إعـــــــلان

تقليص
لا يوجد إعلان حتى الآن.

اي سؤال بخصوص البشرة او المكياج مرحبا

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اي سؤال بخصوص البشرة او المكياج مرحبا

    السلام عليكم
    نتمنى الجميع يكونو بخير وعلى خير
    انا اليوم بغيت نفتح موضوع
    نجاوب فيه على اي سؤال او مشكل في البشرة او المكياج باش نتشارك معاكم معلوماتي وخبرتي
    وان شاء الله نكون عند حسن ظنكن


    فقط
    اي اخت حطت طلب بخصوص البشرة تقولي نوع البشرة ديالها
    وبخصصوص المكياج تقولي نوع البشرة ولون بشرتها ولون عويناتها والا ماكانتش عاملة فولار تقولي لون شعرها
    وشكرا.




    بالنسبة لانواع البشرة


    البشرة الدهنية : الا كانو عندك الحبوب (ماشي حب شباب) وخاصة الا كانت بيضاء بشرتك دهنية
    الا كنتي ملي كتفيقي فالصباح كتحسي بوجهك كلو مزيتة بشرتك دهنية
    البشرة المختلطة: الا كان عندة في الانف والذقن والجبهة او الانف او الانف والذقن les points noirs
    وكتحسي عندك مناطق اخرى في الوجه فيها قشور او عادية مامزيتاش بشرتك مختلطة(ومنكم انا).
    وممكن تحسي بان عندك 2 انواع بشرة او 3 في وجهك .
    البشرة الجاافة :عنك قشور في وجهك وكتحسي بوجهك بحال الا مجبد والا ضحكتي كتحسي بحال الا وجهك كيتمزق بشرتك جافة.
    البشرة العادية : معندكش حبوب ومعندكش les points noirs ومعندكش مناطق فيها قشور ومعندكش مناطق مزيتة
    بشرتك عادية(البشرة المثالية).










  • #2
    بارك الله فيك اختي الله ينفع بما تعلمين
    بغيت نسولك انا حاليا حاملة و نصحتني الطبيبة ديالي بعد استعمال اي منتوج للتجميل واخا قالت لي كاينين منتوجات ممكن استعمالهم بالحق قالت لي تفاداي الاشياء اللي ماشي طبيعية
    و بحكم اني لا اعرف شيء في شيء هههههههه و معكازة شوية باش تنصحيني خلال هذه الفترة علما ان وجهي بشرتي مختلطة على حساب اللي قلتي مرات كيكونو عندي قشور بالحق منين كنتقاعس في غسل وجهي مدة طويلة (مكنحملش الريحة هههه) اشنو تنصحيني باش نعتني بوجهي ؟
    اللهم اهدني لما اختلف فيه من الحق بإذنك، إنك تهدي من تشاء إلى صراط مستقيم.

    تعليق


    • #3
      اهلا اختي
      مرحبا بيك
      اختي اول حاجة الله يفك وحايلك على خير ويجعل وليدك او بنيتك ولد او بنت صالح(ة) .
      وبالنسبة لبشرتك اختي
      بما انك حاملة اول حاجة نصحك بيها شري زيت اللوز الحلووماشي اللي كيعمل 25 درهم شوفي نوع مزيان وخوديه من الصيدلية
      وخوذي ماء الورد عمليه فشي رشاشة
      وتبقاي تغسلي فالصباح والليل بماء دافئ وصابون الطاووس وترشي على وجهك ماء الورد(احتفضي به فالثلاجة) والى مكنتيش كتخرجي استعملي زيت اللوز بالنهار اما الا كنتي كتخرجي عمليه غير بالليل غير نقيطة ودهني بها وجهك كلو حتى منطقة العينين راه غزااال وكيحارب التجاعيد
      زائد باش تقللي من السيلوليت من بعد الولادا بداي تستعملي زيت اللوز على جسمك كلو كل نهار .
      مرة في الاسبوع عملي ماسك بنانة صغيرة او نصف وحدة كبيرة معسيها مع معلقة ديال العسل الحر ونقيطة زيت اللوز او زيت جنين القمح لمدة 30 دقيقة وغسليها بماء دافي ورشي ماء الورد.







      تعليق


      • #4
        اختي شكرا على المعلومات بغيت وصفة لتبييض المنطقة الحساسة
        IMG]G]
        ]]

        تعليق


        • #5
          اهلا اختي titfa بالنسبة للوصفة ماغاديش تعطيك نتيجة بوحدها ضروري تهتمي بالمنطقة كلها وتفادي بعض الاخطاء اللي كنديروهم بلا منعرفو انهم كيتسببو فالاسوداد.اول حاجة تفاداي الملابس الداخلية اللي فيها النيلو خوذي ملابس قطنية 100 % ومن الافضل تكون على شكل شورت لان الاختكاك والملابس الغير قطنية كيتسببو فالسواد.دائما بعض الوضوء ضروري جدااااااااا التنشيف باش نتفاداو البكتيريا والاسوداداختي افضل غاسول للمنطقة الحساسة هو sedaseril كانت عطاتولي طبيبةكاين 2 احجام خودي غير الصغير كيعمل 35 درهم وكيبقى مدة طويييلة هاذي صورته
          ممكن تغسلي بيه حتى وجهك وحتى للاطفالاهم حاجة تفاداي الحلاقة المتكررة من الاحسن استعملي الة الحلاقة براون ماشي ضروري الراس اللي كينتف انا كنستعمل غير راس الحلاقة (بدون ماء)غسلي به 3 مرات فالاسبوع و(اثناء الدورة) ودهني بزيت جونسون من الخارج فقط.بالنسبة للوصفة للتبيضقرعة زيت اللوز وقرعة زيت الغليسيرين خلطيهم بزوج وكل يوم بالليل ضيفي عليهم شوية عصير الحامض وطالك جونسون حتى يوليو بحال العجين سائل وعمليهم للمنطقة وفي الصباح غسلي بماء دافئ وكرري نفس العملية. داومي عليها 15 وغاتبدى تبان النتيجة لكن باش تحافظي عليها تتبعي باقي النصائح.
          التعديل الأخير تم بواسطة ام شروق ضحى; الساعة 12-10-2012, 20:23. سبب آخر: استبدال الرابط بالصورة







          تعليق


          • #6
            السلام عليكم شكرا جزيلا اختي على المبادرة وجعلها الله في ميزان حسناتك اختي انا بشرتي alergiqueet sensible ولا استحمل الريحة واريد كريمة طبيعية لتغذية البشرة ايضا للتخلص من الرؤوس السوداء خاصة على الانف وذا كان ممكنا وصفة للتخلصمن الشعر من الوجه راني كترت عليك غيرسمحيلي وشكرا جزيلا

            تعليق


            • #7
              الله يجازيك بخير اختي و الله يرفع قدرك
              اللهم اهدني لما اختلف فيه من الحق بإذنك، إنك تهدي من تشاء إلى صراط مستقيم.

              تعليق


              • #8
                اختي fouziaparis تبعي البرنامج اللي غنقولك وان شاء الله كتحصلي على النتيجة اللي بغيتي
                الرؤوس السوداء السبب ديالها المسام المفتوحة وكتعرض للتلوث من الخارج بالغبرا والهوا
                غسلي وجهك فالصباح وفالليل ب nettoyant moussant optimals من oriflame ألصراحة كنتيق فمنتجاتهم بزاف ومجربا بزااف منها وهاذا راه خاص بالبشرة الحساسة

                بالنسبة للوصفة الطبيعية لازالة الرؤوس السوداء عملي معلقة ملحة مع شويييييية زيت العود غير القدر اللي ميخليهاش ناشفة وعملي فوطة فالماء سخون اللي تقدري تخمليه و ثم عصريها وعمليها على وجه باش يتفتحو المسام وعملي الملحة مع زيت العود على الانف ديالك وفركي بشوييييييييييييية لمدة 3 دقايق وغسلي وجهك بماء دافي وديك لا موس اللي قلتلك ديال اوريفلام ورشي وجهك بماء الورد ديما خليه فالثلاجة فرشاشة ورشي وجهك بيه فاي وقت .

                وصفة لتغذية البشرة استعملي معلقة عسل حر مع بنانة صغيرة معسيها مع نصف تفاحة مصلوقة ونقيطة زيت اللوز عمليه مدة 30 دقيقة 3 مرات فالاسبوع
                ودائما عملي زيت اللوز لوجهك بالليل بعدما تكوني غسلتيه ورشيتيه بماء الورد.

                بالنسبة لتخلص من شعر الوجه نكدب عليك الا قلت ليك كاين شي وصفة كتحيد شعر الوجه نهاااااااااائيا من الوجه
                كاين طرق لازالة الشعر وافضلهم بالنسبة ليك هو الخيط لان بشرتك حساسة وبعدما تزولو ليك اختصاصية فالصالون عملي ماء الورد.
                وماتقوليش كترتي الاسئلة الا مازال عندك غير قولي مرحبا على الراس والعين.







                تعليق


                • #9
                  السلام عليكم ورحمة الله تعالى وبركاته
                  أولا الله يجازيك أختي بالخير على هاد المبادرة الطيبة الله يجعلها ليك في ميزان حسناتك
                  أختي عيون البحر بالنسبة لي عندي بزاف المشاكل ديال البشرة شحال هادي كانت بشرتي زوينة مكان في تكول الحبة أختي قلة العقل بغيت نبياض نضت استعملت كريم اديال وافقتني في الأول دابا ختي شي ست سنين باش قطعتها بشرة وجهي ولات حالتها كنوض في هداك الحبوب الصغير أ بعض المرات الحبوب الكبيرتيدير القيح كنزولو ولكن بلاصتو ملي كيبرا كتبق زرقة زيدي عليها أختي مسام واسعين عندي (جيت الحناك) أكاين اختلاف في اللون فوق واسفل العينين دابا انا بيضاء اللون أمحيط العينين أسمر بشرتي معرفتها واش دهنية او مختلطة باش تنصحيني أختي أ أشمن نوع ديال اكخون سوليغ نستعمل بحكم أني كنخرج لخدمتي كل نهار الشمس مخلاتش في
                  عاد أختي تشققات جلد جيت السيقان أدابا بداو في لفاغيس في جناب حدى الركبتين
                  طولت أختي بزاف عليك سمحي لي الله يجازيك بالخير أيعطيك كل ماتمنيتي في خاطرك

                  تعليق


                  • #10
                    السلام عليكم ورحمة الله تعالى وبركاته
                    أولا الله يجازيك أختي بالخير على هاد المبادرة الطيبة الله يجعلها ليك في ميزان حسناتك
                    أختي عيون البحر بالنسبة لي عندي بزاف المشاكل ديال البشرة شحال هادي كانت بشرتي زوينة مكان في تكول الحبة أختي قلة العقل بغيت نبياض نضت استعملت كريم اديال وافقتني في الأول; دابا ختي شي ست سنين باش قطعتها;بشرة وجهي ولات حالتها كنوض في هداك الحبوب الصغير أ بعض المرات الحبوب الكبيرتيدير القيح كنزولو ولكن بلاصتو ملي كيبرا كتبق زرقة زيدي عليها أختي مسام واسعين عندي (جيت الحناك;أكاين اختلاف في اللون فوق واسفل العينين دابا انا بيضاء اللون أمحيط العينين أسمر بشرتي معرفتها واش دهنية او مختلطة باش تنصحيني أختي أ أشمن نوع ديال اكخون سوليغ نستعمل بحكم أني كنخرج لخدمتي كل نهار الشمس مخلاتش فيعاد أختي تشققات جلد جيت السيقان; أدابا بداو في لفاغيس في جناب حدى الركبتين
                    طولت أختي بزاف عليك سمحي لي الله يجازيك بالخير أيعطيك كل ماتمنيتي في خاطرك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X