إعـــــــلان

تقليص
لا يوجد إعلان حتى الآن.

كيفاش تعلمتييييييييييي الكروشي او التريكو؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفاش تعلمتييييييييييي الكروشي او التريكو؟

    الكروشي فن و فن راقي بدون مناقشة وكيف ما كيقول المثل الصنعة أذا ما اغنات تستر
    موضوعي كنتمنى الأخوات اللي كيعرفو الكروشي يتفاعلو معه بأيجابية أذا كان ممكن
    نبدا براسي تعلمت الكروشي في سن العاشرة تعلمت على يد بنت الجيران بدون مقابل الله يجعله ليها في ميزان حسناتها رغم أنها كانت صماء و بكماء ألا أنها تخرج من يديها الأجمل الله يرحم بيها واليديها
    و أنتن؟
    sigpic

  • #2
    فكرة غزالة
    شكرا لك عزيزتي


    إن مرت الايام ولم تروني
    فهذه مشاركاتي فـتذكروني ،
    وان غبت ولم تجدوني
    أكون وقتها بحاجة للدعاء
    فادعولي

    تعليق


    • #3
      [frame="2 80"]
      تبارك الله عليك اختي ibtissam75 .عندك خبرة في الكروشي.
      انا بدات الكروشي في اواخر دجنبر 2008 يعني 4 اشهر ديال الكروشي.
      كنت ابحث في الانترنت عن موديلات مفارش كي تشتغلهم جارتي من اجلي,و اثناء تصفحي لمواقع الكروشي وجدت قبعة بالكروشي اعجبتني و تمنيت ان تكون لابنتي مثلها و حينها قررت تعلم الكروشي كي اشتغل لابنتي تلك القبعة و و جدت موقعا عربيا علمني قراءة الباترون بالعربية و الشيما و تدربت كثيرا الى ان استطعت اشتغال القبعة و مع الممارسة تعلمت الكثير عن الكروشي الحمد لله و عندما وجدت موقع اناقة فرحت كثيرا و استفدت منه و ما زلت اتعلم منه الى حد الان....
      فعلا الكروشي بلية:D
      [/frame]
      إن مرت الايام ولم تروني
      فهذه مشاركاتي فـتذكروني ،
      وان غبت ولم تجدوني
      أكون وقتها بحاجة للدعاء
      فادعولي

      تعليق


      • #4
        انا بديت الكروشي منذ اول يوم دخلت المنتدى
        وراني كنتعلم الحمد لله

        اما التريكو منعرف منين نجيه



        تعليق


        • #5
          الأخت تافوكت ميري شكرا على التشجيع نسيت التريكو حيت مكنخدموش مفكرتش فيه حتى هو فيه ميتقال و الموضوع رجع كيفاش تعلمتي الكروشييييي أو التريكو باش كيتقلقوش علينا اصحابات القتبان
          sigpic

          تعليق


          • #6
            تافوكت الأولاد يعلموك أشياء ما كنتيش في يوم ظانة تتعلميها وهذي غريزة الأم كتمنى الأحسن لأبناءها الله يوفقك
            اختي ثريا مغربية حتى واحد ما اتولد معلم تمنياتي لك بالتوفيق و شكرا لتنويرك الموضوع
            sigpic

            تعليق


            • #7
              انا تعلمت الكروشي من زميلتي في المدرسة وانا صغيرة وبدات اتقنه بشكل جيد وانقل البترون كيفما كان وهذا لوحدي .والحمد لله .

              تعليق


              • #8
                ا[frame="1 80"]لسلام عليكن أنيقاتي ،انا تعلمت الكروشي من عند ألأم ديالي -الله يخليها لية ويطول لي ربي في عمرها-ولكن من بعد ما خرجت من المدرسة ،وتزوجت عادبقى لي وقت الفراغ لانني مخداماش،لدا قررت باش نتعلم اي صنعة جات قدامي ،ومن بينهم الكروشي ،ولكن عبرالانترنيت و مشاركتي في المنتديات تعلمت كيفاش نشتغل على الباترون ،انا ألأن خدمت تكشيطة لي ، جيلي طويل لكسوتي ،مخاد ،غطيان الصينيةوالبراد،غادي نصورهم وندخلهم في المنتدى باش تعطيوني رأيكم؛ عاد دابة خدامة قفطان للام ديالي أنشاء الله نكملواونوريه ليكم[/frame]

                تعليق


                • #9
                  نورتي الموضوع أختي أم ليلى تبارك الله عليك تعلام الصغر مزيان
                  أم سعد الله يخلي ليك الميمة و يبارك ليك في أعمالك ننتظر أبداعاتك
                  sigpic

                  تعليق


                  • #10
                    تبارك الله عليكم كاملين
                    خبيرات ما شاء الله و الله يحفظ ليكم الام ديالكم
                    إن مرت الايام ولم تروني
                    فهذه مشاركاتي فـتذكروني ،
                    وان غبت ولم تجدوني
                    أكون وقتها بحاجة للدعاء
                    فادعولي

                    تعليق


                    • #11
                      السلام عليكم
                      انا كنت كنشوف ماما و خالتي كيخدمو السبنيات للدار من كنت صغيرة وكانت عندي بعض المحاولات البسيطة جدا كتقليد اول محاولة جادة درت كيس الصابون ههههههههه دوز عندي اكثر من 7سنين و خليتو في دارنا يمكن ورثاتو شي واحدة من خواتاتي هههههههههههه
                      حاليا اتعلم من النت و بالخصوص اليوتيب لان فيها الفيديو ودرت بعض التطبيقات اما التريكو كنعرفليه مزيان الا ان الصهد في هاذ البلاد فميمكنش نخد م التريكو ماغاديش لبسو

                      شكرا لصاحبة الموضوع على الفكرة
                      ربي إني لما أنزلت إلي من خير فقير

                      تعليق


                      • #12
                        السلام عليكم
                        اختي فكرة موضوعك زوينة و فيها تبادل للخبرات الله يجازيك بخير
                        اما عليا تعلمتو مراحل
                        كانت الام ديالي الله يجازيها بخير دائما كتبغي تعلمني و انا غير كنشد الكروشي كيعواجو ليا صباعي و ما كنعرفش نخدم
                        و مرة في واحد العطلة و حنا عند الجدة ديالي اللي محيدة التلفاز من الدار لانها حسب رايها كتشغلها عن قراءة القران و الصلاة ملقيت مندير بدات الوالدة كتعلمني الكروشي من جديد واخا جاتني الشدة صعيبة في الاول و لكني في الاخير تعلمت المبادئ الاساسية ديالو تقريبا
                        لما رجعنا عندنا كتب خاصة بالكروشي و فيها من الشدة لطريقة عمل العيون و الغرز و تقريبا هو اللي تعلمت فيه حيت فيه الشكيلات بالباترونات دياولهم و تعلمت نقرا الباترون و بديت نخدم غير لحد الان باقة ما كنزعمش على الملابس يلاه صاوبت واحد الجوارب مني شفت الورشة اللي عاملاها الاخت تافوكت ميري الله يجازيها بخير
                        هادي قصتي مع تعلام الكروشي طويلة شي شوية و لكني في الاخير تعلمت
                        اما التريكو فباقي ما كنعرفش منين نجيه خاصة حتى هو الشدة ديال القطبان كنولي نبان بحال شي معاقة هههههه
                        هذا ما كان شكرا اختي على الموضوع

                        تعليق


                        • #13
                          السلام عليكم و رحمة الله و بركاته
                          بالنسبة لي تعلمت الكروشي في الإعدادية في الحصة ديال التربية النسوية والقطبان حتى هما ومن هداك الوقت و أنا مبلية بالكروشي و الله يجازي الأستاذة باشا لي علمتني و يجعلو ليها في ميزان الحسنات كانت أستاذة رائعة وكانت كتدير معانا الخاطر حتى تعلمنا .و للإشارة حنا تعلمناه بالعربية و من بعد أنا بقيت وحدي كنحاول نفهم الشيما و البترون بالفرنسية ودابا ولله الحمد ما بقاش عندي مشكل مع البترون نقراه واخا يكون بالشينوية
                          sigpic



                          رب لاتذرني فردا و أنت خير الوارثين

                          تعليق


                          • #14
                            السلام عليكم ورحمة الله وبركاته
                            أخواتي الأنيقات
                            أما أنا تعلمت في بادئ الأمر التريكو أي القطبان كانت جارة لنا الله يجازيها بخير علمت أمي فن طرز الحساب والتريكو والكروشي لأنها كانت معلمة في المعمل . بعد ذلك كانت أمي تعمل لنا تريكو وكنت أجلس بجوارها وأتعلم لوحدي ولما تذهب الى المطبخ لعمل أي شىء آخذ القطبان وأتابع الغرز وكذلك بالنسبة الى الكروشي وكان أبي رحمة الله عليه في الصيف يشجعني بحيت أعمل تريكو الشتوا في الصيف وما أدراك ما صيف مراكش وبعد نهايته يعطيني ثمن الصوف مرتين أي اذا اشتريت 50 درهم صوف يعطيني 100 درهم وهذه هي قصتي حتى تعلمت والحمد لله منذ صغري في 9 أو العاشر سنة فمنذ ذلك الوقت والكروشي بالخصوص لا يفارقني حتى في الصفر في القطار أو الحافلة أو الصيف دائما في صاكي والحمد لله عملت كثيرا لأخواتي عندما كنا صغارا والآن لأولاهم وبنتي الوحيدة فبدون فخر عملت لها باربوطيز كساوي أما القبعات فبلاعدد وتكشيطة جلابة و.........الآن أصبحت عروسة والحمد لله ومازالت مسيرتي مع الكروشي في طريقها كل ما أجده أعمل مثله والحمد لله
                            الله كبرنا على طاعة الله وجدته أحسن من النميمة
                            كثرت عليكم يمكن سمحوا ليا
                            هــــام: لغناء معرفتك
                            تصفحي هذه المواقع وانشريها بدورك

                            http://www.shbab1.com/2minutes.htm
                            WWW. balligho.com




                            تعليق


                            • #15
                              تبارك الله عليكم اخواتي
                              كلكم سابقنيني في الكروشي ما شاء الله و عندكم الخبرة تبارك الله
                              ايوا اختي fazfoz شوقتيني نشوف اعمالك:)عندك الحق الحرفة احسن من النميمة.;)
                              حاولي تصوري لينا شغلك الى كان ممكن
                              اختي كاميليا هي نعول عليك في باترونات الشينوا;)
                              الساعية لرضا الله ضحكتيني اختي.تبارك الله عليك و الله يخلي ليك الام ديالك يا رب
                              إن مرت الايام ولم تروني
                              فهذه مشاركاتي فـتذكروني ،
                              وان غبت ولم تجدوني
                              أكون وقتها بحاجة للدعاء
                              فادعولي

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X