مشكلتي مع الشمس

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مشكلتي مع الشمس

    السلام عليكم
    الجو بدآ يسخن وجهي كيولي حالتو بالبقع السوداء
    شكون تعرف شي حل هذا بالرغم اني كنستعمل الواقي
    عتقوني الله يعتقكم من نار جهنم
    اللهم صل على محمد وعلى آله وصحبه أجمعين

  • #2
    فينكم آلبنات راني في إنتظار ردودكم
    زعما مبقيتش فيكم:mad:
    اللهم صل على محمد وعلى آله وصحبه أجمعين

    تعليق


    • #3
      [align=center]السلام عليكم ورحمة الله وبركاته
      والله حبيبة عندي نفس المشكل وجهي ولاو فيه بقع كحلين كيبانو بزاف حقاش لون البشرة ديالي فاتح و فينما قريت شي وصفة كنجربها لهاذ الوجه مسكين و بلا حتى نتيجة غير ضياع و صافي دابة زادني حتى النمش
      ما نصحكش ديري حتى حاجة و حاولي تبدلي الواقي الشمسي ممكن العيب يكون منه
      شوفي حبيبة ما فيها باس دهني وجهك قبل ما تنعسي بزيت اللوز و فصباح غسلي مزيان بالصابون قالتها لي واحد البنت بالحق باقي مجربتهاش و زيت اللوز مزيان مافيه حتى ضرر غير خاصك داومي عليه و ما تعكزيش و خلاص
      نتمنى تلقاي الحل
      [/align]
      [align=center][/align]

      تعليق


      • #4
        بارك الله فيك الاخت نسرينة
        جربت تقريبا كل انواع ديال واقي من الشمس ولكن نفس النتيجة
        انا اصبح عندي هاذ المشكل من بعد لولادة
        اللهم صل على محمد وعلى آله وصحبه أجمعين

        تعليق


        • #5
          [align=center]ويييي حبيبة ايوا قولي هاكداك هذاك كلف حبيبة شيء طبيعي كيظهر في الحمل و كيختافي من بعد تدريجيا
          شوفي جربي الغاسول الابيض ديال الوجه كيتباع عند العطار خلطيه بماء الورد وديريه ماسك وخليه حتى يبس30 دقيقة تقريبا 3 مرات فالاسبوع ان شاء الله غادي ينفعك
          [/align]
          [align=center][/align]

          تعليق


          • #6
            شكرا اختي نسرينة
            اللهم صل على محمد وعلى آله وصحبه أجمعين

            تعليق


            • #7
              بسم الله الرحمن الرحيم
              السلام عليكم ورحمة الله وبركاته
              اختي غدي نعطيك طريقتي للحفاظ من اللسوداد الوجه وكنتمنى تعجبك .انا كندير الرياضة و بشرتي بيضاء وما كتحملش السخونة ولا الشمس .اهتديت الى طريقة جد نافعة وهي : كل الصباح كنغسل وجهي بالماء وصابون الكف ونعمل الواقي وما كنجلس في الشمس كنحاول قدر المستطاع مان بقاش في الشمس لمدة طويلة وكان غسل وجهي بعد ساعتين ثم كنعاود الواقي من الشمس ونا في العمل .غير يجب تفادي استعمال هاذ الواقي بكثرة لانه كيرجع على البشرة .ونا مرة مرة كانستعمله ما ديما .ولما كانجي للدار كنغسل وجهي بالماءجيدا مع تكرار العملية اللي هي شطف الوجه بالماء عدة مرات حتى كنحس بالوجه ابرد مزيان كندهنوبزيت اللوز ثم كنضفوا منها بورق ارطب وكان نمسحوا بدون ما نورك عليه وفي الصباح نفس الشئ.لما كان كون ماخدماش مثل يوم الاربعاء كان نعمل ليه ماسك ديال الحامضفي الصباح اي كندهنو بجلفة او شوية عصير مخلط بالماءوالحامض وكان خليه حتى ينشف ثم كان غسلو بماء ديال الثلاجة ولا جاك بارد بزاف دفيه بشوية دالماء ديال الروبني اي البزبوز او غسليه نيت بماء الروبيني عدة مرات حتى يتنظف جيدا ثم خليه يرتاح وفي اخر الاسبوع مثل يوم الاحد كنعمل ليه طرف ديال الصابون دالكف مدوب في الماء ونخليه حتى يرطاب بحال العجينة ثم كنطلي به وجهي ونخليه ينشف ثم كنغسلو بنفس الطريقة ديال الماء دالثلاجة بارد وراك غادي تشوفي وجهك بحال المريا كيشعل جدا جدا .والنتيجة ملحوظة جدا ثم دهني يدك بزيت اللوز ودوزها على وجهك وبقاي في الدار ما تخرجيش لان هذه العمليات كلها كنعملها ونا في الدار باش يرتاح وجهي من الشمس ومن الاوساخ .كنتمنى نكون فيدتك بطرقتي وصدقيني اختي ما عمر وجهي كحال ولله الحمد ديما صافي .وانصحك بحمام البخار حتى هو مرة مرة كنعملو ووجهي مطلي بالزيت اللوز لان زيت اللوز فيها مكونات تبيض الوجه و تداوي البشرة مزيان وهي علاج وليست دهن للعلم فقط لكل التشققات لليدين كذلك فقط يجب استعمالها بعد نظافة المكان الواجب علاجه .اتمنى ان اكون قد افدتك بشئ والله الموفق

              تعليق


              • #8
                السلام عليكم ورحمة الله وبركاته
                شكرا لك اختي بدوية على النصاءيح القيمة ان شاء الله غادي نعمل بها
                بغيت غير نسولك انا كنستعمل زيت اركان عوض زيت اللوز واش كاين شي ضرر فيه
                ولك جزيل الشكر
                اللهم صل على محمد وعلى آله وصحبه أجمعين

                تعليق


                • #9
                  [align=center]سمحيلي حبيبة إلا طفلت
                  بغيت نقوليك باللي زيت اركان غزال للبشرة ومرطب رائع ولكن حسب معلوماتي زيت اللوز هو اللي كينقي البشرة و يصفيها من السواد
                  [/align]
                  [align=center][/align]

                  تعليق


                  • #10
                    السلام عليكم ورحمة الله وبركاته
                    شكرا اختي نسرينة علئ الرد ماشاء الله نشيطة
                    اللهم صل على محمد وعلى آله وصحبه أجمعين

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X