينة ان شاء الله نستافدو من افكار الاخوات
      انا اول عيد اضحى ان شاء الله غادي ندوزو في داري ديما كنعيدو عند حماتي و لكن هاد العيد راجلي خدام في العشية
      ما كاين منخبي عليكم ما كنعرف منين نبدا الحولي و لكن شحال قدني نبقا معولة على غيري ان شاء الله هاد العام نخربق و العام جاي نتعلم ان شاء الله
      اما بخصوص صلة الرحم خصني ضروري نتعشى عند والديا و ندي الكتف اليمن و الغد نرجع عند حماتي نفصلو الحولي كنعطيهم الجيكو يديرو به الشوا و كنخلي لهم الراس و الكرعين حتى يطيبوهوم و يعيطو لي مرة اخرى

      تعليق


      • #4
        انا اول عيد ليا بوحدي حيت باقة عروسة :) اوا عتقوني و قولولي اش ندير ...

        تعليق


        • #5
          السلام عليكم أ خواتاتي
          مبروك عواشركم
          أنا كنعيد وحدي، مع زوجي وأولادي (2)
          الصراحة كتكون الخدمة ولكن هديك هي حلاوة العيد
          في الأول كن وجدو كل ما كنحتاج (بانيوات شباكي سكاكين بجميع الأحجام لوحات التقطيع بلاطوات صحون عطرية ...) في مكان قريب من مكان الدبح باش تبقايش غادا جايا في الدار وتزعلك كلها ههه
          قبل ما تذبح غطي الجدران مكان الدبح على ارتفاع 2متر بقلع بلاستيك متين يسهل عليك عملية الغسل ديال الحيوط من بعد، منين تسالي غسليه ومسحيه بجافيل و نشفيه وطويه وخليه للعام المقبل إن شاء الله
          الكرشة بقاي تعمريها بالماء وتمخضيها وتخويها في صفاية باش ماترميش الوسخ في القادوس حاشاكم
          في هد النهار خاص كلشي يخدم علاش مقد باش تساليي ومتعياش المرأة ههه و حتى لولاد يتعلمو
          فكرة القلع والكرشة من عبقرية زوجي الله يصلحه
          متجلسي تغداي حتى يكون كلشي مغسول ونظيف باش في العشية تكوني مرتاحة ومجودة لاستقبال الضيوف
          وتبارك الله على ولداتي الله يحفظهم
          وهاد الشي إلى قلناه راه غير باش تعيد بلا متهلك ههه
          عيد مبارك سعيد
          سمحو ليا لطولت عليكم

          تعليق


          • #6
            المشاركة الأصلية بواسطة لطيفة2008 مشاهدة المشاركة
            السلام عليكم و رحمة الله تعالى و بركاته
            اخواتي فالحقيقة انا فرحانة بقدوم العيد و فنفس الوقت راني نخمم عرفتو علاش حيت نهار العيد كايكون عندي بزاف الخدمة انا ساكنة مع عدوزتي حتى هي كتدبح الحولي ديالها المشكل لي عندي انني كانقوم بجمع الروينة ديالها و ديالي عاد خاصكي توجدي المسائل الاخرى كتحضير بولفاف و التقلية و هاد شي كايعييني يعني ما كانسالي حتى العشية الله يكون فعواني
            ربي الحبيبه يكون في عوانك طلبي من ربي يعاونك و اخلص نيا لله بش راكي تتعبي تتعبي بعدا تدي حتا الاجر

            فإن موعدكم الجنه


            [line]-[/line]
            رابط قوانين المنتدى
            http://www.anaqamaghribia.com/vb/showthread.php?t=6945

            تعليق


            • #7
              المشاركة الأصلية بواسطة لطيفة2008 مشاهدة المشاركة
              السلام عليكم و رحمة الله تعالى و بركاته
              اخواتي فالحقيقة انا فرحانة بقدوم العيد و فنفس الوقت راني نخمم عرفتو علاش حيت نهار العيد كايكون عندي بزاف الخدمة انا ساكنة مع عدوزتي حتى هي كتدبح الحولي ديالها المشكل لي عندي انني كانقوم بجمع الروينة ديالها و ديالي عاد خاصكي توجدي المسائل الاخرى كتحضير بولفاف و التقلية و هاد شي كايعييني يعني ما كانسالي حتى العشية الله يكون فعواني
              وعليكم السلام ورحمة الله وبركاته
              اختي لطيفة 2008 الله اكون فعوانك اختي ماحيرتك روينتك تزيد عليها ديال شي حد اخر مع احترامي لي عدوزتك
              وفعلا كيف قلتي منين اصبح الحال ولنتي في الكوزينة والروينة
              اييييييوا اش انديرو الحلو ميكملش
              والمراة ديما للمهام الصعبة هههههههههههه
              عواشرك مبروكة احبيبة
              sigpic

              تعليق


              • #8
                المشاركة الأصلية بواسطة الزهراء ام علي مشاهدة المشاركة
                فكرة زوينة ان شاء الله نستافدو من افكار الاخوات
                انا اول عيد اضحى ان شاء الله غادي ندوزو في داري ديما كنعيدو عند حماتي و لكن هاد العيد راجلي خدام في العشية
                ما كاين منخبي عليكم ما كنعرف منين نبدا الحولي و لكن شحال قدني نبقا معولة على غيري ان شاء الله هاد العام نخربق و العام جاي نتعلم ان شاء الله
                اما بخصوص صلة الرحم خصني ضروري نتعشى عند والديا و ندي الكتف اليمن و الغد نرجع عند حماتي نفصلو الحولي كنعطيهم الجيكو يديرو به الشوا و كنخلي لهم الراس و الكرعين حتى يطيبوهوم و يعيطو لي مرة اخرى
                هههههههههه ضحكتني اضحك الله سنك اختي هي حتى اصوبوه ويطيبوه عاد اعطيوه ليك
                ههههههههه ايوا ملي ادوز العيد رجعي وعاوديلنا كيف دازت عندك الروينة وكيف وفقتي بين الكل
                عواشرك مبروكة اختي
                sigpic

                تعليق


                • #9
                  انا يالحبيبات كنتعب نهار العيد بزااااااااااااااااااااااااااااااااااااف
                  مكنشوف تاشي حاجا ههههههههههههههههه،منساعد مندير والو،تاوكان يساليو مالين دار و ديك سا٣ا يلا تشهيت حاجا كنديرها سيتووووووووو هههههههه
                  كانت ماما الله يرحمها تبغي تزيدني لداكشي باش نعرف،لكن اختكم هي كتشوف دم او ريحتو كتسخف،ماباقيش نعقل علي شي حاجا،لهوما تيقار زين
                  ايوا حداقو يالبنات ،انا نعمر ليكم المنتدي نهار العيد باش ميكون خاوي ماكين حد ههههههههه
                  اللهم ارحم ماما و بابا برحمتك و اكرمهما بكرمك و انسهما في قبريهما بما تؤنس به عبادك الصالحين و اغفر لهما ما اضاعا من حقك و اغفرلي ما اضعت من حقهما و ادخلهما الجنة دون حساب و دون سابقت عداب بعفوك و رحمتك يا حنان يا منان
                  إن كنت في الصلاة فاحفظ قلبك

                  وإن كنت في مجالس الناس فاحفظ لسانك
                  وإن كنت في بيوت الناس فاحفظ بصرك
                  وإن كنت على طعام فاحفظ معدتك
                  ولدتك أمّكَ يا ابن آدم باكياً والناس حولك يضحكون سرورا

                  فاحرص فديتك أن تكون إذا بكوا في يوم موتك ضاحكاً مسرورا

                  تعليق


                  • #10
                    المشاركة الأصلية بواسطة lakhaoula مشاهدة المشاركة
                    انا اول عيد ليا بوحدي حيت باقة عروسة :) اوا عتقوني و قولولي اش ندير ...
                    تعيدي وتعاودي الزين وياريت البنات ادخلو ويقولولنا كيف كينظمو وقتهم نستافدو جميع سوا لجديد او للي فايت عندو تجربة
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X