اجيو نوجدو للعيد مجموعين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجيو نوجدو للعيد مجموعين

    السلام
    اخواتي الحبيبات
    عواشر مبروكة وعيد مبارك سعيد نتمنى يدخلو عليكم الله بالخير والصحة والبركة ليكم ووليداتكم وجميع افراد عائلاتكم

    عندي اقتراح الاخوات
    كاينين فينا اخوات عاد تزوجو وهادا اول عيد ليهم

    كاينين فينا اللي مزوجات سنين لكن ما نكرهوش نتقاسمو خبراتنا وتجاربنا

    هاد الموضوع بغيت نطرحو فيه كل ما غنحتاجو توجادو قبل العيد وكيفاش نديرو نهار العيد.......

    يعني كل متعلقات العيد باش بلا ما نتلفو في كثرة المواضيع

    قبل العيد : (شنو نشريو ؟ شنو نتقداو؟ التخمال؟ الحليوات ؟ ................. راه مع قوة الاشياء اللي كنحتاجوها نقدرو ننساو شي حاجة ونوقفو عليها في اخر لحضة ادن نفيدو بعض باش كل وحدة تبين حنة يديها لراجلها وعائلتها ادن نوضعو لوائح لكل حاجة باش ما ننساو والو وناخدو على قد القياس (حيت انا من حداكتي فاول عيد لي بوحدي بقيت نشري نشري حتى ساليت الحوانت ههههههههه وبقات لي السلعة من بعد كثيرة حيت كنت غير انا وراجلي وولدي صغير لدرجة ان العطرية شاطت بكميات مضاعفة)
    ونهار العيد : اشنو المراحل اللي غتدوز منها الدبيحة؟ كيفاش نغسلو الكرشة ؟ كيفاش نشوطو الراس .......


    شنو رايكم البنات ؟
    كنتسنى ردودكم ونتمنى تتفاعلو مع الموضوع

  • #2
    وفينكم الاخوات
    واش ما عجبكمش الموضوع؟

    تعليق


    • #3
      fikra zwina lwahed iwajed tawabile w l plastique lkotbanes zioufa dial maoune madiw skakine chwaya lmajmer alkhodar tajine zbibe barkouk .....had chi li tfakert daba

      تعليق


      • #4
        [align=center]بسم الله الرحمن الرحيم
        [/align]السلام عليكم ورحمة الله تعالى وبركاته .
        اختي العزيزة هدا موضوع مهم جدا خصوصا اني مقبلة على الزواج و في بلاد الغربة وزوجي مصري
        يعني لازم نبين حداقة .
        نتسنا تفيدينا اختي.
        و مبروك عيدكم
        .

        تعليق


        • #5
          السلام عليكم فكرة زوينة عجباتني او غادي نقوليكم شي حوايج كايدارو في العيد اول حاجة قبل العيد غادي يا للا ضربي للدار بواحد التخميلة فاعلة تاركة مهم من بعد توجدي حلوة الللي بغيتي كل وحدة او الدوق ديالها او تشري العطرية والربيع هههههه والبصلة اللي قدك للعيد والزبيب والبرقوق المهم هو البلاستيكات فاش يدار اللحم ثم فالليلة اللي قبل العيد حاولي توجدي مسمن باش ديريه في الثلاجة حتى الغد ليه او سخنيه وفي صباح العيد ديري البغرير ا سخني المسمن اوجدي طبسيل الحلوة اتاي بطبعة الحال الكنفيتير العسل الشكلاط اللي حبيتي الزيت المهم هادشي للفطور مني يسالي الفطور حاولي تزوري الجيران تبادلو التحية تم مني ترجعي حاولي توجدي الماسس لراجلك الى كان هو اللي كايدبح او الماء بطبيعة الحال مني يتدبح الحولي وجدي طبة صغيرة فين تحطي الرية والكبدة والشحمة والقلب حتى ينشفو مني يحيد الكزار او راجلك الراس دالخروف والرجلين غادي توجدي ي للا باش تشوطيهم ايوا مني تكملي التشواط بينما سلخو او حايدو الكرشة او المصارن اوالرية اهادكشي غادي تغسلي الكبدة او الرية او القلب او تحطيه فوق الطبلة حتى ينشف اوتوجدي راسك باش تغسلي الكرشة مني تغسليها رقديها في شوية الملحة الى حين الاستعمال تم سيري غسلي هادوك الكرعين بالماء جيدا جيدا خليهم يتسقطروا تم سيري وجدي المجمر بالفاخر حتى يزند تم ديري الكبد صلية او القلي يتشواو بينما تشواو سيري وجدي الشرمولة البصلة مشلضة الابزار الملح الكمون زيت العود التحميرةباش تقطعي الرية وشوة الشحمة او ديريهم شوا والكبدة والقلب بو لفاف وجدي اتاي الخبز اماني تاكليهم بالصحة او الراحة اتوجدي باش تغسلي الماعن مني تسالي وجدي البرمة فاش ديري الكرعين او لحم الراس باش يتسلقو طيبيهم على المجمر حتى الغد ليه هيلي طيبيهم باش ديره الغدا انا نسيت بالنسبة للعشا حنا كنفورو الكتف الليمن في اليوم التاني من العيد مني تكملي الشقا صاوبي الكرداس او على حسب كاين اللي كايدير التقلية هادشي اللي تفكرت ايوا وعواشركم مبروكة لي عودة

          تعليق


          • #6
            السلام عليكم ورحمة الله تعالى وبركاته
            الى الاخت نور الهدى عر تهناي الا كنت غد تبع عادات المصريين غر تهناي راه ماعندك شغل هههههه وحتى حلوت العيد دجك من بر.
            بالحقق تانتكي وتبرزي انشاءالله يصير خير. ومبروك عليك و برفاه و البنين

            تعليق


            • #7
              اخواتي الحبيبات السلام عليكن (ماشي عليكم: باش نقويو نون النسوة) هههههههههه

              تحية لكل الاخوات اللي دخلو وللي غيدخلو للموضوع من بعد

              اول حاجة نبداوها هي نوضعو لوائح لكل الاحتياجات :
              الخضر الفواكه (لانها مهمة باش ما ياثرش علينا اللحم
              تقدية الحلوى
              تقدية من عند العطار
              تقدية الحوايج
              تقدية ................
              ثم من بعد نوضعو البرامج :
              برنامج التخمال
              برنامج التقدية
              برنامج صباح العيد قبل الذبح واثناءه وبعده
              لائحة بالوصفات اللي نديروها وهنا نتمنى اخوات منتدى الطبخ يعاونونا
              ان شاء الله يالاه نبداو

              تعليق


              • #8
                اخواتي الحبيبات السلام عليكن (ماشي عليكم: باش نقويو نون النسوة) هههههههههه

                تحية لكل الاخوات اللي دخلو وللي غيدخلو للموضوع من بعد

                اول حاجة نبداوها هي نوضعو لوائح لكل الاحتياجات :
                الخضر الفواكه (لانها مهمة باش ما ياثرش علينا اللحم
                تقدية الحلوى
                تقدية من عند العطار
                تقدية الحوايج
                تقدية ................
                ثم من بعد نوضعو البرامج :
                برنامج التخمال
                برنامج التقدية
                برنامج صباح العيد قبل الذبح واثناءه وبعده
                لائحة بالوصفات اللي نديروها وهنا نتمنى اخوات منتدى الطبخ يعاونونا
                ان شاء الله يالاه نبداو

                تعليق


                • #9
                  الغزالات ديالي عواشر دايما مبروكة
                  ها انا رجعت انا غنكتب لائحة التقدية اللي تفكرت
                  مزيان تتقداي على تيساع
                  1/ من عند العطار : (طبعا المقادير كتختلف من اسرة لاسرة حسب عدد الافراد وعدد العراضات اللي كتديرو وما ننساوش حجم الحولي حتى هو مهم هههههه)
                  نبداو يالاه على مشيئة الله (هادا جهدي والي نسيت او ما عرفتش يفكروني الاخوات)
                  * العطرية : الابزار الكامون التحميرة الخرقوم البلدي سكين جبير قرفة زعفران شعرة (من الاحسن يكون عبار ماشي اللي كيتباع في الميكة) قصبر حبوب مطحون
                  هادي هي العطرية العادية لكن ممكن نضيفو على وديت الطويجنات يجيو بنان
                  نويورة بسيبيسة ورقة سيدنا موسى الكوزة ويلا كتعرفي شي عطار تقة خودي المروزية راه كيغشو فيها كينقصو فيها القوام
                  انا كناخد حتى الزنجلان كنحمرو وكنبدا نرشو مع الملح والكامون على اللحم المشوي او المبخر كيعطي البنة وكنعلافو اصلا اهمية الزنجلان لينا حنا العيالات

                  واهم حاجة عزيزاتي الملح هههههههههه

                  2/ لاعداد طواجن مختلفة للمضايفة :
                  خودي البرقوق الجاف المشمش الزبيب وما تنسايش اللوز والكركاع
                  3/ عند مول الزيتون خودي زيتون بالنواع او مخلط مع الحامض المصير مع شوية د الخضر المصبرة
                  4/ دزنا للخضرة : خودي خضر على قد قياسك وتكون مختلفة باش تحضري سلطات مرافقة خودي الخضر اللي حبيتي وتكون تؤكل اما مصلوقة من الافضل او حتى الطازجة
                  مثل ماطيشة الخس الفجل الخيار والربيع (قصبر ومعدنوس) وكتري من البصل حيت غتحتاجيها بزاف
                  سمحولي مشغولة لي عودة

                  تعليق


                  • #10
                    بالنسبة لي هدي اول مرة غادية نعيد بوحدي, 3 أعياد دوزتهم مع العائلة ديالي أ ديال راجلي, هاد العام حكمو علي نعيد في داري, راني غير كنخمم كندير مع الصغيرة مها مشطونة فرحانة بالرجيلات أمكتخليني ندير والو أ زيد على هاد الشي ما زال موجدت والو واخا راني مولفة الشقا العيد أ فيه تمارة
                    دعيو معايا بالعوين الله عاونكم حتى نتوما

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X