إعـــــــلان

تقليص
لا يوجد إعلان حتى الآن.

قصتي معا الاطباء !!!!!!

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصتي معا الاطباء !!!!!!

    السلام عليكم اخواتاتي

    انا متزوجة من 2008 شهر فبراير، عندي 27 عام؛ مزال ما عندي دراري، و كانحماق عليهم
    الحيض ما ممنضماش ليا و هادش من صغري كاتجيني بزاف؛ ملي تزوجت مشيت لعند الطبيب قالي عندك des ovaires ploykystiqyues و عطاني كلوميدClomid نشربو 6 ايام و نجي عندو ف نهار السابع، مشيت قالي مزال مبانش ليا شي تطور، و هو يعطيني ندير ابرpuregon. ''3 ديال الباكيات '' كل باكية كاتدير 1100 درهم، و راجلي مسكين هو لي تعلم يضرب ليا هاد الابر، مرة فالفخد مرة في الظهر، المهم رجعت عندو قالي هاد الابر ما داروا والو ، و كانصحك ديري اطفال الانابيب ب 6 ديال لمليون، و بقيت كانفكر لقيت ا ن هاد الطبيب دغيا زرب عليا و ققررت مانرجعت عندوا. لكن ملي جاني الحيض جاني الوجع بزاف و الدم كتل كايهبطوا و بقا فيا الوجع يومين و ملي عيطنا للطبيب في التليفون قالنا انا ماشي في الرباط خودي ponstil تهمد عليك الحريق
    انا دابا متبعة معا الدكتورة البروفيسور خبوز كاتكون ف الشيخ زايد غادا معايا دقة دقة، بدات براجلي عطاتو هرمونات لمدة شهرمن بعد قلباتني قاتلي ماعندك والو و دابا طلبات مني ندير الراديو ديال الوالدة، و انا دابا مترددة و خايفة، هادي شهر و نصف باش قالتهالي، لي فيكم دارت هاد الراديو تقوليا باش نطمن، و تقوليا فين دارتو
    و الله يسهل على كلشي و يعطينا باش نفرحوا

  • #2
    لا باس عليك اختى و الله يفرحك غير مشي ديرى راديو ديال الوالدة راه مهم و كبين واش الانابيب مسدودين او لا لا حتي انا ديرتو و ما فيه حتى خطر و الحمد الله كان كل شيء عندى طبيعى

    تعليق


    • #3
      شكرا بزاف علا الرد، واخا قلتي لي عافاك فين درتيه و كيفاش كايعملوه ؟

      تعليق


      • #4
        شوفي اختي ديري الراديو وتوكل على الله

        تعليق


        • #5
          السلام عليكم

          اتمنا لك الشفاء
          قال رسول الله صلى الله عليه وسلم من قال إدا اصبح وإدا امسى
          اللهم انت خلقتني وانت تهديني وانت تطعمني وانت تسقيني وانت تميتني وانت تحييني
          لم يسأل الله شيئا الا واعطاه الله إياه

          تعليق


          • #6
            أختي أنا كنت متبع مع البروفسور خبوز في الشيخ زايد بدون نتيجة لأن اختصاصها هي الثدي و تبعت عند البروفسور صنديد في أكدال و جاب الله الشفاء أنا درت الراديو ديال الوالدة 2 مرات درت في باب الحد راه ضروري باش تعرفي شنو عندك و متخافيش أنا من تازة و متبع عندو دبا رني حاملة و مزال متبع عندو الله يسهل عليك أختي
            []

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            يعمل...
            X