la cire ديال الدار مضمونة و على حسابي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • la cire ديال الدار مضمونة و على حسابي

    السلام عليكم ورحمة الله وبركاته
    مرجبا اخواتي الانيقات انا ليوم جايبة ليكم طريقة مضمونة لصناعة الحلاوة بالمنزل(واللغة العربية دابا تدعي علياهههه) انا كنت كنستعما فييت و madonةالمشكل دغيا تينوض ليا الشعر و الحلاوة مكتصدقش ليا حتى اخديت المقادير من واحد البنت الله اجازيها بيخير المقادير هي:
    (نفس الكاس ديال العبار) 3كيسان سنيدة
    نصف كاس عصير الحامض
    نصف كاس ماء
    كنحطو السنيدة في كاسرونة ونحطوها على عافية مهيلة حتى تبدى التدوب عادنزيدو الماء و عصير الحامض و نحركو و مرة مرة نبقاو نحركو حتى يبدى اللون اوللى اشهب يعنيdoree foncée chwia في هده الاتناء كناخدو طاوة و كندهنوها بزيت وخا غير اللي شاطت من القلي و نخويو عليها الحلاوة وغيرتبرد(ماشي بزاف)ناخدو شي طاسة كتسد وندهنوها حتى هي و ناخدو شوية الحلاوة ونبقاو نخدموها بيدينا نجبدو فيها مزيان ويلا قاصحة بزاف رطبيها بشوييييييييييية الماء تى تبدا تلصق في الصبعانو لونها كيكون اصفر فاتح مايل للابيض و حطيها في الطاسة و هكا حتى تكملي كلشي و هكا تقدري تحتافظي بيها شهور و ميوقع ليها والو
    انا مللي تبغي تستعمليها كتاخدي شوية وتخدميها حتى ترطاب وديريها للبلاصة الليبغيتي حطي عليها شي توب مبغيتيهش ولا الوراق ديالها راه مغالينش ب30درهم البكية و تقدر تديك حتلال6اشهر هادي ايلا ديما كديريها و ضغطي عليها و جريها عكس اتجاة الشعر و دوزي عليها حامضة باش تاخر نمو الشعر خليها شوية و غسلي ودهني ديك البلاصة ب كريم ولا حليب اماالوجه بعد الحلاوة احسن حاجة هي biafineحيت كتمنع ظهور الحبوب و التهيج و اي سؤال انا حاضرة و سمحو ليا طولت عليكم بزااااااااافف و ليلتكم مبروكة و الى الملتقى





  • #2
    شكرا الحبيبة الله يعطيك الصحة انا غادة نجربها حيت فهمت الطريقة ولكن واش نحتافضو بيها فالتلاجة ولا غير البلاكار
    []






    تعليق


    • #3
      شكلرا اختي وفا القلوب عللى الرد و مرورك الطيب و الحلاوة تقدي تحتافظي بيها غير في البلاكار ماشي التلاجة و مغادي يوقع ليها والو و اي سؤال اخر انا في الخدمةو ادعي معايا اختي ا طلق سراحي و جميع بنات المسلمين




      تعليق


      • #4
        مشكوورة اختي على هاد الوصفة لانني محتاجة فيها بزاف
        كانعملها غير بالحمض والسكر ولكن ماين كانحطها على البرلاصة اللي بغيت ماكاتصدقشي وماكتحيد وووواااااااااااااالو
        sigpic

        تعليق


        • #5
          شكرا لك اختي الكريمة على الوصفة نتمنى تصدق.
          اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
          اللهم احفظ زوجي وأبنائي من كل شر وأقر عيني بهم آمين.




          تعليق


          • #6
            شنو هوا biafin؟؟؟ ولكن رح ملي كطيب ديريها في ميكا ماشي لاطا باش تبقا و احسن تحطيها فالثلاجة من البلاكار لا يتجمعو عليها الحشرات انا كنديرها في الثلاجة كتبقا عندي شحااااااااااااااااااااال حتى نعاود نستعملها

            تعليق


            • #7
              merciiiiiiii a5hti

              تعليق


              • #8
                السلام عليكم ورحمة الله وبركاته
                شكرا الحبيبة والله يلا يالله كنت باغا نطلب من أنيقات المنتدى يعطيوني الطريقة ديالها حنت عمرني مجربتها ساعة لقيتك الحبيبة حاطاها لهلا يخطيك الزين
                إنشاء الله غادا نجربها
                قولي لي واش كتحيد الشعر من المرة الأولى ولا نعاودها زوج مرات ؟
                على الوجه أنا عندي الشعر كثير بزاف وغليظ هداك شي علاش
                ربي يسر لي أمري وفيض رزقي وأفرج همي وأذهب حزني وغمي وبارك لي في دنياي وآخرتي وارزقني خير الدنيا والآخرة يا حي يا قيوم

                تعليق


                • #9
                  سمحولييا من ايمتا مطليت بالنسبة لبيافين راها pommadeديال الطياب ديال الدراري صغار راها مصايبا من الكبد ديال الحوت تتنع وتتمنع التهيج وفي نفس الوقت تتبيض اما ايلا بغيتو بحال الرجيلات ولا الايدين مللي ديري الحلاوة دوزي واحد نصف حامضة للبلاصة اللي درتي ليها الحلاوة وخلي ها شوية غسلي عاد حطي بيافين الحامض مع المدة تينقص الشعر تيرقاق وكيبقي مدة طويلة متينوضش
                  اما بالنسبة للوجة انا اختي كنت كندير الحلاوة ولكن اياك ديري الحامض لخقاش تيحرق ديري غير بيافين راما مفيدة و دابا مللي نقصللي الشعر وليت كندير غير واحد الساشي راه سميتو oxy كين وردي وابيض راه بحال بحال هو decollorant كيخللي وحهك صاااااافي والزغب ودعيه وسمحو ليا بزااااااااف تعطلت عليكم نتمنى شرحي اكون مفهوم واي سؤال انا حاضرة




                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X