كن خاص لمستمعى القناة المغربية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كن خاص لمستمعى القناة المغربية

    انا كنت سمعت انه لي بغات الاثات ديال العود يكون عندها كيبري اوكيلمع
    تاخد شيفونة نقية او فواحد الغراف تخلط الخل او الزيت او الماء او تمسح بهم العود
    او سمحوا لي راني معقلتش على المقادير وشكرا لصاحبة الفكرة الممتازة

  • #2
    للمحافضة على سفرجل يوضع في الماء حتى يغلى ويستقطر ثم يوضع في بلاستيكات ثم المجمد.
    لتنضيف الزربية دون استعمال الماء نضع فوقها 2 بكيات ملح 2 ساعات ثم تشطب مزيان وتشمس نستعمل عصير الحامض لمسح الاثار المتسخة.
    نستعمل في صنع الشباكية اصفر لبيض فقط اتجنب الكشكوشة.
    لغسل الثياب الصوفية)الجلاليب الحايك زربية هيضورة نستعمل الغاسول لوكسي+الصابون البلدي +الماء وترقد.
    وللحديث بقية

    تعليق


    • #3
      لغسل الخشب نستعمل رماد مغربل+قشور الرما ن يابس+بيكاربونات الصودا + الصابون البلدي+الماءتغلى وتوضع فوق الخشب ليلة كاملة ثم تحك بقنبة بيضاء.
      للمحافضة على الخميرة البلدية في الحال البارد نضيف نصف ثومة داخل الخميرة.
      شعير مغسول ومنقي يوضع في الماء يومين حتى يتفركع وينشر في الشمس حتى يكرم ثم يوضع في مهراز الخشب يهرمش نزيل القشور يدهن بالزيت ويفور لمدة ساعة ثم يوضع في الطنجرة مع الحليب فوق النار.
      للحديث بقية.

      تعليق


      • #4
        نصيحة سمعتها لي بغت تحيد ريحة الصباغة من الدار او البيت ماعليها غير دير سطل ديال الماء وفيه بصلة
        ولي بغات الوصلة كتشعل او الرابوز او الطاجين ماعليعا غير تجيب الصودا مع شوية الرماد مع الصابون البلدي مع قشور الرمان تخلطهم مزيان وديرهم فوق النار مهيلة حتى يولي على شكل صابونة
        وطلى بها الوصلة او الرابوز...وتبيتهم ليلة ومن بعد تحكهم غير بشي حلفة
        وكيخرجو على كلام الاخت لي قالت لي هي من شيشاوة تيشعلو تحف........

        وحاجة خرى ورونا البنات منين كتشرو الصودا راني مالقيتهاش عند العطار

        تعليق


        • #5
          الى مابغاش يطيب ليك اللحم او الهركمة اواي حاجة كانت شارفة مابغاتش تطيب ماعليك غير تضيفي للمرق شي عظومة التمر وتيطيب بسرعة

          تعليق


          • #6
            سمعت على غريبة السميدة ادابغيتي تبقى رطبة وما تقساحش كتعملي معها طرف دالتفاح او قشور البرتقال وفعلا جربتها وصدقات وتنسمت باليمون وكتحتفضي بها في اسفل الثلاجة
            وبالنسبة للفقاص باش يبقى مقرمش عملي معه طوبة السكر

            تعليق


            • #7
              هاد النصائح قالتهم السيدة حميدة من تطوان.
              1) قلبي الزلافة ومضي الموس على الدائرة ديالها كيتمضى بسهولة.وفعلا كاينة انا جربتها.
              2) باش تبرد الكيكة بسرعة عمليها فصينية سبق وحطيتيها فالفريكو.
              3) باش الطورطية تجي لديدة ومنفوخة عملي لكل بيضة معلقة كبيرة ديال الحليب.

              تعليق


              • #8
                لالة الى تشهيتي لوز محمر باش تحصلي عليه بافضل مداق خودي اللوز ديريه فشي طاسة وبقاي ترشيه بالماء مملح غير رشيشات حتى تحسي بيه فزاك مويان وديريه فالمقلة التقيلة ودخليه للفران ما تحمريهش فوق البوطة باش تحصلي على لوز محمر من دكشي الرفيع

                تعليق


                • #9
                  باش تحتافضي بالتوم اكتر من السنة خودي كيلو تومة زولي ليها العرق الدخلاني بلا ما تحيدي القشرة من بعد دقيها شوية مع نصف بكية الملح وديريها فشي بصة مشمشة حتى تيبس تم طحنيها فالطحانة واحتافضي بيها فقرعة خارج التلاجة

                  تعليق


                  • #10
                    قالك كاوكاو الا بغيتي يسهال عليك ديرليه الطحين والماء ودخليه في الفران سخون وخرجيه وهكدا كيسهال عليك تنقية الكاوكاو بلا عداب

                    قاتليك الا بغيتي موطارد يبقالك مزيان شدي فيما تبغي تاخدي منه تحطي دائرة ديال الحامض فوق الموطارد وسدي عليه وهكدا كيبقى مزيان

                    لي عودة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X