إعـــــــلان

تقليص
لا يوجد إعلان حتى الآن.

ملف -غزالة الجنوب (يمنع وضع الردود للاخوات ماعدا صاحبة الملف)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ملف -غزالة الجنوب (يمنع وضع الردود للاخوات ماعدا صاحبة الملف)

    هنا تضعين تطبيقاتك اختيغزالة الجنوب

  • #2
    السلام عليكم و رحمة الله
    شكرا لك اختي ام سومية
    و دعواتي الخالصة لاولادك بالشفاء
    و الشكر موصول للاخت لبيك الهي لبيك

    هذه جدول القياسات الخاص بي:
    ارجو منكن التأكد ان كانت القياسات منطقية ام لا
    لانني مبتدئة



    كم سيلزمني من الثوب ؟
    التـــوقيـــع

    تعليق


    • #3
      بارك الله فيك
      الثوب غاتحتاجي 2متر التحت و3 متر الفوق
      اشمن نوع الثوب غاديري

      تعليق


      • #4
        ان شاء الله غاناخذ ثوب ساتان الفوق و التحت
        هادشي لي فبالي حاليا
        لكن ممكن الا لقيت شي ثوب آخر و عجبني ناخذ منو
        المهم غاناخذ شي ثوب لي كايجي طاااايح ماشي واقف
        ياك يصلح لهاد الموديل؟
        التـــوقيـــع

        تعليق


        • #5
          يصلح شوفي ملف الاخت المهتمة راه دارت فيه الاخت لبيك الهي لبيك صور لستان دو صوا

          تعليق


          • #6
            آه شفت الموديلات تبارك الله راااائعة
            مشيت ليوم عند مول الاثواب لقيت واحد نوع ديال ساتان زوين مزوق بوريدات خفاف
            قلت ناخذ الفوق مزوق و التحت ساتان لون واحد
            لكن هاداك للي بغيت ندير الفوق حتى قررت ناخذ منو 3 متر
            و في آخر لحظة اكتشفت ان العرض ديالو ما كاملاش 1.5 متر
            ملي عبرناه لقينا فيه 1.15 متر
            صافي وليت رجعت ما شريت والو حتى نتشاور معاكم
            آش ظهر ليكم؟؟؟؟
            التـــوقيـــع

            تعليق


            • #7
              لا اختي هداك ثوب ناقص خاصو الخراط مايصلاحش شوفي ديري غير ساتان بلونين غايجيك مزيان

              تعليق


              • #8
                السلام عليكم
                اليوم شريت الثوب
                ها هو:




                حتى الالوان تشبه الى حد ما الالوان ديال الموديل للي عليه الدورة هههه
                التحت غاندير هاداك اللون الاصفر (2متر)
                و الفوق اللون الوردي(3 متر)

                دابا غانمشي نشري طاباشير باش نتراسي الثوب و نجي نوري الاستاذات ديالي

                =========
                اختي ام سومية
                اختي لبيك الاهي لبيك
                الله يدخلكم الجنة بدون حساب
                التـــوقيـــع

                تعليق


                • #9
                  ميييييييين يارب الله يفرحك اختي كما فرحتيني بهد الدعاء
                  الله يدخلنا الجنة جميع يارب
                  عدرا عن عدم دخولي للمنتدى
                  اللهم اجمع بيني وبين زوجي الذي اخترته لي في جنانك
                  واجعلني زوجته ورفيقته في هذه الدنيا الفانية والجنة الخالدة
                  وأصلح بينى وبينه وأجمعنا فى خير وعلى خير..امين يا رب

                  تعليق


                  • #10
                    ايوا الفرحة تكمل ملي توليو خياطات اناقة مغربية ان شاء الله
                    دير البترون هو الاول نشوفو عاد التوب ياكي
                    عندااااااااك هههههههههه

                    تعليق


                    • #11
                      السلام عليكم
                      الاستاذات الرائعات
                      تبارك الله عليكم
                      و الله يجازيكم بخير على اعمالكم

                      المووووهيم
                      انا راني اليوم بديت المعقول
                      رسمت الباترون ديال الفقطان التحتاني ديال الموديل
                      تكاسلت نخرج نشري ورق الباترون
                      استعملت غير ورق الجرائد

                      هادا جدول القياسات ديالي :



                      و هذا الباترون لي رسمت على الله يكون صحيح
                      المهم ديرو معايا الخاطر راني مبتدئة و فهامتي على قد الحال هههه









                      هنا قطعت الباترون:






                      هادا التحتاني للي ساهل و راني خايفا نكون غالطا فيه
                      خلي الفوقاني لي فيه لكمام هههه

                      هاني نمشي نوجد الفوقاني بينما تجاوبوني على هادا
                      (الله يسمعنا خبار الخير)
                      التـــوقيـــع

                      تعليق


                      • #12
                        ميييييييييييزيان
                        دبا واش درت فقياس الربع + 3 ديال الوسع+1 ديال الخياطة

                        تعليق


                        • #13
                          المشاركة الأصلية بواسطة ام سومية مشاهدة المشاركة
                          ميييييييييييزيان
                          دبا واش درت فقياس الربع + 3 ديال الوسع+1 ديال الخياطة
                          نعم استاذتي
                          زدت الوسع
                          لكن نسيت 1 سنتيم ديال الخياطة
                          غانزيدو ملي نكون نخدم على الثوب
                          التـــوقيـــع

                          تعليق


                          • #14
                            تبارك الله عليك حتا في الجورنال مزيان تجربي راسك واس تقدي
                            الباترون التحتاني جيد بالتوفيق لك في البترون الفوقاني
                            عدرا عن عدم دخولي للمنتدى
                            اللهم اجمع بيني وبين زوجي الذي اخترته لي في جنانك
                            واجعلني زوجته ورفيقته في هذه الدنيا الفانية والجنة الخالدة
                            وأصلح بينى وبينه وأجمعنا فى خير وعلى خير..امين يا رب

                            تعليق


                            • #15
                              شوفي قيسي البترون عليك وشوفي واش هو هداك ولا فيه شي مشكيل

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X