إعـــــــلان

تقليص
لا يوجد إعلان حتى الآن.

تريكوات خاصة بالاطفال صور وباترون وشرح كل من يهمها الامر فلتتفضل

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تريكوات خاصة بالاطفال صور وباترون وشرح كل من يهمها الامر فلتتفضل

    بسم الله الرحمن الرحيم
    السلام عليكم ورحمة الله وبركاته

    نظرا لضيق الوقت و وعدم القدرة على تحقبق رغبة كل واحدة منكن ارتايت ان اضع هذا الموضوع لادراك مايمكن ادراكه لتلبية رغباتكن وطلباتكن حول التريكو الخاص بالاطفال
    ونظرا كذلك لكثرة المواد في هذا الباب المتوفرة بكثرة عندي بحيث احترت اي انزلها قبل الاخرى فعمدت الى هذه الطريقة حتى توفر علي مشقة الاختيار بل تسهل عليك انت اختي ما تريدينه حتى اتفهم اكثر مشكلتك في ما تريدينه مني
    لذا ارتايت ان اقتصر على الصور وما عليك الا ان تختاري ما هو مناسب لك كي يسهل على شرحها لك
    لانها كثيرة وان ساحاول تنزيل كل مرة عدد الصور ويبقى لك انت الاختيار وتطلبي ما هو انسب لك كي اقوم بتكملة للشرح بالصورة التي اخترت انت والتي طلبتها مني

    لانه يصعب علي تنزيل كل الشروحات وخفت ان يضيع مجهودي هباء دون دراية بما هو مهم لكل واحدة منا
    فعلى من ترغب في ذلك ما عليها الا ان تشير الى الصورة وانا ساقوم بتنزيل الباترون والشرج بالتدقيق وسيكون العمل بالترتيب

    اذا لنبدأ على بركة الله

  • #2
    الله يجازيك بكل خير يا رب على هاد المجهود الرائع اللي كتقومي به من اجلنا
    الله يخليلك وليداتك و صحيحتك يا رب
    عواشرك مبروكة
    http://www.anaqamaghribia.com/pic/im...am2w5chxqm.gif

    تعليق


    • #3
      المشاركة الأصلية بواسطة ام دعاء و ايمن مشاهدة المشاركة
      الله يجازيك بكل خير يا رب على هاد المجهود الرائع اللي كتقومي به من اجلنا
      الله يخليلك وليداتك و صحيحتك يا رب
      عواشرك مبروكة
      العفو اختي ام دعاء وايمن
      بالحق هاد الموضوع راه كيهمك اختي وما بغيتك تحطي التريكو وتخليه وتنتاظري بزاف
      لان هداك الموضوعالخاص بالتريكو لاحظت انه غدي يكون متشعب بزاف وفيه مراحل كثيرة ماغديش توصل النوبة للطفل حتى نتعرفو على عدة تقنيات لتريكوات الكبار ومهما حاولت نختاصر ماغديش نتمكن من شرح المهم بالتفصيل
      لذلك ارتايت انني انزلالصور واللي عجباتها شي صورة وتمناتها للولدها ما عليها الا تشر لي عليها ونا غدي نقوم بالازم واللي ما تبقى علي و البسلام
      اوا نترجاوا من الله كل خير
      وبصحتكم زراحتكم اختي
      وعواشر مبروكة
      والله يدخلها عليكم وعلى امة محمد بالخير
      والعافية واليمن والتيسير
      والشفاء لكل مريض
      امييين ياربي

      تعليق


      • #4
        الصور كما وعدتكم






















        تعليق


        • #5
          اختي بارك الله فيك
          دابا اختي كنخدمو simple يعني غرزة الجرزي كيف ما قلتينا بغيت نطلع التركو كلو بهاد الغرزة غير هو المشكل لي عندي كيف ما قلتليك الفصالة و شوفت هاد التريكو لي حطيتي الله يجازيك بالخير هاد الموديل الى كان ممكن
          http://www.anaqamaghribia.com/pic/im...am2w5chxqm.gif

          تعليق


          • #6
            تريكوات روعة كل واحد ينسيك فلاخر
            مشكوووووور والله يعطيك الف عافيه

            تعليق


            • #7
              جزاك الله كل خير اختي ام غيثة والله يجعله في ميزان المقبول

              تعليق


              • #8
                مرحبا بدوية
                مرحبا اكرام
                عواشر مباركة مسعودة ان شاء
                وشكرا على المرور الطيب

                تعليق


                • #9
                  مرحبا اختي ام دعاء وايمن وعواشرك مبروكة
                  اليك الشرح

                  اولا الاعمار
                  غدي نحط التريكو ديال طفل عمرو ما بين 3 شهور الى 4 سنوات وكل اختلاف ما بين الاعمار غدي يكون مابين قوسين

                  اولا القطبان والصوف
                  الفطبان المستعملة هنا 4 و4 ونص
                  الصوف غدي توجدي الصوف اللي يوالم رقم القطبان 4 و4 ونص
                  او بالصوف اللي عندك غدي تجربي الارقام اللي عطيتك على نموذج وغدي تشوفي الصوف والقطبان اللي مشات الخدمة فيهم مزيان

                  ثانيا الصمطة
                  الصمطة هنا غدي تبدايها 2 غرز امامية - 2غرز خلفية . 4 صفوفة
                  ثم تبعها زواقة غدي انزل تفسيرها الان
                  ص1 : 3 غرز امامية - 3 غرز خلفية - وهكذا الى نهاية السطر
                  ص2 : خدمي كل الغرز الى الامام
                  عاودي العملية كل 2 الصفوفة

                  ثالثا : اللواية المعتمدة فهاد التريكو


                  هاد اللواية كتخدمها على 10 غرز وهذا الشرح الخاص بها

                  ص1 : 3 غرز للخلف - خالفي 2 غرز مع 2 غرز اللي تابعنهم فيما بيناتهم من اليسار الى اليمين - 3 غرز للخلف
                  ص2 : كل الغرز للخلف
                  وكل الصفوف المتنية بحال الصف الثاني مثل ص 4 .ص6. ص8 . 10ص . كلما وصلت لها خدمها الى الخلف
                  ص3 : 3غرز للخلف - 4 غرز الى الامام - 3 غرز للخلف
                  ص5 : 3 غرز للخلف - خالفي 2 غرز مع 2 غرز اللي تابعنهم من اليسار الى اليمين - 3غرز للخلف
                  ص7 : 2 غرز للخلف - خالفي 2 غرز امامية مع غرزة خلفية من اليسار الى اليمين - خالفي 2 غرز امامية مع غرزة خلفية من اليمين الى اليسار - 2 غرز للخلف .
                  ص9 و11 : 2 غرز للخلف - 2 غرز للامام - 2 غرز للخلف - 2 غرز للامام - 2 غرز للخلف .
                  ص13 : 2 غرز للخلف - خالفي 2 غرز امامية مع غرزة خلفية من اليمين الى اليسار - خالفي 2 غرز امامية مع غرزة خلفية من اليسار الى اليمين - 2غرز للخلف .
                  عاودي هاد الصفوف كلما دعت الضرورة حلال الحياكة
                  انظري الرسم او الباترون ديال هاد اللواية راه كيفسر اللي كتبت راها كتوضح اتجاه الغرز اللي كنخالفوها اي اللي كنكروزهم( croiser)

                  رابعا شرح حياكة التريكو لطفل عمره : 3 شهور = 6-9 شهور = 12-18 شهر = 2عامين = 4 سنوات
                  غدي نشرح قياس واحد اما الاعمار الاخرى غدي نوضعها مابين قوسين

                  الظهر :
                  نضمي 50 ( 54- 58- 62- 66 ) غرزة كبداية بقطبان 4
                  خدمي 4 سطور : 2 غرز للامام - 2 غرز للخلف
                  كملي الصمطة بزواقة الثانية واللي هي : 3غرز للامام - 3 غرز للخلف وهكذا
                  لما توصلي 4 سم من الصمطة زدي في راس كل سطر اخير من الصمطة غرزة
                  غدي يوللي عندك مجموع الغرز : 52- 56 - 60- 64 68 غرزة
                  خدمي السطور بغرزة الجرزي
                  لما توصلي 16 - 17 - 19 -21 - 23 - سم من الطول طيحي 4 غرز في اول السطر وكملي السطر ثم طيحي على راس السطر الموالي 4 غرز
                  هاد الغرز راها الخاصة بالكم
                  مجموع الغرز اللي ولا عندك : 44- 48 - 52 - 56 - 60 غرزة

                  ثم كملي الخدمة
                  لما توصلي 27 - 29 - 32 - 35 - 38 سم من الطول
                  جمعي هاد الغرز الوسطى لتقويرة العنق في فليل (epingle) واللي عددها :
                  14 - 16 -18 - 20- 22 غرزة ( راه كل عمر وعدد غرزه)
                  كملي كل طرف بوحدو بهاد الطريقة
                  من جهة العنق طيحي 2 غرز
                  خدمي 2 سطور وطيحي الغرز كلها

                  غدي نوقف هنا وغدي ان شاء الله نكمل لك قطعة الصدر بحول الله

                  تعليق


                  • #10
                    بارك الله فيك اختي و الله يجازيك الجنة يا رب و يجعل هاد العمل لي كتقومي به في ميزان حسناتك
                    http://www.anaqamaghribia.com/pic/im...am2w5chxqm.gif

                    تعليق


                    • #11
                      العفو اختي اللي عندو شي ما يساعد به اخوتو من بعد ما تنفع به لاش غدي يبقى عندو
                      راه حنا هنا خوت وراه واجب منا الواحد يساعد الاخر وهكذا الدنيا غادية
                      واللهم لك الحمد والشكر

                      تعليق


                      • #12
                        بالنسبة للصدر
                        غدي تخدمي الصدر كما الظهر بحال بحال في الصمطة
                        ثم من بعد ما تكوني زدت2 غرزات في الصف الاخير من الصمطة غدي تبداي هاد الطريقة

                        بالحق راك وصلت اللواية هدي باش دري حسابك معها مابين الغرز
                        ملحوظة راه يمكن لك تزوقي القدام واللور بهاد اللواية غير هنا الزواقة مقصورة على الصدر والكمام



                        بالنسبة ل3 شهور : خدمي 8 غرز للامام – 10 غرز لواية – 16 غرزة للامام – 10 غرز لواية – 8 غرز للامام
                        بالنسبة ل6-9 شهور : خدمي 9 غرز للامام – 10 غرز لواية – 18 غرزة للامام – 10 غرز لواية – 9 غرز للامام
                        بالسبة ل12- 18 شهر : خدمي 10 غرز للامام - 10 غرز لواية – 20 غرزة للامام – 10 غرز لواية -10 غرز للامام
                        بالنسبة 2 سنوات خدمي 11 غرزة للامام - 10غرز لواية – 22 غرزة للامام – 10 غرز لواية – 11 غرزة للامام
                        بالنسبة ل4 سنوات : خدمي 12 غرزة للامام – 10 غرز لواية – 24 غرزة للامام – 10 غرز لواية – 12 غرزة للامام

                        طبعا غدي تطبقي شغل اللواية بجدافرها صف بصف مع كل صف ديال التريكو
                        لما توصلي 16- 17 – 19 – 21 – 23 –سم من الطول : طيحي 4 غرز من كل جانب للكمام
                        كملي حتى توصلي : 18 – 20 – 23 – 26 – 29 سم : حسبي 6 الغرز الوسطى واللي جاو في وسط الغرز للتريكو عملهم في فيليل
                        كملي كل طرف بوحدو
                        عدد غرز الطرف الي بين يدك : 19 – 21 -23 – 25 – 27 غرزة
                        لما توصلي 23 سم – 24 – 28 – 31 – 34 سم :
                        طيخي الغرز كما هو ات كل 2 سطورة ومن جهة العنق
                        بالنسبة 3 شهور :2 مرات 2 غرز ومن بعدهم مرة وحدة غرزة
                        بالنسبة ل6-9 شهور : 3 مرات 2 غرز ومن بعد هم مرة وحدة غرزة
                        بالنسبة ل12-18 شهر: 3 مرات 2 غرز ومن بعد هم 2 مرات غرزة وحدة
                        بالنسبة 2 سنوات : 4مرات 2 غرزات ومن بعدهم مرة وحدة غرزة
                        بالنسبة ل4 سنوات :5 مرات 2 غرز فقط

                        لما توصلي 27 سم – 29 – 32 – 35 – 38 سم او قيسي طرف الظهر مع طرف الصدر الا بان لك ان هناك اختلاف وان طرف الصدر باقي صغير زدي خدمي سطر او 2 سطورة
                        الا بان لك انهما مقدين : طيحي الغرز كلهم
                        خدمي الطرف الاخر وقومي بنفس الطريقة ولكن معاكسة و دائما من جهة العنق

                        لما تكوني طيحت غرز الكتاف
                        خيطهم باش تخدمي الكول
                        وجدي قطبان رقم 3 ونص من الاحسن باش يجي الكول مجموع
                        هناك 6 غرز خلتها في فليل
                        خدما بغرز الصمطة بضع صفوف حتى يوللي قد غرز الصدر فقط عملهم في فيليل وخلهم في انتظار
                        رجعي عند اسفل الغرز 6 هما نيت ورفعي من وراهم 6 غرز اخرى وخدمهم قد الطرف اللي قدامو وعلى طول غرز الصدر

                        ثم بداي ترفعي الغرز على دائرة العنق حتى توصلي الغرز ديال الظهر :;زولهم من الفليل الكبير وخدمهم مع باقي الغرز اللي عنك في القطيب
                        ثم غدي ترفعي نفس عدد الغرز على دائرة العتق الاخرى حتى توصلي لغرز 6 الاخرى
                        خاص يكون نفس عدد الغرز الي رفعت ما بين غرز الصدر الستة وغرز الظهر وكذلك غرز الظهر وغرز الست الاخرى

                        اذا الغرز اللي خاصك ترفعيهم على دائرة العنق كلها
                        بالنسبة ل3 شهور : 54 غرزة + 12 غرزة ديال الحاشيات


                        بالنسبة ل6-9 شهور : 58غرزة + 12 غرزة ديال الحاشيات


                        بالنسبة 12-18 شهر : 62غرزة + 12 غرزة ديال الحاشيات


                        بالنسبة ل2 سنوات : 66غرزة+ 12 غرزة ديال الحاشيات


                        بالنسبة ل4 سنوات : 70غرزة + 12 غرزة ديال الحاشيات

                        خدمي7 سم ومن بعد طيحي الغرز كلهم او بمعنى اخر

                        خدمي بزواقة الثانية للصمطة بوحدها الكول كله حتى توصلي للطول اللي بغيت
                        خيطي حاشية الطروفة ديال 6 غرز كل واحد مع الطرف ديالو الجانبي وراعي باش تكون الفتحة رجالية أي من اليسار الى اليمين



                        بالنسبة للكمام
                        نضمي 28- 26 – 30 – 32 – 34 غرزة بقطبان 4
                        خدمي 4 سم من الصمطة بالزواقة الاولى( 4 سطور فقط ) وتبعهم الزواقة الثانية
                        زدي 2 غرز على الجوانب السطور الاخيرة من الصمطة
                        ثم بداي هاد الطريقة

                        بالنسبة ل3شهور : خدمي 9 غرز للامام - 10 غرز لواية - 9 غرزللامام

                        بالنسبة ل6-9 شهور : خدمي 10غرزللامام - 10 غرز لواية - 10 غرز للامام

                        بالنسبة ل 12 – 18 شهر : خدمي 11 غرزة للامام 10 غرز لواية - 11 غرزة للامام

                        بالنسبة ل2 عامين : خدمي 12 غرزة امامية - 10 غرز لواية - 12 غرزة للامام

                        بالنسبة ل4 سنوات : خدمي 13 غرزة للامام - 10غرز لواية - 13 غرزة للامام

                        من بعد غدي تبقاي تزيدي على راس كل4 سطور غرزة وحدة 7 المرات

                        ثم من بعدها تباقي تزدي على راس كل 2 سطور غرزة وحدة 4 المرات

                        الا جاك الكم طويل او قصير غدي تزيدي بضع صفوف فقط او تنقصي الصفوف الاخيرة

                        لما توصلي 19 سم
                        طيحي الغرز كلهم بخطرة وحدة
                        خيططي الكمام مع الظهر والصدر اولا ثم من تحت الكم بعدها

                        وهكذا انتهى الشغل

                        ليكن في علمك انه راني بسطت لك هاد التريكو باش يجيك ساهل
                        اما الصعوبات اللي فيه غدي تخلق لك مشاكل وعدة حسابات اللي عارفاك ما غديش تفهمها
                        بالحق ماغديش نستغناو عليها لان مثل الكم والكول غدي نفسروه من الساهل للصعيب
                        وراني غدي نعطي لهاد العمل اولوية باش نفهمو امور كثيرة بحال هاد الكول
                        وهناك طرق اختي كثيرة و كل مرة غدي نحطها هنا فهاد المنبر ومنها غدي نحط كل حاجة بتفسيرها الخاص







                        تعليق


                        • #13
                          الله هو اللى غادى يجازيك على المجهود هادشى ماشى ساهل








                          :eek:

                          تعليق


                          • #14
                            السلام عليكم ورحمة الله وبركاته
                            اختي بارك الله فيك على المجهود لي كتبدليه معنا الله يجازيك الجنة
                            غير هو شوية ديك الارقام دوخوني دابا انا مازال فالظهر راني فطعت الغرز لي تحت الابط مين نبدا الامام و نحاول نطبق ديك شي لي قولتي لي و ان شاء الله نفهم
                            انا كانوا عندي 84 غرزة خدمهوم بالجرزي و طيحت 4 غرز على راس كل سطر ديال الابط و دابا كنكمل
                            http://www.anaqamaghribia.com/pic/im...am2w5chxqm.gif

                            تعليق


                            • #15
                              السلام عليكم ورحمة الله وبركاته
                              شرحك ممتاز اختي الله يسر امورك ويعطيك ماتمنيتي
                              عدرا عن عدم دخولي للمنتدى
                              اللهم اجمع بيني وبين زوجي الذي اخترته لي في جنانك
                              واجعلني زوجته ورفيقته في هذه الدنيا الفانية والجنة الخالدة
                              وأصلح بينى وبينه وأجمعنا فى خير وعلى خير..امين يا رب

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X