إعـــــــلان

تقليص
لا يوجد إعلان حتى الآن.

وصفات العناية بالبشرة و الجسم و الشعر من ملحق اللقاء المفتوح

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وصفات العناية بالبشرة و الجسم و الشعر من ملحق اللقاء المفتوح

    أخواتي الأعزاء
    أحييكم تحية الإسلام , السلام و عليكم و رحمة الله و بركاته
    في هذا الموضوع سوف أقوم بنقل كل الوصفات الخاصة بالعناية بالجسم و البشرة و الشعر اللي تم طرحها في رقن اللقاء المفتوح حتي يسهل علي الأخوات الحصول علي الوصفات و الإستفادة منها.

    و سوف أبدأ بالوصفات المذكورة من طرف الأخوات في ملحق اللقاء المفتوح 4

    ويرجي من الأخوات اللي عندها أستفسار أو سؤال تطرحه في الملحق نفسه علي هذا الرابط
    http://www.anaqamaghribia.com/vb/sho...CD-%D1%DE%E3-4

    ولكم جزيل الشكر و أتمني أن تعم الفائدة للجميع

  • #2
    الوصفات كتبتها الأخت om taha5

    ماسك القدمين

    م.ك.زيت البرافين +م.ك. الغرسيلين +م.ك.زيت اللوز+م.ك.زيت الأفوكا

    *اندوب الزيوت فحمام مريم ثم اندهن بهم القدمين انبقاو بيه بلا منغسلهمش .يمكن يبقى أسبوع فالثلاجة.


    تغذية القدمين
    عصير الخيار +المكور مرطبينو فالماء طايب بش يترخ انشفوه.
    *اندلك القدمين بالعصير دالخيار ثانعمل كمادات بالمكور انلبس التقاشر المدة علاش قدينا من الافضل نعملوه فالليل.
    مرطب للقدمين
    عصير حبة طماطم+م.ك كلسرين+م.كعصير الحامض.
    انخلط العناصر ثم اندهن القدمين بعدما نعمل حمام العشوب .مسجلتوش.
    انتسنو عليهم ينشف انعمل مساج ثم نمسح بماء الورد يمكن نعملوه يوميا إلا كانو القدمين مشقوقين بزاف.

    ترطيب القدمين
    واليدين

    4حبات فريز+الملح الخشن+زيت الزيتون انخلطهم ثم اندعكوا القدمين مزيان كذلك اليدين.ثم انغسلوهم.
    حمام للقدمين
    نخد الماء طايب نوضع فيه ورق النعناع حتى يدفى انزد عليه 2م.ك خل التفاح انوضع القدمين من 30د إلى ساعة انشفهم. نخلط م.ص زيت البابونج+م.ص زيت الخزامة +قطرات ماء الورد.انعمل مساج للقدمين انجر من القدم إلى الصبعان حتى نسمعهم طرطق.

    تعليق


    • #3
      [كتبتها الأخت oum_hicham]
      بالنسبة لوصفات الجمال ليوم 24/05/2010

      الشعر العادي
      نحك خيارة بقشورها و نصفيها ناخد غير الما
      و نعملوه للشعر ديالنا ربع ساعة و نغسلوه
      الشعر الدهني
      نحك حبة خيزو بقشورها و نصفيها ناخد غير الما
      و نعملوه للشعر ديالنا ربع ساعة و نغسلوه
      لتساقط الشعر
      عصير بصلة يبقى على الشعر 20 دقيقة و يتغسل
      و الكل يعرف كيف يشقق الشعر نعمل للجدر و الخصلات حتى هما

      تعليق


      • #4
        [كتبتها الأخت raihana ]
        وصفات الجمال ليوم الخميس 26 ماي 2010
        وصفة لنمو شعر الحواجب ؛ ناخد عظم التمر ونعملوه في اناء على الفاخر ونحرقوه تم يدق ويغربل ويخلط مع زيت الخروع ويدهن به الحواجب وممكن نضيفو معاهم قطرات من ماء الخبيزة فهده الخلطة تساعد على نمو شعيرات الحواجب
        _ويمكن ناخد عود القرنفل ونحرقو الراس صغير ديالو ونكحلو به الحواجب .
        لتساقط الحواجب؛ معلقة صغيرة السالمية مطحونة _ معلقة صغيرة خزامة مطحونة _ معلقة صغيرة بابونج مطحون _ معلقة صغيرة القوق البري مطحون ونخلطو كل شي بزيت العود ونعملوه على الحواجب يبات عليه او نعملوه 2 المرات في النهار صباحا ومساء.
        _مغلي اوراق الكركاع والقشور نمسح به الحواجب ونغسل به الوجه مفيد جدا فهو يساعد على نمو الشعر ويعطيها لون جميل.

        تعليق


        • #5
          [كتبتها الأخت مسلمة 2007]
          لمعالجة تكسير الأظافر نأخد 2 م ص زيت الزيتون +2 م ص خل التفاح+قليل من صفر البيض ونخلط الكل ونستعمله في الأظافر لمدة 20د ثم نغسله ونستعمله يوميا.لإزالة القشر من الشعر نأخد حفنة أزير +1لتر من ماء غليان ونتركه يغلي لمدة 10د تم نصفوه نصفوه ونتركه يبرد وبعدما نغسل الشعر نشلل به الشعر ووصفة أخرى لإزالة القشرة حفنة أزير + شوي الزعتر ونضيفهم على 1 لتر ماء غليان ونتركه 5 د ثم نصفوه ونضيفه على الشمبوان عند استعمال.وبالصحة والراحة

          تعليق


          • #6
            (كتبتها الأخت لازورد في ملحق الركن المفتوح 3)
            للشعر : 07/01/2010

            بصلة حمراء
            قشرة ديال الرمان
            طرف ديال السواك
            كيس ديال الشاي الأسود
            شوية ديال الورد يابس أوراق
            شوية ديال الريحان أوراق
            شي حبات ديال القرنفل

            اللي شعرها دهني تستعمل الحنا
            و اللي شعرها جاف تستعمل ألزاز ( الكمية الكافية حسب طول الشعر )
            لتر ماء
            كنديروهم في طنجرة يغليو حتى ينقص الما ويبقى لينا غير الكمية الكافية باش نخلطو الحنا أو الزاز ، نخلطوهم و نخليوهم شي ساعتين يطلقو مزيان ومن ب عد تعمل للشعر 5 ساعات أو أكثر

            قالت أنها مفيدة لتساقط الشعر و كتغطي الشيب و كتعطي لون كستنائي رائع

            تعليق


            • #7
              ( كتبتها الأخت rihana في الملحق3)
              نصائح الجمال ليوم اثنين
              لازالة الكلف من الوجه؛ 2 معالق كبار دقيق الحمص ـ 3 معالق كبار ماء ورد ونخلطوهم مزيان ونوضعوه على الوجه مدة نصف ساعة تم نغسلوه بالماءالباردتم نمسحوه بماء الوردوتستعمل هده الوصفة مدة 3 مرات في الاسبوع او يوم السبت والاحد.
              لوسيون للوجه المتعب؛ اوراق الخس نغسلوهم ونطحنوهم في مولينكسونعصروهم في منديل وناخد الماء ديالهم ونوضعوه على الوجه مدة 10 د مع الدلك الخفيف للوجه بشكل دائري ونغسلوه بالماء البارد.
              ناع لتبيض البشرة وتنقيتها من البقع؛ ملعقة صغيرة عصير الحامض ـ4 حتى 5 حبات اللوزـ بيضة بلدية نرقدو اللوز وننقيه ونطحنه الكل ويخلط مع الحامض والبيضة على شكل عجين ونضعه على مكان البقع مدة 15 تم نغسلو بالماء البارد ويستعمل يوميا.


              وصفات الجمال ليوم الثلاتاء
              لتنظيف البشرة؛ في طنجرة كنوضعو فيها نصف لتر ماء او كنديرو واحدة من هده الاعشاب اما شوية الزعتر اولويزة اوالشيح اوالخزامة ونغليو ونغطيو الراس والوجه بفوطة لكي لايتسرب البخار ونوضعو الوجه فوق الطنجرة اللي فيها الماء الغليانونبخرو الوجه مدة 10 د ونمسحو الوجه باسفنجة مبلولة بماء مثلج تصلح لكل انواع البشرة مرة واحد في الاسبوع للبشرةالعادية والجافة و2 المرات للدهنية.
              قناع مبيض للوجه؛ 2 معالق كبارنخالة ـ حليب سخون قياس اللي يجمع لينانخلطو كل شيء ونخليوه يبردونوضعوه على الوجه وممكن استعماله يوميا ومن بعد مرة في الاسبوع ويصلح لكل انواع البشرة.
              قناع الطين الاخضر؛2 معالق الطين الاخضر ـ البابونج ونكبوعليه الماء طايب وناخد منه مايكفي لخلط الطين ونوضعوه على الوجه حتى يجف ونغطيو العينين بقطع القطن مبللة بماء الورد ونغسلو الوجه وهو جد مفيد للبشرة.
              قناع قبل الماكياج بساعتين؛ ملعقة كبيرة عصير الحامض ـ ملعقة صغيرة زيت الزيتون ـ نصف معلقة صغيرة من الخميرة المعجونة ـ معلقة
              كبيرة ياغورت طبيعي ويخلط الكل ونوضعوه على الوجه مدة 20 د ونمسحوه بماء دافئ ونستعملوه 3 المرات في الاسبوع.








              تعليق


              • #8
                ( كتبتها الأخت أم جلال هوارة في الملحق3)
                هاهي الوصفات ديال ياسمينة:
                -الوصفة الاولى:
                -واحد فرماجة مربعة نطليها على الوجه و العنق حتى تنشف ا نحسو بان الوجه تكمش ا نعملو مساج دائري مثل الكوماج حتى يزول الفرماج ا نغسل بالماء البارد ا نشف بالورق النشاف.
                قالت انه مفيد للوجه المتعب و الناشف ا كيرطبو.
                -الوصفة الثانية:
                -شوية خميرة معجونة
                -شوية حليب سائل
                نخلطهم جيدا ا نوضعهم على الوجه و العنق5 دقايق ثم نغسلو بالماء الدافئ انشفو بالورق النشاف او فوطة رطبة
                قالت انه كيبيض الوجه ا كيخليه رطب ا كيعطيه نظرة جميلة.

                -الوصفة الثالتة
                -واحد ياغورت صغير ابيض ديال دراري صغار
                -شوية حليب غبرة
                نخلطهم ا نوضعهم على الوجه و العنق حتى ينشفو ا نغسلو بالماء الدافئ ا نشف كما العادة.
                قالت هاد الماسك ليه نفس المفعول ديال الماسك الثاني.


                تعليق


                • #9
                  ( كتبتها الأخت المشتاقة إلي الفردوس في الملحق3)

                  كيفية استخرج حليب و زيت جوز الهند (الكوكو) (حنان من اولاد تايمة)

                  *استخراج الحليب
                  ناخذو حبة كبيرة ديال الكوكو و نقسموها على جوج و نزولو الجزء الابيض يعني اللب و نحكوه فالحكاكة الرقيقة ثم نديروه في قرعة او اناء كبير ديال الزجاج يكون معقم و نخويو عليه الماء طايب يكون كيغلي و نسدو القرعة و نخضوها مزيان باش تنسجم العناصر ثم نخليو الخليط حتى يدفى و نعصروه مزيان بزيف حياتي نظيف غدي نحصلو على ماء ابيض اللون هو حليب جوز الهند
                  يمكن نديرو بيه لاكريم باتيسيير او البيشاميل او نستعملوه في وصفات التجميل
                  *استخراج الزيت
                  ناخذو الحليب اللي حصلنا عليه نديروه في قرعة و نديروه يبات فالثلاجة و فالصباح غدي نلقاو الزيت تعزل الفوق و الحليب بقى التحت كنزولو الزيت شوية بشوية بواسطة ملعقة و نحتفظ بها في قنينة ديال الزجاج لحين الاستعمال

                  تعليق


                  • #10
                    (كتبتها الأخت المشتاقة إلي الفردوس في الملحق3)
                    وصفات الجمال ديال اليوم من عند حورية من المحمدية
                    وصفة لتبييض الوجه و ازالة البقع
                    المكونات
                    ملعقة صغيرة ماء خيزو (نحكوه في الحكاكة رقيقة و ناخدو فقط الماء ديالو)
                    ملعقة صغيرة عسل حر
                    ملعقة صغيرة ماء الخيار

                    الطريقة
                    نخلطو ماء خيزو و الخيار مع العسل و نبقاو نزيدو الدقيق ديال الذرة شوية بشوية حتى نحصل على عجينة رطبة نديروها على الوجه و نخليوها من 15 دقيقة الى نصف ساعة مع الاسترخاء على الظهر ثم تزال بحركات دائرية و تغسل بماء دافي و تنشف و للحصول على نتائج جيدة ندهنو الوجه بعد الوصفة بماء ورد مخلط مع زيت اللوز مثلا ملعقة من كل واحد و نخليوهم في الوجه حتى نبغيو نخرجو عاد نغسلوه
                    تستعمل الوصفة 4 الى 5 مرات فالاسبوع و بعد 15 يوم كتبان النتيجة
                    من الاحسن نديرو حمام بخار للوجه قبل اي ماسك لاعطاء نتائج افضل

                    وصفة لازالة التجاعيد و البقع السوداء فالعنق و وراء الاذنين
                    المكونات
                    ملعقة صغيرة عصير بومبلوموس اصفر من الاحسن (ماشي وردي)
                    ملعقة صغيرة عسل حر
                    ملعقة صغيرة ياغورت طبيعي
                    ملعقة صغيرة عصير اوراق الدرك (الصبار) (نحكوهم و نصفيوهم في زيف حياتي)
                    ملعقة حمص مطحون او حلبة مطحونة من الاحسن
                    الطريقة
                    نخلطو عصير البومبلوموس و العسل و الياغورت و عصير اوراق الدرك و نبداو نزيدو اما دقيق الحمص او الحلبة حتى نحصل على عجينة نديروها على الوجه و العنق و نخليوها من 30 الى 45 دقيقة ثم تغسل
                    تستعمل الوصفة من 3 الى 4 مرات في الاسبوع و بعد شهر كتبان النتيجة و كذلك كترطب الوجه بعد مرة او جوج من الاستعمال
                    في حالة استعمال الحلبة في الوصفة باش تزول الرائحة ديالها تماما من الوجه منين نغسلوه نديرو ليه الماء ديال الخس (نحكو الخس في الحكاكة الرقيقة و ناخدو الماء ديالو)

                    تعليق


                    • #11
                      (كتبتها الأخت المشتلقة إلي القردوس في لملحق 3)
                      السلام عليكم ورحمة الله وبركاته
                      فقرة الجمال لهذا اليوم من عند السيدة ربيعة من القصر الكبير (مختصة في التجميل و التخسيس)
                      زيوت قبل الاستحمام
                      [overline]* زيت اللوز[/overline]
                      يدهن الجسم كامل بزيت اللوز و نخليوه مدة 20 دقيقة ثم يغسل
                      يمكن نديروها داخل الحمام و نصف قنينة صغيرة ديال الزيت كافية لكامل الجسم
                      فائدة زيت اللوز انها تمنع من ترهل البشرة و كتشدها بصورة رائعة
                      [overline]*زيت الذرة[/overline]
                      يدهن الجسم كامل بزيت الذرة و نخليوه كذلك مدة 20 دقيقة ثم يغسل عادي
                      فائدة زيت الذرة انها ترطب الجسم بشكل رائع
                      *كيفية استخراج زيت الذرة فالبيت
                      ناخدو 2 معالق كبار من طحين الذرة الصفراء و نديروهم في قرعة و نغطيوهم بزيت الزيتون و نسدو القرعة و نحركوها مزيان باش تنسجم العناصر ثم نخليوها مدة يومين او 3 ايام و نعاودو نحركوها مزيان ثم نخليوها حتى تتصفى الزيت الفوق و نزولوها و هكذا غدي نحصلو على زيت الذرة
                      بالنسبة لهذه الزيوت كل مرة نديرو نوع قبل الحمام اما زيت اللوز او زيت الذرة

                      مزيل عرق طبيعي
                      المكونات
                      ملعقة صغيرة زيت اكليل الجبل (ازير)
                      ملعقة صغيرة زيت الزعتر
                      ملعقة صغيرة زيت الخزامى (او زيت النعناع)
                      2 معالق صغار شمع بلدي محكوك
                      الطريقة
                      ندوبو الشمع على نار مهيلة ثم نضيف الزيوت و نحركو حتى تنسجم العناصر كيولي الخليط خاتر ثم نزولوه من فوق النار و منين يدفى شوية نديروه في علبة و نخليوه حتى يبرد و يجمد ثم نسدو العلبة و نخليوها مدة 3 ايام ثم نستعملوه
                      تدهن اماكن العرق فالصباح و فالليل
                      هذا المزيل طبيعي و له مفعول رائع



                      تعليق


                      • #12
                        (كتبتها الأخت lavie c lavie في الملحق 3)

                        زيت اللوز من عند ربيعة من القصر الكبير
                        حفنة ديال اللوز نطحنوها في الخلاط الكهربائي مع شوية الماء حتى يول معسل نخويوه و ندلكوه بحال العجينة و نزيد عليه شوية الماء ش نصف كاس و نديروه يتسقطر في زيف ديال حياة يكون نقي
                        نفس الطريقة بالنسبة لجنجلان
                        زيت الاعشاب
                        ناخد الاعشاي اللي يغينا مثلا الخزامة او السالمية
                        نفرم الخزامة بحال الربيع نخويوه في ش قرعة معقمة و نزيد عليها زبت البلدية و نغطوه و نحطوه في الشمس مدة اسبوعين في الاخير حتى هو تيتعصر في زيف حياتي
                        السيدة ربيعة تتقول بان الاعشاب الخضرة تكون احسن
                        و اللوز اللي اللي بق لينا من زيت اللوز نخلطوه بواحد البيضة بلدية و نديروه للشعر و الزيت اللي بق لينا في اليدين ندهن به الوجه

                        كريم مرطب ايضا من عند السيدة ربيعة من القصر الكبير

                        3 معالق ك زيت اللوز- 2 معالق ك فازلين- معلقة كبيرة و نصف ديال شمع بلدي العسلي مبشور
                        كنحط المكونات على نار هادئة او حمام مريم و كنحرك حتى تنسجم العناصر
                        مل تنسجم نزولوها من النار ونضيف نصف كاس ديال عصير الخيار
                        من الاحسن نحضروه في اناء فخاري
                        نديروه في حك معقم و نخليوه نهار كامل يرتاح و نديروه وراء الحمام كتقول بانه مرطب ممتاز




                        تعليق


                        • #13
                          (كتبتها الأخت hakima09 في الملحق 3)
                          إزالة الشعر
                          نشدو الشمع البلدي ونحكوه ف الحكاكة وناخدو منو قدر حمصة و نضيفوه للحلاوة
                          قبل ازالة الشعر نرشو الجسم بالتالك
                          ونبداو نزولو الشعر بالحلاوة ضد منابت الشعر ونستعمل ورق خاص بازالة الشعر الى ماكانش متوفر نستعملو طرف ديال الدجينز
                          بعد ازالة الشعر ندهن ب
                          1- صابون زيت الزيتون المبشور + الملح الخشن الي نعمناه شوي يعني دكيناه شوي
                          او
                          2- الفول الاخضر بقشوره نطحنوه حتى يولي كريمة
                          او
                          3-رماد ديال العليق + الخل الابيض الرماد نجمعوه بالخل الابيض حتى يولي كريمة
                          او
                          4- صمغ ديال شجرة العنب يمزج مع زيت الزيتون او اللوز او اي زيت

                          قالت واحد الوصفة لازالة الشعر نهائيا من الذقن ولكن فيه شي مواد يمكن اضرو المهم خديجة شفيق قالت ليها غادي نسولو على هاد المواد من بعد نعاودوها
                          الحلاوة
                          2 كيسان سكر سنيدة + كاس حامض +1/2 كاس ماء الي بغاها عاقدة ولي بغاها جارية ادير كاس ماء و نديرو هاد العناصر على عافية مهيلة
                          قبل مانستعملوها نسخنوها ف بان ماري الى كانت جارية ونهزوها ب دوك العواد العراض بحال ديال لاكلاص ويلى كانت قاسحة ندلكوها بين يدينا و نستعملوها

                          تعليق


                          • #14
                            (كتبتها الأخت hakima09 في الملحق 3)
                            وصفات اليوم من عند السيدة حورية من المحمدية

                            حمام من الاعشاب قبل وضع الوصفتين
                            2 او 3 م ملحة حية مدقوقة شوي - شيح - أوراق البصلة الحمراء - الحلبة
                            نشدو واحد اناء او بانيو الي غادي نغطسو فيه رجلينا ونديرو فيه شي 2 لتر ماء سخون الحرارة الي نقدرو نتحملوها وهدك الاعشاب ونديرو فيه رجلينا واحد نص ساعة حتى يبرد الماء من بعد نشفوهم وندهنو رجلينا باحدى الوصفتين


                            الوصفة الاولى تعالج الكزيما و الحكة بين اصابع الرجلين
                            4 م ك د الحنة - م ك من مسحوق الحلبة - م ص شبة ماعامراش -الماء ديال 3 خزويات محكوكين
                            كنخلطو هاد العناصر وكندهنو به الرجلين و الاصابع و نغلفو رجلينا بشي ميكا تكون مثقوبة ونلبسو تقاشر ديال القطن و نخليوه ليلة كاملة واحد السيدة من فرنسا شكرات بزاف هاد الوصفة
                            الوصفة الثانية تعالج الكزيما و الحكة بين اصابع الرجلين
                            اوراق خيزو الخضراء ( انشفوهم غير ف الظل و ندقوهم ونديروهوم فشي قريعة ملي نحتاجوهم نلقاوهم) -3 م حلبة مسحوق - م حب الرشاد- ماء زهر او ماء ورد
                            تخلط هاد العناصر و ندهنو رجلينا بهاد الخليط ونغلفوا بميكا مثقوبة ومن بعد نلبسو التقاشر ديال القطن

                            تعليق


                            • #15
                              مشكوره حبوبه على الموضوع المميزالله يجعله في ميزان حسانتك










                              عِندمَا تُمسكُ سَيفاً لِتقْتُلني ..

                              إحذرْ أن يَجْرَح يَدُكَ فتُؤلمُنِي ..

                              تعليق

                              يعمل...
                              X