إعـــــــلان

تقليص
لا يوجد إعلان حتى الآن.

نداء الى محترفات ماكينة التريكو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نداء الى محترفات ماكينة التريكو

    ارجو من الاخوات اللي كتعرف لمكينة التريكو ان يقدمن لي نصائح فيما يخص كيفية الخدمة و الفصالة بحال السراول و التريكويات و غير ذلك و لكن جزيل الشكر.

  • #2
    اختي الكريمة راه طريقة الخدمة كاتختالف من مكينة لمكينة اش من نوع عندك انت
    شوفي مثلا الى بغيتي تخدمي السروال على شكل كولون راه كتخدمي تقريبا شي 20سطر او 30على حساب لي بغيتي تديري في الباندة لي كاتجي لتحت و تكون النمرة صغيرة تقريبا 2 او 3 حسب الماكينة باش كتخدمي و من بعد كتزيدي في النمرة 4 او 5 و كتزيدي عين او غرزة من كل جهة يعني وحدة من اليمين و الاخرى من اليسار ثم كتخدمي السطر و كترجعيه و كتعاودي تزيدي مرة اخرى عين من كل جهة و كتخدمي 10 اسطر عادية ثم كديري نفس الطريقة الاولى يعني كتزيدي عين من كل جهة و تخدمي سطر و ترجعيه ثم تخدمي 10 اسطر اخرى كتبقاي على هاذ الطريقة حتى توصلي القياس لي بغيتي تديري في الطول حتى لقعدة يعني بلاصت الخرطة غالبا كتكون 200 حتى ل 240 سطر ملي كتوصلي لهاديك البلاصة كتخدمي عادي بلا ماتزيدي حتى حاجة حتى توصلي للطول لي بغيتي تقريبا 300 الى 350 سطر
    اما الى كان السروال بغيتيه طويل بحال الشكل تاع الفصالة كديري العرض لي بغيتي و تبقاي تخدمي نيشان حتى توصلي للطول لي بغيتي يعني كيطلع مقاد غير هو كتخدمي الخرطة بوحديتها و ملي كتبغي تخيطيها كتشوفي شحال بغيتي تديري في القعدة و كتخيطيها .
    اما بخصوص التريكو راه عندو طريقة اخرى خاصك التطبيق تشوفيه بعينك ماشي غير بالكتابة

    تعليق


    • #3
      كنشكرك اختي زهرة القدس على الشرح ديالك.
      اختي انا عندي سانجر صفرة.
      انا يااختي عندي بعض المعلومات غيرديال الخدمة. اما فين كنوحل هي الفصالة مثلا السروال نخدمو ولكن القعدة مانعرفش نعملها. و كذلك التريكويات نخدمهم ولكن كنوحل في شحال نطيح من الكمام و ايضا في الكول.
      الى بغيتي تعاودي ديري فيا خير و تشرحيلي كيفاش نقوم يهذه العمليات وامتى كنبدا نطيح و لكي مني جزيل الشكر مسبقا. و الله يجازيك خيرا على ذلك.

      تعليق


      • #4
        العفو اختي سحر النخيل و لكن اختي الماكينة لي كانت عندنا passape و هي احسن بكثير من سانجير لا في الخدمة لا في الاتقان
        غادة نشرح ليك السروال و الى كانت شي اخت عندها فكرة على سانجير كنتمنى تفيدك
        المهم السروال او الكولون راه الطريقة تاع القعدة ساهلة بزاف شوفي الصورة لي صورت ليك كتخيطي الاماكن لي درت بالخزي اما الدائرة راه ما كتخيطيهاش راها تاع الخرطة
        كتخدمي الخرطة مربع 1234 راه في الصورة و كتاخدي كل زاوية كتخيطيها في البلاصة لي شرحت ليك بالنسبة ل2و 4 راه وحدة كتجي في الوراء و الاخرى في الامام

        اما الى كانت السروال مسيري و انا شخصيا كنفضل هاد الشكل راه نفس الطريقة تاع الخياطة تاع الخرطة كتخلي القياس لي بغيتي في القعدة و كديري الخرطة

        تعليق


        • #5
          كنشكرك بزاف اختي زهرة القدس الشرح كان مفصل و واضح. كنتمنى الى جات على خاطرك انك تكملي الجميل ديالك و تشرحي لي طريقة الكولات و الكمام.و الله يكثر من امثالك و يرزقك بكل ما تتمنين. يا رب امين.

          تعليق


          • #6
            العفو اختي هذا واجب
            اما بالنسبة للكمام الخدمة ديالهم بحال الخدمة تاع الكولون في الزيادات لي كديري من القبضة حتى الطول لي بغيتي هههههههه عنداكي ديري فيهم بلاصك القعدة هههه
            الكمام كنت كنخدمهم عادي يعني ما كنطيحش العيون باش ندير التقويرة تاع الابط سواء في الكمام اولا في الكسدة يعني الظهر و القدام و كي جيو عاديين
            اما العنق غادة نشرح ليك الكول داير او الكول مونتي راهم بحال بحال في الخدمة حتى هو ماكنتش كنطيح فيه العيون كنا كنخدموه نيشان حتى نوصلو الى الطول لي بغينا و لكن عندو طريقة تاع التقطاع خاصة به و حتى طريقة خياطة الكول شوي صعيبة خاصك تشوفيها بعبنك المهم انا غادة نحاول نشرحها ليك الى قدرت نوصل ليك المعلومة

            كتاخدي القدام كتنيه على 2 و كتعبري من المنتصف تقريبا 4cm لكل جهة يعني الكول فيه 8cm تاع العرض هذا بالنسبة للكبار و من نقطة المنتصف كتنزلي ب 4 اصابع كتعبري بيدك و كتقطعي التقويرة تاع العنق يعني في العمق 4 اصابع و في في العرض 8 سنتم
            و من الظهر كتنزلي تقريبا ب1 سنتم في العمق و 8 سنتم في العرض حتى هو و كتقطعي

            دابة نجيك لطريقة الخياطة كتخدمي كول عادي يعني مستطيل
            هديك الجهة لي فيها العيون هي لي كتجي من الفوق و الجهة الاخرى كتجي من الداخل

            لي عودة ان شاء الله لتتمة الموضوع

            تعليق


            • #7
              السلام عليكن اخواتي.
              يشرفني ان انضم لهذا الموضوع لنفيد ونستفيد ان شاء الله.
              انا عندي الماكنة passapالحمراء.
              كنت نخدم مزيان وعندي شوي افكار ولاكن توقفت
              عن ممارستها نظرا للظروف مع الحمل والولادةو التعب بعد هذه الظروف كنتمنى نرجع لحماسي وحيويتي.الصراحة اصبحت كسولة فهل يمكنكن تشجيعي.
              والله مرهقة مع الاولاد .الله يكون معنا .
              اختي عندي نصيحة للكول واي كول كيف ما كان شكله.خدمي لقياس للي بغيتي ودوبلي الجهة للي تلصق في التريكو او خليه عادي ومتطيحيه حتى تزيدي 10 سطور بلون اخر وطيحيه.
              فصلي العنق كيف تعلمتي انا كنفصل غير القدام
              كنطوي الوسط وثبتيه بشي حاجه مثلا ابرة كبيرة وقيسي 4 اصبع وقطعي مثل نصف دائرة
              ايوا نرجع للكول خيطيه من الجنب ونبليه بالابرة في مكانه وانت جالسة بمساعدة ركبتيكي اي نبله ونوسع تنبيلة في جهة اللون المغاير.
              واخد الخيط المشابه للون التريكو وغدي تلصقي الكول من اخر سطر عندك فالكول للي فاللون تريكو خيطي الكول اي كتهزي العيون اللي عندك فالسطر الاخير حتى تدوري عليه الدورة كاملة واللون الاخر المغاير سنزيله لا نحتاج اليه هو ساعدنا وسهل علينا فقط الخياطة.
              كنخدم بهاذ الطريقة تيجي الكول بحال لا شريتيه من البوتيك.
              كنتمنى تكون الفكرة واضحة.
              sigpic

              تعليق


              • #8
                شكرا اختي رحلة الاحزان على الاضافة و جزاك الله خيرا
                اختي حتى حنا كانت عندنا باصاب حمراء هي احسن ماركة في الماكينات تاع الصوف



                اختي ما عنديش الكاميرا باش نشرح ليك مزيان و لكن كنتمنى تفهمي
                بالنسبة للكول ماشي بحال الطريقة تعت الاخت رحلة الاحزان هاذ الطريقة ديالي ساهلة علما اظن
                المهم كتخدمي الكول هدا لي داير على حسب الطول لي بغيتي و كتنبليه على دائرة التريكو من العنق انا كنبدى من الفوق باش ما كيجيش الديفو في الكول كتبداي تسربي في الكول غير بشوية 3او 4 عيون في المرة و كتاخدي الابرة طبعا فيها الخيط تاع الخياطة و كتدخليها من عين و تدخليها في التريكو و كتخرجيها من العين لي بعدها ثم كترجعي لهديك العين تعاودي تدخلي فيها الابرة و تخرجيها من العين لي بعدا يعني كتضربي غرزة و كترجعي بها الى الوراء و كتبقاي هكدا المهم ها الشكل الى فهمتي شي حاجة

                تعليق


                • #9

                  اشكرك زهرة القدس على الافادة الرائعة
                  وان راني حابة اشري ماكنة تركو ادعيلي بالتوفيق ان شاء الله

                  تعليق


                  • #10
                    اختي نسمات البشرى شكرا لك و اتمنى من الله العلي القدير ان يوفقك و يسدد خطاك و انصحك اختي بالماركة passape حمراء راهي احسن نوع

                    تعليق


                    • #11
                      سمحوا لي على عدم اجابتي على ردودكن و لكن ولدي كيدوز امتحان الموحد ديال السادس و انا مبرزطة مهاه الحمد لله اليوم الاخير .
                      كنشكركم بزاف على هذه المعلومات الواضحة و المشروحة بالتدقيق.
                      عندي سؤال و هو واش كتقطعي التقويرة ديال الكول بالمقص حينت ربما يطيحوا العيون او لا لا.
                      و شكرا

                      تعليق


                      • #12
                        نعم اختي التقويرة كتقطع بالمقص و ما كيطيحوش العيون غير جربي
                        و اتمنى التوفيق لابنك
                        اه ولكن راه الزردة

                        تعليق


                        • #13
                          انت الاولى الحبيبة مرحبا بيك في اي وقت.
                          كنشكرك اختي على الشرح الواضح و المفسر.
                          بغيت نسولك انا الكتاف كيجيوني واقفين الى ما طيحتش منهم.
                          كنطلب منك اختي تشرحي لي طريقة البودي حينت كيكون الكمام مقورين.
                          سمحي لي مرةاخرى.

                          تعليق


                          • #14
                            شكرا بزااااااااااااااف اختي زهرة القدس معلومات مفيدة بزاااااااااااااف حتى انا راني باغية نخد مكينة ديال التريكو ونصحوني بالباساب حمرا وراني معولة نشريها في الصيف ان شاء الله باش نلقا لي يعلمني والله يرحم الوليدين على هد الدروس نتمنى تزيدينا من لي علمك الله

                            تعليق


                            • #15
                              يمكن ليك تقول كيفاش كتخدم صاية بلي وشي موديل ديال التقاشر ولك جزيل الشكر

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X