إعـــــــلان

تقليص
لا يوجد إعلان حتى الآن.

كريم التنعيم والتبييض من صنعي خطوة خطوة وبالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كريم التنعيم والتبييض من صنعي خطوة خطوة وبالصور

    السلام عليكم ورحمة الله

    كريم لتنعيم البشرة والتبييض من صنع ايدك

    المواد المستعملة كلها طبيعية ومتواجدة في كل بيت

    وطريقة التحضير ساهلة ماهلة...

    هاذ الكريم صالح لجميع انواع البشرة حتى الحساسة منها.. لان انا بشرتي حساسة ووافقني مزيان.



    المواد المستعملة:


    نص حامضة معصورة

    2 معالق صغار ماء الورد

    ملعقة عسل حر واذا غير متوفر نستعملو محلول سكري*.. غاذي نشرح ليكم كيفاش تصايبوه في آخر الموضوع.

    1 ملعقة مايزينا



    طريقة التحضير:


    راه الصور موجودة اسفل ولكن غادي نشرح ليكم اولا

    والصور غادي تساعدكم باش تفهمو كثر

    اولا نشعلو عافية خفيفة ونحطو عليها كسرونة

    نحطو ملعقة العسل وماء الورد ونحركهم بالمهل حتى يتطلق العسل..

    نضيف عصير نص حامضة ونزول الكسرونة من على العافية ونضيف مايزينا

    ردو البال مزيان فهاذ المرحلة.

    نخلط مايزينا مع المقادير حتى تحل وماتبقى حتى كورة

    ونرجعها ثاني لفوق العافية الخفيفة بزاف ونبدا نحرك بملعقة حتى نحس ان الكريم بدا يثقال

    ردو بالكم راه الكريم خصو يبقى جاري شوية مشي

    يتجمع يولي قاصح... منين نهزو بالعاشق يطيح شوية شوية مشي مايطيحش بالمرة يعني قاصح.

    نوجد قرعة صغيرة ديال شي كريم قديم نغسلها مزيان

    ونعقمها بالماء الطايب ونمسحها بفوطة نقية وندير فيها الكريم ديالي.







    انا صايبت واحد بالعسل جا لونه قهوي والثاني بالمحلول السكري لونه ابيض



    طريقة الاستعمال:

    ناخذ مقدار ونديرو على وجهي وبما انه كريم غادي

    تشربو البشرة ولكن منين غادي ينشف مزيان غادي تحسي بيه مجبد ليك الوجه وبدا يتقشر

    المهم يبقى على الاقل ثلث ساعة على وجهك

    ممكن تغسليه بالماء الدافي او ممكن تضيفي طبقة ثانية خفيفة وتبداي تقشري وجهك بحركات دائرية
    فحال الكوماج.

    وديما نغسل بالماء دافي منين نسالي وندوز شي

    قطن ديال ماء الورد باش المسام يتقفلو

    نستعملو مرة في النهار فيها الكفاية.

    وحاجة مهمة للحصول على نتائج مرضية سواء مع هاذ الكريم او غيره... وهي المواظبة والمداومة

    يعني مشي نديرو مرة ونقول مادار لي والو.. ندوام عليه على الاقل ثلاث اسابيع

    وماتنساوش راه انواع البشرة مختلفة.. فحتى الا ماكانت حتى شي نتيجة فالكريم مواد طبيعية وماغادي يضرك بحتى شي حاجة ان شاء الله

    كيفية الحفظ:

    لما القرعة اللي درت فيها الكريم تبرد نحطها في الثلاجة ونجبدها عند كل استعمال.

    هاذ الكريم صالح ليومين او ثلاثة على الاكثر

    لان فيه الحامض وضروري نصايب كل ثلاث ايام كريم جديد..



    ** المحلول السكري: ناخذ 2 معالق كبار ماء و2 سنيدة ونديرهم فوق العافية حتى نحس بان الماء

    نقص وصار ثقيل... محتاجين ملعقة كبيرة ديال المحلول من اجل الكريم .

    كنتمنى نكون فدتكم بهاذ الكريم وانا ماحطيتو هنا حتى جربتو في راسي لمدة اسبوعين وشفت نتيجة مرضية

    شي دعيوة زوينة منكم تكفيني

    السلام وعليكم

  • #2
    وصفة زوينة و ساهلة
    الله يسهل عليك ما صعاب و الله يبيض وجهك دنيا و اخرة
    و شكرا لك على المجهوووود


    اللهم ارحم و اغفر لاختي البثول و اسكنها فسيح جناتك
    واغفر لجميع موتى المسلمين

    تعليق


    • #3

      تعليق


      • #4

        تعليق


        • #5
          ellah yr7am walidik

          تعليق


          • #6
            chokran okhti 3la lmajhoud walakin ana sma3t bli lhamad machi zin dirih f wajhak



            [/IMG]






            تعليق


            • #7
              مشكورة اختي على الوصفة
              sigpic

              تعليق


              • #8
                الله يبيض وجهك دنيا و اخرة

                تعليق


                • #9
                  الله يعطيك كل متمنيتي وييسر لك امورك اللهم مين



                  تعليق


                  • #10
                    اللهم آمين الله يفتح على الجميع

                    شكرا على التواجد الكريم

                    وكنتمنى اللي جربت ترد علينا الخبار

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X