إعـــــــلان

تقليص
لا يوجد إعلان حتى الآن.

هنا أنيقاتى رجعت وجابت معايا وصفات جديدة وكلشى مصور بطبيعة الحال مرحبا بكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هنا أنيقاتى رجعت وجابت معايا وصفات جديدة وكلشى مصور بطبيعة الحال مرحبا بكم

    تثبيت

    *احساس الزهور*

    28/06/2010

    السلام عليكم غالياتى كيفكم لاباس عليكم
    كنتمنى كلكم تكونو بألف ألف ألف خير ياربى
    هانا اليوما كيف ماقالت ليكم جيت وجبت معايا وصفات جديدة وأكيد مجرباها ومصورها كدالك
    وهادشى كلو والله إلى غير على قبلكم نتوما ومحينتاش عزاز عليا وعشمى فيكم متردونى خايبة سولو فيا ولو بكلمة شكراااا راه أنا تاحاجة مجبرانى نوريكم أش تنعمل غير لمحبيتكم الكبيرة فى قلبى وربى شاهد أنا لى تنعرفو هوا لتنخبركم بيه وعن تجربة وربى شاهد عليا
    يالله بارك عليا من الهدرة ههههه رانى فيا الترترة بزاف هههههه
    نبداوووو على بركة الله
    الخلطة الأولى
    من قريتها فى واحد المنتدى ناضت ديركت صلحتها ونضت دوشت الصراحة رووووعة بمعنى الكلمة
    وهاد الخلطة تنعملوها من الأحسن فى الحمام لأن فيها الخرقوم وماتيحيدو غير الحمام وعملتها حتى لوجهى مدة 15 دقيقة وغسلتها وحكيت مزيان والله حتى تتصفى والصراحة رووووعة بجد وجميعنا كنا تنسمعو بوصفات الكركم لهوااا الخرقوم ديالنا أو صابون الكركم لتصفية ودبا هادى وصفة بجد روعة وديال الكركم
    الوصفة تتكون من
    الخرقوم البلدى + الصابون البلدى
    الخرقوم عواد أنا جبتو من عند العطار مطحون يالله نخليكم مع الصور
    هدا الصابون البلدى
    1.jpg
    الخرقوم
    2.jpg
    هنا خويتو فى زلافة مقدار ملعقة
    3.jpg
    وضفت ليه الصابون البلدى
    4.jpg

    5.jpg

    6.jpg

    وهنا مزجت الخليط راه تيدوب هدا الصابون وتمتزج مزيان مع الخرقوم

    7.jpg

    8.jpg

    هنا شفتو كيف متزج مزيان وولا لونو مايل لكرونة
    9.jpg
    هاد الوصفة عملتها نهار الخميس وطلعات فنة الصراحة ونا قررت غادى نداومها
    أما لعملتو هاد الوكاند دبا غادى ندخلو ليكم
    من فضلكم أنيقاتى تحد مايجاوب حتى نكمل من تحميل الصور وجزاكم الله كل خير
    [CENTER]

    [CENTER]

  • #2
    السلام عليكم ورحمة الله وبركاته
    هاد شي عندك باين فيه واش زوين شكرا



    تعليق


    • #3
      جزاك الله كل خير على هاد الوصفة بغيت نعرف الى جات على خاطرك واش هاد الوصفة كتصفي الوجه من كلشي؟

      تعليق


      • #4
        رانى كتبت تاعيت ههههه وفى الأخير تسد لى النتدى ومشا كلشى ههههه
        ماعلينا نعاودو راكم عزاز
        إوااا رانى صلحت البارح هدا ماء الورد بالطريقة لقالت لينا عليها الأخت نوأ فى موضوع (( أجى نقوليكم كيفاش تهليت فى راسى ملى كنت عروووسة ))
        أنا كان بقا لى شوية من الورد خبعتو من درتو فى الخلطة ديال الحناء لدكرتها لينا الغاليه الدكتورة أم رشى
        إوا شديت الورد
        Photos-0112.jpg

        Photos-0113.jpg
        وشعلت للماء حتى وصل درجة الغاليان إوااا وطفيت عليه وضفت لو الورد
        سمحولى راه الصورة مضببة مع البخار ديال الماء
        Photos-0114.jpg

        Photos-0116.jpg
        وهنا فاش صفيتو وعملتو فى قرعة
        بينى وبنكم تكب لى شحال منو هههههه كاع رونت الكوزينة هههه
        Photos-0122.jpg

        Photos-0124.jpg
        كدالك قى ليلة السبت خديت الغاسول خديتو من عند العطار قلت ليه إعطينى ديال الجلد
        إوا خديتو وبيتو فى ماء ورد تال الصباح
        Photos-0117.jpg

        Photos-0118.jpg
        أو ضفت ليه ماء ورد
        Photos-0119.jpg

        Photos-0120.jpg
        تابعونى راه الرد عندو واحد العدد محدد ديال الصور ميمكنش نفوتو داكشى علاش تنبقا نجزأ


        [CENTER]

        [CENTER]

        تعليق


        • #5
          إوااا مع الصباح فاش نضت صبتو رطب وشرب كاع ماء ورد
          خليتو تابغيت ندوش لأننى غادى نستعملو للجلدوخديت مقدار ملعقة منو
          Photos-0160.jpg
          أو زدت عليه واحد الفرماجة
          Photos-0162.jpg

          Photos-0163.jpg
          وهنا خلطت المزيج ديالى
          Photos-0164.jpg
          وعملتو للوجهى متستغربوش والله تاجد وخا خلعنى وجهى بماسك مايل لكحولية ولكن فاش غسلتو رجع وجهى غوز فنيون غير كلا ساعة تنطل عليه ههههه
          ورطب بحال أش أنا هاد الوصفة وكدالك قررت نعملها من الحمام للحمام
          ودبا جا وقت ماسك لدرتو لشعرى
          من فضلكم أنيقاتى توحدة متجاوب تنكمل الله إخليكم باش الموضوع ميتشتت وأنا نوعدكم غادى نجاوب على كملا إستفسارتكم
          راكم غالين عندى
          تابعونى









          [CENTER]

          [CENTER]

          تعليق


          • #6
            إوا لشعرى عملت هاد الماسك مكون من المايونيز ومجموعة من الزيوت
            هدااا ميونيز صنع بيتى أكيد
            Photos-0131.jpg
            والزيوت
            Photos-0125.jpg
            هاد الزيوت مكونين من
            زيت جوز الهند
            Photos-0126.jpg
            زيت أركان
            Photos-0127.jpg
            زيت الخروع
            Photos-0128.jpg
            زيت اللوز
            Photos-0129.jpg
            أو فى الأخير زيت التوم
            Photos-0130.jpg
            هنا خويت مقدار 2 معالق كبار ديال المايونيز
            Photos-0132.jpg
            من بعد ضفت الزيوت بديت بزيت أركان
            Photos-0133.jpg

            Photos-0134.jpg

            Photos-0135.jpg

            Photos-0136.jpg
            تابعونى غادى نكمل ليكم لأن عدد الصور المسموح بيها كمل فى هاد الرد








            [CENTER]

            [CENTER]

            تعليق


            • #7
              بقات زيت التوم
              Photos-0138.jpg
              إوا ها هو من بعد مامزجتهم
              Photos-0139.jpg

              Photos-0140.jpg
              أكيد راه خاصنا نسخنو الزيوت ونخليوهم دافين أنا رانى نسيت وعملت غير فوطة مفورة على شعرى
              وخليتو تقريبا ساعة
              ولكن راه روووعة بجد حسا شعرى رطيطب وخفيف بزاف
              إوا باش نحيد هاد الريحة الخانزة ديال الزيت وزيت التوم للتبقا تتعيف فى الشعر
              ستعملت القرنفل وفيضتو فى الماء
              Photos-0157.jpg

              Photos-0158.jpg
              وضفت ليه الحامض شوبا إفيض معاه غير القشور ديال الحامض ى شاطو لى فى واحد الخلطة ديال الجسم هانى دبا غادى نزلها ليكم
              Photos-0165.jpg
              إوا هاهوا من بعد مافاض
              وستعملتو فى تشلال شعرى من الأفضل تعملو هاد الخلطة فى شى ماعن تخصوصهم غير لهاد التخليطات مع راه تيطلقو وخصوصا بحال لو غليتى فيهم هدا القزبور مع المدة تيطلق
              تابعونى


              [CENTER]

              [CENTER]

              تعليق


              • #8
                دبا الخلطة لدرتها لجسنى كانت قريتها فى إحدى المنتديات وعجباتنى ونا نجربها
                الخلطة دايرة بحلا بغا تشرملى دجاجة لهيا حنا هههههه
                فيها البصلة الحمرأ لجميعنا سمعنا بفوائدها فى تصفية الجلد وإزالة أتار الندوب
                إوا والله تفنة وخا الريحة والدموع ولكن صبرت رانى بغا العسل ههههه
                هادى بصلة حمرأ متوسطة
                Photos-0141.jpg
                هنا نقيتها
                Photos-0142.jpg

                حكيتها فى حكاكة عادى
                Photos-0143.jpg
                أو هاو لحصلت عليه هههه
                Photos-0144.jpg
                ضفت لها معلقة صغيرة من الملح
                Photos-0145.jpg


                Photos-0146.jpg
                من بعد ضفت زيت العود
                معلقة صغيرة
                Photos-0147.jpg
                2 معالق كبار من السميدة أه السميدة متعجبوش رانى عملت بالماسك بحال تقشار لجلدى بقيت تنحك بيه كاملا جلدى
                Photos-0150.jpg
                +عصير نصف حامضة
                Photos-0153.jpg
                هنا هاطت الخليط

                Photos-0155.jpg
                إوا دخلت للدوش حكيت وعملت هاد الماسك لجلدى
                وخليتو مدة وقيلا 15 دقيقة وغسلتو وغسلت المايك لى فوجهى ديال الغاسول والفرماج
                إوا من بعد عملت الماسك ديال الغاسول لجلدى وخليتو المدة لقالت ليكم
                عاد غسلتو وغسلت شعرى بهاد الشمبوان
                من بعد درت الدملور وخليتو واحد شوية عاد شللت شعرى بالماء وعاودت ليه بداك الماء ديال القرنفل
                Photos-0167.jpg
                ولرجلى درت الوصفة ديال أختى نور الهدى درت شوية ديال الماء طايب وعملت فيه مقدار تلاتة ديال المعالق صغار من بيكربونات الصودا وحطيت فيهم رجلى واحد 10 دقايق من بعد حكيتهم

                Photos-0166.jpg
                تابعونى

                [CENTER]

                [CENTER]

                تعليق


                • #9
                  إوا من بعد ماخرجت من الدوش
                  درت الستيك ديال نفيا فن ودبا تأكدت بأنه لامخافة من الستيكات على ود تيسببو سرطان فى حكمة نساء فى قناة أبوضبى نفات ديك الطبيبة لتما هاد القضية وقالت داكشى كلو غلط فى غلط
                  وكريم لوكادنين ب تنديرو للمنطقة الحساسة والله بجد حسيت بتحسن مع العلم أننى غير منتضمة فى إستعمالو وكريم بيبى ست تندهن بيها جلدى تتحمقنى وتتزيل سواد المنطقة الحساسة كدالك
                  Photos-0168.jpg
                  الفازلين دهنت بيها رجلى
                  ةالتانية المسك حطيت منو شوية ورااا أودنى
                  Photos-0170.jpg
                  هدا ماء ورد لصايبت والقطن دهنت بيه وجهى من خرجت
                  Photos-0171.jpg
                  وهدا الكريم ديالى ديال شعرى دهنت بيه شعرى وعملت لو باتشا
                  والتانى حبوب الخميرة الروعة لمهما نوصفها وهادى يالله 3 أيام باش بدتيتها وبشرتى روووووعة وحنيكاتة وكيف عمر وجهى والله تفنة الصراحة
                  وشريت القرعة الصغيرة ب900 ريال
                  والجميع أكيد عارف حبوب الخميرة شحال زوينة للشعر وللوجه وللصحة
                  Photos-0173.jpg

                  Photos-0172.jpg
                  هاد الغاسول باش تنغسل وجهى
                  مع الصباح
                  Photos-0174.jpg
                  إوا الأول كريم لليدين من نفيا فن
                  والتانى لحداه كريم من أوريفلام دهنت بيه وجهى كريم مرطب روووعة
                  وكلوص وخا تيبان حمر تيعطينى لون غوز فنون
                  والأخيرة مسكاراااا من لنكوم واعرة بصراحة ومقاومة للماء هدا لتيعجبنى فيها وخا نتوضا ماتتمشيش
                  Photos-0175.jpg
                  وهدا لعملتو اليوما
                  ياربى إعجبكم يامولانا
                  ولى عجبها تدعيلى ربى إجمعنى مع راجلى فى القريب العاجل يااااارحمان يااااارحيم
                  راه طلعات لى دارنا فى راسى هههههه
                  وأى إستفسار الحبيبات أنا جاهزة
                  [CENTER]

                  [CENTER]

                  تعليق


                  • #10
                    المشاركة الأصلية بواسطة hanayed مشاهدة المشاركة
                    السلام عليكم ورحمة الله وبركاته
                    هاد شي عندك باين فيه واش زوين شكرا
                    شكرااااا لك غاليتى
                    بارك الله فيك
                    ونورتينى
                    [CENTER]

                    [CENTER]

                    تعليق


                    • #11
                      المشاركة الأصلية بواسطة ghiz-asr مشاهدة المشاركة
                      جزاك الله كل خير على هاد الوصفة بغيت نعرف الى جات على خاطرك واش هاد الوصفة كتصفي الوجه من كلشي؟
                      أكيد غاليتى لو داومتى أكيد
                      جميعنا كنا كنسمعو بفوائد الكركم فى التبيض وإزالة الأتار ولكن من بعدها خاصك تغسلى وجهك مزيان مزيان وتحكيه على ود الصفورية
                      [CENTER]

                      [CENTER]

                      تعليق


                      • #12
                        حبيبتي هانا جيت كنشم ريحتك عن بعد هههههه
                        قولي لي ديك الوصفو الاولى واش ما كايبقاش اللون و كيفاش نديرها راني مكلخة فهادشي
                        و الله يجمعك براجلك عاجلا غير اجل






                        تعليق


                        • #13
                          تبارك الله عليك وصفات غزالين
                          sigpic

                          تعليق


                          • #14
                            تبارك الله عليك جمعتي كلشي فموضوع واحد,,بصحتك و الله يجمع الشمل ودعي ليا تا انا يتجمع ليا شمل مع راجلي


                            اللهم اغفر لي ما قــدمت و مـا أخرت و مـا أسررت و مـا أعلنـت و مـاأنت أعلـم به منـي أنت المـقدم و أنت المؤخر لا إله إلا أنت

                            تعليق


                            • #15
                              واو واو واو ويهاد لفنة راكي غادي تحمقيني بهاد لحداكة لي عطاك الله وهادشي ره عندك فن ومافيه شك كلشي مجرب أنا لي جربتها مانهدشي ديلك كاتكون نتيجة واو روعة
                              سيري يا لوللة الله جمعك مع رجلك عاجلا غير اجلا يا رب
                              يارب وبجاه نبي لعدنان شوف من حال هاد لخلقى وسهل ليها قريب ماهو بعيد تمشي عند رجلها وتعيش سعيدة معاه ويغمرها بحنانوا ويكون ليها زوج ولأخ وصديق ,,,,,,, ولكل في لكل يا رب
                              اوى كيف جتك اللولة ديالي في هاد دعيوا لخالصة من لقلب وربي شاهد على مااقول
                              شكرا عزيزتي على لوصفة واكيد غادي نجرب لي عندي مقاديرها ولي معنديش حتى نمشي لمغرب ان شاء الله
                              في أمان الله وحفضيه
                              sigpic

                              تعليق

                              يعمل...
                              X