إعـــــــلان

تقليص
لا يوجد إعلان حتى الآن.

لعلاج البواسير بإذن الله تعالى

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لعلاج البواسير بإذن الله تعالى





    ورحمة الله تعالى وبركاته
    لقيت اليوم واحد السيدة كتشكى من ألم البواسير ، أعزكم الله ، تفكرت نفيدكم بلي فآدوني بيه الناس حتى أنا ... الله يجازيهم بألف خير !!

    حتى أنا دوذوها عليا البواسير ، وردوني حالتي حالة، تجرحوو لي لدرجة أنه فاش مشيت لطبيبة قالتلي ولا بد نفتح لأنه ولات عندي مع يسمى fissure anale ، وهي أكثر من البواسير. ولكن أنا مابغيتش نفتح. هي هاديك بقيت نسول نسول، ونجرب حتى لقيت راحتي فيما يلي :

    أولا كان خصني نعالج المشكل الأساسي وهو الإمساك، وياما درت في القويلبات حاشاكم، ووووو- ... فأول مادرت حيدت الخبز ديال الفورص ووليت ناكل غير خبز الزرع، والأحسن إذا كان بنخالتوو.

    + شرب عصير الليمون الطبيعي وكنطحن معاه شوية ديال الباربا ووريقات ديال الخص ، كنشربو على الصباح

    وليت نفطر الأكترية بالخبز ديال الزرع مع زيت العود والعسل باش مايبقاش المشكل ديال الإمساك

    قبل مع ننعس ، كنشرب معلقة ديال العسل والزيت البلدية

    وبلا ماننساو الماء الماء الماء، ضروري 1.5 لتر ديال ألماء في النهار على الأقل !! وكنشرب كاس ماء دافء على الريق في الصباح !

    إذن هادشي كلو باش يمشي مني الإمساك ، وبلا ماننسى انني كنت بديت المشي بزاف باش نتحرك شوية!!

    أما بالنسبة للعلاج : كنت كناخد واحد الكينا غزالة وهي Daflon ، مابقيتش عاقلة صراحة شحال كنت كناخد في النهار + بومادا Proctolog + البومادا Madecassol ، وهادي رائعة خصوصا مني تيكونو البواسير مجروحين، راهيا لي كتساعد باش اللحم كيتجمع دغيا وماكيبقاش النزيف ديال الدم !

    ومنين كان كيزيروني البواسير وكيشدني الزديح ديالهم مزيان، كنت كناخد 1 ملعقة ديال اتاي حبوب ، وناخد عريشات ديال النعناع ونزيد عليهم 1/2 كاس ديال الماء ونديرهم يغلاو فوق البوطة، وحاشاكم كنجيب طريف ديال التوب نقي وندير فيه شوية ديال النعناع المغلي مع اتاي، ونحطهم على موضع الألم !! عرفتي واحد الراحة كتنزل عليك !!! ومرة مرة كنت كنشد حتى طريفات ديال التلج، ونديرهم في البلاستيك الغذائي ونحطوو في موضع الألم أعزكم الله ، وهذا ماكان !!!

    غير وكان، راه ضروري مانبقاو نردو بالنا اننا نقصو من الماكلة ديال اللحم وخصوصا بالليل + الإكثار من الشلايظ وخصوصا الباربا ولخص + العصير + الماء الماء الماء وشوية ديال المشي ، وهادشي بصفة دائمة، لأنه إذا سهينا غير شوية، كيرجع المشكل، وكنبداو عاوتاني من الصفر.

    أنا صراحة هادشي لي دايرة، الحمد لله كاين نتيجة، ولكن بمجرد ماكنسهى كيرجع المشكل، غير وكان كنطاكيه في البداية ديالو بالإستعمال الفوري ديال البومادا ماديكاسول لي عمرها ماتخطاني + الأكثار من السلطات وعصير الليمون + الماء + شوية ديال المشي

    الله يجيب الشفاء للجميع !!!
    اللهم أنت ربي لا إله الا أنت، عليك توكلت، وأنت رب العرش العظيم، ما شاء الله كان، وما لم يشء لم يكن، ولا حول ولا قوة إلا بالله العلي العظيم، أعلم أن الله على كل شيء قدير، وأنه قد أحاط بكل شيء علما، اللهم إني أعوذ بك من شر نفسي ومن شر كل دابة أنت آخذ بناصيتها، إن ربي على صراط مستقيم

    اللهم أعنا على ذكرك و شكرك و حسن عبادتك

    sigpic

  • #2
    بارك الله افيك اختي واخا انا الحمد لله ما عمري عرفتهم كيدايرين
    شكرا لك حيت كينين لكتيرات كايعانيو من هاد المرض

    تعليق


    • #3
      بارك الله افيك اختي الله يجازيك خير الدارين و اللي دازت على الراس تنفع مشكورة.
      sigpic[SIGPIC][

      تعليق


      • #4
        الله يفتح عليك ابواب الخير او يرزقك مكتمناي انشاء الله.عندي معلومة و هي من عند طبيب ان عصير اليمون ممزيان للبواسير.
        واش اختي البومادا madecassolكتدهني بها خارجيا او في الداخل و الف شكر.
        رمال

        تعليق


        • #5
          الله يفتح عليك ابواب الخير او يرزقك مكتمناي انشاء الله.عندي معلومة و هي من عند طبيب ان عصير اليمون ممزيان للبواسير.
          واش اختي البومادا madecassolكتدهني بها خارجيا او في الداخل و الف شكر.
          رمال

          تعليق


          • #6
            بارك الله فيك

            الله يجعلها فميزان حسناتك


            كريدي البنك شنو غير فحياتك ؟

            تعليق


            • #7
              شكرا اخواتي على الدعاء ولكن بالمثل إن شاء الله !

              أختي سريدينة عندك الصح، الأكل المحمض ماشي مزيان بتاتا للبواسير ، وحتى الحرور حتى هو خايب بزاف ليلهم ! وبالتالي في الفترة لي كنكونوو كنعانيو فيها من آلام البواسير، كيخصنا ماناكلوش الحوامض بزاف، الحار ممنوع، وكذلك التوابل والبهارات كيخصنا ننقصو منهم في الطياب !!

              أما بالنسبة للبومادا ماديكاسول، فلإستعمال ديالها كيكون خارجي وداخلي أيضا، على حسب الجرحة فين كاينة ! والله يجيب الشفاء للجميع ياربي !!!
              اللهم أنت ربي لا إله الا أنت، عليك توكلت، وأنت رب العرش العظيم، ما شاء الله كان، وما لم يشء لم يكن، ولا حول ولا قوة إلا بالله العلي العظيم، أعلم أن الله على كل شيء قدير، وأنه قد أحاط بكل شيء علما، اللهم إني أعوذ بك من شر نفسي ومن شر كل دابة أنت آخذ بناصيتها، إن ربي على صراط مستقيم

              اللهم أعنا على ذكرك و شكرك و حسن عبادتك

              sigpic

              تعليق


              • #8
                chokran akhti

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X