إعـــــــلان

تقليص
لا يوجد إعلان حتى الآن.

قصص الولادات لأنيقات المنتدى هنا ..

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #21
    [align=center]
    اخواتي مغربية وأفتخر و سكوبي و رشيدة حمدا لله على سلامتكم
    و سلامة المواليد يتربوا في عزكم ان شاء الله
    باقي تنتسناو الاخوات فاطمة و يارا يحكوا لنا حتى هما على ولادتهم كيف دازت
    واخا انا من تنتفكر الولادة تنتحش من الركابي
    الله يعطينا شي وقفة ساهلة يا رب

    [/align]

    [RIGHT]

    تعليق


    • #22
      المشاركة الأصلية بواسطة أم سندس مشاهدة المشاركة
      هههههههههههههه والله العظيم إلا ضحكتوني بزوج بيكم راه غير ولادة هادي ماشي عملية استئصال المهم يمكن انا تنضحك حينتاش ولادتي الحمد لله دازت ساهلة وخا بكرية المهم أنا نعاود ليكم
      كانو عاطييني موعد الولادة نهار27 /08/2006 المهم لحق الموعد ومازال ما عليا حالة الولادة جاراتي تيقولو لي باقي ليك على الأقل 15 يوم كرشك باقية مهزوزة للفوق وفعلا بقيت كان خاصني نمشي كل يوم إثنين للعند الطبيب ونهار 4 سبتمبر مشيت كيف العادة وهو يقو لي الطبيب هاد الصيمانة صافي غادية تولدي جي نهار الجمعة نشوفوك صافي نهار الجمعة كان عند موعد مع الموثق باش نسنيو الكتبة ديالت الدار وضروري نحضر لأنها في إسمي انا وراجلي بزوج بينا مشيت في الصباح بكري عند الطبيب لقيت الدنيا عامرة بزاف وانا نقول لراجلي يالله نمشيو لعند الموثق عاد نرجع عند الطبيب وهذاك ما كان سنينا خدينا السوارت دياول الدار الجديدة و ماسالينا حتى للوحدة مشينا نيشان عند الطبيب ما دخلنا حتى ل14.30 غير قلباتني الطبيبة وهي تقول لي راه الوالدة عندك مفتوحة ب3,5 سنتيمتر دي هاد الورقة لبلاصة النعاس باش تولدي أنا ما كنت حاسة لا بوجع لاوالو المهم قلت لراجلي يالله نمشيو للدار نجمعها بعد عاد نرجعو هههه مشينا جمعت داك الشي اللي كان مازال ما مقادش و هزيت الصاك ديالي أنا وسندس عاد مشينا دخلوني دارو لي التحاليل وواحد المونيتور ديال الوجع ودقات القلب ديال الجنين وطلعوني للبيت ديالي صافي ما في لا وجع لا والو في الليل عيطت لي ماما من المغرب ساعة ونص وانا مجمعة معاها وما قلت ليها والو قلتها غير لبابا باش ما تخلعش هي في الصباح جات عندي عاود الطبيبة وهي تفول ليهم ديوها باش تدير المونيتور عاودتاني وهو يسولها الممرض على رجليها ولا في السرير ديالها قالت لي تتقدري تمشي قلت ليها آه أنا مزيان وهي تقلبني وهي تقول ليه لا في السرير ديالها راها صافي غادية تولد هههه صافي داوني مع 11:30 لبيت الوجع دارو لي السيروم فيه واحد المحلول ديال الوجع تيديروه لكلشي الوالدات وخا طلع ليا الدم لأن ما كنت باغيا يديرو لي حتى حاجة بغيت نولد طبيعي مية في المية سولوني واش بغيت ندير الإبرة ديال الظهر قلت ليهم لا مع 13:00 طرطقو لي السكية ايوا جا راجلي من الغدا مع ديك 14:30 صافي من تما بدا الوجع ديال بصح تيكولها صافي عاد بصح بدا فيا الوجع راجلي مسكين تيقول لي هاكي إيدي تنقول ليه لا غير خليني ما بغيت والو بغيت غير نولد هههه مع 17:30 صافي داوني للبيت بصح ديال الولدة قي ساع في الصراحة ولدت ما تمحنتش 17:50 كنت ساليت صافي وغير ولدت وهي تبدا سبحان الله تتطيح الشتا على الجهد المهم مشا راجلي مع سندس باش يمسحو ليها ويوزنوها 5 دقايق وجابوها لي حطوها لي على صدري بيدما كملت القابلة من الغرز وانا نقول لباباها هزها حتى انت بقينا تنبكيو بزوج بالفرحة داونا لبيت الملاحظة قالت لي القابلة باغية ترضعيها قلت ليها من طبيعة الحال صافي الدرية غير شدت البزولة ما بقات طلقاتها والحمد لله ما تمحنتش حتى من بعد لا مع الغرز ولا الوجع اللي تيقولو من مورا الولدة الليل كلو وسندس ناعسة واختكم من مورا مامشاو الناس اللي جاو عندنا طحت كاو بالعيا ما عقلت حتى لقيت راجلي ناعس ومنعس سندس فوق صدرو والحمد لله كيفما داز حملها وولادتها ساهلين باقية حتى هي ساهلة ادعيو لي معاها الله يجعلها لي من حفظة القرآن وتكون بنت صالحة إنشاء الله والعقوبة ليكم بولادة تكون بحال ولادتي لأنني استمتعت بيها بزاف

      إيوا هادي هي سندس عند الزيادة


      وهاهي سندس في الصيف الفايت


      [align=right]

      عليها يا العفريتة جالسة تضحكي علينا
      الله يجعل كل ولاداتك ساهلة و يسهل امورك يارب
      و يحفظ لك الامورة لالة سندس
      ايوة ما تغبريش علينا واخا غير طليلة

      هههههههههههههههههههه
      [/align]

      [RIGHT]

      تعليق


      • #23
        هههههه ماريمار كيف ما تكوني حتى أنتي إنشاء الله ياربي يفك وحايلك وجميع المسلمات بدون إستثناء على ألف خير ويفرحك بكتكوتك أما بالنسبة للنت فأنا تقريبا النهار كل عندي مفتوح الإمسن

        تعليق


        • #24
          المشاركة الأصلية بواسطة محبة رسول الله مشاهدة المشاركة
          ماشاء الله عليك اختي رشيدة الحمد لله تفكيتي على خير وصراحة حتى الطبيب كان مزيان معك فين مستشفى ولدتي واش فالدار البيضاء ؟
          اختي ام سندس تبارك الله عليك مزيان دازت ولادتك ساهلة انا راه الولادة الاولى جلس في الوجع 10 ساعات والولادة مدتها ساعة , يعنيانت ربي سهل عليك الله يحفظ لك سندوسة يارب وقريبا ان شاء الله دخلي تعاودي لينا الولادة الثانية كيغادوز ههههههههه
          أختي محبة الله الله يجعل ليكم الولادة مقدار عذابها حسنات إنشاء الله أما بالنسبة باش نعاود نولد فباقي بعيد القضية راه تيقولي لي راجلي خلي هاد الكلام لشي وحدة اللي تعذبت في الولادة تنقول ليه لا راه حينتاش أنا عندي ذكرى رائعة على الولادة خفت نعاود وتصدق صعيبة وما يبقاش عندي الذكرى الحلوة ديالت المرة الأولى يعني باختصار حنا العيالات وحلة جات ساهلة وحلة جات صعيبة وحلة هههه

          تعليق


          • #25
            حبيباتي مغربية و افتخر rachida_33 scooby الحمد الله اعلى اسالمتكوم ومبروك اعليكوم موليدكوم يترباو في عزكوم ان شاء الله والحمد الله الي دازات الامور بخير وعلي خير والحمد الله اعلى نعمة انسيان والله اجعال كولشي من مغفرات اذونوب والله اسماح لينا من حق الوالدين :)
            والعقبال لينا حتى احنية نتفاكو بخير وعلى خير ونشركوكم حتى حنيا قصتنا ان شاء الله دعاواتكوم امعنا اخوتاتي الله اجزيكوم :)

            تعليق


            • #26
              :) اتبارك الله اعليك الحبيبة ام سندس الاهلا اخطيك اصافي والله احفض ليك الغزالة سندس لما اقريت القصة اديال الاخوات ابقيت تنبكي وتفكارت الي داز اعلية في اولدتي اتنية اراني حتى دابة شادني الخلعة :o ولكن مني قريت قصتك ا رجعات كندحك اوى سبحان الله الحبيبة كل واحدة وكفاش كدوز اعليها اوى اختي غير اتواكلي اعلى الله فيك فيك وتهناي اماتخافش الله الي سهالهليك في المرة الاولى ان شاء الله اسهلها الملرة ثانية ;)

              تعليق


              • #27
                أحني محبو رسول الله أنا ولدت في مصحة الرايس بفاس وأشكر كل الأخوات على شعورهم الطيب والله يرزق كل وحدة بمكتمننى والله يسمح لينا من الوالدين وخاصة الأم كتعدب من الأول حتى التالي مسكينة جات باتت معايا ومشات معايا للمصحة وبقات معايا كتقابل الأطفال حتى خرجت من المصحة وجلست معايا في الدار واخا ساكنة معايا حماتي ماما لي كانت مسكينة كتقابلني حتى بريت منحيت سبوع درت بعد 22 يوم من بعد الولادة حتى قدرت نوقف شوية
                إيوا كيجاوكم آدم ودعاء وخا دبا واعلاين كيخليوني بلا نعاس لكن كنموت عليهم
                sigpicاللهم لا تشمت اعدائي بدائي واجعل القرآن العظيم شفائي و دوائي فأنا العليل و أنت المداوي انت ثقتي و رجائي واجعل حسن ظني بك شفائي

                تعليق


                • #28
                  اخواتي الحمد لله على سلامتكم والله احفظ الوليدات وفرحكم بهم والعقوبة الباقي الحوامل










                  اللهم اني استوذعك اولادي وزوجي ووالدي فانت الذي لا تضيع ودائعك فاحفظهم من كل سوء ومن كل شر

                  تعليق


                  • #29

                    أخواتي الحبيبات الحمد لله على سلامتكوم

                    و الله حتى بكيتوني ....المهم كلشي داز و الله يجعل اللي تعذبتوه يكون حسنات إن شاء الله

                    أم سنددس الله يخلي ليك ابنتك ....سعداتك ولادتك دازت ساهلة تبارك الله

                    إيوا ادعي معنا حتى احنا يسهل علينا الله..


                    تعليق


                    • #30
                      المشاركة الأصلية بواسطة asafawalmarwa مشاهدة المشاركة
                      :) اتبارك الله اعليك الحبيبة ام سندس الاهلا اخطيك اصافي والله احفض ليك الغزالة سندس لما اقريت القصة اديال الاخوات ابقيت تنبكي وتفكارت الي داز اعلية في اولدتي اتنية اراني حتى دابة شادني الخلعة :o ولكن مني قريت قصتك ا رجعات كندحك اوى سبحان الله الحبيبة كل واحدة وكفاش كدوز اعليها اوى اختي غير اتواكلي اعلى الله فيك فيك وتهناي اماتخافش الله الي سهالهليك في المرة الاولى ان شاء الله اسهلها الملرة ثانية ;)
                      ربي يخليك الحبيبة إيوا بعد غير منين ضحكتك وفوجت عليك والله يجيب الرزق باش نخاويو سندس إنشاء الله وتكون تاني ساهلة ماهلة

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X