ارجوووووووووووكن ساعدنني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ارجوووووووووووكن ساعدنني

    السلام عليكم ورحمة الله وبركاته
    كيف حالكم يا الحبيبات ان شاء الله بخير.
    عاااااااااااافكم بغيت منكم مساعدة لله, الله يجعلها في ميزان حسناتكم.
    انا واحد الانسانة مستهترة, بهاد المعنى نيت,مكنعطيش قيمة للوقت وماكنعرفش ننظمو ومكتقدرش نحتارمو, مع العلم انني متزوجة وعندي ولد عمرو 9شهور , وراجلي كيطلع ليه الدم ملي كيلقا الدار مازال مرونة وانا خدامة فحاجة وحدة من الصباح. بغيت حتى انا نولي حادكة , ونولي نقية و منظمة فعقلي اولا وفداري و فحياتي.حيت انا عمرني مدخلت للكوزينة حتى تزوجت, داكشي علاش انا ماشي حادكة. ولكن بغيييييييييييت نولي حادكة. ماتبخلوش عليا, علموني يا اخواتي في الله كيفاش نخلي داري مرتبة ومقادة ونقية فرمشة عين , الدار لي يدخليهاراجلي ويقول انا داخل للجنة نرتاح.
    والله الي غدي يجازبكم.وشــــــــــــــكــــــــــــــــــــــــــــــرا.








  • #2
    السلام عليكم ورحمة الله وبركاته

    ااااااش نقوليك الحبيبة :mad:راكي بزز منك خاصكي تحداكي و تجمعي راسك راه الرجال صبرهم قليييييل .راه العيالات كيطيرو و رجالتهم مكيعجبهم حال عاد المعكازات بحالك. ديري برنامج ليومك كيف تقضيه و نهار على نهار غادي تعودي. نعسي بكري باش تفيقي بكري اول حاجة بعد الصلاة طبعا وجدي لراجلك الفطور و حوايجو و بقاي مهتمة بيه حتى يخرج للعمل بالسلامة و قوليله الله يعاونك واش مانسيتي والو؟ اوى الى كان ولدك باقي ناعس خليه و ردي غداك يطيب هو الاول اما طويجين اما في الكوكوط المهم شي حاجة اللي تشعلي عليها و تمشي تقضي حوايج خرين ماشي ديري القليان و كثرة الشلايض هداكشي حتى تعودي و تولى خفيفة في الشقى;)الى فاق ليك ولدك ربي يحفظ ليك عطيه و قتو نقيه و وكليه و خليه ملاهي بشي حاجة و ماتولفيهش الهزان باش يخليك تشقاي;)من بعد عجني ليك الخبز و خليه يخمر و سيري بداي بغرفة النوم و حلي النوافد و ديري الغطى يتشمش و سيري للصالون الى فيه ميتقاد و من بعد مكان الجلوس و هادشي بالزربة و متشغليش التلفاز او pc مرة مرة طلي على الغداء و الخبز .الى بقى ليك الوقت جففي الدار و مسحي الحمام و رجعي قادي غرفة النوم .هادشي ماخاش الراجل يجي من خدمتو و يلقى السطل ديال الجفاف حشاك منزل .الى مبقاش الوقت خليهم حتى يخرج بعد الظهر. ماتخليش الحوايج مشتتين في كل مكان او العاب ولدك .كل حاجة توضع في بلاصتها في الحين. ماتقوليش من بعد . قبل ميدخل زوجك قادي حالتك شوية واخة تكوني عيانة متبينيش ليه و رشي عطر المنزل او طلقي العود الى عندك. و ماتنسايش نظافة ولدك . هادشي كووووووووله مع دكر الله و استمعي لسورة البقرة و الله ربي يعاونك. يوم بعد يوم غادي تولي ان شاء الله حادكة و راجلك يولي يضرب بيك المثل و يفتاخر بيك خااااصة قدام عائلته .ربي يهديك و يسعدك
    [frame="7 80"]
    استغفر الله العظيم من كل دنب عظيم
    [/frame]

    تعليق


    • #3
      تبارك الله عليك اختي مخليتيلي منقول
      يااااااااااربي تشفيني وتشفي جميع مرضى امة محمد وترزق الذرية الصالحة لكل محرومة والزوج الصالح لكل اخت عازبة

      تعليق


      • #4
        يا لالة تبارك الله على داك العقل لي عندك الله احفضك وشكرا على النصائح ,في الحقيقة حتى انا كان خاصني هاد البرنامج ربي يخليك انا ماشي معكازة او تقيلة ممنضماش كنبدا فحاجة او نخليها او نمشي الحاجة اخرى ربي يخليك وحفظك اختي المتوسلة




        تعليق


        • #5
          باااااااااااين لي هنا غادي يبانو المعيكيزات و صحابات الفوضى ولكن والله ماعيب .العيب اللي ساكتة على راسها و ماباغاش تعلم .بحال واحد مرات خويا فاقساني مكتنوض حتى 12 او الوحدة و تمشي تشري الماكلة طايبة من الزنقة و دارها متكلسيش فيها بالخنز و كتبات مع التلفازة حتى الفجر و عندها بنية مسيكينة ضايعة في حالتها و في صحتها . دعيو مهاها ربي يهديها و تولي حويدكة //هادشي لراني تنقولو في وجهها و كنحاول نساعدها و لكن اللي فيها فيها//.
          يالله العيالات اللي محتاجة شي حاجة على الراس و العين المهم بنات اناقة لازم يوليو حادكات او لا
          [frame="7 80"]
          استغفر الله العظيم من كل دنب عظيم
          [/frame]

          تعليق


          • #6
            عرفتي مكرهتش نبوس ليك راسك, الله الي غدي يجازيك, راه قريت الجواب ديلك بالليل غير ل بي سي ماعرفت مالو مابغاش يكتب لي بالعربية. ودابا بغيت نقول ليك الله يرحم والديك وخيرك عمرني مانساه.كان كيسحاب لي تا واحد ماغيديها فيا , سمحي ليا على سوء الظن, حاجة خرى انا اختي راه ماشي معكازة غير مكنعرفش ننظم شغلي و وقتي.ولكن مع هاد البرنامج الي عطيتيني ولا هادعدم النظام من الماااااااااااااااضي.اليوم رني خديت بيه, وعرفتي شاط ليا الوقت ولعبت مع ولدي وعطيتو الوقت الكافي ديالو وحتى راجلي كان فرحان. قالي كاع ماتعجني اليوم وشرا الخبز. سيري يا ختي المتوسلة الله يدخلك الجنة بغير حساب على هاد الخير لي درتي فيا. شكرا شكرا شكرا شكرا شكرا







            تعليق


            • #7
              سيري الله يفرحك دنيا و اخيرة راكي فرحتيني و الله الى عيني غرغرو بالدموع بالفرحة الله يسعدك مع زوجك و يحفظ ليك الوليد و يخرج فيه الخير يارب اميين.اوى ممكن من اليوم تحسبيني اختك الكبيرة و ممكن تراسليني على الخاص . انا بعدة غادي نطلب صداقتك الى تقبلي
              [frame="7 80"]
              استغفر الله العظيم من كل دنب عظيم
              [/frame]

              تعليق


              • #8
                شكرا لك على الرسالة الخاصة . لهلا يخطيك الحبيبة و الله يحفظ ليك الياس و يخلي ليك زوجت و ربي يسعدكم
                الى توصلتي برسالة مني جاوبيني لانني كنرسلهم و كنشك بلا مكيوصلوكش
                [frame="7 80"]
                استغفر الله العظيم من كل دنب عظيم
                [/frame]

                تعليق


                • #9
                  الاخت المتوسلة ماخلات لي ما نزيد غير باش ترتاحي اكثر حاولي ترتبي دارك واالمطبخ باش يسهال عليك الشغال وما فيها باس الا حيدتي عليك جزء من العمل بالليل تنعسي بنتك وتجمعي الدار وتغسلي الماعن
                  الله المعين

                  لااله الا انت سبحانك اني كنت من الظالمين

                  تعليق


                  • #10
                    مازدت والو ولكن عن تجربة
                    الفياق بكري بالذهب المشري
                    وباش تفيقي بكري لازم تنعسي بكري

                    والله حتى كيشيط لك الوقت ديري فيه ما بغيت اتذكري الله تخدمي شي حاجة تطرزي...

                    وبعدي على التلفاز لانها تلفة وكتلف وكتاكل ليك الوقت بلاماتحسي وكتلاهي.
                    مرة مرة مافيها باس وحتى نكون مسالية ماغايعاتبك حد.
                    جبت بنت تعاوني حمقتني ما كملتش معاها الشهر وقلت ليها الله الغني
                    خوذي فلوسك وغي سيري فحالك الله يسامح في لي بقا
                    كتدير لي بغات وقت ما بغات وبالفقسة خبطت انا باب الفران بالجهد كنفرغ فيه عوض ما نقولها شي حاجة تخصر ليها خاطرها .وطفا سيدنا الفران وبقا الغاز دايز حتى حسيت براسي كيغلي
                    جريت للفران لقيتو طافي والغاز دايز في الهوا وحليت السراجم و البيبان دلاكور ودباب الدار
                    وشربنا الحليب وفيقت الراجل لايكون داخ
                    وحلفت عمرها لا بقات عندي لانها لصقات على الكيكة مع 10 دالليل وبالطليب والرغيب
                    وقلت ليها انت لي تقابليها وقالت ايه وفي الاخير خلاتها ومشات تنعس
                    نظمت وقتي وخا ضاعت لي الاجازة الثانية وغادا بوحدي مع اووليداتي وpc
                    حبيت انضيف لك تجربتي ربما تنير طريقك.غير نظمي وقتك
                    نهار الصابون الغدا خفيف
                    والغد غدا دايزو الكلام باش يعوض النهار لي سبقو ويغطي عليه
                    نهار التخمال الراجل ما يكون والى كان ديما متواجد غير يخرج نبدا وماشي شرط نخمل الدار كلها
                    بيت بيت باش نسالي قبل ما يجي
                    والى كنت مسالية مكدكة جمعي غير من الفوق المهم ما يشوفش راجلك الروينة
                    ومنين تكوني مرتاحة فدي غير هي من الافضل قسمي العمل وكل نهار وخدمتو
                    ومانزيد شي على شي على حقاش فيك فيك ومن ظهرك ما نزل اللهم قسمي وسمحي لي طولت عليك بزاف عاد
                    ماما نور

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X