شكون للي عندها شي حل لمشكلتي الله يجازيها بخير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون للي عندها شي حل لمشكلتي الله يجازيها بخير

    السلام عليكم الحبيبات الغاليات
    مشكلتي هي الكلف ديال الحمل والولادة اللي مابغى يزول وكملت حتى الكينة ديال الولادة دارت حقها ونزيدكم بشرتي جافة وحساسة واحد النهار قلت نجرب واحد الوصفة فيها اللوز المر مانقولكمش انا كنطليها لوجهي وكنحس بعينيا تيحرقوني ماديت ماجبت قلت نخليها 20 دقيقة ونغسلها شوية وانا نحس بالسخانة في وجهي شفت في المراية تصدمت لقيت وجهي كله احمر بحال لدهناه بالباربا او لعكر الفاسي غسلت وجهي بالزربة خشيتو في الثلاجة عيبرد الحر شوية عليا بان ليا الخيار مكسل في الثلاجة بارد طحنتو ولبختو لوجهي لمراية ماتليتش قدرت نشوف فيها خفت نلقى شي عجب ولى في وجهي ولكن مني درت الخيار حسيت بالسخانة اللي في وجهي بدات تتنقص تنمس الخيار لقيتو سخن الحمدلله راجلي كان خدام وماكون سمعني شي كليمات الخيار عتقني الله يعمر ليه الدار وقيلة قويت عليكم الهضرة انا غير بغيتكم تستافدو من تجربتي مع اللوز المر وتعطوني وصفة للكلف الله يحقق لكم ما تتمناو في خاطركم وشكرا بزاف على مروركم




    اللهم بارك لي في أولادي ووفقهم لطاعتك وارزقني برهم اللهم اجعلهم هداة مهتدين غير ضالين ولا مضلين اللهم حبب اليهم الايمان وزينه في قلوبهم وكره اليهم الكفر والفسوق والعصيان واجعلهم من الراشدين

  • #2
    salam okhti. mabrok ziyada ba3da w lhamdolah lli fekek sidi rabi 3la khér. khti ana sma3t blli kaydiro zit loz l klef 9abl wa ba3d lwilada. jerrbih a khti la 3alla wa 3asa ye3tik chi natija zwina. walakin a khti khoudih mn la pharmacie machi mn 3nd l3attar. ou maykoun 3andek bas

    تعليق


    • #3
      شكرا اختي simsima flower انتي الوحيدة اللي تفضلتي وعطيتيني نصيحة اما الاخريات ولا كلمة اختي البيبي مات ليا من بعد الولادة سنة باش مات الله يرحمه ويعوضني بالذرية الصالحة الله يحفظك اختي ويرزقك بكل ماتمنيتي




      اللهم بارك لي في أولادي ووفقهم لطاعتك وارزقني برهم اللهم اجعلهم هداة مهتدين غير ضالين ولا مضلين اللهم حبب اليهم الايمان وزينه في قلوبهم وكره اليهم الكفر والفسوق والعصيان واجعلهم من الراشدين

      تعليق


      • #4
        rawnak

        عزيزتي هدي الوصفة رائعة خدي شعير واقلية بعد اطحنيه وخلطيه بالزبدة و اعملي به ماسك لمدة اسبوع توا تلاحظي صفاء بشرتك وزوال الكلف وربي يرحم مولودك ويرزقك انشاء الله

        تعليق


        • #5
          salam khti "llina11" rabi ykhalik a khti ra 7na khwatat. lah yer7em l bébé dialek wi 3awdek b 10 khrén tfarhi bihom wi kebro 9ddam 3winatk nchallah. khti jarrbi zit loz li glt lik. ou sma3t que 7ta kénta kat7aydo mé tahiya khodiha mn la pharmacie. lah ychafik a khti wi rez9k douriya sali7a llahomma amine

          تعليق


          • #6
            شكرا عزيزتي simsima flower على كلماتك الرقيقة الله يديم المحبة بينا والله يرزقك حتى انت بكل ماكتمناي والله يجازي كل الاخوات اللي قدموا لي نصائح والمواساة




            اللهم بارك لي في أولادي ووفقهم لطاعتك وارزقني برهم اللهم اجعلهم هداة مهتدين غير ضالين ولا مضلين اللهم حبب اليهم الايمان وزينه في قلوبهم وكره اليهم الكفر والفسوق والعصيان واجعلهم من الراشدين

            تعليق


            • #7
              السلام عليك ورحمة الله وبركاته
              اختي كيف حالك باخير اختي فيه خلطة لاكن انا ماستعملتهاش لان ما جنيش الكنف
              حفنة فول مطحون+حفنة لوز حلو ههههههههه ماتخفيش هدا حلو ماشي مر مطحون+عصير حامضة+4معالق كبار قشدة الحليب (لفرارة)وعلى الوجه 20 دقيقة والله يسخر وردي عليا تحياتي

              تعليق


              • #8
                khti hadi awal mocharaka liya m3akom obrit n9edem lik had nassi7a 7it ta ana 3anit mn lklef bzaf ba3d sti3mal bzaf dyal lkrimat wbdon natija walakin fel2a5ir jabtli lwalida wa7d lcréme smito clermine

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X