إعـــــــلان

تقليص
لا يوجد إعلان حتى الآن.

دعوة انيقة لكل الانيقات ...احك لنا عن تجاربك فى تجميد المواد الغدائية واللحوم...الخ

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دعوة انيقة لكل الانيقات ...احك لنا عن تجاربك فى تجميد المواد الغدائية واللحوم...الخ

    السلام عليكم ورحمة الله تعالى وبركاته
    كنتمنى كل واحدة تفيدنا ..كيفاش تتجمد الخضر اللحوم قصد تحفيظها لوقت الحاجة...يعني كل مايمكن تجميده....

  • #2
    السلام عليكم ورحمة الله تعالى وبركاته
    -كتتعرفو دبا وقت الربيع ...غادى نوريكم طريقتى فى تجميد السالمية...الحبق ..اعطرشة...النعناع العبدى او الفليوي الخ...كناخد السالمية مثلا ونقيها ونقطعها ورقة ورقة ونغسلها مزيان ونجيب بلاطو ونستف فيه الوريقات ورقةقرب ا ورقة وندير البلاطو فى المجمد وملي يجمدو الاوراق نجمعهم كلهم غى علبة ونخليها فى الكونجلاطور..

    تعليق


    • #3
      salamfekra zewina ana bkhit nesewel 3la khobz brit ndiro f mojamed walaken makan3erafch imta ndakhelo l mojamed

      تعليق


      • #4
        فكرة رائعة ام معتز طريقتك في تجميد السالمية ساهلة وزوينة
        بالنسبة للخبز اختي حنان خليه حتى يبرد ودريه فالمجمد ومنين تجبديه سخنيه فالفران ماشي فالمقلة تيجي بحال عاد دابا طيبتيه والمسمن والبغرير حتى هما نفس الطريقة




        تعليق


        • #5
          المشاركة الأصلية بواسطة hanona2006 مشاهدة المشاركة
          salamfekra zewina ana bkhit nesewel 3la khobz brit ndiro f mojamed walaken makan3erafch imta ndakhelo l mojamed
          اسعدني مرورك ...الطريفة لقالت لك دلع راها رائعة غير طبقيها

          تعليق


          • #6
            المشاركة الأصلية بواسطة دلع مشاهدة المشاركة
            فكرة رائعة ام معتز طريقتك في تجميد السالمية ساهلة وزوينة
            بالنسبة للخبز اختي حنان خليه حتى يبرد ودريه فالمجمد ومنين تجبديه سخنيه فالفران ماشي فالمقلة تيجي بحال عاد دابا طيبتيه والمسمن والبغرير حتى هما نفس الطريقة
            جزاك الله اختي الف خير...

            تعليق


            • #7
              شكرا على الفكرة
              1/الخبز واخى ديريه دافئ، منين تبغيه حمي الفران مزيان وطفيه، د يري فيه الخبز جامد، وخليه في الفرن مسدود، منين تجبديه بحال لي عاد خبزتيه
              2/الجلبانة والفول فركيهم، غسليهم وسقطريهم وديريهم في بلاستيكات المجمد وخليهم يبقاو شهور
              3/القوق نقيه وغسليه حكي عليه الحامض، دريه فالميكة وجمديه
              4/مطيشة زولي لها الزريعة والقشوروقسميها على جوج حطيها فالباطو حتى تجمد عاد جمعيها فالميكة
              4/قسبر ومعدنوس وكل الورقيات لي تحتاجيها مقطعة، تغسل وتنشف مزيان مزيان وتقطع بطريقة دقيقة بالسكين ماشي بالروبو أو القطاعة باش مطلقش الما دياليا، وتعبئيها في بواطات صغار أوكميات صغار فالميكات
              5/الفواكه بحال الخوخ المشماش الخ تغسل وتنشف وتحيدي لها النواة وتستفيها فبلاطو منين تجمد جمعيهافميكات
              هادو كلهم كنعملهم أنا يعني مجرباهم
              efficace

              تعليق


              • #8
                السلام عليكن الحويدقات تبارك الله عليكن ديما كتجيبو افكار زوينة كيستافد منها الجميع.و شكرا لصاحبة هده الفكرة. طريقتي لتجميد الخضر اللي لونها خضر مثل اللوبيا الخضراء الفول الجلبانة كنصلقهم نصف صلقة مع شوية الخل و كنصفيهم و نشللهم بالماء البارد باش ياخدو لونهم الاخضر و كنقسمهم في بلاستيكات و الى المجمد. الوقت اللي نحتاجهم ,من المجمد نوضعهم مباشرة في الطنجرة او الطاجين .;).
                [frame="7 80"]
                استغفر الله العظيم من كل دنب عظيم
                [/frame]

                تعليق


                • #9
                  المشاركة الأصلية بواسطة fitoo مشاهدة المشاركة
                  شكرا على الفكرة
                  1/الخبز واخى ديريه دافئ، منين تبغيه حمي الفران مزيان وطفيه، د يري فيه الخبز جامد، وخليه في الفرن مسدود، منين تجبديه بحال لي عاد خبزتيه
                  2/الجلبانة والفول فركيهم، غسليهم وسقطريهم وديريهم في بلاستيكات المجمد وخليهم يبقاو شهور
                  3/القوق نقيه وغسليه حكي عليه الحامض، دريه فالميكة وجمديه
                  4/مطيشة زولي لها الزريعة والقشوروقسميها على جوج حطيها فالباطو حتى تجمد عاد جمعيها فالميكة
                  4/قسبر ومعدنوس وكل الورقيات لي تحتاجيها مقطعة، تغسل وتنشف مزيان مزيان وتقطع بطريقة دقيقة بالسكين ماشي بالروبو أو القطاعة باش مطلقش الما دياليا، وتعبئيها في بواطات صغار أوكميات صغار فالميكات
                  5/الفواكه بحال الخوخ المشماش الخ تغسل وتنشف وتحيدي لها النواة وتستفيها فبلاطو منين تجمد جمعيهافميكات
                  هادو كلهم كنعملهم أنا يعني مجرباهم efficace
                  تبارك الله عليك اختى الفكرة ديال مطيشة ما كنت عارفة ..الله ينورك

                  تعليق


                  • #10
                    المشاركة الأصلية بواسطة ام سعدون مشاهدة المشاركة
                    السلام عليكن الحويدقات تبارك الله عليكن ديما كتجيبو افكار زوينة كيستافد منها الجميع.و شكرا لصاحبة هده الفكرة. طريقتي لتجميد الخضر اللي لونها خضر مثل اللوبيا الخضراء الفول الجلبانة كنصلقهم نصف صلقة مع شوية الخل و كنصفيهم و نشللهم بالماء البارد باش ياخدو لونهم الاخضر و كنقسمهم في بلاستيكات و الى المجمد. الوقت اللي نحتاجهم ,من المجمد نوضعهم مباشرة في الطنجرة او الطاجين .;).
                    جزاك الله اختي الف خير انا عارفاكم ما غديش تبخلو علينا...

                    تعليق


                    • #11
                      حتلى انا مع الاخت ام سعدون في طريقة تجميد الجلبانة ضروري ماتسلقيها نص سلقة وانا كنفضل نبخرها فالكسكاس نص طياب ومن بعد تكبي عليها الماء البارد وديريها فالكونجيلاتور ماديرش الريحة وتحافظ على اللون ديالها
                      الثومة قشريها وديريها فبلاستيك و حطيها فالمجمد




                      تعليق


                      • #12
                        انا كندخل الكيكة للمجمد ا و كتبقى فنة فيما نحتاجها كنجبدها او داغي كديكونجلا.

                        تعليق


                        • #13
                          خيزو واللفت بكل أشكاله كنقيه وقطعو على حسب الاستعمالات، مكعبات، عصيات، دوائر، أوديال كسكسو، ونحط في البلاستيك، وقت الاستعمال كنحطو مباشرة في الطنجرة

                          تعليق


                          • #14
                            المشاركة الأصلية بواسطة دلع مشاهدة المشاركة
                            حتلى انا مع الاخت ام سعدون في طريقة تجميد الجلبانة ضروري ماتسلقيها نص سلقة وانا كنفضل نبخرها فالكسكاس نص طياب ومن بعد تكبي عليها الماء البارد وديريها فالكونجيلاتور ماديرش الريحة وتحافظ على اللون ديالها
                            الثومة قشريها وديريها فبلاستيك و حطيها فالمجمد
                            حتى انا كنفضل نبخرها....باش ماتفقدش الفيتامينات لي فيها...وضروري تكبى عليها الماء البارد ملي تفوريها كما قلت باش متتبهاتش وكتبقى شادة لفورم ديالها..

                            تعليق


                            • #15
                              المشاركة الأصلية بواسطة azli مشاهدة المشاركة
                              انا كندخل الكيكة للمجمد ا و كتبقى فنة فيما نحتاجها كنجبدها او داغي كديكونجلا.
                              شكرا اختي على المرور واسمحي لي نسولك ..ماتتسخنيها ما والو...

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X