إعـــــــلان

تقليص
لا يوجد إعلان حتى الآن.

حتى وصلت لداري عاد وقفت على نصائح ماما القيمة (جزء1)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حتى وصلت لداري عاد وقفت على نصائح ماما القيمة (جزء1)

    1. أبيض البيض باش تطلعلنا كريم شونتي مزياااان نديرو شوييييية دالملح قبل ما نضربوه بالخلاط، والبيض خاصو يكون دافي يعني بحرارة المطبخ ماشي من التلاجة.

    2. إلا بغينا نصلقو شي حاجة فآنية معدنية بحال الخرشف ولا الجلبانة مثلا كانديرو طريف دالحامض باش ما تكحالش الطاوة.

    3. الدجاج باش ما يبقاش زفر كانديرولو الحامض أوالخل والملح وأنا غادي نزيدكم إضافة، بيتوه مدهون بسكينجبير كيولي لذيييييييذ وكاتمشي منو الريحة فمرة.

    4. باش يكون العمل ديالك أسرع في المطبخ نقي التومة وطحنيها وزيدي عليها شوية ديال زيت العود وخليها فالثلاجة وخذي منها بالملعقة عند الحاجة.

    5. صوص طوماط المصبرة إلا فتحتي العلبة ديالها واستعملتي منها وبقاتلك ما تخليهاش في العلبة، ديريها في قرعة ديال الزجاج وكبي عليها من الفوق شوية زيت رومية باش تبقى محفوظة وخليها في التلاجة.

    6. البطاطا باش تصبرلك مقطعة ومنقية ممكن ديريها فالكونجيلاطور أي المبرد ولكن بشرط، أنك ملي تقطيها ديري الماء يطيب ملي يغلى زيدي عليه البطاطا المقطعة، الماء غادي مايبقاش يغلى لأن البطاطا غادي تبردو خليها فيه لمدة 4 دقائق غادي تلاحظي أن الماء غادي يبدى يغلى من جديد حيديها وصفيها وخبعيها وانت مطمئنة كاتجي مثل الي كاتباع واجدة في السوبيرمارشي كايكون ناقصها غير القلي.

    7. الحمص إلا فزكتيه وفركتيه ممكن تصفيه من الماء وديريه فكيس بلاستيك كايبقا فالكونجيلاطور صالح للاستعمال وكيسهل عليك المأمورية.

    8. كذلك القصبور والمعدنوس والكرافص ممكن يتقطعوا ويتخبعوا في الكونجيلاطور كايسهلو المأمورية ديال الطباخة.

    9. الرغايف باش يجيوا رطبين ولداد ما نورقوهومش غير بالزيت، نديرو الزبدة في كاسرونة ونديروها على البوطة ملي تبدا تدوب نزيدو عليها الزيت ونحيدوها من البوطة وبهاد الخليط نورقو الرغايف.

    10. العدس باش ملي يطيب ما تحيدلوش القشرة خاصنا نبيتوه فالماء بحال الي كانديرو للوبيا البيضة.

    11. الدوارة ديال العيد وكانتكلم على الكرشة بالضبط باش يسهال الغسيل ديالها وتولي بيضة كاتشعل بلا ما تكرط بزاف وترشى كانديرو طريف صغير ديال الجير فسطل دالماء بارد وبه كانغسلوها، وما تنساوش بلي الجير هو الي كاينضفو به الماء ديال الآبار يعني راه مطهر معروف.

    12. القنية باش تجي لديدة ما خصهاش تطيب مباشرة بعد الذبح وقد ما تعطلات فالكونجيلاطور قد ما كاتلداد وملي نجيو نطيبوها خاص نكونو بيتناها ليله مرقدة فالقوام.

    13. البصلة باش ما تدمعش العينين نديروها واحد الشوية فاالماء بارد أو نخشيوها 5 دقايق فالكونجيلاطور عاد نقطعوها. ويلا بغينا الفائدة لعينينا مانديروش بهاد النصيحة :d

    14. الشيبة إلا بغينها تطول عندنا نديروها فكاس ديال الماء بحال شي مشموم ديال الورد ونخليوها فبلاصة معتدلة الحرارة.

    15. الشواية باش ما يلصقلناش فيها الشوى ديالنا، كاندهنوها بالزيت عاد كانحطو عليها داكشي الي غادي نشويو.

    16. المجمر ديال العافية إلا بدا يدير الدخان رمي فيه شوية ديال السكر سنيدة وغادي تهناي.

    17. الحليب ملي تفيضيه ديري الصفاية في فم الطرموس عاد كبي الحليب يعني صفيه قبل ما تحطيه في الطابلة باش يتهناو الي غادي يشربوه من الفرارة.

    18. إلا بغيتي تحيدي ريحة الماكلة من الدار شعلي شميعة وياريت تكون فيها شي نسمة معطرة.

    19. أي حلوة بغيتي تصاوبيها واخا مايكونوش دايرين الملح في المقادير ديري انت شويييية غير قريصة بين صبعانك باش ما كاتجيش الحلوة باسلة.

    20. الكيكة في الفران عمرك ما تفتحي عليها قبل ما تدوز 25 دقيقة باش ما تهبطش.

    باراكا عليكم مرة أخرى نزيدكم إن شاء الله




    متجر وديان للصحة والجمال

    الي بغات تضعاف في 9 أيام طبيعي ومجرب


    اللهم ارحم با قبطان واجعله من أهل الفردوس الأعلى وألهمنا الصبر ياااارب

  • #2
    chokran oukhti 3ala had anasaiyhh wlahla ykhati 3lina lamima

    تعليق


    • #3
      [align=center]
      جزاك الله خيرا أختي و بارك فيك
      و فعلا النصائح قيمة و مفيدة لسيدة البيت
      مشكوووووووووووووووووووورة أختي و ننتظر منك الجديد من الأفكار المفيدة
      [/align]




      تعليق


      • #4
        شكرا أختي على هذه النصائح القيمة و المفيدة لكل ربت بيت و الله يخلي ليك ماماك و يطول في عمرها

        تعليق


        • #5
          اوا الخير هدا تبارك الله عليك





          تعليق


          • #6
            tbarek allah 3la mamak , bayna mra chatra

            تعليق


            • #7
              النصيحة المتعلقة بالبطاطا مهمة مكانعرفهاش ولعجب ماماك ماقاتليش هاد النصائح

              تعليق


              • #8
                ههههههههههههههههههههه
                خالتي الياقوت،
                مايبقاش فيك الحال غدا إن شاء الله ملي تلاقايها ووريها الشغل.
                في الحقيقة راه قالتهالي حتى قطعت واحد النهار الفريت كثير وبقالي وحصلت أنا نتفكر أنها كاديرو فالكونجيلاطور واتصلت بيها تنقدني من الورطة عااااد قالتهالي.



                متجر وديان للصحة والجمال

                الي بغات تضعاف في 9 أيام طبيعي ومجرب


                اللهم ارحم با قبطان واجعله من أهل الفردوس الأعلى وألهمنا الصبر ياااارب

                تعليق


                • #9
                  نصائح مفيدة و رائعة تسلمي اختي
                  sigpic[frame="12 98"]
                  هدية من الغالية حبيبتي ام دكرى








                  اني ابتليت باربع ما سـلطوا ***** الا لشدة شقوتي و عنــــائي******** ابليس والدنيا ونفسي والهوى **** كيف السبيل وكلهم اعدائي.
                  [/frame]

                  تعليق


                  • #10
                    ويديانو الخير بارك الله فيك وفي والدتك ع المعلومات القيمه
                    تاقـــت نفســي للجنــــان ،،الهــــــي يارحمـــــــن ،،

                    يارب المصطفى العدنان ،، لاتحرمني ختم القــرآن،،

                    لتحويل الفلوس لي من داخل المغرب
                    على حسابي بوفاكاش /ويسترن يونيون/
                    6048511200036645


                    ومن خارج مباشره عن ريق الويسترن يونيون

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X