ورشة طقم بنوتة جميل جدا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ورشة طقم بنوتة جميل جدا

    السلام عليكم ورحمة الله وبركاته




    بسم الله الرحمن الرحيم


    شرح الجيبة :


    الجيبة بتيدئيها من فوق من عند الوسط
    وبتبتدي بعدد من السلاسل يقبل القسمه علي 16
    انا ابتديت ب96 سلسله ومتوقعه ان الجيبه تطلع مقاس بنوته سنه او سنه ونص ههههههه اصلي ماعنديش حد اقيس عليه
    دي البدايه بتعملي سلسله بالعدد المطلوب حسب المقاس اللي انتي عايزاه باللون الاخضر (وممكن ابيض او اي لون حسب الرغبه)






    بتقفلي البدايه مع النهايه لعمل حلقه =دوران الوسط +شويه وسع علشان لما تركبي الشريط او الاستك
    - اعملي سطر او دوره بغرزه الحشو وممكن تستغني عنها بس انا باحب اعملها علشان البدايه تكون ماسكه نفسها
    اشتغلي في دوائر واقفلي نهايه كل سطر بمنزلقه في اول سلسله من ال3سلاسل للبدايه
    ابدئي كل سطر ب3سلاسل ودي بديل عن اول عمود في السطر
    اشتغلي عدد من الاسطر بغرزه العمود حتي تصلي اي طول الوسط الساقط او التاي باس اللي بتقدريه تبع المقاس وانا عندي اشتغلت لغايه الطول ده





    بعد كده بنبدا السطر اللي بنعمل فيه الكشكشه او الفلونات
    في الورشه الاصليه عاملين عدد سلاسل البدايه 160 يعني عدد مرات تكرار الباترون 10 مرات وكده الجيبه فيها 10 اماكن للفلونه او الزياده اللي بتعمل فلونه كده









    وبيكون شكلها كده في الجيبة





    انا عملت 96 سلسله وكده تكرار الباترون عندي 6مرات يعني عندي 6نقط للزيادة


    و الان اشرح الباترون للزياده او الفلونات


    نبدا السطر اللي حانعمل فيه الغرزه
    بتطلعي ب3سلاسل ثم عمودين في نفس الغرزه (كله في اول غرزه من السطر)ثم سلسلتين -ثم 3عمود فوق العمود التالي(كده عملتي اول مروحه )- سلسله-



    (سيبي عمودين واعملي 3عمود في ثالث عمود- سلسله )

    كرري مابين القوسين 3مرات كمان وكده حايكون عندك 4وحدات بين كل وحده ووحده 2عمود وفي اول السطر المروحه
    لو عديتي عدد الاعمده اللي عملتي عليهم الغرزه حاتلاقيهم 14 وسيبي عمودين وابدئي مروحه اخري كده الباترون بيكون علي 16 عمود

    كرري مروحه علي العمودين التاليين ثم 4وحدات وهكذا حتي نهايه السطر ينتهي ب4وحدات ثم سيبي اخر عمودين في السطر واقفلي بغرزه منزلقه في اول سلسله من ال3سلاسل البدايه

    السطر التالي
    بغرز منزلقه عدي حتي الفراغ المكون من سلسلتين في المروحه الاولي ثم اعملي 3سلاسل كاول عمود


    اعملي عمودين ثم سلسلتين ثم 3عمود ثم سلسله وكده عملتي اول مروحه

    في اول فراغ بين المروحه واول وحده في السطر السابق اعملي 3عمود ثم سلسله -ثم في الفراغ التالي 3عمود ثم سلسله وهكذا حتي تصلي الي المروحه التاليه بتعملي فيها زي اول مروحه في السطر وتكرري لغايه اخر السطر تقفلي بمنزلقه


    ولو لاحظتي عدد الوحدات بين المروحتين زادوا وحده واصبحوا 5 وحدات
    وكرري السطر ده للطول اللي انتي عايزاه

    الباترون


    ده منظر الجيبه بعد كذا سطر بالفلونات


    وده الشكل النهائي للجيبه


    وده شكل الورده من قرب



    شوفوا ياقمرات شويه باترونات لورود ولك الحريه تعملي الورد على ذوقك

    ورقه الشجر بالمقاس اللي انتي عايزاه وفي المتوسط بتعملي 10سلاسل
    ثم تعملي سلسله للدوران وتعملي غرزتين حشو ثم غرزتين نص عمود ثم2 عمود ثم 2نص عمود ثم 2حشو وتلفي وتكرري في الجهه الاخري من السلسله

    البادي:

    بالنسبه للبادي فيه غرز كتير ممكن تشتغليه بيها منها الغرز دي

    انا اشتغلت بالغرزه دي




    بتبدئي علي عدد سلاسل يقبل القسمه علي 8+1لغرزه الحشو للبدايه للسطر الثاني
    خدي مقاس دوران الصدر للبنوته وقربيه للمطلوب ولاحظي انك حاتشتغلي التوب علي بعضع الصدر والضهر دوران وتعمليه مفتوح علشان مش يزهق في اللبس والخلع
    انا باعرض افكاري وبارحب برضه بافكاركم
    ابدئي السلاسل
    السطر التالي غرزه حشو-* سيبي 3سلاسل- اعملي 9عمود في السلسله الرابعه- سيبي 3سلاسل واعملي غرزه حشو في السلسله الرابعه * وكرري مابين العلامتين حتي اخر السطر وينتهي بغرزه حشو

    السطر التالي ارتفعي ب3سلاسل بيمثلوا اول عمود ثم عمود في نفس الغرزه -* سلسلتي-اعملي غرزه حشو في خامس عمود من ال9 عمود التاليه(العمود في المنتصف)- سلسلتين- (عمود-سلسله-عمود)في غرزه الحشو التاليه- * وكرري مابين العلامتين*و*حتي اخر السطر وينتهي بعمودين في غرزه الحشو الاخيره

    السطر 3: 3سلسله ولفي- 4عمود في نفس الغرزه- *غرزه حشو في غرزه الحشو اللي عملتيها في العمود الخامس من المجموعه المكونه من 9عمود - 9عمود في السلسله اللي بين العمودين في السطر السابق * وكرري مابين العلامتين*و* حتي اخر السطر تنهيه ب5عمود في غرزه الحشو الاخيره
    كرري ال3سطور حتي يصل طول البادي او التوب للطول اللي انتي عايزاه وتبتدي تقسمي للحرده



    المهم انتي بتعملي لغايه ماتوصلي للطول اللي انتي عايزاه

    المهم لما توصلي للطول المناسب وتخلصي السطر
    بتقسمي الوحدات اللي عندك يعني لو عندك 10 وحدات بتخلي 5 للامام و2ونص لكل جانب من الضهر وعلي اعتبار انك حاتعملي مرد في الضهر للزراري يزود الضهر شويه ممكن تعمليهم 6 و2و2
    انا قسمت التقسيم الاول فوق السطر المشار له بالسهم الاسود يعني بتعملي غرزه حشو ثم سلسلتين ثم عمودين بينهم سلسله بين المروحتين من السطر السابق ثم سلسلتين ثم غرزه حشو في خامس عمود من ال9 عمود في السطر السابق(المروحه) ثم سلسلتين ثم عمودين بينهم سلسله بين المروحتين ثم سلسلتين ثم غرزه حشو ولفي (كده اخدتي وحدتين ونص الوحده سبتيه للحرده )نص في اول السطر ووحده ثم نص الوحده التاليه وسبنا النص الاخر للحرده وده عند العلامه اللبني



    بتطلعي للسطر اللي بعده وتمشي كده 5سطور وتقفلي
    اعملي الناحيه التانيه زيها
    وبعدين اعملي الامام من منتصف المروحه التاليه عند العلامه البينك التاليه لغايه النقطه المماثله من الناحيه الاخري واشتغلي لحد ماتوصلي لنفس طول منتصفي الظهر

    وشوفي شكل الحرده


    و
    معلش نزلت شكل الحرده في وضع مش مظبوط
    شوفوا كده






    إن مرت الايام ولم تروني
    فهذه مشاركاتي فـتذكروني ،
    وان غبت ولم تجدوني
    أكون وقتها بحاجة للدعاء
    فادعولي

  • #2

    موديلات للطقم البنات كي تاخذو حرية في الاختيار والتنويع
    شوفوا هنا الحردة مربعة



    وهنا جيليه مفتوح






























    إن مرت الايام ولم تروني
    فهذه مشاركاتي فـتذكروني ،
    وان غبت ولم تجدوني
    أكون وقتها بحاجة للدعاء
    فادعولي

    تعليق


    • #3
      السلام عليكم ورحمة الله وبركاته
      واااااااااااو شحال غزاااااااااال أختي تافوكت.ولوينات صيفية والشرح مفهوم .بارك الله فيك عزيزتي

      تعليق


      • #4
        بسم الله الرحمن الرحيم
        اللهم صل على محمد وعلى آله وصحبه أجمعين
        رااااااااااااائع جداااااااااااااااا
        احبكن في الله جميعا فأ حبيبنني

        تعليق


        • #5
          ورشة طقم بنوتة جميل جدا

          جزاكي الله كل خير على مساعدتك المفيدة جدا راني عملت الجيبة وغيرت في البودي ........يهمني رايك بزاف

          [url=http://www.anaqamaghribia.com/up//uploads/images/anaqamaghribia0d6a22a7b4.jpg][/url

          :p

          بقالي نزينها بالحاشية والفساقيل


          :o


          وهدا من الخلف




          :o



          :p

          بقاتلي في الصندل راني بديت فيه لاني لقيت بالمنتدى موديلات فعلا راءعة

          تعليق


          • #6
            السلام عليكم
            الطقم اللي خدمتي اختي زوين بزاف احسن من الاصلي اللي في الصورة

            ما شاء الله عليك و بصحة الكتكوتة و الله يحفظها
            تبارك الله عليك عزيزتي و سمحي ليا تعطلت عليك في وضع الشرح حيت كنت مشغولة:o
            إن مرت الايام ولم تروني
            فهذه مشاركاتي فـتذكروني ،
            وان غبت ولم تجدوني
            أكون وقتها بحاجة للدعاء
            فادعولي

            تعليق


            • #7
              هدشي غزال الله يعطيك الصحة وحنا الله يعطينا شي بنية باش نصايبو ليها

              تعليق


              • #8
                ورشة رائعة جدا

                تعليق


                • #9
                  تبركالله ماشاa الله ،مزيون

                  تعليق


                  • #10
                    تبركالله ماشاa الله ،مزيون

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X