إعـــــــلان

تقليص
لا يوجد إعلان حتى الآن.

تجديد الشعر+ترطيب+تطويل+تقوية+شامبوا بيتي+زيوت كلشي ب 10دراهم بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجديد الشعر+ترطيب+تطويل+تقوية+شامبوا بيتي+زيوت كلشي ب 10دراهم بالصور

    السلام عليك اخواتي اليوم قلت ندير ليكم ملف كامل خاص بالشعر او كلشي مجرب بطبع او من مطبخي استغليت عدم تواجد مولى داري فهاد اليلة هههههه او جيت نعمم الفائد بعد هادشي متقوليش ليا شعري خايب مستحيييييييل غتشوفي شعر رائع او غزال يالله تبعوني
    اولا نبداو بتجديد الشعر ماسك لشعر يجدد الشعر او يقويه او يطولوااااا او يحارب القشرة تيخليه غزال هو عشبة هي عشبة الصبار لي تتستغلها شركات كبيرة فحالFOREVER او تتنتج بيها منتجات الشعر او البشرة او التجاعيد او تجديد خلايا البشرة شنوا بان ليكم زعمة حنا ماعرفينش الصبار لي نتسناو نشريه بالغلى المهم غتجيبي الصبار انا تنقطعوا من الجردة عندي زرعينوا مخصوص على قبل التجميل ها الشكل متاعوا


    كنقطع القياس لي بغيت فحال هاكا


    كنجيبوا او نقطعوا او نطحنوا فالمولينيكس مع شوية دالماء او الزيت العود




    تنحطوا فالثلاجة لحين نبغيه تناخد القياس لي يقدني لشعري او نزيد معاه شوية تزعتر مطحون او الزبدة الرومية او ندير بيه ماسك لشعر كامل هاد الماسك يستعمل مرة فالاسبوع فقط لكن منقولكمش كيف كيولي الشعر تحسوا بيه شعر جارتك ماشي شعرك ههههههه بقاو معايا
    يتبع
    sigpicاللهم اغفر لامي وابي ورحمهما كما ربياني صغيرا
    اللهم فرج همي وهم المسلمين ويسر امري وامر المسلمين

  • #2
    الزيوت

    رجعت اخواتي باش نكمل ليكم الان مع الزيوت غنقادوا الزيوت فالبيت او نتيجتها رائعة لشعر كدالك ترطيب او تقوية او تطويل خليكم معايا
    زيت الخزامة

    درهم تلخزامة كافي غنجيبوها نقيوها او نطحنوها او نوضعوها فشي طنجرة صغيرة مع كاس ماء او كاس زيت نخليوها حتى تغلي او نقصوا عليها العافية تبقى تغلي حتى تبقى لينا غير الزيت متاعنا لي غيولي لونها اخضر او غنصفيوها او نحتفضو بيها فشي بو فحال لي تنستعمل انا راه كيتباعوا معقمين او لا قريعات تيتباعوا فالصيدلية كدالك

    زيت الزنجلان
    درهم كدالك كافي نقيوه او نطحنوه او نفس الطريقة لي عملنا مع الخزامة كاس زيت او كاس ماء او نخليوه ايطيب حتى تطلعوا الرغوة

    ديك الساع نعرفوه راه قرب ايوجد منين يصبح اللون متاعوا فحال هاكا


    صافي نطفيو عليه خليوه حتى يبرد او صفيوه او ها الزيت الزنجلان واجدة


    زيت زريعة الكتان
    درهم كدالك زريعة الكتان نقيوها او نحمروها او نطحنوها او ندير معاها كاس زيت او نخليوها حتى تسخن عاد نزيد معاها كاس ماء او تبقى تطيب او حتى مستمرين فتحريك ساعة ساعة لانها تتشد الماء


    المهم تبقى تطيب حتى تنشف من الماء او نصفيوها او ها الزيت زريعة الكتان واجدة



    ملحوظةْْ هاد الزيوت هدفهم هو ترطييييييب او تطويل او التقوية غنستعملوهم من وراء غسل الشعر شوية من كل وحدة او ندهنوا شعرنا او نديروا باتشا او سيشوار او لي بغينا او غتشوفا النتيجة مع الاستعمال كيف غتكون رائعة
    يتبع

    sigpicاللهم اغفر لامي وابي ورحمهما كما ربياني صغيرا
    اللهم فرج همي وهم المسلمين ويسر امري وامر المسلمين

    تعليق


    • #3
      شامبوا

      انا نكمل ليكم حبيباتي الان مع الشامبو
      ملحوظة الشامبوا من اختراعي او نتائجوا رائعة حتى فتبيض انا تنغسل بيه بيديا تيخليهم غزالين او نقيقين او رطيييييبين يعني حقوق الطبع محفوظة لاناقة مغربية ههههههه

      حقيقة هاد الشامبوغير بوحدوا غزال لشعر او تيخليه قوي او تيطولوا المهم تيخليه رائع واخا فيه شوية تلخدمة لكن يستاهل
      اولا تنجيبوا حب الرشاد درهم كدالك تنديروه فالماء او نخليوه يغلي هو تيغلي او تيتنفخ نزيدوا فيه الماء المهم حتى يتنفخ مزيان او يبقى معاه الماء


      ناخدوه نضيفوا عليه او هو تيغلي ازير مطحون درهم كدالك او الزعتر القدر لي بغيتي او شوية تزيت العود نزليه من فوق العافية خليه يبرد او طحنيه فالمولينيكس منين يتطحن صفيه فشي صفاية رقيقة او داكشي لي تصفى منوا غليظ مترميهش انا نقولك من بعد شنوا تعملي بيه المهم خودي داكشي لي صفيتي رقيق او ضيفي ليه رابعة تصابون البلدي ثمنها 30 ريال فقطططط او رديه فوق البوطة عاود


      خليه يتطلق او عاودي دوزيه فالمولينكس بعدها ديريه فقراعي تشامبوا لي ممكن تشريهم من الاماكن لي تيبيعوا الاشياء الطبية


      او لا شي قرعة خوات عندك
      او ها الشمبوا متاعك واجد لكن منقولكش راه غزال او صحي بزاف نساي لي شامبوا لي تيضروا الشعر هادا تيردوا غزال او حاولي تديريه او تخليه واحد الشوية فشعرك عاد غسليه او رغوة منقولكش او ممكن تستعملي ديميلور معاه انا تنغسل بيه او تندير الديميلور فالاخير او تيبقى شعري غزال او تنحس بيه قوي او غزال تبارك الله لي يكون عند كل حبيبة هههه
      الان داكشي لي بقا لينا من تصفية متاع حب الرشاد تناخدوه او تنضيفوا ليه داكشي لي بقا لينا من التصفية متاع الزيوت او تنخلطوهم او نضيفوا ليهم زيت العود او نخليوهم كماسك لشعر غزال حتى هو او مفيد بزاف ممكن تخليوه فشعركم اليوم كامل راه نافع حتى هو بزاف

      ممكن تستعمليه كل مرة قبل متغسلي شعرك
      تنظن اني ساليت او تنتمنى انكم تلقاو شعر رائع مع هاد الوصفات او متقوليش ليا شعري ضعيف او خايب من بعد لاني مغنصدقكش
      في انتظار دعوة فظهر الغيب كيما ولفت منكم ديما لكن هاد المرة لحبيبي بغيت ربي يسر ليه لي فبالوا او يفرحوا ويفرح جميع المسلمين امين
      sigpicاللهم اغفر لامي وابي ورحمهما كما ربياني صغيرا
      اللهم فرج همي وهم المسلمين ويسر امري وامر المسلمين

      تعليق


      • #4
        واش هادشي كاينفع للشعر الجاف حيت انا شعري جاف و جاني هادشي غادي ازيد اينشفو خصوصا الشمبوان ما فيهش الزيوت غادي اينشف ليا شعري كثر من هاكا
        لا الاه الا الله رمضان كريم لكل العضوات

        تعليق


        • #5
          تبارك الله عليك الالا ما عندي ما نقوليك غير الله يعطيك الصحة واش ممكن تعطينا شي وصفات لبنتات الصغارانا بنتي فعمرها 5سنين شعرها ناشف او متيطوالش ليها وشكرا

          تعليق


          • #6
            السلام عليكم ورحمة الله وبركاته
            بارك الله فيك عزيزتي الدكتورة أم رشى .موضوع يستحق التثبيت .وصفات قيمة جعلها الله في ميزان حسناتك

            تعليق


            • #7
              مرسي اخواتي على المرور الطيب
              ملكة جمال المغرب اختي مشفتيش الزيوت راهم خاصين بالترطيب او حتى حاجة من هادشي مغتنشف شعرك كثر بل بالعكس او شامبوا راه مقاد من الصابون البلدي او كيما كتعرفي الصابون البدي مقاد من الزيتون الاسود او عندوا خاصية الترطيب الشعر مرسي على مرورك الطيب واخا نسيتي الدعيوا
              وردة حمراء الله يبارك فيك اختي هاد الوصفات عامين او تبعي لبينيك الزيوت راه يوافقوها بزاف ان شاء الله
              لولو مرسي اختي على مرورك الطيب وتنوير صفحتي
              مسلمة مرسي حبيبتي على دعيوة لي كنت تنتسنى بفارغ الصبر ههههه اختي الديميلور لي تنستعمل كل مرة واش مرة متاع كليس مرة متاع السيف او لا واحد راه رخيص قرعتوا تخونسباغون او هو اخضر راه رخيص تمنوا لكن معقلتش شحال سميتوا s&a لكن هو مزيان لشعر الجاف بدرجة اولى انا شعري دهني تيدموا اكثر لكن تيخليه سهل التسريح او انسيابي مرسي
              sigpicاللهم اغفر لامي وابي ورحمهما كما ربياني صغيرا
              اللهم فرج همي وهم المسلمين ويسر امري وامر المسلمين

              تعليق


              • #8
                أختي شكراً بزاف الله يجازيك بألف خير الله يعطيك مانويتي في خاطرك w يسهل أمرك ويجازيك الفردوس الأعلى ربي يخليك لينا ومايحرمنا منك ومن طلتك العطرة ويجعل وصفاتك المميزة في ميزان حسناتك
                أختي الله يجازيك بالخير واش الزيت المستعمل في الزيوت واش زيت العادية ديال الطياب ياك؟متل زيت عافية وغيرها يعني إلى استعملنا الزيت بلا منزيدو الماء ؟ أو الاتنين معا؟
                الله يخليك بغيت طريقة صنع زيت الحلبة
                ربي يخليك قالتك ليك أمي في الحاجة لعلاج لتجاعيد دمتي بألف خير حبيبتي نورتي المنتدى الله لا يحرمنا منك ديما جايبة لينا الجديد ننتضر المزيد المزيد
                موضوع في قمة الأهمية المرجو الثتبيت




                كن متواضعاً كالمـاء
                ينزل من أعالي السماء فوق السحاب
                ويختبئ في أعماق الأرض

                تعليق


                • #9
                  ايوا سيري الله ينولك لي فيبالك ويصلح امور حبيبك
                  وشكرا على الوصفات انا شعري ناشف شوية يصلح ليه هاد الشي
                  والصابون البلدي ميدير والو لشعر
                  انتظر جوابك مع الشكر
                  fati-basmaسابقا
















                  تعليق


                  • #10
                    ماشاء الله و لا قوة الا بالله
                    سيري الله يفتح عليك ابواب الرزق و يعطيك و للحبيب ديالك ما ناويين و يسهل امورك كلها و يفرحكم دائما ان شاء الله
                    لا بد من تثبيث الوضوع
                    تم التقييم


                    اللهم ارحم و اغفر لاختي البثول و اسكنها فسيح جناتك
                    واغفر لجميع موتى المسلمين

                    تعليق


                    • #11
                      اللهم خد بيده في المدائق اكشف لها وجه الحقائق ووفقها لما تحب و ترضى و اعصمها من الزلل و لا تسلبها ستر احسانك

                      تعليق


                      • #12
                        بارك الله فيك الحبيبة الله ينور طريقك ويسهلك كل امورك ويجازيك الجنة .اختي بالنسبة للصبار وش حتى الصبار نتاع الهندي ينفع ارجو ان تجيبي

                        تعليق


                        • #13
                          شكرا على الوصفات
                          و الله يسر امور لحبيب ديالك ويفتحلو بيبان الخير والرزق ويخليك اجمل النساء فعينيه
                          ياربي امين

                          تعليق


                          • #14
                            السلام عليكم ورحمة الله وبركاته
                            ماشاء الله وتبارك الله عليك الحبيبة
                            والله ينور طريقك
                            ماكتخليتي مانقول
                            موضيعك كلها مميزة وقيمة
                            وتستحق التثبيت والتجربة
                            تبارك الله عليك
                            وفي إنتظاردائما كل جديد منكي
                            وبالله التوفيق

                            تعليق


                            • #15
                              ميرال مرسي اختي على دعوات الزيت المستعمل اي زيت حبيتي الرومية او العود استعملي الماء و الزيت قياس واحد
                              طريقة صنح زيت الحلبة تكون الحلبة مطحونة او استخدمي نفس الطريقة لكن تتخليها متتصفيهاش كيما درنا لهاد الزيوت مدة 15 ليوم عاد تصفيها او تستعمليها بنسبة لتجاعيد الصبار مع زيت اللوز رائع لتجاعيد مرسي لدعيوات مرة اخرى الله يسر ليك حتى انت ويفرحك عن قريب
                              فاتي بسمة الصابون البلدي تيرطب الشعر راه انا تنغسل بيه غير بوحدوا او تيخلي شعري رطب او مطلوق او انا استعملت هاد الوصفات كاملين شخصيا او خرج شعري غزال اقسم بالله محتاجيت لسيشوار خليتوا غير هاكاك رطب كيف الحرير الحمد لله مرسي لمرورك الطيب
                              sigpicاللهم اغفر لامي وابي ورحمهما كما ربياني صغيرا
                              اللهم فرج همي وهم المسلمين ويسر امري وامر المسلمين

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X