إعـــــــلان

تقليص
لا يوجد إعلان حتى الآن.

كنز الذهب و اللي غلا من الذهب لوجهكم وبشرتكم عن زبدة الشيا (منقول)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كنز الذهب و اللي غلا من الذهب لوجهكم وبشرتكم عن زبدة الشيا (منقول)

    احببت اخواتي ان انقل اليكم هدا الموضوع لانه مهم جدا جدا جدا باش تستافد منه كل بنات حواء
    لانه بجد موضوع قيم الى ابعد الحدود
    وهو لاخت جزاها الله الف خير لم تشا ان تبخل به على اخواتها ليستفدن منه كما استفادت هي منه
    تقول الاخت

    أما الذهب اللي جبتولكم واللي فنظري أغلى من الذهب وصفة أقل مايقال في حقها أنها ذات فوائذ عظمى لنا نحن بنات حواء .وأحببت من كل قلبي أن أمدها لكن بكل رحابة قلب وسرور .
    هذه الوصفة أساس مقوماتها زبدة الشيا beurre de Karité,butter shea إوى كتبتها بجميع المفردات الأجنبية حتى لا يقع إلتباس عليكن في معرفتها .هذه الزبدة هي كنز للمرأة وتحتوي على جميع العناصر المفيذة للبشرة الجسم والوجه لا يعادلها في قمتها وجودتها وفائدتها وفعاليتها أي منتج أو كريم مصنع من أشهر المركات أعيدها وأقولها إذا توفرت لكن إرموا جميع الكريمات مهما غلا ثمنها وإسمها.
    غادي تقولوا في خاطركم راني غير نخربق ،والله والو راهم الأجانب من عرفوا فائدتها وفعاليتها ضايفينها لجميع منتاجات الخاصة بالبشرة ولكن بنسب جد قليلة .وهذا أللي خلاهم محتكرينها والقلة منا اللي كيعرف أهميتها للمرأة وهذا راجع لجهلنا بها وقلة توفرها خاما في بلادنا.
    زبدة الشيا لقبت بذهب المرأة الإفريقية ومكذبوش من عطاوها هذ اللقب.
    المهم باش ما نكترش أعليكم غادي رتب موضوعي عبر مراحل لكي تكون الإستفادة تامة وعامة بإذن الله.
    وقبل ما نعطيكم الوصفة خاصكم أحبباتي أتعالجوا وتصلحوا أمور أجسادكم من الداخل .هذا أعلاش سبقت موضوع منفصل باش تكون عندنا شوية أنتاع الوعي في الوصل لنتيجة المرجوة والحسنة.ومن أجل هذا جبتلكم وصفة إلا تبعتوها بإذن الله راه ماغاديش تبقاوا تعرفوا الأمراض وغادي ترميوا هادوك الأونتي بيوتيك اللي هالكنا وجميع الأدوية .هذ الوصفة ساهلة ماهلة وهي:
    عسل الدغموس مع البروبوليس أي العكبر أنجع وأفيد دواء نافع للصحة بيه تخلصي من جميع الأشياء الضارة بالصحة ،وهو في حد ذاته صيدلية كاملة وتيقنوا ماكانش أحسن من اللي تمدونا الطبيعة . وهذ الوصفة راها مفيدة ليكم ولوليداتكم وللجميع الأهل وتيقنوا وليداتكم أعمر ما تقيسهم لا الكحة ولا البرد ولا لحلاقم تأكدوا تماما .



    هذا هو عسل الدغموس مخلوط بالبروبوليس صيدلية كاملة لصحة أجسادنا

    هنا حليتوا باش تشوفوه مزيان .والمقدار تأخدي ملعقة صغيرة إما تكليها غير هاكك على الريق وتجلسي ساعة قبل ما تفطري،
    أو تخلطيها مع كأس ماء وتشربيه ونفس الشئ تجلسي ساعة عاد تفطري.
    ونصحكم بلي خص ما يخطكمش من الدار وهذي نصيحة لوجه الله.

    ثاني نصيحة أنو مرة مرة نشربوا الحلبة على الريق راها رائعة للجسم تصفيه وتعافيه وطريقتها أنظن معروفة لكل أخت تاخذي شوية حلبة منقية وديريها فالماء ليلة كامة وتشربي الماء فقط .
    كما خصنا مرة مرة نشربو ماء النافع أو حبة حلاوة كيهديوا ويريحو الأعصاب .
    أما الكبسول الرائع اللي جبتولكم واللي مفيذ للمرأة بزاف وبزاف وبزاف هو كبسولات زيت زهرة الربيع onagre راه أشحال ما تحدث أعليه راه ما غاديش نوفيه حقو ،فعلى سبيل المثال راه مفيذ جدا لتنظيم الدورة وأيضا كيعالج الهبة والإختلال الهرموني بعد إنقطاع الدورة والأهم كيعطي للبشرة الحيوية والنشاط والتجدد ومحارب للتجاعيد ويعمل على شد البشرة و إلا أنتما خديتوها غادي تصغاروا[IMG]http://www.****************/vb/images/smilies/icon28.gif[/IMG] وكينصحوا الأطباء أننا ناخذوا ثلاث كبسولات في النهار .هذا أعلاش أطرقت ليه لأني عارف مشكل كل وحدة مع الدورة ومشاكل الهرمونات راه مفيذ جدا جدا جدا




    هذ النصائح اللي قلتهالكم راها مفيدة بزاف وباش تكون النتائج مزيانة بزاف لا داخليا ولا خارجيا.لأن داخل أجسادنا كينعاكس بكل وضوح على بشرة وجهنا وجسمنا . فلهذا كان خاصني نقلكم هذ النصائح الثمينة لنصل لهذفنا .
    ننتقل للمرحلة الثانية بمشيئة الله وهي تنظيف بشرة الوجه ، وأهنا كل وحدة والطريقة اللي كتتبعها .بالنسبة إللي كنستعمل صابونة البروبوليس وكنت نزلتها بوصفة الزيت اللي شاركت بيه .
    وبعدها نرش إما ماء ورد أو الزهر عامل فيه زعفران الحر.

    ثم بعدها كناخذ الحلبة اللي وضعنها ليلة أو لمدة ليليتين في ماء الزهر أنا شخصيا نأخذ ملعقتين صغار في ماء الزهر ،ثم نطحنا بعد ذلك مع ماء الزهر ونعملها ماسك للوجه ونخليها حتى تنشف ونزولها بحركات خفيفة دائرية ونغسلها بماء بارد. هذي أحبباتي يمكن تستعملوها يوميا نتيجتها رائعة لبشرة الوجه.

    خلصنا المراحل الأولى اللي تعتبر ضرورية لكل واحدة منا .
    ندخل الأن في الأهم تحضير الكريم الغالي والأغلى من الذهب.مكونات هي :
    زبدة الشيا،beurre de Karité, butter shea
    هذ الزبدة خاصها تكون خام ضروري جدا جدا جدا وكنلح واصر على هاذ النقطة ، وراني عارفة صعوبة الحصول عليها لكن حاولوا وحالوا وحالوا حتى تلقاوها ماخصكمش تخلاو عليها فحياتكم أبدا لأنها منافعها للبشرة عامة لا تعد ولا تحصى ، يمكنلكم أخواتتي تستغناو على واقي الشمس وتستعمليها لبشرة وجهك غير بحدها رها أحسن واق للشمس الذي لا يضاهيه أي واق أخر مهما غلا ثمن. بالإضافة إلى ذلك تعطي ليونة وصفاء ومحاربة للتجاعيد بالمرة . أي بشرة خلية من أي شائبة مع زبدة الشيا .
    وهذي صورتها ولاحظوا مزيان كيف عاملة.



    وكملاحظة للجميع الأخوات اللي بغات تكتفي غير بيها بوحدها دون خلط زيوت معها ، راه جد كافية لتحقيق جميع النتائج الممتازة للبشرة سواء الوجه أو الجسم.
    يعني بوحدها تعطي الحماية وتعطي الليونة وتعطي الصفاء وتعطي الرطوبة وتحارب جميع التجاعيد والشوائب اللي تلحق بالبشرة.
    لكن بالنسبة لي أنا شخصيا كنضيف ليها بعض الزيوت وكل وحدة وحريتها فهذ الزيوت ومقدرتها اللي كان متوفر ليك ضفيه ليها حتى زيت الزيتون بحدو راه كاف .
    المهم كنا توقفنا في زبدة الشيا الخام وراني وضعت صور لها ،واللي بغيت أنشير لها أنه يمكن كما سبقت الإشارة لذلك الإكتفاء بها لوحدها كتعطي نتائج مبهرة للبشرة غير متوقعة المهم هو كما نقوا دائما وأبدا أننا مخصهاش تخطنا بصفة يومية.
    الأن نمشي للزيوت اللي كنضيفها ، وهنا كل وحدة وحريتها ومقدورها وإستطاعتها راه كيف ماقلت غير بحدها كافية .
    الزيت الأول هو زيت الزيتون ونظن كلشي كيتوفر أعليه:

    زيت روز ميسكي:
    زيت بذور العنب:


    زيت اللوز الحلو:

    كبسولات زيت البوراش:

    كبسولات زيت فيتامين E:



    زيــــــــــــــــــت الهندية
    وهورائع جدا جدا جدا لشباب البشرة وجمالها وشدها


    وهذ الزيوت أخوتي الكريمات ماشي مجبرة تقيدي بها يمكن تستغناي عليهم أو تكتفي غير بالبعض ، أو

    تزيدي إلا كان فمقدورك وعندك زيوت أخرى ، أنا مرات كنضيف زيت مكديميا وزيت المر يعني حسب الرغبة.

    هذ الزيوت غادي تاخدي المقدار المناسب وتضيفيها لزيدة الشيا وتخلطي مزيان حتى تحصلي على كريم متجانس كما في الصورة.


    وهانتي حصلتي على أغلى وأغنى كريم في العالم لا يضاهيه أي كرم ولو كان مركة عالمية.


    وهذ الكريم أستعمليه لوجهك وكل جسمك بشكل يومي وكنأكد على يومي .الطريقة اللي كتسبق وضع الكريم للوجه راني طرقت ليها بحيت بعد ما نضفو وجهنا ومزيان نوضعه بكل بساطة.

    غير وهذ الملاحظة جد مهمة بالنسبة للوجه إلا كنا وضعين فيه الزيوت ما نخرجوش به للشمس بحيث بعض الزيوت ما كتقبلش الشمس.

    أما إلا بغينا نستعملوه كواق شمسي حيث زبدة الشيا راها أحسن واق للشمس كنكتفيو غير بها خام أو نضفوليها زيت بذور العنب فقط لا غير لأن هذ الزيت حتى هو واق للشمس .



    وها أنتما مبرعين مع رساتكم أولا غادي تحصلوا على كريم لا يضاهيه أي كريم مهما إرتفع ثمنه وإنشهر إسمه، كريم كنصح كل أخت مغربية توفر أعليه في البيت بحيث يصبح من الضروريات التي لا يمكن الإستغناء عليها .ثم هذ الكريم كيغنيها على العدد الهائل من الكريمات التي تشتريها بأثمنة جد مرتفعة ومتحققش تلك النتائج المرجوة وبالتالي فكريم زبدة الشيا راح يوفر لك الجهد والمال والوقت عوامل ثلاثة كترهق كل أخت والله يكون فالعون ماشي كل وحدة قادرة باش تشري وتنوع فالشريان.

    انتهى الموضوع واي سؤال انا واجدة

  • #2
    سمحولي خرجو التصاور كبار وما عرفتش نصغرهم
    لهدا ارجو من المشرفات ان يقمن بتصغير الصور لانها مهمة جدا في الموضوع

    تعليق


    • #3
      جزاك الله الف خير على الموضوع الرائع مند شهور و انا اسمع عن منافع الشيا لانني اعاني من الخطوط الحمراء على مستوى الارداف.
      والمشكل الوحيد الدي اجده هو (مكان اقتناء زبدة الشيا وكم هم ثمنها) ارجو منك اختي الكريمة الرد على الاسئلة





      تعليق


      • #4
        بارك الله فيكي أختي..حتى انا سمعت بزاف على زبدة الشيا وبغيت نستعملها ولقيتها عند العطار العصري..هداك اللي كيكون عنده محل تداوي بالطيب البديل...بالنسبة للأخت omo tassmin تفتش على هاد النوع ديال العشابة وتجربها عندهم

        تعليق


        • #5
          شكرا اختي قمر مغربي بالحق تخافي تكون مشي خام تكون مزورة و ماتجيبش نتيجة





          تعليق


          • #6
            بارك الله فيك


            قال تعالى : ** مَن يَعْمَلْ سُوء اً يُجْزَ بِهِ ** النساء123

            تعليق


            • #7

              Beurre de Karité [cattier] poids - 100g
              7E

              تعليق


              • #8
                واش ا ختي بروبوليس هو الشهدة ديال العسل

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X